راني حاصل !

[مشكلتي]

السلام عليكم ..
أولا أشكركم على صبركم وحسن نياتكم في مساعدة الغير ..

المشكل لي راني مباسي معاه هو الباكالوريا، راح يهبلني !
حرت واش ندير، الفصل الاول ديت9 وهاد الفصل راني رااقد والموصيبة كبرت، الغفلة قضات عليا !
اليامات رام يجروا ومبقاش قد اللي فات
وضرك راني نخمم إذا نحبس لقرايا من ضرك ومنعييش روحي في باطل ؟ ولا نكمل .. بصح ادا كملت لازم نجيب الباك بنقطة مليحة وهاداك هو المشكل الكبير
خاطرش راني في شعبة علوم تجريبية وتعرفو الحالة كيفاش تسير.

قتلتي الحيرة والغفلة والمعاصي حتى وليت مباسي ؟!
انصحوا خوكم وربي يحفظكم.

[/زهرة عصفور الجنة/]

حط عقلك في راسك مشاكلك ستحل باذن الله
خذ ورقة وحدد فيها اهدافك التي تصبو لتحقيقها
بعد ان تحدد الهدف ضع خطة تناسبك لتحيق هدفك
نصيحتي نحن في بداية الفصل الثاني ومازال لديك الوقت لاستدراك النقائص
اول شيء عليك فعلا هو ان تتقي الله وتهتم بصلاتك وتدعو الله ليسر لك طلب العلم
ثانيا نظم وقتك ابحث ادرس حاول ان تدرس مع زملائك حاور اساتذتك
ابذل مجهودا لتحقق اهدافك
البكالوريا في هذا الوقت بلا معدل مليح ما عندك مادير بيها
الناس قرات وتعبت باش تحصلت على عمل
لي ما عندوش الباك مستقبلو يضيع
مزال الوقت فاستعد وربي ينجحك وان شاء الله سنسمع عنك اخبارا طيبة

[mélodi]

والله قرا معايا واحد لعام لي فات جامي قرا ومع اللخر دا الباك انا نقولك او راح الحال مانكدبوش فهذي مي اعرف كيفاه تقرا حل الباكالوريات من 2008 حتى 2013 في المواد بكل حتى العلوم شرعية و الادب و شوف كيفاه يصلحو حوس في الرياضيات على بكالوريات اجنبية لبواب نور الدين والله راجعت منو حليت سلسلة ساعة طاحو 2 تمارين منها تاع الهندسة و الدوال انا تقني رياضي في الموضوع الاول في العلوم شرعية حل جميع الاسئلة لي فالكتاب الفيزياء الكهرباء راهي ديما معادلات لاشتا تضمن 3 نقاط فيهم النووي راهو علاقات والاقمار الصناعية تاني علاقات احفظ و طبق تجيب 10 يقدر يطلعك السبور تجيب 18 كي والو ام يمدو فيه عندك في الرياضيات برك ننصحك اشري الة حاسبة كاسيو لي ب ميتين وثمانين الف راهي فور تعاون في الاعداد المركبة و في الدوال و ادا مفهمتش كيفاه تخدم بيها انا نفهمك ................ ادعي ربي و صلي و استغفر و لي كتبو ربي هذاك هو .

[مواطنة]

تب الى الله تعالى توبة نصوح و ابتعد من اصحاب السوء ان كانو برفقتك ابتعد عنهم قدر المستطاع الوقت لم يفت بعد كانو عندي صديقات جابو اقل منك 7 و الباك جابوه برتبة مليحة
المهم حدد لنفسك برنامج يبدأ بذكر الله تعالى و ينتهي بذكر الله تعالى خلاله كاين الصلاة و الاذكار و قراءة و لو صفحة من القران كورد اضافة الى دراستك و توكل على الرحمان
لازمك تخلي وقت بعد العودة من الدراسة ترتاح فيه و تولي تراجع الدروس دير ملخصات لكل درس في ورق مقوى وين تشوف روحك حصلت دون على ورقة و خلي الاستاذ يفهمك او تلميذ معاك او النت
اما التمارين اخدم وعاودهم حتى تحفظهم نعم الحفظ حتى في المواد العلمية ضروري لانو اذا حفظ الطريقة تولي التمارين تحلهم بسرعة خيالية و صحيحة
رانا في شهر 1 كلشي تقدر تداركو
عندك السيت و الجمعة و مساء الثلاثاء فرصة لا تعوض دير وقت فيهم للمراجعة وحل التمارين و اذا تقدر الدروس الخصوصية لانهم يساعدوك اكثر
نهار تشوف روحك بديت تدخل في جو الدراسة مليح ابدى تحل تمارين الحوليات لي شبهو تمارين الدرس و كل تمرين عندو فكرة لونها و لخص مراحل الحل باش تسهل عليك مراجعة الحلول
اذا حبيت تقرى دون ازعاج اما تخصص مكان في الدار تغلقة باش يكون هدوء للتركيز ومين داك اخرج باش تبدل جو مثلا كل ساعتين اعطي لنفسك 15 الى 30د
باش تخلي الافكار يترسخو و تصفي الذهن ديالك
اذا ماعندكش مكان في البيت سجل في مكتبة تكون قريبة للدار و كي تروح دير خطة انو تستفاد كل الوقت لي تقعد فيه و لوكان فيه اصدقاء لازمك تستفاد منهم للمراجعة وليس اكثر من 2 ذكور طبعا
لوكان تركز على الهدف ديالك مليح باذن الله تعالى تنجح انت اعمل لي عليك و التوفيق من الله تعالى
لا تحكم على نفسك بالفشل و الاستسلام قبل ان تعطيها كل الفرص المشروعة للنجاح

[ابوبكر17.00]

{وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ} [التوبة:105]

[فارس وجواد]

رَأَيْتُ الذُّنُوبَ تُمِيتُ الْقُلُوبَ * وَيُتْبِعُهَا الذُّلَّ إِدْمَانُهَا
وَتَرْكُ الذُّنُوبِ حَيَاةُ الْقُلُوبِ * وَخَيْرٌ لِنَفْسِكَ عِصْيَانُهَا

[doudou17]

نسهل عليك المهمة و ماتقولش الدروس تراكمو عليا ...لخص المواد الادبية ونهار الامتحان راك تعسر مخك شوي وتتوسع
المواد العلمية القوانين احفضهم مليح مليح وكتر التمارين ..اللغات الاجنبية ماتحيرش فيهم كاش قواعد لخصهم مايجوكش في ورفة وتكل على ربي راه مزال الحال احمد ربي راه انبك ظميرك وتفكرت قرايتك في وقت مبكر 4 اشهر في يدك دير فيها حوايج بزااااااااف ...ماتزير روحك ماوالو ديفيلي مع صحابك اخرج ووقت قراية قراية ...كتر من الاستغفار

[pharma-93]

سلم اخي حط راسك فقؤايتك تى حاجة ما تفيدك من غيرها والللله في اخر السنة راح تندم ندم كبيررررررر انت اقرا واش راه شادك وبالنسبة للمعدل لي جبتو في الفصول ما يطيحلك المورال منو ما والو انا كانو يقراو معايا كانو يجيبو 6 والله بصح كي قرب الباك حطو راسهم وجابوه

[hsaannaba]

ممممممممممممممممممممممممشششششششششششششششششششششككككك كككككككككككككووووووووووووووررررررررررررررررراااااا ااااااااااااااااااااا

[worodalmalak]

انا تاني فوت الباك العام لي فات وديت معدل 9 في كل فصل مي ديت الباك ب12 ماقريتش مع الاول بصح مع الاخر فورسيت روحي راهوووو مازاااال الحال متتقلقش المهم انت ابدا وتوكل علا ربي ودرك تنجح ما تخاف ما والو راهو ساهل المهم انت اجتهد وما تياسش

[pomaria_aindefla]

كمل إلى أخر يوم من الدراسة لأنه إدا ما توفقش في الباكالوريا ة تبغي تسجل في التكوين المهني أو تبغي جوز كونكور تع مساعد تربية أو عون إدارة لازم تكون كملت السنة لازم الشهادة المدرسية يكون فيها 30 جوان 2014 إدا دوبليت ربما تستطيع إعادة البكالوريا كمتمدرس إدا ما كانش عندك غيابات كثيرة

[جالب الخيرات]

سألت وكيعا سوء حفظي فأرشدني إلى ترك المعاصي
و قال العلم نور و نور الله لا يهدى لعاص
:1:

[tuba21]

غير بالشوية رانا في بداية الثلاثي الثاني ومازال عندك الوقت الكافي فقط نضم وقتك مليح و اجتهد في دروسك
هيا كوراج و ربي ينجحك و تجيب الباك بمعدل مليح

[b.mayssouna]

السلام عليكم
اولا استعن بالله وحاول تنظم نفسك مازال لحال وماتقولش خلاص الوقت لالا راك غالط.... قضية تنظيم وقنع نفسك انو لي يعيا يصيب
انا كنت تقني رياضي رغم تخوفاتي استعنت بالله ودرت مجهودي وفي اخر المطاف كرمني ربي بمعدل مليح دخلت بيه طب اسنان السنين راهي تجري راني الان سنة رابعة ودايما نحس انو غير لبارح وين ديت لباك
ربي مايخيبش لي يدعيه ادعيلو وصلي وحطو في قلبك وفي نفس الوقت اجتهد
وبادن الله نسمعو عليك اخبار مليحة ونباركولك على احسن معدل ان شاء الله
ماتخليش الياس يسيطر عليك
وفقك الله

[أم محمد 06]

لاتقنط ياابني من رحمة الله فالكثير من الطلاب كان مغدلهم الفصلي مثل المعدل الذي تحصلت عليه انت ولكن بقدر الله ثم بالاجتهاد تحصلو على الباكالوريا وهم الان في الجامعة او حتى متخرجين فتوكل على الله واعقلها

[وصال سلام]

النصائح اللي عطاوهالك الاعضااء كلها من ذهب كفاو ووفااو

وانا نقولك مازال الحال تقدر تبدى من اليوم يلا يلا واش راك تسنى من اليوم ابدا ونظم وقتك وامورك

والباك راك جايبو جايبو باذن الله بالارادة القوية والثقة بالنفس وتحديد الهدف وتنظيم الوقت فقط والباك راح يكون بين ايديك

انا الحمد لله اديت الباك وراني متخرجة والحمد لله وباش نفرحك معدل الباك نتاعي اعلى من معدل تاع الفصول الثلاثة وبديت نوجدلو من جانفي كيما هاذ الوقت

وندعيلك ربي تدي الباك بمعدل افضل

الى الاماااااااااااااااااااااااااااااااااااام سر شهادة النجاح بانتظارك هناك
انا متاكدة بلي راااااااااح تديه وماتنساش تبشرنا وتفرحنا