الطلاق

[مشكلتي]

السلام عليكم
لن اطيل عليكم كثيرا
المهم انا متزوجة منذ 7 اشهر .. مكثت عند اهل زوجي 3 اشهر فقط والباقي ببيت اهلي
تلك المدةكانت قصيرة لاكن تلقيت فيها كل انواع الاهانات من طرف اهل زوجي
لا انكر ان زوجي انسان طيب نوعا ما وبعيد عن ماهو لا اخلاقي لاكن ذو شخصية ضعيفة جدا
كانت الحياة الزوجية في ايامنا الاولى مستقرة لاكن سرعان ما تحولت الى مشاكل سببها تدخلات اهله في حياتنا الزوجية حيث انهم يتدخلون في كل صغيرة منها قبل الكبيرة مما جعل حياتي معهم لا تطاق وهو السبب الذي جعلني اغادر بيت الزوحية

اهل زوجي عندهم عقلية صعبة
لا يمككني الخروج مع زوجي بدون والدته
يستغلون فرصة خروحي من المنزل ليقومو بتفتيش اغراضي مع العلم ممنوع غلق باب الغرفة
لنا شقة مستقلة لاكن للنوم فقط مع العلم لا يمكن لي الاستقلال بها انا وزوجي بحجة حنا مندروش دار في دار
يستغل اخ زوجي فرصة غيابي لينفرد في غرفتي بحجة مشاهدة قنوات في التلفاز دون ان يحترم خصوصيات الغرفة
يقومون بقطع الماء عن شقتي كي لا اجد وسيلة سوى النزول عندهم
زوجي انسان متردد في قراراته لا يمكن ان يتخذ قرارا في حياته فالقرار قرار والديه اما هو فهو مجرد وسيط بيني وبين والدته
لا يكتم اسرارنا الا واجدها عند اهله لا يستطيع ان ينفق عليا بدون اخذ مشورتهم
كوني محامية متربصة فانا اغادر البيت كثيرا اضطررت لكي اعمل طبق اصل مفتاح ضنا مني عدم ازعاجهم فاذا بهم يلقنونني درس في الاخلاق بحجة المراة عندهم ممنوع تحمل مفتاح منزلهم وهما كامل عندهم عندهم مفتاح)
اذا طلبت من زوجي مثلا ان يقوم بشراء لي حاجة يكبروها عليا بحجة خليه يخدم
وما زال
ومازال


امور كثيرة جعلتني احس انني غادرت بيت اهلي الذي كنت فية اميرة مدللة
واتيت لاناس يريدون ان يذلوني
وصل الامر بهم الى سرقة اغراضي وملابسي
اما زوجي فلا حياة لمن تنادي المهم عندوا برضني بزوج كلمات وخلاص
الى ان اتى اليوم الذي حاولت فيه والدة زوجي ان تخنقني الامر الذي جعلني لا احتمل والتي على اثرها غادرت منزلهم وها انا 4 اشهر ماكثة ببيت اهلي

لا نكر ان زوجي حاول عدة مرات ان يراجعني فيها اما انا كنت رافضة بحجة ان يوفر لي بيت مستقل عن اهله بحجة انه ادنى حق من حقوقي


اهله كانوا رافضين لاستقلال ابنهم بشقته المنفردة
ورافضين ان يقوم باستاجار بيت


السبب ان ابنهم غير مستقل بمهنة خدام مع الوالد يعني اذا خرج عليهم راح كل شي دار السيارة الخدمة


في الحقيقة بعد شهر من خروجي غضبانة زوجي وعدني ببيت مستقل وكنا على اتصال بصدد البحث عنه .




.الا ان انقطع الاتصال

زوجي ( يرفع عليا دعوى طلاق ) الشي الذي صدمني بعد ان اتصلت به اخبرني انه مرغم من طرف والديه
بعد تفكير اعدت الاتصال به واخبرته انني اتنازل عن حقي في السكن ببيت مستقل
فاعاد الاتصال بي واخبرني بعد استشارة والدية يعني مازال وسيط بيننا
اخبرني ان في شروط كي يتراجع عن الطلاق
لا يمكننا الاستقلال ببيت منفرد
ممنوع حمل اي مفتاح سواء الغرفة او..
التوقف عن ممارسة مهنة التربص في المحاماة
عدم المطالبة بالعمل
عدم قيادة السيارة
الطاعة التامة للوالدين واستشارتهما في اي امر

انا الن في حيرة من امري هل اضع حدا لزواجي وانقذ كرامتي
هل اعود و اترك مستقبلي و مهنتي
ماذا افعل والشيء الذي زاد الامر سوءا هو ضعف شخصية زوجي
انا حائرة لكن كل شيء بيد ربي ان شاء الله

[nouna l maghbouna]

راجل كيما هذا واش تستناي منو
اذا في بيت والدك عايشة bien علاه ترضاي الذل
و في الاخير حياتك و انتي حرة
ربي معاك

[سميرة2]

السلام عليكم صباح الخير يا اختي واش راح نقلك البعض ملي حكتيه عشتو و مازال الحمد لله على كل شيء بصح نقلك حاجة او ننصحك بحاجة كيما اختي لا تقومي باي امر و اتركي الامر لكبار العائلة اطلبي من ابيك ان كان موجودا ان يلتقي مع والديه و ان رفضو يدهب اليهم هو لكن ليس لوحده مع عمك او خالك او كبير من العائلة تثقون به وهم اللدين يحددون الامر وبما انكي قلتي ان زوجك ضعيف الشخصية فهدا هو الامر الدي يجب ان يحدث
ما تزيديش تكلميه وتقوليلو نولي مع التخلي عن حقوقي شوفي ماشي نحرش فيك بصح راني مريت بتجارب امر من المر وصبرت و هونت ومسحت بكرامتي الارض وقلت ماعليهش بصح ندمت على حوايج وعوضني ربي الخمد لله باولادي ربي يعيشهم
لاكان راه كاتبلك اكي توليلو بدار ولا بلا دار ولاكان لا مهما تنازلتي راح تتفارقو طيشي حمولك على ربي.

[naamane3]

ناس حمقي ورجل ذليل يتحكم فيه الحمقى
اكثري من الاستغفار عسى الله ان يجعل لك حلا

[محمد جديدي التبسي]

ارجعي للسكن مع أهله وخلي شخصيتك قوية مكانش منها غرفتك يعبث فيها من هب ودب أغلقيها بالمفتاح وما يقضو والو
بما أنو زوجك طيب وعيبو ضعيف الشخصية وما عندوش راي لازم انت دافعي علي بيتك وزوجك حتى يفتح الله عليكم بكراء بيت
كما قالت الأخت لابد أن يتدخل والدك وأهلك في الأمر ويطالبوا بحقوقك والعمل توقفي أحسن هو لا يرضي الله أصلا عمل المحاماة هذا
ارجعي لبيتك أختي وراجعي نفسك ربما أنت عصبية زيادة بدلي تعاملك معاهم بالحسنى لربما يصلح حالك حتى تستقلوا ببيت أو يجعل الله لكم مخرجا
ربي يعينكم ويفتح عليكم

[sara160349]

نصيحة من اخت لاخت اذا ماكانش اولاد خلي عليك و ارمي حمولك علي الله و لي خلقك ما يضيعك صح الانسان يتنازل مرة وزوج لكن بالشروط لي عطاوهالك راهم حبينك كلبة حاشاك و الله لن تنعمي بالراحة لانهم علابلهم زوجك ماعندو ما يقضي الافضل خليهم يديرو واش حابين و وكلي ربي الظلم ظلمات ما ترخسيش بروحك رايحة تبقاي مذلولة طول عمرك

[عصـــام]

سلام أختي الكريمة ، أقدر الظروف التي تعيشينها في بيت أهل زوجك ، لعلك تعانين نعم ، لكن أنصحك بالصبر فالطلاق آخر حل بالنسبة لك مع زوجك ، حاولي أن تكسبي ود أهل زوجك ، كوني ذكية ، حاوري زوجك في كيفية التعايش في بيت نغمرة السعادة والعيش الكريم ....إلخ ، لا تدعيهم يتغلبون عليك ، ربما هم يريدونك أن ترفعي الراية البيضاء في أن تكوني أنت السبب والمبادرة للطلاق ، فالطلاق خبر سيء كثيرا في مجتمعنا ، لذلك أنصحك بالحوار والتعايش والصبر على ما إبتلاك به الله ، فأتمنى لك كل الخير والطمأنينة في حياتك إن شاء الله ، ولا تنسي إستشارة والديك قبل كل فعل تقدمين عليه لأني أرى زوجك قد فقد بعض الشيء دوره في مساندتك..

[lalib40]

راجل ضعيف الشخصية لا تنتضري منه شيء

[ابوبكر17.00]

و أهلك وين من هذا كله
علاش ما هدروش معاهم
كان الله في عونك

[maramdou]

السلام عليكم

لن اطيل عليكم كثيرا
المهم انا متزوجة منذ 7 اشهر .. مكثت عند اهل زوجي 3 اشهر فقط والباقي ببيت اهلي
تلك المدةكانت قصيرة لاكن تلقيت فيها كل انواع الاهانات من طرف اهل زوجي
لا انكر ان زوجي انسان طيب نوعا ما وبعيد عن ماهو لا اخلاقي لاكن ذو شخصية ضعيفة جدا
كانت الحياة الزوجية في ايامنا الاولى مستقرة لاكن سرعان ما تحولت الى مشاكل سببها تدخلات اهله في حياتنا الزوجية حيث انهم يتدخلون في كل صغيرة منها قبل الكبيرة مما جعل حياتي معهم لا تطاق وهو السبب الذي جعلني اغادر بيت الزوحية

اهل زوجي عندهم عقلية صعبة
لا يمككني الخروج مع زوجي بدون والدته
يستغلون فرصة خروحي من المنزل ليقومو بتفتيش اغراضي مع العلم ممنوع غلق باب الغرفة
لنا شقة مستقلة لاكن للنوم فقط مع العلم لا يمكن لي الاستقلال بها انا وزوجي بحجة حنا مندروش دار في دار
يستغل اخ زوجي فرصة غيابي لينفرد في غرفتي بحجة مشاهدة قنوات في التلفاز دون ان يحترم خصوصيات الغرفة
يقومون بقطع الماء عن شقتي كي لا اجد وسيلة سوى النزول عندهم
زوجي انسان متردد في قراراته لا يمكن ان يتخذ قرارا في حياته فالقرار قرار والديه اما هو فهو مجرد وسيط بيني وبين والدته
لا يكتم اسرارنا الا واجدها عند اهله لا يستطيع ان ينفق عليا بدون اخذ مشورتهم
كوني محامية متربصة فانا اغادر البيت كثيرا اضطررت لكي اعمل طبق اصل مفتاح ضنا مني عدم ازعاجهم فاذا بهم يلقنونني درس في الاخلاق بحجة المراة عندهم ممنوع تحمل مفتاح منزلهم وهما كامل عندهم عندهم مفتاح)
اذا طلبت من زوجي مثلا ان يقوم بشراء لي حاجة يكبروها عليا بحجة خليه يخدم
وما زال
ومازال


امور كثيرة جعلتني احس انني غادرت بيت اهلي الذي كنت فية اميرة مدللة
واتيت لاناس يريدون ان يذلوني
وصل الامر بهم الى سرقة اغراضي وملابسي
اما زوجي فلا حياة لمن تنادي المهم عندوا برضني بزوج كلمات وخلاص
الى ان اتى اليوم الذي حاولت فيه والدة زوجي ان تخنقني الامر الذي جعلني لا احتمل والتي على اثرها غادرت منزلهم وها انا 4 اشهر ماكثة ببيت اهلي

لا نكر ان زوجي حاول عدة مرات ان يراجعني فيها اما انا كنت رافضة بحجة ان يوفر لي بيت مستقل عن اهله بحجة انه ادنى حق من حقوقي


اهله كانوا رافضين لاستقلال ابنهم بشقته المنفردة
ورافضين ان يقوم باستاجار بيت


السبب ان ابنهم غير مستقل بمهنة خدام مع الوالد يعني اذا خرج عليهم راح كل شي دار السيارة الخدمة


في الحقيقة بعد شهر من خروجي غضبانة زوجي وعدني ببيت مستقل وكنا على اتصال بصدد البحث عنه .




.الا ان انقطع الاتصال

زوجي ( يرفع عليا دعوى طلاق ) الشي الذي صدمني بعد ان اتصلت به اخبرني انه مرغم من طرف والديه
بعد تفكير اعدت الاتصال به واخبرته انني اتنازل عن حقي في السكن ببيت مستقل
فاعاد الاتصال بي واخبرني بعد استشارة والدية يعني مازال وسيط بيننا
اخبرني ان في شروط كي يتراجع عن الطلاق
لا يمكننا الاستقلال ببيت منفرد
ممنوع حمل اي مفتاح سواء الغرفة او..
التوقف عن ممارسة مهنة التربص في المحاماة
عدم المطالبة بالعمل
عدم قيادة السيارة
الطاعة التامة للوالدين واستشارتهما في اي امر

انا الن في حيرة من امري هل اضع حدا لزواجي وانقذ كرامتي
هل اعود و اترك مستقبلي و مهنتي
ماذا افعل والشيء الذي زاد الامر سوءا هو ضعف شخصية زوجي
انا حائرة لكن كل شيء بيد ربي ان شاء الله


wech ngolek okhti elkarima rabi ysabrak w yej3alek makhraj w nasihti jamais tkhali khadmtek liano men elbidaya bayen ano zoujak marah ye3mel ay chi liajlek w ida tnazelti rah yji youm telkay rouhek m3a wladek fi chare3

[AKIS]

الطلاق أحسن من معيشة الذل
والآن أحسن لإنه لا يوجد أطفال

[" أبو عبود"]

والله الاخوة بين من يحضرك على الطلاق ومن يطبل منك الصبر واظن انك لن تستطيعي ان تخرجي بحل من بين كل الردود. شخصيا ارى ان الطلاق اتركيه كآخر حل. وبما انه قرر تطليقك فلا تنتظري منه اي حلول كما انه اشترط عليك عدة شروط لكي ترجعي يعني مزيد من القيود بتعبير آخر " حبس سورسي". انت خليه يدير اجراءات الطلاق مدام راه بدا فيها. وكي تتلاقاو عند القاضي رايح يدرلكم جلسيتين للصلح. انت لا تكثير الحديث ولا التذمر قولي انه هو منيريد الطلاق فاذا طلب الرجوع اشترطي مسكنا منفردا. في حال اصر على الطلاق سوف يدفع ثمن كل ذلك. ولكن اعلمك درسا مهما لا تذكريه بسوء ولا تذكري اهله بسوء لا عند اهلك ولا عند القاضي. وسوف يعود يبكي عند رجليك طالبا رجوعك ولن يطول هذا. لان مجتمعنا لا يرحم فهم لن يستطيع ان يتزوج من جديد بسهولة والاكيد ليس مستعد ان ينفق على عرس من جديد وهو بهذه الظروف. كما انه سوف يقتنع ان التي سوف يتزوجها لن تكون افضل منك والللي تعرفو خير من اللي ما تعرفوش.
خلاصة القول: ما تطلبي طلاق لا تحلليه. اذا طلب يرجعك اشترطي عليه واذا طلقك قولي له " رد الباب باش ما يجينيش الريح".
كان الله في عونك

[ايمان نور الجزائر]

حالتك جد مستعصية يا اختي
كما انو...الرجل ببيت الزوجية ملزم بتوفير الامان لزوجته
وقد حدث ان مشكلتك شابهت احدة قريباتي لكن وباستشارة امام المسجد طلب الامام من الزوج
ان يوفر الامن لزوجته ببيتها يعني قالو لازم مفتاح ولازم غلق باب الغرفة وذلك من اجل الخصوصية
وكذا من عدم الاقتراب من اغراض وملابس الزوجة
اما بالنسبة لما اراه....انكي امام خيارين
اما الرجوع بشروط الزوج والعيش ذليلة عندهم والسماح من حقك ولا يدري من ماذا يفعل زوجك بامر من اهلك
في حال ما اذا اخطأت معهم...يعني عيشتك على المحك كل شوية تريسكي بروحك
تعيش وخلاص
وهناك حل اخر....الانفصال وكل يذهب في طريقه والان احسن من مستقبلا
والخروج بلا اولاد افضل من الخروج باولاد
فخيري واختاري....اين تجدين راحتك واين تستقرين بكرامتك وشخصيتك
فانتي لست دمية

[همسة مشاعر]

اختي مكلاه الطلاق الحل اخرجي من بيت اهل زوجك هدا هو الحل وادا رجعتي لازم تغيري الوضع كيما يقلك راسك ديري

[pharma-93]

سلام اختي اذا كان راجلك ضعيف الشخصية ما عندك ما ديري بيه سا قادر كاش نهار بعيد الشر تضربك عجوزتك قدامو وهو يبقى ساكت زيدي حاولي معاه بلاك يقبل يديرلك دار وادعي ربي ان شاء الله يفرج عليك ويهدي راجلك

[lachiche]

السلام عليكم أختي
قولي لراجلك انت صح مدرتلي والوا بالصح اهلك مهومش عباد قوليلوا يا ديرلي دار وحدي و بلا مشاكل يا كاينة المحكمة
و زيريه يديرلك دارك خير من الطلاق ياااو مبقاتش الزوجة تعيش في دار زوجها لازم الإنفصال و إذا راجلك عينوا في اموا يستعادها و يقوم بيها بالصح متسكنش معاه
صراحة انا ضد المرأة تسكن مع عايلة راجلها
ربي يجيبلك الخير يا اختي و اصبري وادعي الله لعله يديرلك دارك

[mounaminou]

الحل انك تستخيري ربي يوميا و تديري قيام الليل في الوقت هدا خليهم يديرو واش حبو و قدام القاضي اهدري على الخصوصية في بيت الزوجية بلا ماتقولي شخصيتو ضعيفة لاني نضن واحد شخصيتو ضعيفة في عمر فات ال30 طفرت ماش رايح يكون شخصيتو دركا ......و اهدري علا حقك في السكن المستقل و ديري واش قاللك الاخ ryad .....و ربي يجيب الي فيه الخير

[bonbon]

سلام اختي

حتى لو قبلتي بالشروط يعني تخليتي على العمل و شرط البيت و ما غير ذلك هل ستستطيعين العيش معهم مستقبلا؟؟؟؟؟

لا اظن

+

اسمحيلي ختي هادي تع توصل حماتك باش تختقك واش بقى؟؟؟؟؟ هل ستأمنين على نفسك مرة اخرى بينهم؟؟؟


و الراجل طلبوا منه ان يطلقكي و وافق؟؟؟ يعني مفرط فيك كي اليوم كي غدوة ما عندوش مشكل


خممي في المستقبل تاعك لانه للي تهون عليه نفسه مرة يعيش فالذل طول العمر


و مادام انه شبه مستحيل تستقلي ببيت بعيد عليهم ننصحك تخممي مليح مليح

و اشركي والديكي في القرار

ربي يفرجها عليك بالشي للي يريح بالك و يهنيك

[نيفرتيتي.]

لوفات انه رفع دعوى طلاق واش مازال هو ماعندوش خدمة رسمي ويهددو فيه يخرجوه من الخدمة اللي مع باباه وزاد يفكولو السيارة
انت 18 سنة قراية زائد تربص وتروحي ذليلة ليهم يا اللي تجيبي في حق الناس وانت مشك جايبة حقك
تسمى تحبسي خدمتك اللي اللي هازاتك الفوق ودايرة ليك قيمة وتروحي تسيقي ليهم ولوكان غير جو شايفين بيها
اختي كرامتك قبل كل شيئ راجل ماعندوش شخصية وماعندوش خدمة رسمي واش ديري بيه
نقلك وانا راني زيك بصح مادرتش الستاج قاعدة في الدار وداري وحدي وكلش كيما حاباته انا مانيش محتاجة قلت نربي ولادي خير
بصح انت الراجل مشو راجل والدراري ماكانش علاواه راح تتذلي
انت تعرفي القانون خليه يكمل اجراءات الطلاق ونهار الجلسة قةلي للقاضي مانطلقش ونحب مسكن وحدي اذا اصر انه يطلق ومايديلكش مسكن راح يدفع دم قلبه وانت بقيمتك وشانك الف واحد يتمناك والحمد لله ماكانش الاولاد لهي روحك بالخدمة درك تنسي ويفرج عليك ربي من جهة اخرى

[أم شروفة]

يا اختي ارجعي لدار راجلك مدام تزوجتيه قاومي الدنيا كامل على جالو.وبالنسبة لضعف الشخصية مع اهلو غدوة تجيبي ذراري و ينسا اهله.ارجعي الى دار لعايلة واطلبي مطبخ لوحدك .و اذا رفضوا.ارجعي و طبقي معاهم حكمة (حب .....من فمو.ان تقضي صالحتك منوا).و بالنسبة لتفتيش الغرفة هذا لانك لسا عروس و حابين يشوفو قشك .رانا كامل مرينا بهذا المرحلة (خليهم يشبعوا بالقش) و سلفك خليه يدخل يتفرج عااادي جدا قوليلو على العين والراس.اما المفتاح حنا كذلك عندنا عيب.اعتبري كل شيئ عادي وبعد سنة او اثنين رايحا توالفيهم و توالفي طباعهم .و اهم نصيحة ما تحكي سرك لزوجك قوليلو اهلك ملاح و ناس طيبة.وربي يهدي الاوضاع ان شاء الله

[مواطنة]

اختي انا ضد الطلاق غير يكون الزوج طيب لازم الصبر و في حالتك لازمك تتصرفي بحكمة د
الطلاق لي هو طلبو تحت ضغط والديه مصيبة لانو يقدرو يعاودوها كي ما طيعيهمش
الشروط لي قالك عليها تا ع موليه انت مدرتي حتى شرط بل سترجعين منكسرة و تتخلي على كل شي و من الفوق تولي كانك مزوجة ب 3 لالا زوجك يحكم فيك و مواليه بيناتكم احترام و خلاص اذا ما حملوكش كي قارية و مستقلة الله يسهل عليهم خلي باباك يجيبهم للدار و يكون عمك او خالك لانو هما النسا لي يحكمو على حساب الشوفة
امال لازم الرجال يهدرو
اختي بما انو وصل الامر للطلاق لازم باباك يدخل باش يردلك اعتبارك والا يوالفوك مهزومة وبلعقل روضي راجلك ما تستقليش وحدك اقعدي وين راكي بصح كوني فحلة عليهم قاومي بالسكات مثلا كي يغلقو العين روحي فتحيها و لا عمري الماء بالبيادن و ما تهدريش معاهم ديري لي لازامك ديريه و خليهم يهدرو اغلبيهم بالسماطة
ونحي التلفاز من الغرفة هكذا مايزيدش يدخل و ملابسك العزاز اديهم لداركم هكذا وين يفتحو مايلقاو مايشوفو
كاين حاجة راجلك ماتحطيهش في الاختيار تاع يخير بينك وبين اهلو فهميه بلي مهما صار هاذو اهلو انت ما تفهمتيس معاهم بصح هو وليدهم و انت تحمليهم على جالو و باش ماتخسروش زواج ديالكم على اسباب تقدرو تتفتداوها لوكان تتعاونو
شوفي اختي البنت كي تتزوج في دار العايلة لازم دير حسابها انو قليل العائلات لي عاملو كنتهم مليح الاغلب يحبو يعفصوها و يرجعوها تعيش درع مثلهم من الغيرة و الحسد لي في قلبهم و خلي برك اي غلطة او كلمة تكلفك عند زوجك بالدرجة الاولى لانهم يسناو فيها المصيبة انهم يحبو بناتهم يعيشو وحدهم و وزوجات اولادهم لازم تحت عينهم وين تروح وترجع لازم التقرير و الكلام الزايد و الشغل تقولك هذي دارك مالا تبداي تخدمي بنيتك وتنقي كي توصلي للكوزينة تولي تطلبي باش ديري حاجة تشهيها اذا قبلت طبعا لماذا ز...؟؟؟؟ لانك في مملكتها و هي مجبورة ان تتحمل وجودك لامرين انانيين الاول لكي تكوني الخادمة و عقوبة كي هي تكبر
الثانية وليدها لازمو يبقى معاها لذلك لازمها تخليك و تخاف جيب وحدة تمرضها ................ هكذا معاناة الكثير من بنات الفاميلية لكنهن صبرن
و اذا صح المعيشة صعيبة بزاف و متحملتيش ابقاي في داركم حتى يفرجها الله و كل شي بالمكتوب

[الفاتحة]

كوني قوية وحكمي عقلك وابتعدي عن التسرع وانت اكيد راكي شبعتيهم هدرة حتى طاح القدر بيناتكم وأصبح من هب ودب يتجرا عليك ، شوفي راجلك ضعيف الشخصية راه واحد ماضربك على يدك وقالك تزوجيه ، وعايلتو علاش مسقسيتيش عليهم ، حنا البنت الجزائرية ديما تفرح للزواج ومتخممش في حتى حاجة اخرى تحسب في الزواج لعبة أو انها راح تعيش مع ناس كيما دارهم لالا الناس صعيبة وعمرك متلقاي ناس يعاملوك ويرحموك كي ماماك وباباك وخواتاتك، انت اللي غالطة يا ختي كون خممتي في كل هذه الأمور قبل مايوقع الفاس في الراس ، ايمالا نقولك حتى الطلاق راهو موش لعبة وماتصلحيش غلطة بغلطة وتزيدي تعقدي حياتك اكثر واكثر ، انت لازملك الصبر والحيلة مع راجلك وعايلتو ، اعفسي على قلبك واحكمي العصا من الوسط ، التربص كمليه وجنب إلى جنب حاولي تحوسي على خدمة لانو حنا نعرفو مكتب محاماة يحتاج دراهم ويحتاج استقرار وانت اكيد موش راح تقدري ديري حاجة في هذي الظروف ، حوسي على خدمة تعاوني بيها روحك وتبعدي بيها عن جو الدار وفي نفس الوقت راح تقدري تستقلي يوم آخر عنهم ، ياسيدي الغرفة تاعك خليها مفتوحة ويدخلو كما يحلو لهم ، نهار اللي يشوفك حاقرتهم راح يسرخسو أنفسهم ومعدوش يدخلولك ، المهم الشئ اللي حابة نوصلهولك سايسي وصدقيني راح يجي النهار اللي يفرج عليك ربي .

[خيط الروح]

السلام عليكم

اختي انصحكي بالاستخارة اولا

لقد كان الرسول صلى الله عليه وسلم والصحابة رضوان الله عليهم أكثر الناس استخارة في شتى الأمور .. وذلك رغم

إيمانهم القوي وأعمالهم الصالحة والكثيرة وانجازاتهم التي بقي أثرها إلى يومنا هذا

والحقيقة أنه كلما قوي إيمان الشخص بأن الله هو عالم الغيب وانه بالتالي الأعلم بمصلحة عباده ويعلم كل مايدور في حياتهم

ويعلم ماضيهم وحاضرهم ومستقبلهم ، هذا ما يدعو الانسان المؤمن إلى اللجوء لصلاة الاستخارة .. لأنه يفوض أمره ويسلم

أمره لله وحده ويتوكل عليه ويعتقد بأنه وحده من بيده أن ينور بصيرته إلى الطريق الصحيح

فإن العبد في هذه الدنيا تعرض له أمور يتحير منها وتتشكل عليه ، فيحتاج للجوء إلى خالق السموات والأرض وخالق الناس ،

يسأله رافعاً يديه داعياً مستخيراً بالدعاء ، راجياً الصواب في الطلب ، فإنه أدعى للطمأنينة وراحة البال

يقول شيخ الإسلام ابن تيمية: ما ندم من استخار الخالق ، وشارو المخلوقين ، وثبت في أمره . وقد قال سبحانه وتعالى :

( فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا

عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ ) (سورة آل عمرا ن : 159)

دعاء صلاة الاستخارة

عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ

الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ

بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا

الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ

لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ

قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي

رواية ( ثُمَّ رَضِّنِي بِهِ) رَوَاهُ الْبُخَارِيُّ


لم يرد في هذا الحديث علامة انشراح الصدر أو غيرها من العلامات ،ولهذا لا يشترط

أن ينشرح صدر العبد بعد صلاة الاستخارة ، وإنما يفعل الإنسان ما يريد فإن تيسر له كان من تيسير الله ، وإن تعثر كان

من صرف الله عنه ، وقد يرزق بعض الناس انشراحا في الصدر لأمر معين بعد الاستخارة ، وهذا فضل الله يؤتيه من يشاء

ـ من صلى صلاة الاستخارة وفعل ما ظهر له بعد ذلك فعليه ألا يندم ولو لم يوافق ذلك هواه ، فالمؤمن الحق راضٍ بما

اختاره الله له ولو لم يوافق هواه ورغبته



لايسمح لي ارسال روابط لذا انصحكي ان تبحثي في قوقل عن هذا الموضوع

´´80 فائدة من دعاء الاستخارة ´´

وقد نقلت لكي منه ما تيسر

واسال الله العظيم ان يشرح صدركي ويفرج همكي