بيت (غرفتان و مطبخ و حمام ) ب 200 دينار فقط

[السي محمد]

السلام عليكم و رحمة الله و بركاته


لستُ امزح فهذه حقيقة

بيت لكل شاب يريد ان يتزوج


او متزوج و يريد السكن لوحده

200 دينار فقط


ثمن قارورة ( ديودوغون) رخيص


:1::1::1::1::1:

مسكن في أقل من 24 ساعة

اطلب ..تجد طلبك





















الله يهديكم

عندما تقول الفتاة اريد السكن وحدي؟؟؟؟

و كأن السكن في بلادنا ( يتطايش ) و بالمجان؟؟؟؟


إذا ثمن آر واحد يتجاوز 600 مليون سنتيم في منطقة حضرية

و مع غلاء مواد البناء

منزل بسيط يكلف أكثر من 800مليون



بالله عليكم

كيف تفكر بعض النساء

ان شاب في أول حياته يمكنه ان يُوفر لها مسكن مُستقل؟؟؟


=================

الله يهدينا ويثبنا

[ام مهدي 03]

والله عندك الحق. تلقاها الكسرة ماتعرفش ديرها. وتشرط العرس الله الله. التحواس. الذهب. الشرط دراهم. لجهاز......وزيد الدار. وهى تشوف فى اغلبية الشباب الجزائرى الله غالب. يا لبنات درجة درجة كل شىء يكون. ويا شباب ماتسمعلهمش بزاف

[(( هبة الرحمن ))]

والله عندك الحق. تلقاها الكسرة ماتعرفش ديرها. وتشرط العرس الله الله. التحواس. الذهب. الشرط دراهم. لجهاز......وزيد الدار. وهى تشوف فى اغلبية الشباب الجزائرى الله غالب. يا لبنات درجة درجة كل شىء يكون. ويا شباب ماتسمعلهمش بزاف

السلام عليكم
كلامك صح.....مين ماتعرفش دير الكسرة تطلب دارها ...باش العيب مايبانش...كاين لي تقبل تعيش مع اهله وبعد شهر زواج دور في رايها...ما عندهاش الكلمة...وكلش من الرجل كاين اللي غير ماد ودنه ويتبع.
الله يعين شباب المسلمين...حقيقة الحياة شاقة....والدينار لم يعد يفي بالغرض....والبركة قلت بسبب الفسق والفساد.
المهم اقول لاخي ...ما كل البنات يشترطن سكنا مستقلا.
واعرف من تعيش مع العائلة مرتاحة احسن ممن تعيش مستقلة.....السعادة ليست في الاستقلال بالسكن.....السعادة في حسن المعاشرة باللين والرفق وبما يرضي الله.
سلام.

[yousra14]

درجة درجة يا شباب وراح تتحقق كلّ الأحلام

[محمد جديدي التبسي]

وعليكم السلام ورحمة الله وبركاته
إيه يا خويا أنا عندي طابق مع الأهل وحاير فيه ومصاريف لا تنتهي الله المستعان
من تريد بيتا مستقلا تطلبه إذا خطبها طبيب أو مليونير أما السكن فهو كالحلم للموظفين بأعلى المرتبات
فما بالك بشاب يعجز عن جمع مهر خيالي
أنا اللي حيرني أكثر هو جهاز الفتاة وتكليف الشاب بجزء منه في أقل الأحوال
مثلا أنا أريد فتاة بلا جهاز ما نلقاش؟! لا تعنيني نظرة الناس أنا أريد أن اخطب واتزوج في بضعة أشهر على اقصى حد

[عبد الله 22]

السلام عليكم فكرت في التعدد عندما قراءة عنوان هذي الصفحة لكن عندما قراءة المحتوى ....... والمشكلة ياخي مرات انها كانت تسكن في غرفة هي وعائلتهاـ ياخي الخطوة الاول هي للازم أن تكون صحيحة باكبر دقة ممكنة وهي الإختيار السليم وبعدها ستكون مفاتيح الفرج ان شاء الله بالتوفيق لكل الشباب لزوج الصالح بالتوفيق للجميع

[sarl02]

والله لن تتبعني زوجة من تشترط السكن بمفردها من اول الامر ولو بقيت هي اخر نساء الكون...ليس مسالة سكن وحسب لانه ما من شخص الا ويحلم ببناء عش زوجيته والاستقرار لوحده عاجلا ام اجلا ...لكن المسالة هي مسالة لي ذراع والهروب من العيش مع اهل هذا الزوج الذين لازالت لا تعرفهم بعد وتشترط السكن لوحدها.

[محمد جديدي التبسي]

حقّق الله المراد وألهمك الهداية والسداد إلى من فيها الخير والرشاد

من أجل ذلك تريد الثانية بنفس المهر:)

موفق ...


آمين بارك الله فيك أخي
المغالاة في المهور كارثة
وأستغرب من عاقلات في هذا المنتدى تقولك 4 أشهر لا تكفي لتجهز الفتاة نفسها
أصبحت نظرة المجتمع والناس أهم من تبسيط الأمور واتباع الشرع وتسهيل الزواج حتى صار هاجس الشاب مصاريف الزواج أكبر من هاجس إيجاد فتاة مناسبة
ربي يهدينا ويصلح حالنا

[TINZA2]

نسأل الله العفو و العافية

[أَحمــد]

من حقها طلب السكن لكن من أين لهؤلاء الشباب المساكين السكن

[ABDOU ELE]

ســــــــــــــــــــــلام

الشعب كله فقاقير فكيف تشترط المراة سكنا مستقلا...............غريب تفكير النساء

[،،ايمان،،]

من حق الزوجة ان تطلب سكنا خاصا


هناك من تسكن مع اهل زوجها و تظطر للبس حجاب امام اخوة زوجها و الحمو الموت فتضع اهل زوجها في حرج اذا اظطرو للخروج لا تستطيع البقاء معهم و هم يرون ذلك عدم الثقة فيهم فهل تجبر اخوة زوجها على الخروج من بيتهم او تخرج هي او يغيب زوجها عن العمل ليبقى معها و هذا فيض من غيض مشاكل اخرى بسبب ضيق الغرفة التي تسكن بها و اذا لم يكونو على نفس المنهج فتلك الطامة الكبرى يجب عليها ان ترى و تسكت

الملام الوحيد هي حكومتنا التي لم توفر للشباب لا سكن و لا حتى عمل براتب يستطيع شراء مسكن او حتى كراء اخر

اما عن المهر فأقلهم مهرا اكثرهن بركة و انا ضد المهر الغالي فالفتاة ليست سلعة تباع و تشترى

نسال الله لشباب و الفتيات التوفيق و السداد

[مريم يوسفي]

من حق الزوجين ان يستقلا ببيت جديد و مستقل
لكن الصبر ثم الصبر ثم الصبر لنيل المبتغى
أوافق أختي ذات الخمار فيما قالته

و الله براكة و خبز مشمخ في الماء أحسن من السكن في بيت أهل الزوج و لو ملكوا قصرا
لأن هنا الراحة المعنوية في اللعب

موفقين

[hodahodahoda]

من حق المراة ان تطلب السكن لوحدها و يكون هذا شرطها الاول
لقادر يتفضل و انا اراها صادقة حتى و لو بالغت

ماليس من حق المراة ان تقبل بالعيش مع العائلة ثم تطلب سكن خاص فتفسد حيات زوجها

[mounaminou]

نضن اللي تحط الشرط تاع البيت المستقل في الاول هي مرا حرة و علابالها واش تحوس و خير مللي تقبل المهم تدي الراجل و مبعد تدور عليه و تقولو ماحملتش العيشة مع العايلة
انا نستغرب في الرجال اللي يديرو لنساهم الدهوبات و الطونوبيلات و كي تجي في الكرا يقوللك ماعنديش ........يعني الكماليات تدير فيهم و الشي الضروري مادرتوش .... و حتا النسا اللي تشرط في المحزمة و الدهب و الملاين و الشورى و السكن ماعندهاش نضن هي مايش تاع دار و نضن حتا اللي عندو و قادر يدير دار يولي مفلس بعد مايمدلها الشرط


من حق المرأة انها تدخل لدوش و لكوزينة مستقلة لان اغلب وقتها في الكوزينة و من غير المنطقي تعيش مرا متزوجة في وسط سلافها الدكور بحجت راهم خاوتها و احنا نسمعو في العجب كل يوم و الشيطان ماماتش و الشباب مابقوش نية كيمما تاع بكري .......لالا لازم تخاف علا روحها و زيد راهم أجانب عنها في الدين ...علاه نطبقو الدين في كلش جات في هادي الحاجة اللي هي اكثر من مهمة و نلعبوها و نحبو نقنعو رواحنا بللي عادي ......لالا ماوش عادي تعيش المرا في نص سلافها الدكور و حرام و رايحا تصرا تصرا خلوة اللهم لاكان زوجها منين يروح يديها معاه هههه هدي حاجة اخري

اما اللي عايشة مع اب الزوج فهو من المحارم و ماكانش مشكل

[Mمرمورة]

ربي يسهل لكم جميعا

[/زهرة عصفور الجنة/]

حديث ابن مسعود في الصحيحين قال صلى الله عليه وسلم: [يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء]. الباءة هي القدرة المادية ايضا
لما نرى المشاكل التي يتخبط فيها الازواج من جراء مشاكل السكن وما ينتج عنه
في نظري الاحسن الواحد ما يتزوجش

[eBusiness]

المشكل الأعظم أن بعض فتيات اليوم وما أكثرهن يعشن حياتهن مع العشيق الأول والثاني والثالث، إلخ ويعطينه شرفهن وأغلى ما يملكن مجانا وأحيانا يعطينه الهدايا ويصرفن عليه من مالهن ومن مال عائلتهن وحينما يأتي وليد الحلال الذي يريد الزواج على سنة الله ورسوله يطلبن منه سابع المستحيلات والعيب العيب في الرجال لا النساء لأن الرجل هو من يختار، لوكان الرجال على قدر المواقف لما فرضت النساء رأيهن، نعيش وحدي خير من أعيش في الذل مع فتاة ماتسواش بصلة ونزيد نعطيها الذهب، دراهم وزيد السكن والله قمة في النذالة

[hocine2007347]

السلام عليكم ورحمة الله

عجبا وانا اتصفح ردو المتداخلين

رأيت عجبا والله وتعارضا وتضاربا بين اقوال المتزوجين قبلا

والمقبلين

وفقنا الله واياكم



السكن حقا ازمة ومشكل لكنه حق كل امرأة وشرط كل فتاة

وصراحة عندهم حق

فكك من توجاع الراس

[سطايفية بكل فخر]

السلام عليكم
اخي السي محمد واسلوبه التهكمي الجميل
ربي يعينكم يا شباب غضوا البصر عن الزواج وريحو روسكم
بالتوفيق

[الزبرجد]

لو كان يرجع عصر الجواري نتهناو و نهنو المحاكم و القضاة من تكسار الراس تاعنا

[optimism]

السلام عليكم
فكرتني ( دج200 ) بقصة حدثت لي في الجامعة مرة قال لنا الاستاذ ان هناك شركات كثيرة تريدكم للعمل والله صدقت ولكن لما ضحك الجميع
فقت ولهذا ياريت لو كان مازال لدينا قدرة التصديق
لاتلومنا عن حقنا وحلمناالطبيعي والمفروض في السكن المنفرد ( مملكتنا ) لسنا نحن السبب ولكن الظروف والزمن الصعب
ولاتلومنا فنحن من نترك بيوتنا اما انتم ستبقون في بيوتكم فيبد و لكم الامر هين

[كلنا راحلون]

http://im32.gulfup.com/utGSI.gif (http://www.gulfup.com/?ZhtrLM)

[أم أحمد عبد الصمد]

يقولك المثل البعد يجيب السلام و القرب يجيب الكلام
مستحيل العجوز و الكنة يتفاهمو و تصيبو العجوز تبغي ولدها غير تحتها و لكن بناتها تشترط عليهم دارهم لوحدهم من أول ليلتها حتى و لو كرات بالغلا و رغم أنو أهل الزوج عندهم فيلات : هل هذا عدل ؟؟؟؟؟
ارحمو من في الأرض يرحمكم من في السماء
من المفروض كما تحب لبناتها تخلي زوجة ولدها تعيش حياتها ، مشي تنكد عليها حياتها

[nari21]

والله ياخي راكوم ضلمين النساء بزاف وصح مشكلة المهر راهي كارثة والله ياخي انا كي جا خطبني زوجي ماكان عندو والو وعجبتني صارحتو وبرغم من انو خادم ويسلك 3ملايين سنتيم ونصف في هداك الوقت تعرف واش شرتلو وخاتم تاع الخطوبة وفرات والهنا والحمد لله والديا معرضونيش فهمتهوم بلي مكاش كيف لحلال وانا كنت نلبس غير المراكة ونكل غير قلب الحبة وتفهمنا فيما بينتى وقوالنا قدام الناس انا المهر 15 مليون فيه كل شيء وتم الزوج والحمد لله وسكنت مع عائلتو 3اشهر وشفت الويل كل يوم نسمع وسخ وادني ندير رواطر غير في الرقد نلقهوم يمنشرو فيا بصح ديمنا نقول الله يهديهم منقدرش نلبس حتى سرفتمو في الدار ولا ندوش كل يوم وقعدت صابر كيما قالو ناس بكري لي مشبعت مررراها مدرات دارها وعمري لا جراحتهوم بكلمة ولا قتلو امك واش دارت كنت نحملها في روحي حتى فراج عليه ربي وكرينة ودوك الحمد لله راهوم يجو عندي منخلي واين نديرهوم حتى يروحو حلين فمهم وهدا كامل باش نبينالهوم بلي مراة ةالدهوم مراة ونصف فاحلة والله الي مادرهاليش راجلي قبل الزوج راهو يديرالي فيها الحمد لله درانا طونمبيل برفسيليتي وعمرانا دارنا مازالتنا غير السكنة انشاء الله يسهل ربي من الرغم من انا مراتبو قليل والحمد له لازم نعرفوا بلي كل شيء بالقنعة والله كان متكونش القنعة كان تسلك 10 ملايين وميكفوكش لي ميقدراش رجلك يديرهالك اليوم بعد عامين ولا تلاثة يديراك ماخير منها المهم لهنة