ممكن مساعدة [الأرشيف] - منتديات الجلفة لكل الجزائريين و العرب

ام سراج وملاك

2014-01-23, 15:45

السلام عليكم اخواتي ربي يعيشكم انا في امس الحاجة الى كيفية صنع عصير طبيعي لابنتي تبلغ من العمر 6 اشهر قالولي لازم تبداي بالماكلة والعصير طبيعي مثل عصير الطماطم وعصير الجزر هل يمكن انا اضيف له الياؤورت لتعرف صنع عصير الطماطم وعصير الفواكه المتنوعة تقلي باش نخدمولها وشكرا

ام سراج وملاك

2014-01-24, 14:13

ياخواتي 34 مشاهدة ولا رد وين راكم ياحراير الجلفة

HADJER 04

2014-01-24, 14:32

نشالله يعاونوك لي عندهم لولاد بصح تبانلي ديري بتيسويس خير و فروماج

mira43

2014-01-24, 14:41

وعليكم السلام

أولا ربي يحفظلك الكتكوت الصغير :mh31:

والله يا اختي بالنسبة للعصير لا أدري لكن زوجة خالي قاللها الطبيب

كون تصيبي كل يوم وكليلو الجزر

والطريقة هي تفوري الجزر حتى يطيب وتهرسيه

أو تغليه في الماء ثم تهرسيه لكن اكيد مفور خير باه ما يروحوش الفيثامينات الي فيه

هذا واش عندي اختي و ان شاء الله يفيدوك الاخوات

imane mon

2014-01-27, 16:19

مساء الخير انا نعرف طريقة هي تغلي زردية مليح وكي طيب ترحيها وتصفيها اعطيها الماء برك لي يخرج وتحبي ديريلها شوية سكر

ام سراج وملاك

2014-01-29, 14:03

ربي يخليكم على الرد شكرا لكم جميعا

om mita

2014-01-29, 17:45

شوفي اختي انا عندي بني عمرها 7 اشهر
نديرلها عصير البرتقال مخفف يعني 30 عصير 30 ماء في البيبرون
اما الجزر نديرلها بيون
جزر لفت خاصة السلق ورقة او 2 جريوات بطاطا كابويا سلطة
كل مرة نخلط 3 او 4 مكونات ونعملولها يغلي في الماء لما يطيب نرحيلها مع قطعة جيب مليحة باه يجي بنين او صدر الدجاج
نصيحة اخطيك من الياغورت والبيسويس خاصة الاحمر لانو اثبت علميا انه مسبب للسرطان
عافانا الله واياكم
حضري لابنك كلشي طبيعي
اما عصير الطماطم مدرتولهاش

ام سراج وملاك

2014-01-30, 20:20

شوفي اختي انا عندي بني عمرها 7 اشهر
نديرلها عصير البرتقال مخفف يعني 30 عصير 30 ماء في البيبرون
اما الجزر نديرلها بيون
جزر لفت خاصة السلق ورقة او 2 جريوات بطاطا كابويا سلطة
كل مرة نخلط 3 او 4 مكونات ونعملولها يغلي في الماء لما يطيب نرحيلها مع قطعة جيب مليحة باه يجي بنين او صدر الدجاج
نصيحة اخطيك من الياغورت والبيسويس خاصة الاحمر لانو اثبت علميا انه مسبب للسرطان
عافانا الله واياكم
حضري لابنك كلشي طبيعي
اما عصير الطماطم مدرتولهاش
يعطيك الصحة اختي ممكن تقوليلي عصير البرتقال ديريلو السكر ام لا والخضر لي قوتيلي ديري فيها الملح ام لا لاني قريت في الانترنات بلي الملح قادر يصيب الطفل الصغير بالكلى انا في انتظار الجواب ربي يخليك