حاجة حابة نديرها عاونوني بنصيحة

[انغام المنى]

السلام عليكم
لاني نوثق فيكم بزاف حابة نستشيركم في امر
المهم كانو عندنا جيرانا عشرة 10 سنوات تقولو دار وحدة وقلب واحد وكانت بنتهم اعز صاحبة ليا مهما نحكيلكم كيفاش كانت العلاقة ما تتصوروش انا تخطبت وعرفت صاحبتي هذي على وليد عم راجلي لقيتها بدات تتبدل وتخبي عليا حوايج بزاف المهم هو خطبها ومعرضتنيش لخطبتها ومن بعد امها مع ماما وانا كنا اي حاجة نخبروهم بيها تبدلت تاني المهم تقطعت العلاقة من 2011 وانا تزوجت وهي عرسها في مارس انا قلت بلاك نصلح بيناتنا اي نعرض جيرانا ودارنا للعشا في داري ونحاولو نبنو صفحة جديدة ونصلح بين زوجي ووليد عمو لانهم ولاو ما يهدروش مع بعض وزيد اخ زوجي خطب اخت زوجها يعني بقات العلاقة واش تقولو نديرها ولالا خايفة نروح نعرضها وتخجلني شورو عليا ولا ماما تزعف مع انو ماما قبيل وهي تهدر قالت توحشتها وانا دايما نحلم بصاحبتي ما قدرتش ننسى الايام الي فاتت وشكرااااا ليكم بزاااف ملاحظة "احنا كي نتلاقاو ما زلنا نلقو التحية على بعض ما زالن نهدرو شوية "

[نورالهدى بيولوجيست]

نا نقول هذي حاجة تعرفيها نتي اذا تعرضيهم ولا لا؟
لاني باش نحكم لازم نسمع الطرفين، اللي نقولهالك ديري حاجة اللي تلم الشمل ماتخليش الحالة تسوء اكثر خاصة اذا كان المشكل سوء تفاهم و بسيط
ربي يجيب الخير

[آلاء فهد محمد]

تبانلي مبادرة جميلة
ربي يجمعكم على خير ويصلح بيناتكم

[آلاء فهد محمد]

ربي ييسرلك

[انغام المنى]

شكرااا جزيلا على النصيحة

[الماسة النادرة]

انا من رايي تعرضيهم وتصفي نيتك ومن هنا تبانلك اذا هي مليحة ولا محلى فزاقها

[sarl02]

وانت علاه خلطيتها هاك هذا ما خصك يا المقتصدة ...

[jiji_"]

اختي انغام انتي راكي ناوية حاجة مليحة و سيرتو كي راكم قراب فاميلية و تتلاقاو تتلاقاو و علاش لالا تكوني انت المبادرة و ان شاء الله تتقاربو اكثر من قبل سلااااااااااااامي

[انغام المنى]

وانت علاه خلطيتها هاك هذا ما خصك يا المقتصدة ...



يا اخي قل خيرا او لتصمت

شكرااااا لكل من ردت

[ام ولي]

اختي ربي يصلح بيناتكم ويجمعكم على خير انت نويتي الخير ان شاء الله تلقايه

[مريم الصابرة]

السلام عليكم اختي
إنت نيتك مليحة وعندك الحق والله مهما كان المهم رضي ربي ولاقي بين راجلك ووليد عمو هذي مبادرة هايلة انا نشجعك تعرضهم كامل وتشوفي النفوس كيفاه تتصافى روح أعرضيها ولميهم كامل ويا سعد من صالح بين المتخاصمين وبداو صفحة جديدة يا اختي الأمور هذي كامل تصرانا وصراتنا وعادي كنتو جيران وصحابات ولما تخطبت بدات تتبدل عادي من حقها وصار اللي صار شعال راحين تبقاو هاكا لازم واحد يصلح الامور وراهي الامور تخلطت يعني من جيران راكم صبحتو اهل راهي جابة لوليد عم راجل وزيد لوخر ثاني راح يجيب ختها حسب ما فهمت يعني اختي من رأي روحي اعرضيهم ولميهم عندك وما تحشمك ما والو عادي جدا ما تشوفيش للحساسيات هذو وحتى بعيد الشر دارتها وحشماتك يشهد ربي عليك جمعت صلة الرحم بين زوجك ووليد عمو
بارك الله فيك ومبادرة رائعة موفقة

[hodahodahoda]

اظن دعي الامور تسير على طبيعتها المهم انت تصرفي معها عادي

لما تتزوج هي و تدخل الى بيت زوجها يكن تعرضيها مع زوجها
و اذا شفت انها حابة تجبد روحها عادي

[زرقـآء اليمآمـة]

السلام عليكم
اختي اولا الي حاب يدير الخير ما يشاور وانت تريدين خيرا فاللهم يسهل امرك
ثم اقول لك شيء ربما صديقتك هذه سمعت عنك شيء لم يرضها لذلك بني حاجز بينكما
ولم ترد هي الافصاح عن السبب ، اذن بادري بالخير فالله تعالى يامرنا ان نصلح بين اخوتنا فافعلي وربي يسهل والله المستعان

[tuba21]

معليش اختي نتي راكي ناوية ديري حاجة مليحة هَيا اعرضيهم بالاك تتصافي القلوب و تعود المياه الي مجاريها

[رحمة من المولى]

أنا نأمن باتق شرّ من أحسنت إليه و فقط

[نارينا]

خلي كي تتزوج واعرضيها وهي عروس وتقربي منها وحاولي تعرفي علاش تبدلوا لانك انت اصلا وكأنك راضية بالوضع وماحوستيش من قبل تعرفي علاه جبدوا عليكم

[ibissam]

ان شاء الله يعاود يجمع شملك

[الجليس الصلح]

السلام عليكم ورحمة الله
أرى ان الإستشارة والإستخارة افضل ومبادرة كهذه جمبلة
لكن بحذر وتحضير جيد لها
بالتوفيق ان شاء الله