زوجي والمطلوع (الخمير)

[imane1]

السلام عليكم ورحمة الله وبركاته


زوجي يحب خبز الخمير كثيراً , لدرجة أنو كون يلقاه ماياكلش الخبز

ويحب يستقهوى بيه أيضاً ..

ويوميا يشري خبزة من برا , وانا طبعا بودي لو أخبزها له على ان يشتريها

لكن المشكلة انو ماعنديش الكوشة اللي اطيب فيها وحتى كون نشريها ماعنديش وين نحطها

وهو لا يحب خمير الطاجين ولا انا , لانها اجي معمرة بزاف لداخل وداخله في بعضاها

وهو يحب الخفيفة ..


قالولي بلي كاين اللي يطيبوها في الطاجين لكن يديرو عليها جفنة فاطيب تماما كيما تاع الكوشة


شكون عندها فكرة توضحلي الطريقة اكتر .. والله اديرو فيا معروف



بانتظااااااااركن

[samirano.]

ربي يكون معاك

[حورية38]

كاين منها اختي انا امي تديره تاخد قدر عادى لي نطيبو فيه الماكلة بالغطاء نتاعو وتحكم سلك تخدمو على شكل شبيكة تديرلو رجلين يجي مرفوع علر قاعدة القدر او الطاجين وتحطو يسخن من بعد تحط الكسرة وتغلق عليها وكي تحسها طابت من تحت تفتح وتقلبها وراهي ماتديش وقت في الطياب

[imane1]

شكرا جزيلا على الرد جميعا




سأجرب الطريقة التي ذكرتها أختي حورية ويااااااااارب تنجح معايا

مشكورة أختي



اذا كاين طرق اخرى مضمونة افيدوني

[imane1]

أختي حورية السلك هذا شحال يكون بينو وبين قاع القدر ؟

واطيب ملتحت بلا ماتلامس قاع القدر ؟

[زنجبيل11]

اول مرة نسمع بهاذ الطريقة
ديريها في كويزينيار او الفور الكهربائي

[حورية38]

أختي حورية السلك هذا شحال يكون بينو وبين قاع القدر ؟

واطيب ملتحت بلا ماتلامس قاع القدر ؟ لازم ما تلامسش القاع باش ما تتحرقش

اختي هدى الطريقة مجربة من عند امي الغالية السلك حوالي 2سم قيس ما يكون بعيد على القاعدة تاع القدر وديري حساب الغطاء باش كي تتنفخ ما تلامسوش وتطيب مليح وزيد حتى البنة تجي مختلفة رايحة تجيك روعة

[حورية38]

اول مرة نسمع بهاذ الطريقة
ديريها في كويزينيار او الفور الكهربائي
هي طريقة قديمة عندنا في تيسمسيلت يعرفوها الكبارات والاخت قالت عندها الضيق يعني الكويزينيار ماتساعدهاش والفور ما يخرجهاش كيما يحب راجلها

[خيط الروح]

السلام1

عجبتني هاذ الطريقة ممكن من الاخت ان تفيدني بوصفة العجينة

يعني بالدقيق او بالفرينة

زوجي ايضا يموت في المطلوع تاع الطاجين

لكن انا ماعندي لا غاز لا طابونة لا طاجين في البلاد اللي راني ساكنة فيها

وكي نتشهاوه نعجن ونطيب في المقلة

مايجيش كيما يلزم لكن خير من والو

نشموا ريحة لبلاد

نحاول نحطلكم الصورة :19:

ارجو ان تفيدوني بالوصفة من فضلكم

انا في انتظار الردود بفارغ الصبر

ا

[حورية38]

[QUOTE=Louparadisa;1055517879]السلام1

عجبتني هاذ الطريقة ممكن من الاخت ان تفيدني بوصفة العجينة

يعني بالدقيق او بالفرينة .................الخبز نخدموه بالسميد وممكن تضيفي شوية فرينة ادا حبيتي لكن الخبز بالسميد

زوجي ايضا يموت في المطلوع تاع الطاجين

لكن انا ماعندي لا غاز لا طابونة لا طاجين في البلاد اللي راني ساكنة فيها

وكي نتشهاوه نعجن ونطيب في المقلة

مايجيش كيما يلزم لكن خير من والو

نشموا ريحة لبلاد................... وطريقة القدر لي قلت عليها تجيك كيما لي نطيبوها في الفرن الحجري

نحاول نحطلكم الصورة :19:

ارجو ان تفيدوني بالوصفة من فضلكم

انا في انتظار الردود بفارغ الصبر ................ الوصفة التقليدية المعتادة سميد وماء وملح وخميرة خبز لكن لازم تدلكيها مليح وخليها تخمر بعد ما تخبزيها وطيبيها وبالصحة حبيبتي اي حاجة راني في الخدمة وادا قدرت نصورلك الطاجين راني نحطهولك