الجمارك فعلا سراقييين

[خربشة ناعمة]

السلام عليكم و رحمة الله و بركاته
كنت طرحت هنا استفسار بخصوص طرد اختي حبت تبعثهولي من فرنسا فيه طابلات وبرتابل ايفون غالي و ملابس..و كنت خايفة من الحجز..ماحبيتش نغامر بالبورتابل قالت نبعث زوج طابلات..و اذا مروا بسلام المرة الجاية نبعث الايفون
و كاين بارك الله فيهم طمنونيبان لحجز بعيد..لكن قالوا يمكن يجمرك
و هي بعثت 2 طرود و خلصت عليهم و معاهم رقم التتبع..و على كل واحد قائمة بالمحتويات اللي فيه
المهم وصلوا اليوم الطرود وعليهم ورقة من الفوق انه مروا على الجمارك..
لي طابلات وصلوا في زوج لكن وحدة منهم معاها فقط الشارجور و محتواياتها لخرين بح ماكانش سرقوهم..و علبة شوكولا كبيرة سرقوها ياكلوا السم ان شاء الله..
قولولي كيفاش ندير..

[abdoumessaad]

لا حول ولا قوة الا بالله :( ربي يجيب الخير

[العقلية]

في الحقيقة حتى ان نكون أكثر واقعية، -قطعة الشكولاة- تعتبر من السلع غير المخول لها بالدخول [ لكن في الجزائر يمكن التغاضي عنها في بعض الأحيان ]
أما بخصوص الطابلات فهذا كارثي للاسف :'( [ لدي نفس الحالة مع منتوج سانبرست

ربي يصلح الأحوال ان شاء الله

[النجم الاسود]

احمدي الله ان الطابلات وصلوا في اثنين و لم يسرقوا الجمل بما حمل.

لكن ماهي المحتويات الاخرى التي سرقت بخلاف الشارجور ؟

واش راح ديري اختي الجمارك الجزائرية اصبحت قطاع طرق بصفة رسمية للاسف

وكلي عليهم ربي برك . و العجيب انه حتى علبة الشكولاطة اخذوها و اكلوها

هل يضمن هؤلاء الجمارك ان كانت مسمومة ام لا فهم ياكلون اي شئ يقع في ايدهم

دون الاكتراث بعواقبه الصحية في حال كانت هذه السلعة فاسدة بسبب ظروف الشحن .

[reda0026]

مرة جاية قوليلها ترسلك علبة شكلاطه مسمومه مع تابلات .خليهم ياكلوها .هو يتسمم ودا هو المفيد .انشالله بالسم الهارى .جيعانين والله بهدلونا

[Mahboub_222]

ربي فيه الخير و لكن كيفاش تم الشحن شحن سريع او عادي....اما الاخ اللي قال دواء الشهر سنبارست ..ان اشتريته عادي وصل عادي بالشحن العادي طبعا و لكن عندي مصدر اكيد انو بالبريد السريع يجمرك ...لا حول و لا قوة الا بالله ...دواء لتساقط الشعر يحتجز...كرهنا هذ البلاد.....تبا

[Sedik Shadaw]

والله ماكي مرأة كان ماتقوليلهاش ف الكولي الجاي ترسلك شوكولاطة فيها دواء الاسهال اديها من عندي باه مايزيدوش ياكلو و قوليلها تغلفها باه ماتبانش مفتوحة و تحقنها ب الابرة الشوكولاطة خليهم يضعرووو

[oussama1997]

Sedik Shadaw قتلتني بالضحك

[Minoowskie]

والله عجيب امر الجمارك الجزائرية. الشيكولا وماخالوهاش والله غير عيب كبيييييير.

[abou marouane]

اختي في قانون الجمارك

ممنوع المواد الغذائية
و أكثر من غرضين في الصندوق تعتبر لغرض تجاري وتحجز حتى تريهم السجل التجاري

[walido2011]

rebi yahdihom wela yedihom

[biskrius]

قولي حسبي الله في السارق
و لا تتوقفي عن الدعاء في كل صلاة بأن تشل يده ،،، و إن شاء الله خير تجديه
الله غالب بلاد ميكي

[barcalona13]

حسبنا الله و نعم الوكيل

[tou3ik]

حسبنا الله و نعم الوكيل

[Ai7xpressTV]

المواد الغذائية ممنوعة اذا متاكد من سرقة باقي الاشياء خذ رقم التتبع واذهب لوكيل الجمهورية وارفع دعوى ان ثبتت السرقة يتم تعويضك وزيادة.. في غالب الاحيان يعوضونك على اساس انها ضاعت وليست سرقت حتى يحمو انفسهم لكنه سيعوضونك وزيادة.. عن خبرة تم تعويضي مرتين