مشكلة مع خطيبتي

[مشكلتي]

السلام عليكم ورحمة الله
اولا شكرا على هاذا القسم القيم وجزاكم الله الف خير
انا في مشكلة متمثلة في اني خاطب بنت ’ انا عندي حساب في الفايس بوك فيه غير اصدقائي و اقاربي الذكور وفقط وخطيبتي المشكلة بدات من مدة قصيرة تلاقيت بالصدفة في الفايس بوك مع وحدة قرات معايا من ايام الثانوية يعني من 10 سنين ماعلاباليش بلا مانفيق لروحي لقيت روحي نقصر ونضحك معاها والله لم اتعدى الحدود ’ خطيبتي فاقت بلي حكيت مع فتاة قبل مانهدرلها صرات مشكلة كبيييرة كفاه تحكي مع طفلة المهم هي درك راهي تطالب بفسخ الخطوبة للعلم مدة الخطوبة عامين و مابقاش بزاف لو لا هاذ المشكلة خطيبتي درك ماتحكي معايا ماخلاتلي اي حاجة نفهمها بيها طلبت منها السماح والو راهي تقول تحبس هنا خير مافهمت والو ....
ارجو مساعدتي وانا مصتعرف بالغلطة تاعي وراني نادم عليها وفي نفس الوقت خطيبتي مانقدرش نسمح فيها ارجوا الافادة وقوليلي واش ندير باه تسامحني وشكرا

[بنت لبحر]

وعليكم السلام

اخي انا نشوف هدي ماشي سبة تفسخ عليها الخطوبة . ابسط حاجة تزعف و متحكيش معاك ايامات و كي ترجع تحكي معاك بسماطة ههههه مي متوصلش تفسخ الخطوبة

بالاك كاش حاجة اخرى بالاك الطفلة حاكمة عليك حوايج كيما هكا يعني موالف دير هكا على بيها حابة تفسخ الخطوبة و تسمح في عشرة عامين

حاول تحكي معاها اتفاهمو و تخرجو على حل

ربي يجيبلك الخير

[رحمة من المولى]

الناس دارو حوايج كبار و سامحوهم بلاك راها تعزز شويا في روحها يعني تتقلش يامات و ممبعد تهدر معاك هذا ايلا مراش باينتلها حاجة اخرى و لقات هذي سبب فقط
ان شاء الله خير متنساش تعرض المنتدى للعرس

[سطايفية بكل فخر]

السلام عليكم
اخي والله ردة فعلها حيرتني وردة فعلك ايضا
كيفاش ياعجابة ياربي هي تسمع بلي عندك طفلة في الفايس تقولك نفسخ خطوبة مقاتلك امحيها مقاتلك متزيدش تحكي معاها مقاتلك حتى سبة غير فسخ الخطوبة؟؟
وانت اخي علاش خبيت عليها مدامك مكش دير في حاجة تقيس بيها خطيبتك؟
اخي نصيحتي ليك حاول ترسللها رسالة تخبرخها فيها بالحقيقة واطلب منها تحكي معاك وتتفاهمو واذا طلب الامر اعطيها فايس بوك صديقتك خليها تحكي معاها باش تطمن
ان شاء الله يكونغيرة بنات وغضب مار ودلع بنوتي
وربي يصلح بيناتكم ان شاء الله

[أم عروة]

السلام عليكم ورحمة الله وبركاته،،
قد يكون ردي مختلف عن الردود السابقة!!
أولا أكيد أخطأت بدردشتك مع هذه البنت، مهما تكن قريبة درست معك,,,جارتك,,,الخ
تبقى أجنبية والرسول صلى الله عليه وسلم قال: " ما خلا رجل بامرأة إلا كان الشيطانُ ثالثَـهما "
يعني مهما كان الكلام بينكما نقي وووو فالشيطان يجري مجرى الدم في العروق، فإياك والوقوع في مصيدته بارك الله فيك،،
ولهذا ينبغي لك حذفها نهائيا وعدم العودة لمثل هذه الأمور، فانظر كيف تمكن الشيطان من الدخول بينك بين خطيبتك؟؟
أما عن ردة فعلها فأظنها تحاول تحذيرك من عدم التساهل في هذه الأمور لأنها لو أخذت الأمر بشكل عادي واستسهلت الأمر فلربما تخشى من أن تعيدها مرة أخرى خاصة بعد الزواج، وتتمادى في ذلك,,,

وضح لها الأمر بشكل جدي ثم اترك لها مجالا لتفكر فيه، وبإذن الله ستعود المياه إلى مجراها عندما تتأكد هي أنك لم تكن تقصد
الفيسبوك وغيره من المواقع الإجتماعية ومواقع الدردشة قد خربوا الكثير من البيوت وهدموا سعادة الآخرين، رغم ما تحويه من بعض الإيجابيات إلا أن سلبياتها أكثر فكم من قصص سمعناها وووو
ولهذا فالأحوط بالمرء الذي لا يأمن على نفسه؛
ومن يأمن على نفسه في زمننا هذا!! أن يتجنب مثل هاته المواقع والله المستعان

أسأل الله تعالى أن يصلح حالكما ويجمع بينكما في الخير
وأن تكونوا صادقين في اعتذاركم لخطيبتكم والله المستعان
بالتوفيق،،

[،،ايمان،،]

رب كلمة يقولها العبد لا يلقي لها بالاً تهوي به في النار سبعين خريفا

اتقو الله كيفاش وحدة تقول بايتنلها طريق و اخرى تقول راهي تتسبب

كل وحدة و كيفاش تقبل على عمرها

شخصيا لو مكانها نطلب فسخ الخطوبة باش ياخدها درس و لو نعرف انه يرجع يحكي معاها نفسخ الخطوبة صح

متحرضوش الاخ على خطيبته اصلح الله بينكما

[* الحلم سكر *]

عكس اللي تقال نقلك حاجة كاين اللي بقدر ما تحب الشخص اللي معاه ما تتصورش و ما تتحملش حتى انو يحكي مع غيرها يبانلك رد فعل عنيف و ما يفهم احساسها غير هي :mad:

اذا الموضوع كيما راك تحكي بلا تفاصيل أخرى اصبر عليه هو مجرد رد فعل

[ryma221]

قولها معليش نفسخو الخطبة و شوف كيفاه تولي تجري ورااااااااااااك

[* الحلم سكر *]

قولها معليش نفسخو الخطبة و شوف كيفاه تولي تجري ورااااااااااااك

سامحيني اختي نعقب على كلامك الاسلوب هذا ماشي هنا محلو و الجرح كي يكون ينزف الضغط عليه لوين يوصل ؟؟؟؟
جربها خويا هادي الجملة و نظمنلك راح تشوف رد فعل اعنف و راح تمحيك من حياتها نتاع الصح علاه ؟ ان شاء الله تفهمها وحدك

[ryma221]

سامحيني اختي نعقب على كلامك الاسلوب هذا ماشي هنا محلو و الجرح كي يكون ينزف الضغط عليه لوين يوصل ؟؟؟؟
جربها خويا هادي الجملة و نظمنلك راح تشوف رد فعل اعنف و راح تمحيك من حياتها نتاع الصح علاه ؟ ان شاء الله تفهمها وحدك



يا اخي كاين حكمة تقول ..
اهرب من المرأة تتبعك و اتبعها تهرب منك
نظن الكلام هذا مفهوم وصحيح
و مادامها عندهم عامين مللي راهم مخطوبين ماعرفتوش هذااااااااا وين بللي خداع
اسمحلي خويا نظن الرجولة مش هكا و الاخ لازم يتفاهم معها سينو هي الخاسرة مش هو

[محمد جديدي التبسي]

ان شاء الله تكونو عاقدين برك؟
باين كرهتك ولقات السبة عامين فرطت فيهم هكة هذا جزاء العلاقات في الغالب
إذا ما كنتش غالط ممكن راهي تحسس فيك بالذنب وتعزاز شوية وترجعلك

[amel la rose]

السلام عليكم ورحمة الله
اولا شكرا على هاذا القسم القيم وجزاكم الله الف خير
انا في مشكلة متمثلة في اني خاطب بنت ’ انا عندي حساب في الفايس بوك فيه غير اصدقائي و اقاربي الذكور وفقط وخطيبتي المشكلة بدات من مدة قصيرة تلاقيت بالصدفة في الفايس بوك مع وحدة قرات معايا من ايام الثانوية يعني من 10 سنين ماعلاباليش بلا مانفيق لروحي لقيت روحي نقصر ونضحك معاها والله لم اتعدى الحدود ’ خطيبتي فاقت بلي حكيت مع فتاة قبل مانهدرلها صرات مشكلة كبيييرة كفاه تحكي مع طفلة المهم هي درك راهي تطالب بفسخ الخطوبة للعلم مدة الخطوبة عامين و مابقاش بزاف لو لا هاذ المشكلة خطيبتي درك ماتحكي معايا ماخلاتلي اي حاجة نفهمها بيها طلبت منها السماح والو راهي تقول تحبس هنا خير مافهمت والو ....
ارجو مساعدتي وانا مصتعرف بالغلطة تاعي وراني نادم عليها وفي نفس الوقت خطيبتي مانقدرش نسمح فيها ارجوا الافادة وقوليلي واش ندير باه تسامحني وشكرا
عندها الحق هذي في البداية وخنتها من المفروض تقولها حتى كلمة السر في الفيسبوك راهي خطيبتك,,لازم عليك دير المستحيل وتراضيها

[feriel1989]

السلام عليكم ورحمة الله
اولا شكرا على هاذا القسم القيم وجزاكم الله الف خير
انا في مشكلة متمثلة في اني خاطب بنت ’ انا عندي حساب في الفايس بوك فيه غير اصدقائي و اقاربي الذكور وفقط وخطيبتي المشكلة بدات من مدة قصيرة تلاقيت بالصدفة في الفايس بوك مع وحدة قرات معايا من ايام الثانوية يعني من 10 سنين ماعلاباليش بلا مانفيق لروحي لقيت روحي نقصر ونضحك معاها والله لم اتعدى الحدود ’ خطيبتي فاقت بلي حكيت مع فتاة قبل مانهدرلها صرات مشكلة كبيييرة كفاه تحكي مع طفلة المهم هي درك راهي تطالب بفسخ الخطوبة للعلم مدة الخطوبة عامين و مابقاش بزاف لو لا هاذ المشكلة خطيبتي درك ماتحكي معايا ماخلاتلي اي حاجة نفهمها بيها طلبت منها السماح والو راهي تقول تحبس هنا خير مافهمت والو ....
ارجو مساعدتي وانا مصتعرف بالغلطة تاعي وراني نادم عليها وفي نفس الوقت خطيبتي مانقدرش نسمح فيها ارجوا الافادة وقوليلي واش ندير باه تسامحني وشكرا


عن تجربة والله ما ساهلة باه الوحدة تسامح انا صراتلي كيما هكدا ما نكدبش سامحتو لاختر نحبو بزاف مي والله والله والله ماننساها باقية في راسي واش دار و ساعات نشك فيه

[doba]

يا صديقي هذه سبة ماهيش حابة تكمل معاك
او كاين منها 1000000000000000

[مريم العدراء]

اذا كانت خطيبتك ملتزمة تشوف هذي الغلطة كبيرة بزاف حاول ترضيها وامسحها من قائمة الاصدقاء
يلعن بو الفايسبوك ويامه

[mahdi-19]

السلام عليكم
أخي لا تفكر كثيرا انت كما تقول اعترفت بالخطأ الذي اقترفته مع العلم انه ليس بالأمر الكبير الذي يؤدي الى فسخ الخطوبة لا ترغمها و لا تجادلها في الموضوع كثيرا و دعها تفكر و تستوعب الامر و انشاء الله ما يكون غير الخير.

[7anine 87]

اتركها فترة تم ناقشها باسلوب راقى ورضيها بهدية ولو بسيطة وحاول ان تقنعها حتى ولو توصل تحكى مع صاحبتك ولو انى حابة ماتوصلش كيما هك واخطيك من هدرة الفيس وحذارى تعاود صدقنى لو رجعتلك دورك راح تكون اخر فرصة

[الفاتحة]

ضع نفسك مكانها مثلا وجدتها تقصر وتضحك مع شاب على الفيس بوك ، ماذا كنت تفعل ياترى ، .....سلام

[مريم الصابرة]

السلام عليكم اخي
والله مشكل كبير ولكن هي من حقها لو إنت في بلاصتها محال تسامحها اكيد هي راهي مجروحة حاول تشوفها في دارهم وتحكي معاها وجه لوجه وبررها الموقف واحلف إنو البنت تقرا معاك والمرة الجاية ما تعاودهاش
وإن شاء الله فيها خير

[jiji_"]

ممكن يا اخي تكون زعفانة من حاجة اخرى و انت زعفتها و بالاك راك مقصر في حقها و مالقاتش كيفاش تبينلك
و من جهة اخرى عندها الحق تزعف منك اتخيل روحك في بلاصتها

[Amouna.DZ]

يا أخي لو كنت مكانها كنت درت نفس التصرف و أكثر

كانت ثقتها فيك كبيرة وخاب ظنها

خليها تتقلش عليك شوي وأتركها فترة بلا ماتهدرلها حتى تراجع

حسباتها ورايحة ترجعلك ان شاء الله

اياك ثم اياك تسمح فيها

هذا الشيطان حاب يدخل بيناتكم

وبلاك تزيد تعاود عملة كيما هذي

[الجليس الصلح]

السلام عليكم ورحمةىالله وبركاته
اسمع ياأخي البنات اليوم ن حابين يملكون الرجال
بحيث لا حديث لا زمالة لا علاقة اي كانت مع البنات
اما هن فكل شيئ مباح لهن
ارى ان تترك هذه الفتاة ان عادت بها ونعمة
ان لم تعود فخيرها في غيرها

[فانيسا]

السلام عليكم ورحمة الله
اولا شكرا على هاذا القسم القيم وجزاكم الله الف خير
انا في مشكلة متمثلة في اني خاطب بنت ’ انا عندي حساب في الفايس بوك فيه غير اصدقائي و اقاربي الذكور وفقط وخطيبتي المشكلة بدات من مدة قصيرة تلاقيت بالصدفة في الفايس بوك مع وحدة قرات معايا من ايام الثانوية يعني من 10 سنين ماعلاباليش بلا مانفيق لروحي لقيت روحي نقصر ونضحك معاها والله لم اتعدى الحدود ’ خطيبتي فاقت بلي حكيت مع فتاة قبل مانهدرلها صرات مشكلة كبيييرة كفاه تحكي مع طفلة المهم هي درك راهي تطالب بفسخ الخطوبة للعلم مدة الخطوبة عامين و مابقاش بزاف لو لا هاذ المشكلة خطيبتي درك ماتحكي معايا ماخلاتلي اي حاجة نفهمها بيها طلبت منها السماح والو راهي تقول تحبس هنا خير مافهمت والو ....
ارجو مساعدتي وانا مصتعرف بالغلطة تاعي وراني نادم عليها وفي نفس الوقت خطيبتي مانقدرش نسمح فيها ارجوا الافادة وقوليلي واش ندير باه تسامحني وشكرا
يا اخي المشكل ماهوش كبير لدرجة انها تفسخ الخطوبة لكن هي عندها الحق تزعف وتغير عليك لان تبدا بالهدرة و تتطور لحاجات اخرى انت روح ليها وحاول ترضيها وخطيك من الهدرة مع البنات لان تجيبلك مشاكل كبار وربي يكملك