اسرعو لي بالنصيحة كل يوم نبكي

[أمي قرة عيني]

]السلام عليكم ربي يهينكم اريد النصيحة راني متزوجة عندي 5 شهر و بالحمل لكن المشكل مقدرتش نتأقلم و الله تعبت و زوجي نحلل فيه يديني لدارنا محبش هادي مدة 2 شهرين و بعيدة عليهم ب 220 كلم و درك راني نخمم كي نروح نقلو يجي يسكن في ولايتي هنا الحياة روتين قاتل مع اني جامعية و مخلنيش نخدم و بلاد صحراوية مكنتش نحسب فيها هكا و نسكن مع اهلو وليت نحسو اناني ديما يسقسي على خاتو و والديه و يحبهم معاه في الطابلة و كي نقولو دارنا يقلي بدلينا الموضوع نفكر نستقر في ولايتي و ادا محبش نطلب الطلاق

[أمي قرة عيني]

انتظر جوابكم

[ryma221]

اظن انه في الاول قبلتي بشروطو و عارفة احوالو عليك بالصبر يا اختي هذا ما كان

[(( هبة الرحمن ))]

]السلام عليكم ربي يهينكم اريد النصيحة راني متزوجة عندي 5 شهر و بالحمل لكن المشكل مقدرتش نتأقلم و الله تعبت و زوجي نحلل فيه يديني لدارنا محبش هادي مدة 2 شهرين و بعيدة عليهم ب 220 كلم و درك راني نخمم كي نروح نقلو يجي يسكن في ولايتي هنا الحياة روتين قاتل مع اني جامعية و مخلنيش نخدم و بلاد صحراوية مكنتش نحسب فيها هكا و نسكن مع اهلو وليت نحسو اناني ديما يسقسي على خاتو و والديه و يحبهم معاه في الطابلة و كي نقولو دارنا يقلي بدلينا الموضوع نفكر نستقر في ولايتي و ادا محبش نطلب الطلاق
الله يهديه
ربي يفرج همك
اختي انت حامل ابتعدي عن التوتر والقلق حفاظا على صحة جنينك لانه هدية ثمينة من رب العباد...لم يبق على وضعه الا اشهرا ان شاء الله بعدها ستنشغلين به ويملا حياتك ...زوجة اخي كانت مثلك تماما في البداية تذهب باستمرار الى بيت اهلها لكن اخي لا يمنعها لان والدتي دائما تقول له انها ( مازال ما توالف اصبر عليها ) لكن صدقيني بعد تسعة اشهر رزقت بابن هي ترفض الذهاب الى بيت اهلها الا في المناسبات ..تهتم بابنها ومعظم وقتها له.
لماذا لم يات اهلك لزيارتك تنقص الوحشة ...اظن صعب يسمح في البيئة التي نشا وترعرع بها وياتي للعيش بولايتك
اختي لماذا الطلاق ....الامر لا يستدعي ذلك ..احس بك ...حتى انا متعلقة كثيرا باهلي واخاف حتى من الزواج ولا اتخيل انه سياتي يوم واعيش بعيدا عنهم وبالاخص امي .....
فكري بطفلك ..هل يظهر الى النور بعيدا عن والده صعب....اختاه رغم انني صرت شابة لكن احن دائما الى والدي كلما حدث معي شيء اتذكره وابكي ...اذا تقدم لخطبتي شاب اتذكر واقول يا ليت والدي معي ..مع ان اخوتي والله لا ينقصني معهم شيء .....
اعلم ان اشتياقك لاهلك يحدث في نفسك حرقة ..اتمنى ان ياخذك زوجك لزيارتهم...حتى تبرد نارك....
كلما قرات موضوعا لواحدة عن زوجها زادت مخاوفي من الرجال اكثر
الله يحنن قلبه عليك.

[هشام 12]

عندكالانترنت وتقولي روتين قاتل
اشغلي نفسك واذا كان عند اهلم الانترنت اتصلي بيهم ونحي على قلبك شوية
زوجك هو دنيتك وآخرتك تقربي منه أكثر حتى يصبح يلبي رغباتك دون كلام ربي يعينك

[زنجبيل11]

اهلك عندك الحق فيهم و عندهم الحق عليك
و اذا ما قدرتيش تروحي اصبري في خاطر الجنين لان كل التوترات و القلق سينتقل اليه لانكي تحميلينه
اذا ما حبش يديك تزوريهم كلميهم يوميا
الطلاق لا تتكلمي عنه
الله يهدي زوجك و يديك تزوري والديك

[مواطنة]

اختي اذا توحشت اهلك لهاذا الحد اقترحي عليهم يجوك او هو يروح يجيب امك تقعد عندكم كاش ايام هكذا يفهم وتاني المسافة ماراهيش بعيدة يقدرو خاوتك اذا عندك يزوروك نقولك الصراحة الاهل كي يزوجو بنتهم و مايروحوش عندها يطلو عليها كاين رجال يستغلو الوضع
امال قوليلهم يجوك يضيفو من بعد تشوفي اذا اهل زوجك يعجبهم الحال او يستثقلو اذا استثقلو اكيد يولي زوجك يخليك تروحي و اذا فرحو بيهم خلي امك تقولي يجيبك اوترجعي معاهم تضيفي يا اخي انا نصحك قوليلهم بلي راني توحشت ارواحو تدوني بلا ما يقولو لزوجك بلي هذا اقتراحك
يعني انت اسكتي على الموضوع و خليهم هم يسقسو وقتاش يجي يزورهم او يعرضوه مثلا خوك يتكلم معاه يقولو راك معروض النهار الفلاني تتعشى و تبات او جوز عندنا الويكند هكذا يجيبك و انت استغلي الفرصة و قوليلهم شدوني نبات
ههههههههههه يتبهدل يخليك تقعدي ايام
و انت افتحي ***** اهدري مع داركم كل يوم ينقص الوحش
اختي احمدي الله تعالى رزقك ولد الله يسهلك و نهار ينزاد باذن الله تعالى يولي ماعندكش الوقت باش تتوحشي
اما المكان صحرى ماقدرتيش توالفي اصبري اصبري اصبري و احتسبي زوجك ماراهوش حاس بيك لانو الظروف تاعو راهي نفسها بل اللى الافضل اما انت المكان بلعقل توالفيه التحقي بمسجد من اجل التجويد او دروس فقه و ادعي الله عز وجل
لكن باش تهددي زوجك اما يتبعك لبلادك و لا طلقي هذي يا اخي ماشي دبارة حكيمة هذا استعجال لا مثيل له
يا اختي نعرف بنت يسكنو قرريبة من وسط المدينة لازوجها يخليها تخرج وحدها وحتى كي تحب شيخها يمنعها و الخرجة مع الزوج مرة في 10 او 15 يوم
و اخرى كانت تسكن في المدينة راحت لوح القرية خارج ولايتها ولات تخرج مرة في 2شهور او اكثر بمناسبة موعدها عند الطبيبة النسائية حتى كي يمرض وليدها مشي هي لي تخذو للطبيب يعني ممنوع الخروج مرات وين يديها راجلها للمدينة و دارهم هذو البنات صابرات
لوكان كل وحدة تطلق على جال المنطقة ماولفتهاش او اشياء تقدر بالوقت تجاوزهم وحدة ما تبقى في دارها

[أم رمزي]

لا تفكري في الطلاق لأنك تحت ثأثير الحمل , عندك الحق تواحشتي داركم لكن بالشوية , راك تروحي ان شاء الله, ماذا جري يا حنونتي

راكي ما زلت عروسة, كوني الزوجة الحنونة و الصبورة ,و العطوفة دلعي زوجك يا ذكية لكي تكسبينه , حا تروحي الي داركم حاتروحي

ماتخفيش يا حبيبتي , تولهي بالطفل اللي جاي في السكة, هو مفتاح فرجك, و لكن السكن في ولايتك غير ممكن علي ما أظن.

[bibicha]

شوفي اختي اصعب حاجة فالزواج هي اول سنة فيها تحديات و تنازلات لازمك تتأقلمي مع ناس جدد و عقلية جديدة و محيط جديد
حابة نسقسيك لاني لا اجيد المقدمات نتي زوجك من الاول عرفتي وين يسكن ياك و رضيتي و رايحة تطلقي باش ترجعي لداركم؟نتي ترجعي لداركم و تحرمي بنك من حنان باباه؟و الغربة كامل رانا فيها حنونة شخصيا زوجت بعيييييييدة على دارنا و عارفة الغربة صعيبة
لكن في بلاصة ما راكي تخمي في الطلاق خمي كيفاش تجبدي زوجك ليك تحنني فلبو من جيهتك خمي في ولدك ولا بنتك لي جاي يعمرلك حياتك و يدفيها و لازم ترجعو للواقع الزواج تحدي و الفحلة هي لي تعرف تسير عزيزتي لوكان كل ما يجينا مشكل نخمو فالطلاق كون يحصراه وين رانا ماغلطوش ناس بكري لي قالو لي صبرت دارها عمرت
تطلقي حنونة و ترجعي لداركم؟دخول لحمام ماشي كيما خروجو حبيبتي و مجتمعنا ما يرحمش مراة مطلقة و الناس تحقر
مع نفسك جاوبيني زوجك مافيهش حاجة مليحة؟حاجة ايجابية؟اناني ايه كامل الرجال كيفكيف و ما تجيبيش عقلية شحال من سنا تتبدل في 5 اشهر مزال المشوار طويل باش تغيري زوجك و نتي تان تتغيري الزواج اخذ و عطاء برك حابة نقولك ماتتهوريش و الطلاق نحيه من راسك عندك النت اهدري مع داركم اشغلي وقتك بالتصفح اتعلمي صوالح المهم ماتخليش الشيطان يسكم وقتك و انا هنا باش نعاونك اختي

[تراتيـل صبــح]

]السلام عليكم ربي يهينكم اريد النصيحة راني متزوجة عندي 5 شهر و بالحمل لكن المشكل مقدرتش نتأقلم و الله تعبت و زوجي نحلل فيه يديني لدارنا محبش هادي مدة 2 شهرين و بعيدة عليهم ب 220 كلم و درك راني نخمم كي نروح نقلو يجي يسكن في ولايتي هنا الحياة روتين قاتل مع اني جامعية و مخلنيش نخدم و بلاد صحراوية مكنتش نحسب فيها هكا و نسكن مع اهلو وليت نحسو اناني ديما يسقسي على خاتو و والديه و يحبهم معاه في الطابلة و كي نقولو دارنا يقلي بدلينا الموضوع نفكر نستقر في ولايتي و ادا محبش نطلب الطلاق
وعليكم السلام ورحمة الله وبركاته
عليكِ التاقلم أختي فهذا اختيارك
ولم تتفقوا قبلاً على السكن في مدينتك
والعمل من المفروض أنكم تناقشتم حوله من قبل
وعندك الهاتف كلمي أهلك وليس ضروريا زيارتهم دائما
خصوصا في هذه المرحلة حتى تتعودي
وربما كثرة ذكرك للموضوع وطلب زيارتهم المتكرر
جعل زوجك يمل من الموضوع
فالكل يعلم ان ذلك من حقك
لكن اختاري الوقت المناسب
وليس عليك مقارنته بك فهذه عائلته التي من المفروض أن تصبح عائلتكِ كذلك
والحمد لله م تذكري أن هناك مشاكل بينكم سوى شعوركِ بالملل
فحاولي الاندماج معهم ولا تشعري زوجك بأنك تفضلين عائلتك على عائلته
فهذا سبب المشكل ربما
موفقة.

[جالب الخيرات]

أيما امرأة طلبت الطلاق من غير بأس فحرام عليها ريح الجنة
و لو كنت آمرا احد لأن يسجد لأحد لأمرت الزوجة أن تسجد لزوجها
ولو أن الصديد ينزف به أنف الرجل و لعقته ما كفته.
أكثر أهل النار النساء لأنهن يكفرن العشير
كل هذه إنما لأاجل شيء واحد طاعتك لزوجك جنتك ونارك
و ما طاعته إلا إرضا ء لله
آما ترضين جزاء كجزاء آسيا لصبرها على عذاب فرعون لها ؟
أما ترضين الجنة و إنها لعظيمة فكفى بك صبرا وفقط...........................................
الزواج هو تبادل و عطاء و مدة طويلة........ فليس بين ليلة و ضحاها يتغير زوجك فكلاكما لم يتعود الوضع...........
و لكن الله يهدي زوجك

[المنديل الابيض]

اختي العام الاول دايما صعيب على كل الزوجات
اصبري و مع الوقت توالفي
و كلمة طلاق ما تفكريش فيها ابداا
ربي يسترك و يهنيك و يرزقك الذرية الصالحةة

[ام الاء وسدن]

]السلام عليكم ربي يهينكم اريد النصيحة راني متزوجة عندي 5 شهر و بالحمل لكن المشكل مقدرتش نتأقلم و الله تعبت و زوجي نحلل فيه يديني لدارنا محبش هادي مدة 2 شهرين و بعيدة عليهم ب 220 كلم و درك راني نخمم كي نروح نقلو يجي يسكن في ولايتي هنا الحياة روتين قاتل مع اني جامعية و مخلنيش نخدم و بلاد صحراوية مكنتش نحسب فيها هكا و نسكن مع اهلو وليت نحسو اناني ديما يسقسي على خاتو و والديه و يحبهم معاه في الطابلة و كي نقولو دارنا يقلي بدلينا الموضوع نفكر نستقر في ولايتي و ادا محبش نطلب الطلاق

كااااااااااااامل في بداية حياتنا ....ومع الحمل صرالنا هاكا ......لكن ما عليك الا بالصبر ......سواء كنت قريبة من اهلك او بعيدة عليهم راحا تتوحشيهم تتوحشيهم ....وزيد الحمل ...والتغير الهرموني يصورلك حياتك ماساة ...صدقيني
بصح هادا هو الواقع ....وهادي هي سنة الحياة .....انسااااااااااااااااي كلمة الطلاق
انا في بداية حياتي الزوجية ...كنت بعيدة على دارنا ... ما فكرتش في الطلاق ...لكن فكرت في امور اخرى اللي تفرقنا عن بعض باقل الضرار ....بصح كي جا وليدي البكر تبدلت حياتي نهائيا اصبح هو حياتي اصبري باش تعمر دارك
هادا وين بسم الله ............كوني عاقلة .....حافظي على الصلاة والاذكار باش تروحلك هاد الافكار السوداوية .....تفكري كم كنت سعيدة ايام الخطوبة وكم كنت سعيدة وانت تحظرين للعرس ....بلخف نسيتي .....................
ديري رزنامة لزيارات اهلك نظمي حياتك من البداية ...........انا كنت نروح في الصيف شهر والزيادة دركة ما نيش نحب نروح
ربي يعمر دارك ويبعد عليك الشيطان ....

[pomaria_aindefla]

إدا كان موجود مركز تكوين مهني سجلي فيه جل المراكز توفر تكوين للمرأة الماكثة في البيت أو تكوين تأهيلي أو دروس مسائية التكوين يكون في الخياطة أو الماكرامي أو الكروشي أو صناعة الحلويات أو الحلاقة هو تكوين مدته ثلاث أشهر أو أربع أو ستة أشهر

[سمية محمد عطية]

السلام عليكم
شوفي بنتى هذا الامر راه يمر على الكثيرات وهو عدم التاقلم بسرعة وعدم الاندماج والانسجام مع الاسرة الجديدة خاصة خاصة مع الحمل هذا الشعور انا مريت بيه من اكثر من 20سنة عادي جدا ان الزوج يحب الاسرة انتاعو يتكلم معاهم ويسقسي عليهم
المراة هكدا خلقها ربي بذرة في اي ارض زرعت تنبت خاصة اذا كانت طيبة
واش نقولك الطلاق وقت الحمل راه متوقع من المراة الحامل نظرا لتغير حالتها النفسية اصبري ونوعدك بان حالتك تتغير بعد الولادة بصغير يملا عليك الدنيا ويعوضك الكثير من الاشياء اهتمى بنفسك وحاولي تخرجي من البعبع اللى راكي حاطة فيه نفسك لان التوترات مش مليحة للجنين اقرئ القران ابحثي عن صديقات حاولى تقنعي زوجك بالعمل تحدثي مع عائلتك في الهاتف ومش شرط تجوزي 30د هدرة المهم تسمعي صوتهم ولو 2د والمهم ان تحاولى تندمجي مع اسرتك زوجك بعد الولادة راح تضحكي على روحك كيفاه فكرتى في الطلاق فكري لو تطلقتى مصير ابنك او بنتك وكيف تعامل المطلقة حتى ولو كان معها شهادة ومادا لو لم تتزوجي كيف مصيرك ومصير ابنك فكري جيدا وموفقة

[ENGLISH1lover]

ا خي يقولك سال الطبيب و لا المجرب شوفي نفس الحكا ية و الله يا اختي و لكن صدقسنس تولدي الاول و الثاني و منبعد توالفي والله العظيم نتوحش دارنا لكن ولات داري هي راحتي خلاص كبرت على حكاية ماما و اخواتاتي و زيد الحمل و ماادرا ك ما الحمل و الوحم و الله غير طلبت الطلاق لكن فاتت على خير حتى ارقيت و الحمد لله قولي الحمد لله غير محتاجة نص راجل و راضية

[Malek12]

الحمد الله مازال كاين لي فيهم الخير

بصراحة كل الردود كانت في المستوى و اكثر

بارك الله في الجميع حتى نحن استفدنا

فلعل اختنا الكريمة تاخذ بالنصائح و ربي يهنيها و يرزقها الذرية الصالحة حتى تقر عينها

[بصمة قلم]

]السلام عليكم ربي يهينكم اريد النصيحة راني متزوجة عندي 5 شهر و بالحمل لكن المشكل مقدرتش نتأقلم و الله تعبت و زوجي نحلل فيه يديني لدارنا محبش هادي مدة 2 شهرين و بعيدة عليهم ب 220 كلم و درك راني نخمم كي نروح نقلو يجي يسكن في ولايتي هنا الحياة روتين قاتل مع اني جامعية و مخلنيش نخدم و بلاد صحراوية مكنتش نحسب فيها هكا و نسكن مع اهلو وليت نحسو اناني ديما يسقسي على خاتو و والديه و يحبهم معاه في الطابلة و كي نقولو دارنا يقلي بدلينا الموضوع نفكر نستقر في ولايتي و ادا محبش نطلب الطلاق

وعليكم السلام ورحمة الله وبركاته

زيارة اهلك من حقك ، لكن حسب قدرة واستطاعت زوجك

أما حديثك عن الأنانية ، فاعذريني ، اظنك اكثر انانية من زوجك، كيف تريدين لزوجك ان يترك اهله ومدينته وعمله ويذهب ليعيش في ولايتك؟؟؟

الأصل اختي الفاضلة ان الزوجة تتبع زوجها اينما ذهب وليس العكس

اما حديثك عن الطلاق فاظن ان فيه نوعًا من التصابي ، الطلاق ليس بالهين و خاصة اذا كان السبب تافهًا كالذي تتحدثين عنه

[ام ظافر]

راكي تحطي العقدة في المنشار بقولك اما يتحول لولايتي او الطلاق
ولا راجل يقبلها على روحو
صبرتي 5اشهر زيدي اصبري 4 ومن بعدها رديلنا الخبر اصلا ماراحش نلقاوك هنا في المنتدى معانا بزاف من كثرة انشغالك لانو الرضيع مسؤولية كبيرة
الحمد لله كاين وسائل الاتصال الان مقربة البعيد مثل ال***** راكي تتكلمي وتشوفي في اهلك تنقصي شوي من الوحشة
وقريتك ليست بالشكل الي توصفي فيه بما انها فيها انترنات
اما البعد 220 كم يعني تقريبا 3ساعات سفر ومع الحمل نظن زوجك راهو يشوف لصحتك ولصحة وليدو لهذا منعك من السفر وهنا حاولي انو اهلك الي يجيو عندك لان حالتك استثناء الان
اختي اتكلم من تجربة انا بعيدة عن اهلي ب1000كم واسكن في قرية صحراوية بالكاد بها متطلبات الحياة ولكن مع الصبر كلشي يهون الا انك تخربي حياتك وحياة صغير مازال ماجاش للدنيا بسبب قلة صبرك
الله يهدي سرك ويريح بالك

[kenza to]

واحد ماقالك ارواحي تسكني في الصحراء ارجعي للبلاد واطلبي طلاق

[naamane3]

اذكري الله يطمإن قلبك
ثم قرري ماذا تفعلين

[رحمة من المولى]

السلام عليكم و رحمة الله تعالى و بركاته
حنوووووونة كانت عندي صاحبتي جامعية مقلشة في دارهم الماكلة توصلها وووووووووو نصيبها كان في منطقة خارج ولايتها نهار جات عروسة حكاتلي بللي راها تعيش حياة تاع برا يعني العجين و وووووو ثاني زوجها ماشي معاها ولات تخرج معاهم للحقول وراكي عارفة دارهم يجي راجلها باش يديها مكان لا انترنت لا والو المشاكل صرالها العجب مقدرتش تتأقلم صبرتها قتلها انت مضخمة الامور
تهار رحت زيارة لعندها زوجها ما شاء الله بصح عجوزتها و بنتها اللي متزوجة و قاعدة ثم مع 5 اولاد و زوجها كارثة صاحبتي مجبرة باش توكل هذي العائلة كامل في العجين فقط و التسياق لانو الطياب فهي تقشر و توجد الخضر لأنو أخت زوجها هي تطيب قالتها متعرفيش عاداتنا.
قتلك نهار رحت صح قامو بضيافتي بأحسن ما يمكن أن أقول لكن تصرفاتهم معاها و المكان المحيط بها جعلني لا أطيق المكوث هنا صديقوني كارثة المنطقة تختلف عن منطقتها تماما الرمال تحيط بها من كل جانب بمعنى تسيقي و لا تقعدي داخلى الرملة داخلة و زيد دخول الاولاد و خروجهم و الرمال في أرجلهم موالفين هوما هي لالا كانت تقولهم خلوا حشاكم الاحذية في الباب لكن يا ويلتها
قلت في قلبي الله يكون معاها انا يومين ما قدرتش نقعد مابالك هي مع هذا قتلها مكتوبك اصبري جات مرا غضبت لدارهم بصح يماها والديها طلبوا منها الرجوع لانو مكتوبها بمعنى قنعوها و راجلها محبش يجي يسكن في بلادها قالها اقعدي في داركم
نزيدك بلي راجلها نهار يخلص دراهمو يمدهم ليماه باش تصرف على الدار المتكونة من صاحبتي/امو/ بنتها و زوجها و اولادهم 5 أفراد/ أخ زوجها عسكري و ما تخليهش يماه يصرف لانو راه يبني/ و اخ زوجها آخر فلاح ثان ميصرفش راح يشري سيارة
نهار تقول صاحبتي لراجلها اشريلي اي حاجة فهو مجبر باش يشري لامو و اختو و ابناتها نفس ذيك الحاجة
نهار يكون رايح لخدمتو يسلف على صاحبتي باش يروح يخدم و
مع هذا صبرت و تأقلمت مع الوضع راه عندها ثلاث أولاد رب يحفظهم اخت الزوج بها باولادها عطاولهم سكنى هاذو ليامات و راحو
اخ الزوج العسكري تزوج وراح لدارو راحت معاه يماه
الاخ الفلاح تزوج و راه ساكن معاها بصح كل وحدة و كوزينتها
والفت حياتهم راها تلبس كيفهم و عايشة كيفهم المشكل فقط انو راجلها خرج تقاعد ما عندو حتى دورو في جيبو وخاوتو اللي كان يصرف عليهم و خدامين راهم عايشين وووووو هذي اللي بقات تحرق في قلبها
المهم الواحد قبل ما يتزوج لازم يقتنع بلي كي وافقت لازم نتقبل الحياة بحلوها و مرها
هذا اختصار لحياة صاحبتي و انت قارنيها بحياتك شكون الاحسن
و رب يرزقلك الهنا و يسهل حملك و ادعيلي معاك كي تروحي تولدي
سلام

[رانيا لوك]

أيما امرأة طلبت الطلاق من غير بأس فحرام عليها ريح الجنة
و لو كنت آمرا احد لأن يسجد لأحد لأمرت الزوجة أن تسجد لزوجها
ولو أن الصديد ينزف به أنف الرجل و لعقته ما كفته.
أكثر أهل النار النساء لأنهن يكفرن العشير
كل هذه إنما لأاجل شيء واحد طاعتك لزوجك جنتك ونارك
و ما طاعته إلا إرضا ء لله
آما ترضين جزاء كجزاء آسيا لصبرها على عذاب فرعون لها ؟
أما ترضين الجنة و إنها لعظيمة فكفى بك صبرا وفقط...........................................
الزواج هو تبادل و عطاء و مدة طويلة........ فليس بين ليلة و ضحاها يتغير زوجك فكلاكما لم يتعود الوضع...........
و لكن الله يهدي زوجك
كلام موزوون بارك الله فيك
اما لاخت نقولها كل ران هكا انا بعيدة علا دارنا 250 وهذه هي الدنيا

[رانيا لوك]

السلام عليكم و رحمة الله تعالى و بركاته
حنوووووونة كانت عندي صاحبتي جامعية مقلشة في دارهم الماكلة توصلها وووووووووو نصيبها كان في منطقة خارج ولايتها نهار جات عروسة حكاتلي بللي راها تعيش حياة تاع برا يعني العجين و وووووو ثاني زوجها ماشي معاها ولات تخرج معاهم للحقول وراكي عارفة دارهم يجي راجلها باش يديها مكان لا انترنت لا والو المشاكل صرالها العجب مقدرتش تتأقلم صبرتها قتلها انت مضخمة الامور
تهار رحت زيارة لعندها زوجها ما شاء الله بصح عجوزتها و بنتها اللي متزوجة و قاعدة ثم مع 5 اولاد و زوجها كارثة صاحبتي مجبرة باش توكل هذي العائلة كامل في العجين فقط و التسياق لانو الطياب فهي تقشر و توجد الخضر لأنو أخت زوجها هي تطيب قالتها متعرفيش عاداتنا.
قتلك نهار رحت صح قامو بضيافتي بأحسن ما يمكن أن أقول لكن تصرفاتهم معاها و المكان المحيط بها جعلني لا أطيق المكوث هنا صديقوني كارثة المنطقة تختلف عن منطقتها تماما الرمال تحيط بها من كل جانب بمعنى تسيقي و لا تقعدي داخلى الرملة داخلة و زيد دخول الاولاد و خروجهم و الرمال في أرجلهم موالفين هوما هي لالا كانت تقولهم خلوا حشاكم الاحذية في الباب لكن يا ويلتها
قلت في قلبي الله يكون معاها انا يومين ما قدرتش نقعد مابالك هي مع هذا قتلها مكتوبك اصبري جات مرا غضبت لدارهم بصح يماها والديها طلبوا منها الرجوع لانو مكتوبها بمعنى قنعوها و راجلها محبش يجي يسكن في بلادها قالها اقعدي في داركم
نزيدك بلي راجلها نهار يخلص دراهمو يمدهم ليماه باش تصرف على الدار المتكونة من صاحبتي/امو/ بنتها و زوجها و اولادهم 5 أفراد/ أخ زوجها عسكري و ما تخليهش يماه يصرف لانو راه يبني/ و اخ زوجها آخر فلاح ثان ميصرفش راح يشري سيارة
نهار تقول صاحبتي لراجلها اشريلي اي حاجة فهو مجبر باش يشري لامو و اختو و ابناتها نفس ذيك الحاجة
نهار يكون رايح لخدمتو يسلف على صاحبتي باش يروح يخدم و
مع هذا صبرت و تأقلمت مع الوضع راه عندها ثلاث أولاد رب يحفظهم اخت الزوج بها باولادها عطاولهم سكنى هاذو ليامات و راحو
اخ الزوج العسكري تزوج وراح لدارو راحت معاه يماه
الاخ الفلاح تزوج و راه ساكن معاها بصح كل وحدة و كوزينتها
والفت حياتهم راها تلبس كيفهم و عايشة كيفهم المشكل فقط انو راجلها خرج تقاعد ما عندو حتى دورو في جيبو وخاوتو اللي كان يصرف عليهم و خدامين راهم عايشين وووووو هذي اللي بقات تحرق في قلبها
المهم الواحد قبل ما يتزوج لازم يقتنع بلي كي وافقت لازم نتقبل الحياة بحلوها و مرها
هذا اختصار لحياة صاحبتي و انت قارنيها بحياتك شكون الاحسن
و رب يرزقلك الهنا و يسهل حملك و ادعيلي معاك كي تروحي تولدي
سلام
الله كين في عونها والله تقطع قلبي وحسيت بها ربي يفرج علا كل ولية

[omhadil]

واش نقولك يا اختى ربى يكون معاك هذا اكيد فترة الوحم الى دير هكذا
رانا كامل جربنا والله يا ختى رانى حاسة بيك انتى اطلبى منو يديك بالعقلية والى مابغاش اصبرى فترة وتجوز انشاء الله
والطلاق متفكريش فيه نهائيا ربى يجيب الخير وطمنينا على حالتك كى تتحسنى واذكرى الله دائما

[بتول8]

عليكم و ع الانترنت قولي لداركم يديرو سكبب و نتي تاني و المشكل تحل و الله تقول راكي معاهم خلي المكرو شاعل و حكو حتا تكرهو
الامر بعيد كل البعد عن الطلاق مفهمتش علا بنات اليومين هادو كلمة زوج طلاق ياخي دارك و راجلك لي ينفعوك غدوة ك تطلقي و الله مازادو شافو ليك داركم يا بعد

[سوسو الطموحة]

شفتي ماكان حتى وحدة عطاتلك الحق ....واش من طلاق هذا عندنا حنا عيب لمرا تدي راجلها لعند اهلها قصدي تغير المسكن علىجال اهلها تكون قدامهم واهله....يخليهم؟لازملك الصبر...وكي يجو الاولاد راكي تعمري كل وقتك بهم

[وجدان تقوى الله]

حبيبتي ماتنفعك غير دارك كيما يقول المثل رحت ليما وخاتي وما لقيت خير من دويرتي تعياي كنتصيبي ما تروحيش واذا روحتي ماتوليش ونصيحتي لك اصبري وتهلاي في البيبي ديالك وقولي لوالديك يجوك من بعد راهو يعود يديك وتكره