جواز خفيف وبنين

[Nada perla]

السلام عليكم اليوم درت جواز هايل خفيف وبنين وحبيت نشارككم الوصفة والتجربة

جبت ربع حبات بصل قليتهم ف شوية زيت بعدما تبلتهم بالملح والفلفل الاكحل وراس الحانوت


وجبت ربع حبات طماطم قطعتلهم دوائر ونحيتلهم الزريعة وقليتهم ف شوية زيت مع خمس سنينات ثوم ودرتلها الملح والفلفل الاكحل وراش الحانوت




حكمت كيلو بطاطا تقريبا قطعتها دوائر ودرتلها الزيت والملح والفلفل الاكحل وراس الحانوت وحطيتها ف مول تاع الفور ودرتلها البصل والطماطم ومقدار زوج كيسان تاع الما وحطيتها ف الفور تطيب بعقلها




للاسف صورتها بصح انا عضوة جديدة وقالولي لازم تلاتين مشاركة باش تقدري تحطي صور


كنت نتمنى تشوفو كيفاش خرجت والله غير هايلة وبنينة بزاف واقتصادية تاني وتوالم كامل العائلات




بصحتكم حبيباتي


متنساونيش من دعواتكم

[bouchra ahlam26]

شكرا لك كيتوصلي ل 30مشاركة ديرينا تعديل و اضيفي الصور

[cuisineshowdalatifa]

شكرا اختي لكن كي حطيتيهم في الفرن ماضفتي ولا شئ , مثل فرماج أو بيض
شوقتني نشوفها

[شوق الليالي]

تبااااان هايلة وسااااهلة

[Nada perla]

شكرا لك كيتوصلي ل 30مشاركة ديرينا تعديل و اضيفي الصور

الله يسلمك وان شاء الله اختي رايحة اندير تعديل وانضيف الصور على الرحب والسعة

[Nada perla]

شكرا اختي لكن كي حطيتيهم في الفرن ماضفتي ولا شئ , مثل فرماج أو بيض
شوقتني نشوفها
الله يسلمك حبيبتي بصح لالا مضفتلهاش والو خليتو هكداك بصح اللي حبت اتزيد اضافات اكيد راح يجي بنين

[Nada perla]

تبااااان هايلة وسااااهلة

هاااااااايلة وبنينة بزاااااف جربيها اختي متندميش ان شاء الله

[sidali 2007]

تسلم ايدك تبان بنينة

[souma.sousou]

يعطيك الصحة في انتظار الصور

[ام محمد78]

امممممممممم ياتيك الصحه

[فايزة1207]

يعطيك الصحة في انتظار الصور

[فايزة1207]

كي تضغطي على اضافة رد
تلقاي ارفق ملف بالمشاركة ديري باقي الخطوات اذا تعرفي
اذا ماعرفتيش قولي نفاهموك بالتوفيق

[أم محمد تاج]

مممممممممم تبان هايلة حنونتي وساهلة يعطيك الصحة

[قطيطوشة]

الله يعطيك الصحة

[بنت لبحر]

يعطيك الصحة
حتى نجربها