استاذة بحاجتكم

[مشكلتي]

السلام عليكم
انا محتاجة الى مساعدة من طرف الاساتذة او مدراء او اي انسان يقدر يفهم وضعي
انا استاذة رياضيات و نجحت و لما رحت للاكمالية المعنية طلب مني المدير اني نقري فيزياء و رياضيات
عطاوني قسم واحد سنة ثانية و قسم واحد سنة ثالثة
و كتبولي 16 ساعة
8 ساعات لكل قسم (4 رياضيات و 4 فيزياء)
بديت نقري و اكتشفت انو كاين 5 ساعات راياضيات و الساع الخامسة تفويج يعني مرة في اسبوعين
ثم قريت في المنهج تاع الفيزياء انو كاين 2 ساعة في الاسبوع
جمعت 5 + 2 ساعة ناع راياضيات و الفيزياء لقيت بلي ولا عندي 14 ساعة
ثم ساعة التفويج للقسمين جمعتها في حصة واحدة
يعني اسبوع نقريها لقسم و اسبوع نقريه للقسم اخر
و بذلك و ليت نقري 13 ساعة
و بذلك راحتلي عشية كاملة و ليت مانقريهاش
المشكل جا المفتش اخر مرة و سال التلاميذ قالولو عندنا رياضيات و الاستاذة ماهيش تجي
كي فهمت المدير الي هو الي كان موافق على توقيتي الجديد قالي راكي غالطة
و لازم تقري الفيزياء 4 ساعات لكل قسم
انا مافهمتش نتبع المنهاج و لا المدير
ارجو التوضيح من اي استاذ في الفيزياء او رياضيات شكرا

[* الحلم سكر *]

و عليكم السلام و رحمة الله و بركاته
اختي اسمحيلي اولا لكن مشكلتك او انشغالك ما يحتاجش يتغطى تحت عضوية مشكلتي لوكان حطيتي انشغالك في قسم الاساتذة كان على الاقل تقدري تناقشي الاجوبة المطروحة عليك ... هذا رايي و الله اعلم

اما بخصوص انشغالك .. اتني اصلا ماوصلتيش للنصاب ب 16 ساعة و حصة المعالجة التربوية بالافواج ما عندكش الحق تجمعي في ساعة علابالي نفس المدة هكذا و الا هكذا راح يقراو ساعة كل اسبوعين لكن الهدف التفويج و حسب علمي و اللي رانا نخدمو بيه لازم تبقى بالافواج و يقدم فيها غالبا تمارين تتحضر من قبل .. ماهيش ساعة للقسم كامل

ان شاء الله نكون قدرت نجاوبك ...

[مياسم الصمت]

شوفي اختي

أنا أستاذة فيزياء
ندرس بالنسبة لكل قسم

أسبوعيا

ساعة للقسم ككل
وساعتين تفويج ساعة فوج 1 وساعة فوج 2

وأنا الشيء الذي اعرفه
أن أستاذ الفيزياء يدرس رياضيات ان لم يكتمل النصاب
ليس العكس
استاذ الرياضيات يدرس الفيزياء

لانه في الجامعة دارس الفيزياء درس الرياضيات والفيزياء
اما دارس الرياضيات درس في الجامعة غير رياضيات

والحصص التوجيهية
لمادة الرياضيات الاصل فيها دعم التلميذ لا تجمع

ربما المدير اراد مساعدتك بطريقة غير قانونية
لكن هي اصلها بالافواج

وكما قال الاخت من قبل
مشكلتك لا تستدعي التخفي تحت عضوية مشكلتي
من المفروض ان تطرحي الانشغال قسم الانشغالات التربوية اافضل
لانه رواده اساتذة ويفيدوك افضل من هنا

سلام

[ابوبكر17.00]

السلام عليكم و رحمة الله و بركاته :
أنا أستاذ رياضيات و إعلام آلي تخصصي رياضيات
و أنجز التواقيت المدرسية المهم
في المنهاج الجديد جوان 2013
الرياضيات 5 ساعات + ساعة الإستدراكي يعني
4 ساعات درس عادي + 1 ساعة أعمال موجهة + 1 ساعة إستدراك
بالنسبة للأعمال الموجهة :
ينقسم القسم إلى فوجين أ و ب
في الأسبوع الأوّل يدرس الفوج أ رياضيات و الفوج ب لغة عربية
في الأسبوع الثاني يدرس الفوج أ لغة عربيةو الفوج ب رياضيات
مجمل القول : الأستاذ يقري 5 ساعات + 1 إستدراك أسبوعيا
هكذا هو القانون
أمّا بعض المؤسسات ماعندهاش الأقسام وين يديرو التفويج واش يديرو
الأسبوع الأول يدرس أستاذ الرياضيات القسم كامل أستاذ اللغة مايقريش
الأسبوع الثاني يدرس أستاذ اللغة القسم كامل أستاذ الرياضيات مايقريش
مجمل القول أستاذ الرياضيات يدرس الأسبوع الأول 5 +1 إستدراك الأسبوع الثاني 4 + 1 إستدراك
ملاحظة : ساعة الإستدراك قانونية و جاء عليها مرسوم قريتو بنفسي
ملاحظة : يرجى إستشارة المدير أو المفتش في قضية التفويج )الطريقة الأولى أم الطريقة الثانية)
بالنسبة للفيزياء أي العلوم الفيزيائية و التكنولوجية
كل قسم عنده 2+1 أي ساعتين تطبيقي (تفويج) في المخبر و ساعة نظري في القسم
كيفية التدريس
التطبيقي ينقسم القسم إلى فوجين أ و ب
الفوج أ يدرس لمدة ساعة فيزياء و في نفس الوقت الفوج ب يدرس علوم (الساعة الأولى)
الفوج أ يدرس لمدة ساعة علوم و في نفس الوقت الفوج ب يدرس فيزياء (الساعة الثانية)
أي الأستاذ يدرس ساعتين عادي في كل أسبوع + ساعة النظري الكل= 3 ساعات أسبوعيا
هكذا هو القانون
أمّا بعض المؤسسات واش يديرو
القسم كامل يدرس الساعة الأولى فيزياء أستاذ العلوم ما يقريش
ثم القسم كامل يدرس الساعة الثانية علوم أستاذ الفيزياء ما يقريش
أي يصبح الأستاذ يدرس أسبوعيا 1 تطبيقي + 1 نظري = 2 ساعة
و هذا غير قانوني كما أنّه ظلم في حق التلميذ حيث أنه درجة الإستيعاب تنقص نظرا لكثرة التلاميذ

[ابوبكر17.00]

بالنسبة لحالتك:
قسمين رياضيات + قسمين فيزياء
القانون يقوللك
رياضيات 5 + 1 إستدراك
الفيزياء 2 + 1 نظري
المجمل ل أربعة أقسام هو
16 + 1 إستدراك
بالنسة للغير قانوني
رياضيات
الأسبوع الأول
رياضيات 5+ 1 إستدراك
فيزياء 1+1
المجمل لأربعة أقسام
14+ 1 إستدراك
الأسبوع الثاني
رياضيات 4+ 1 إستدراك
فيزياء 1+1
المجمل لأربعة أقسام
12+ 1 إستدراك
نصيحة : هؤلاء التلاميذ إخواننا و أولادنا بارك الله فيك إعملي بالطريقة القانونية فوالله هذا حقهم و رانا خالصين عليه
و زيد راكي في بداية مشوارك العملي لازمك تكوني كلك نشاط و حيوية
وزيد ماكيش مترسمة رايح يصراولك مشاكل في الترسيم جرّاء هذه الأعمال
ماتزعفيش من كلامي
الله يكون في عونك
سلام

[العهد الرائع]

يعطيكم الصحة على هته ااجوبة و لكن الاخت عندها الحق
لانو صح في المنهاج الجديد يقول بلي فيزياء 2 ساعة و رياضيات 4 س و نصف

[العهد الرائع]

http://i56.servimg.com/u/f56/15/85/99/21/sans_t10.jpg (http://www.servimg.com/image_preview.php?i=231&u=15859921)

[العهد الرائع]

اخي بوبكر ما هي ساعة الاستدراك راك اثرت انتباهي
و بالنسبة للاعمال التوجيهية كيفاش نديرو لما يكون ما عدناش قسم زيادة باش نقسمو فيه التلاميذ؟

[tuba21]

انا استادة لغة فرنسية مي اول شي اثار انتباهي هو هل هدا امر قانوني او لا !! (يعني اساتدة رياضيات تقدر تقري رياضيات و فيزياء في نفس الوقت !!!!)
فرضا هدا الشيئ راه قانوني نقولك الاستاذ ابو بكر راه جاوبك و اشرح لك مليح العملية كيف تتم فقط اضيف انو التلميذ هو الي يدرس حصة الاعمال الموجهة مرة كل15 يوم (الاستاذ في كل اسبوع يدرس فوج يعني يخدم هاد الحصة اسبوعيا و لايستطيع ان يجمع الفوجين معا في حصة واحدة ويدرسهم ساعة كل اسبوعين

اخي بوبكر ما هي ساعة الاستدراك راك اثرت انتباهي
و بالنسبة للاعمال التوجيهية كيفاش نديرو لما يكون ما عدناش قسم زيادة باش نقسمو فيه التلاميذ؟

الاستدراك هي حصة لتستدركي و تعالجي فيها النقائص اللي لاحظتيها اثناء سير الدروس
اما حصة الاعمال الموجهة هدا مشكل الادارة هم الدين يجب عليهم توفير الحجرات

[ابوبكر17.00]

السلام عليكم و رحمة الله و بركاته :
الإسناد من صلاحيات المدير ( يعني إذا كان النصاب نتاعك غير مكتمل يسند لك ساعات أخرى ) النصاب مقدّر ب 22 سا أسبوعيا
و يوجد عندنا من يدرس (لغة فرنسية + إنجليزية )-( رياضيات + علوم ط)
بالنسبة لي في مؤسستنا لا يوجد أستاذ يمكن أن يدرّس الإعلام الآلي لذا المدير أسندها لي و أنا قبلت
بالنسبة للمنشور الوزاري هذاك يحكي على التلميذ ليس الأستاذ
التلميذ يدرس 4 ساعات و نصف أسبوعيا أما الأستاذ 5 ساعات
بالنسبة للإستدراك : بعد الدخول المدرسي خدمنا بدون إستدراك حتى جائت مراسلة تنص و بشدة على تدريس الإستدراك
من أجلها عاودنا التوقيت
الإستدراك يسمى حصة المعالجة التربوية
و هو خاص بالنسبة للمواد الأساسية
فرنسية + رياضيات + لغة عربية

[ولد حمد الباتني]

أستاذة رياضيات تقري فيزياء
وأستاذ الفيزياء أصحاب الشهادات راهم شوماج ..........
المشكل ماهوش فيك في لبلاد

[فاتي تيارت]

ياو راكى صبتى خدمة تناقشى مع المدير وروحى لاكاديمى كلش تعرفيه انشاء الله

[aminereda90]

كلشي معكوس في هذا البلاد ؟؟؟

[mmoustafa]

سمحيلي استاذة الفيزيء تقري ساعة نظري + ساعتين عملي اي تفويج وكل قسم يقرا 3ساعات والقسمين 6ساعات + 4ساعات رياضياتولا اتصلي بلاك ا ديمي يلقاولك حل الى ماكيش لاحقة النصاب تقدري تقري مادتين

[زبدة ذايبة]

الموضوع له أربع سنوات.