سؤال بخصوص مطارح الصوف

[نور الملاك]

أولا أحب أن أشكر كل الاعضاء والمسؤولين في هذا المنتدى الرائع على الجهد والعطاء الي بذلوه .. وأتمنى التواصل والدعم من الجميع للسمو بهذا المنتدى إلى أرقى وأعلى المنتديات العربية والعالمية .. وشكرا

اود ان اسال لبنات لي دارو المطارح نتاع الصوف شحال يلزمني باش ندير 4 مطارح يعني شحال من قنطار وهل قنطار واحد يديرلي 4 مطارح و8 مخاد ولالا ؟؟؟؟؟ لي دارولمطارح يجاوبوني الله يخليكم يعني شحال سقاملكم دراهم نتاع الصوف والقماش تاني قولولي بالتفصيل وربي يعطي كل واحدة واش تتمنى

متقراوش وتخرجو على الاقل لي عندها معلومة تفيدني واجركم عند الله اخواتي

[بنت الاحرار28]

اختى الفا ظل لزملك 2قناطر ونصف ولقماش تروحى لطرح لحوايج انتاع الصوف هوليقلك اشحال مترا انتاع لقماش كل واحد كفاش يخدم انا شريت قنطار واحد اخدمل 2مطارح 20كيل للواحد ومسند 2 مخاد ونقلك اعل احساب واش ايقلك الرايح اطرحلك كل واحد كفاش يخدم هو لفهمك كلشى

[sarah 09]

ana 3la hsab ma na3raf lmatrah fih 25 kg ya3ni quintal yjik 4 matla bla masnad w mkhad

[ام مهدي 03]

انا شريت قنطار دارلى 4 مطارح.وزدت باش درت 8 مخاد. والله مانى شافية شحال زدت بالضبط بين 30 الى ....كيلو . بالنسبة ليا 25كغ بزاف. يعودو ثقال والمطارح يحبو يخرجو للهواء كل وقت

[نور الملاك]

شكرا لكل من اجاب على سؤالي بالنسبة ليا مرانيش حابتهم يكونو ثقال بزاف باش نقدر نهزهم ولا نخرجهم لشمس نهار اخر كيما يكون ثقال كيفاش نقدر نهزهم انا قالي الطراح من قبل بلي المطرح يهز 17 ولا 18 كيلو قالي يجيوك ملاح وتقدري عليهم نهار اخر يعني قنطار نظن يديرلي واش رايكم انتوما بالنسبة للناس لي داروهم من قبل ؟؟؟؟؟؟

[ام مهدي 03]

اختى كيما قتلك قنطار دارلى 4 مطارح فقط كل واحد 18 كغ

[نور الملاك]

اختى كيما قتلك قنطار دارلى 4 مطارح فقط كل واحد 18 كغ






شكرا اختى ام مهدى بارك الله فيك

[ahlam2060]

اختي على حسب الصوف كاينة اللي توفي وكاين العكس يعني اذا مليحة و ما فيهاش الوذح بزاف قنطار يديرلك 3 مطارح و6 مخاد
اما اذا موسخة ياسر تديرلك 2مطارح ويفضل شوي انا شريت قنطار عملتلي 2مطارح صوف و2مخاد

[amani32]

الجماعة ربي يعاونكم راكم تحكو بالقناطر
احنا عندنا فالصحرا وفي ولاية البيض ما نخدموش المطارح نخدمو اللحوف
وكل لحيفة فيها 2 كلغ ونص صوف و بونجة هذا مكان
والعروسة تدير من 8 الى 12 لحيفة
انشاء الله يفيدوك لبنات
http://www.3roos.com/files/ups/2010/179419/01285090293.png

[abir chemss]

هوالاساس تعرفي تشري الصوف ما تكونش خامجة بزاف خاطر كي تتغسل راهي تنقص في الميزان قنطار و نصف يكفيوك ..خاطر احنا 2 قناطر ونصف يديرولنا 4 مطارح و مدربة و 6 مخاد

[kika05]

انا عندي معلومة بلي المطارح نتاع الصوف مع الوقت رايح يغرج منهم حشاكم الدود سيرتو الثوف اللي مهوش مغسول كيما انا رايحا نشري لمطارح واجدين مي معلباليش شحال يديرو وخايفة منهم على جال لحكاية هدي

[ام مهدي 03]

حبيبتى الصوف لازم تغسليها انت بيديك. ما ديرى الثقة حتى فى واحد

[حورية38]

انا عندي معلومة بلي المطارح نتاع الصوف مع الوقت رايح يغرج منهم حشاكم الدود سيرتو الثوف اللي مهوش مغسول كيما انا رايحا نشري لمطارح واجدين مي معلباليش شحال يديرو وخايفة منهم على جال لحكاية هدي
صح اختي الصوف ادا ما كانتش مغسولة مليح رايحة بطول الوقت تدير الود وتمشيلك لكامل الفراس ادا ما رديتيلهاش بالك ولازم تخرج للشمس وما تحطيهاش في بلاصة فيها الغبرة والحرارة قاوية وخصصا ادا ما استعملتيش هادوك المطارح وبقاولك مخبيين
وادا تشريهم لازم من عند انسان ثقة على خاطر بزاف يخدمو بيها موسخة

[simsim.zoo]

صباح الخير اختي حنا في تبسة لازم العروس دير المطارح تاع الصوف في جهازها انا اختي دارت 4 مطارح كل واحد يوزن 17 كغ و القماش يديلك كل مطرح 2مترات و ربع طبعا هاذيك الكمخة لي جاية دوبل لارج و ربي يوفقك و ما تخافيش من الصوف الا غسلتيها مليح راح تحكمل عمر بكاملوا انا تاع ماما عندهم 27 سنة و مازالو كيما هوما بصح ديما خرجيهم للشمس