فسخت خطوبتي ارجو منكم نصائح

[nadia mimi]

سلام انا كنت مخطوبة لواحد و كنا قريب نتزوجو من بعد انا سمعت بلي راه طفل ماشي مليح نتاع شراب و كل لانواع مخذرات و كي حكيت معاه و قتلوا تقدر تتوقف على هذول لحوايج قالي منقدرش... من بعد انا قتلو منقدرش نعيش معاك .....و نفصلنا و افامي كان علابالهم بلي طفل ماشي مليح و مقلوليش و كي سمعوا بلي راني فسخت لخطوبة كامل قالولي كان علابالنا و خلوني حتان عقدت عليه و ذركا رانا رايحين نطلقوا انا تاثرت بزاف بعد ما حكيت مع طفل و تعلقت بيه بزااف واش رايكم و ارجوا منكم نصصائح بلييييييييز

[بتول8]

خطاك منو تع دعاوي شر كون جاء فيه ذرة امل يفرح بيك و يعزم التوبة لكن هادا راهو يجاهر بالمعصية و ربي و النبي قالولك خذي واحد يعرف ربي باه يحافظ عليك
مالا غدوة يدخل عليك النسا و كي تنصحيه يقلك منقدرش؟؟؟نتي وش تشوفي فيها نورمال؟
قلبك و عقلك دليلك

[وجدان تقوى الله]

معاك حق مدامك مكيش قانعة بهذو الصفات والاعمال تعو مكلها تديه من بعد تندمي ثقي بالله مدام تركتيه من اجل معصية ربي راح يعوضك بالحسن منه

[nadia mimi]

نشاء الله و لمزيا عرفتوا على حققتوا ذركا خير من نروح ليه و نجيب معاه ذراري و انا الي غضتني لفامي كامل يعرفوه بلي مهوش مليح و محكوليش بصح معليش لي فيها لخير ربي يجبها

[riham riri]

hamdoullah ki ban 3la 7a9i9tou rabi hanak manou inchallah tsibi makharmanou

[nadia mimi]

nchallha w mrc ki w9afto m3aya

[ryma221]

ماتخميش بزاف اختي هكا احسن خير من كون تزوجتي بيه و جبتي اولاد و تطفر فيك قولي ديما الحمد لله على كل حاااااااال

[nadia mimi]

ih nahmad rabi

[همسة مشاعر]

حنونة ربي يهديهم هدا درك راجل يصلح للزواج ويمدولو طفلة بنت فاميليا حنونة لازم تنفصلي تهنيتي راهو مفيهش امل كون يبطل تخافي يرجع للممنوعات وتحصلي معاه ويكرهلك عيشتك ربي يخلف عليك

[مواطنة]

اختي انت عملتي الصواب الان خير من مبعد لان الخمر ام الخبائث لي يقدر يشرب يقدر يعمل حوايج اخرين
حتى لو قال كي نزوجو نحبس واحد مايضمنلك انو يحبس تطلقتي منو الان قبل ما تشوفي العجب خير ليك هكذا تخرجي باضرار اقل
المهم الحمد لله لي عرفتيه على حقيقنو و فاميلتك خليهم يهدرو كيما يحبو هكذا المرة الجاية ماتثيقيش فيهم في هذو الحوايح انا عرف وحدة صرالها نفس المشكل و عائلتها هم لي جابولها الخطيب الموخد لكن الحمد لله فسخت الفاتحة و تحمد الله لي حفظها منو
تعرفي اختي الان نلقاو بنات مام ماشي تاع حجاب و كلشي و هكذاك تخير واحد مربي خاطيه هذوك الصوالح و ماتجنيش على روحها بيدها
نقولك شي انت ما غلتيش في حقو تقربي من الله تعالى اكثر باذن الله يخفاف المشكل و ترجعي لطبيعتك و خليه يدير واش يحب في روحي انت مشي مسؤولة على تصرفاتو ما يغيضك ما والو ادعي الله يهديه هو ومواليه

[(( هبة الرحمن ))]

هل تحتاجين رايا
تحتاجين زغردة

مبروك عليك....يتعاطى المخدرات والحبوب المهلوسة وووووودعوي الشر الله يهديه
ربي يحبك حنونة

[نرجس44]

الحمد لله انه كشف قبل ان تربطي حياتك معاه و تتعقد الامور
اشكري الله كثيرا و ان شاء الله يجيك خير منه

[* الحلم سكر *]

ربي سبحانه يحبك و سترك و منعك و ان شاء الله ربي يعوضك ما خير يا رب عاجلا غير اجل
انتي احمدي ربي ليل نهار هذا حتى لوكان قلك ايه نبطل هادوك الصوالح و تامنيهش
اما العايلة و الله عادي يسمعو و يخبو و الناس الكل نهار تبطلي يقولولك علاه ما علابالكش ؟ خفنا نقولولك و و و و و
الخمد الله لنا رب كريم يخذلنا عباده و ما يخذلناش سبحانه الحمد الله
ربي يعوضك و افرحي لي تهنيتي من الهم قبل ما تحصلي اكثر

[bibicha]

ربي سبحانه يحبك و سترك و منعك و ان شاء الله ربي يعوضك ما خير يا رب عاجلا غير اجل

[nouna l maghbouna]

عادي اختي اطلقي و ربي يرزقك ولد لحلال

[حمودية]

عليك دعوة الخير الي يسكر يدير كلش يمكن يسرق ممكن يقتل كنت رايحة تظلمي نفسك اكبر ظلم
واولادك كيفاش تستنايهم يكونوا؟

[ibissam]

الحمد الله عرفتي درك احسن من تكوني عندو ان شاء الله ربي يرزقك رجل صالح

[nadia mimi]

شكرا على نصائح و الله غير ريحتوني و ربي يحفضكم

[mounaminou]

اكيد الطلاق هو عين العقل ماعندكش علاه تندمي خلاص ....صدقيني هو خدعك مي ربي اكيد رايح يعوضك بواحد صالح احسن منو الف ن مرة ......علابالي المرأة تنضر بزاف من الطلاق مي صدقيني هككا خير ملي تطلقي بعد الدخلة و بعد ماتعيشي معاه ......وكلي عليه رببي

[زهرة كل يوم]

وعسى ان تكرهوا شيئا وهو خير لكم

الآن خير من بعد وربي راه يعرف خير منا

ربي يعوضك بأحسن منه ومسالت تعلقتي بيه فترة وتفوت وتنسايه

[pharma-93]

احمدي ربي اللي كشفهولك قبل ماتولي فدار وحدة معاه ومدام قلتيلو وقالك مانقدرش نحبس غير اخطيك منو وربي يعوضك باسن منوو ان شاء الله

[hano.jimi]

ربي يعوضك ويرزقك ولدحلال متقلقيش روحك وانسيه

[~ السلطانة ~]

حيرتني حاجة ؟؟؟
تقولي عقدتي ؟؟ يعني هذا زوجك ؟؟؟
علاه تسميه بالطفل ؟ هل هكذا يسمى الزوج عندكم ؟؟؟
تبانيلي حتى انت طفلة ؟؟؟
اكره ما أكره ان يبدأ احد الطرفين في نعت الاخر بابشع الصفات حين يحصل الفراق ؟؟؟ لن نتعلم الستر ما حيينا حين يتعلق الأمر بمواجهة المجتمع بصبر و حكمة ...
الله يهدينا ..

[SKYALGERIA]

إذا جاءكم من ترضون دينه و خلقه فزوجوه هذا حديث النبي صلى الله عليه و سلم و لا أعتقد أن هذا الرجل مناسب لك فهو لا دين و لا خلق له .

[محمد...عبد النور]

عسى ان يكون الامر خيرا لك و قولي الحمد لله
و ان تفارقيه اليوم خير لك من الزواج به و مكابدة الهموم و الله أعلم
و انت انما فعلت ذلك طلبا في تحري دينك و اخلاقك ....فاحتسبي الامر عند الله و لسوف يعطيك الله فترضين
فقط عليك بكثرة الدعاء و لا تفرطي في في التحري عن اي خاطب لك -- يعني اهلك يتقصوْن و يسألون جيدا علنه -- كي لا يحدث ما قد حدث
أسأل الله الكريم رب العرش العظيم أن يرزقك الزوج التقي النقي الذي يحبك و يصونك و كل بنات المسلمين
ســــــــــــــــــــــــــلام

[djamel123]

هم ربما فكروا في أنه سيتوب بعد الزواج،
لكن حسب مانراه في حياتنا صعب جدا جدا للمدمن
إذا وصل إلى حد معين أن يعود الى الخلف.
أعرف عائلات كثيرة تعيش الجحيم بسبب هذه الآفة،
وما يمنع الزوجة من الطلاق هو وجود الأولاد فقط.

[tas nim]

الحمد لله كي عرفتيه على حقيقتو فبل فوات الاوان يعني هكذا خيرلك كون تزوجتي وقدر ربي ورزقك بوليدات.ونتي رابي يرزقك بولد الحلال

[assmamadani]

معاك حق مدامك مكيش قانعة بهذو الصفات والاعمال تعو مكلها تديه من بعد تندمي ثقي بالله مدام تركتيه من اجل معصية ربي راح يعوضك بالحسن منه