المساعد الشخصي الرقمي

مشاهدة النسخة كاملة : استغلال بالكون المطبخ

imane1
2014-01-17, 22:37
السلام عليكم ورحمة الله وبركاته


أود منكم مساعدتي بارك الله فيكم جميعا

انا أسكن في شقة (ابارتومون) وعندي مطبخ اضطريت نديرو مفتوح باش يجيني شوية كبير

يعني ستيل أمريكي ..ولونه أحمر وأبيض


وعندي بلكونة في المطبخ ابعادها 1م و07 / 3 م ما استغليتهاش اطلاقا,فيها فقط ماشينة الحوايج

وحبيت نضمها للمطبخ , علما بأني دايرتلها (دال دو صول كيما المطبخ ) لكن مافيهش فايونص

مسبوغ فقط لون ابيض عادي

والبلكونة جهة منها فيها نافذة المنيوم مالطرف للطرف * الجهة تع 3 م *



سؤالي هو


واش تقترحو ندير للحائط تع البلكون *ماعدا الصبيغة * يعني كارط مثلا او ماذا

وشحال دير اسعار الكارط

المهم اني حبييييت نغلف الحائط ..:confused:


وسؤالي الثاني واش تقترحو ندير في البلكونة ؟
ichrak03
2014-01-20, 06:53
لا يوجد شيء اجمل من النباتات خليها سامبل وجمليها باليبلونت خاصة فالصيف تشربو ا
فيها قهوة بالصحة والهنا ان شاء الله
malik1962
2014-01-20, 09:36
السلام عليكم نقولك كملي الحائط بلافيونص وخرجي الغاز للبالكون ورجعيه للطهي فقط والكوزينة من الداخل تبقى للاكل فقط ارجو ان اكون وصلت الفكرة
maria mirou
2014-01-20, 21:55
السلام عليكم نقولك كملي الحائط بلافيونص وخرجي الغاز للبالكون ورجعيه للطهي فقط والكوزينة من الداخل تبقى للاكل فقط ارجو ان اكون وصلت الفكرة

نفس الرأي موفقة
mounaminou
2014-01-21, 20:13
حطي النباتات و تقدري تعلقي في الحيط des étager و تقارنيهم بلي pot de plante ...و مادامك حاطة لاماشين لتما زيدي شري سلة تاع الحلفة اللي يتباعو تكون و حطيها قداها باه تحطي فيها القش اللي رايحة تغسليه
امونة الشاوية
2014-01-31, 20:25
السلام عليكم نقولك كملي الحائط بلافيونص وخرجي الغاز للبالكون ورجعيه للطهي فقط والكوزينة من الداخل تبقى للاكل فقط ارجو ان اكون وصلت الفكرة
راي جميل .........................................
نهى اسطاوالي
2014-02-03, 16:38
انا في البالكو نتاعي رايحة ندير ان شاء الله الماشينة لافي ونخرج الشوفو والطابونة باه مانقليش في الكوزينة ونقدر حتى ندير طابلة تاع بلاستيك لانو كبير والحمد لله
صفاء صوفيا
2014-02-06, 16:36
زينيه برسوماتك
Basketteuse
2014-03-06, 16:54
انا تاني عندي بالكون في الكوزينة ، ،،،،كاين باب وطاقة نحيت الطاقة والباب و كسرت الحيط من فوق ومن جوانب الطاقة وخليت غير الحيط التحتاني درت فوقو رخامة واصبح un bar شريت des tabouret عاليين ،،،، طبعا المشروع قيد التطبيق ماكملتوش ،،،بصح أحسن من الطاولة تضيق الكوزينة ،
ZORRO__DZ
2014-05-21, 22:19
لا انصحك "بالكارط" لا الرطوبة المطبخ ورطوبة الجدار الخاجي للبالكون لانه مقابل المطر والشمس وهو مبني بجدار واحد وليس مزدوج ستؤثر عليه ويصبح لونه اسود ويسقط مع الوقت

حاولي ان تضعي فيه خزان مائي إذا كنت تعاني من نقص في الماء
~ السلطانة ~
2014-08-14, 08:13
السلام عليكم ...
http://www.arab4load.info/uploads2014/14_14Patron-massif-mise-en-scene.jpg (http://www.arab4load.info/)
هناك الكثير من الأقتراحات ...
اقترح عليك تلبيس الحائط بطريقة خشنة مثل الصورة اذا نويتي تغرسي ورود و نباتات تكون خلفية الحائط ملائمة جدا و تزيد جمال الغرس
http://www.arab4load.info/uploads2014/14_14enduit-ecrase-facade.jpg (http://www.arab4load.info/)
شوفي هنا كيفاش ظهر الورد
http://www.arab4load.info/uploads2014/14_14140403-brise-vue-bache-deco-jardin-mur-des-roses.png (http://www.arab4load.info/)
هنا بعض التصاميم للحوائط تقدري تخرجي بفكر مناسبة للجدران البلكونة تاعك
http://www.arab4load.info/uploads2014/14_14mur-décorative-pergola-pierre-naturelle-bois-lierre-idée-super.jpeg (http://www.arab4load.info/)

http://www.arab4load.info/uploads2014/14_14mur-de-jardin-béton-blanc-éléments-métalliques-décoratifs.jpeg (http://www.arab4load.info/)

http://www.arab4load.info/uploads2014/14_14mur-jardin-différents-matériaux-pierre-béton-métal-bois.jpeg (http://www.arab4load.info/)

http://www.arab4load.info/uploads2014/14_14PhotoVitryleFrancois.jpg (http://www.arab4load.info/)

http://www.arab4load.info/uploads2014/14_14petit-balcon-déco-asiatique.jpg (http://www.arab4load.info/)

http://www.arab4load.info/uploads2014/14_14jardin-design-petit-original.jpg (http://www.arab4load.info/)

http://www.arab4load.info/uploads2014/14_14déco-jardin-mur-texture-pierres.jpg (http://www.arab4load.info/)
lilii7179
2014-08-26, 21:31
أنا من رأي انك ديري فيها un congelateur كبير و طابونة باش ما تفزدلكش ديكور المطبخ لأن ستيل امريكي و اكيد كثري les plantes
المهم اي حاجة تفزدلك ديكور المطبخ خرجيها عليك
تقدري ثاني مدام راكي حاطة مشينة الغسيل تكمليلها غسالة اصحون
نهى اسطاوالي
2014-08-26, 22:52
شوفي اختي انا خدمت كوزينة عصرية جميلة والحمد لله زوجي دار الطابونة والكوشة والغسالة في البالكون باه تقعد الكوزينة نظيفة وانا البالكو نتاعي مفتوح في الوسط فقط رايحة نديرلو اليمنيوم خدمتو مازال ماركبتوش
ربي يعاونك