سااااااااااااعدوني

[ichrak03]

والله انا اليوم ما عندي نفس اعمل اي شئ واملي فيكم كبير
ابني غير مبالي بدراسته وهذا العام عندو امتحان شهادة الابتدائي تعبني بزاف
ارجو منكم تدعو ربي يعاوني ويهديه وينجحو في دراستو
ومن عندها نصيحة تنورني بيها من فضلكم بدءت اياس

[فارس وجواد]

لا تيأسي أختي فما زال الوقت مبكرا.
ماذا لو تعديه بشراء شيء يحبه لو نجح.
ربما هذا سيعطيه حافز.

[امونة الشاوية]

والله يا اختي الاولاد كامل هكا يحبو كل يوم تريفيزيلهم وتعاودي معاهم تغفلي نهار يروحو فيها
حاولي اختي تديريلو برنامج ونقصيلو في التفراج تاع التلفاز وعلابالي التلفاز ما تقدريش درك نعطيك حل بدلي الساتيليت ولا نحي خيط من الديمو وقوليلو فسد واتفاهمي انت وباباه ما تعدلوهش
وعلى اللعب نقصيلو الخريج وكذا طريق التحفيز
ان شاء الله تنجحي

[ام امجد14]

ابنك غير مبالى الانه خااااااااااااااااائف شوفى المادة الى ضعيف فيها و دريلو دروس خصوصية
الابن ما يكرهش الدراسة فى هذا السن و لكن كى يخاف من حاجة يهرب منها

[ســـمـــر]

هاذي مشكلة كللل سيدة

خاصة في دراري يهبلوك بزاف

انا عندي ختي قالت لوليدها تانيك كيما وليدك راح يجوز سيزيام

بلي تشريلو ميكرو لوكان نجح ونحاتلو التيليفيزيو قع الخيوط

والميكرو تاني ومخلاتوش يخرج مع ولاد الجيران وولات تضربو وتزقي

بشويا بشويا قرا وجاب معدل 9.21 الحمد لله وفرحت بيه وكلش

جربي هاذ الطريقة قادر تنجح معاك



اتمنى اني كون افدتك

[ichrak03]

والله اشكركم بزاف وفرحتوني بمشاركتي همي
لكن ابني مايخرجش خلاص والتلفاز عال5 نتاع لعشي مايزيدش يشعل حتان يكمل لقرايا ونتعشاو وباش نعاود نشعلولو
ووعدتو باش نشريلو تابلات كي ينجح .
ومع هذا اكل كي نقولو هز تقر يبدا يبكي ويقولي علاه كل يوم لازم نقرا وعمرو ما حسيتو يخمم فالسيزيام

[ام نافع]

انا ولدي كنقلو روح راجع اقلي معندنا والو مفهمتش وين الخطء فينا ولافي المعلمين

[ام مهدي 03]

لا يا اختى ماتياسيش .كيفاش حنا نعملوا ونفيدو المجتمع ونخليو اولادنا.لازمنا التوفيق واذا ما قدرناش العائلة هى الاولى نعطيوها اكثر ما عدنا. ماتنسايش الدعاء .محنة وتفوت ان شاء الله. بالتوفيق

[ام ابيها]

السلام عليكم
اختي الكريمة و الله كلنا نعاني من نفس المشكل انا تاني ولدي عندو سيزيام السنة و هو غير مبالي مع انه كان من الاوائل و حتى الان معدله8 لكني كلما قلت له روح تحفظ يقولي تعبان كرهت و حتى الصلاة كيف كيف و اصبحت اعيش كابوس اسمه الخوف من المراهقة ......نصيحتي تبدلي الاسلوب مرة على مرة يعني مرة بالشدة و مرة باللين و مرة بالوعود و هكذا .....انا دايما نسال نفسي اذا كانوا في الابتدائي بالزور يقراو من بعد كيفاش....... الله يساعدنا ........

[ichrak03]

الله يساعدنا يا اختي ويقدرنا على جيل هذا الزمان ونربيوهم تربية دينية صالحة
ان شاء الله

[pomaria_aindefla]

والله اشكركم بزاف وفرحتوني بمشاركتي همي
لكن ابني مايخرجش خلاص والتلفاز عال5 نتاع لعشي مايزيدش يشعل حتان يكمل لقرايا ونتعشاو وباش نعاود نشعلولو
ووعدتو باش نشريلو تابلات كي ينجح .
ومع هذا اكل كي نقولو هز تقر يبدا يبكي ويقولي علاه كل يوم لازم نقرا وعمرو ما حسيتو يخمم فالسيزيام

ربما يخاف من المعلمة أو كاين زميل راه دايرلوا مشكل على بيها يكره الدراسة

[ichrak03]

ربما يخاف من المعلمة أو كاين زميل راه دايرلوا مشكل على بيها يكره الدراسة

:dj_17:

صحيح يا اختي عندو صديق جالس امامه هو اللي راه متعبني دائما يقولو علاه تسمع لماماك ماراكش صغير كي يخرج من المدرسة يقولو علاه راك غاسب اقعد نحكيو شوي امام الباب....................الخ

رحت للمعلمة قلتلها تبعدهم على بعضهم البعض قالتلي ما نقدرش :mad: . انا نعلمهم الصداقة ومنبعد نفرقهم؟:confused:

هذا هو المشكل نتاع بني في 15 د نتاع الراحة قدر يسيطرلو على افكارو وهذا اللي زاد من خوفي كي يطلع للمتوسط كيفاه راح ندير:sdf:

قلت لباباه نطلب من المدير يعطيلي طاولة في القسم ونعاود نقرا مع وليدي :o

ادعوا ربي يصلحلنا ولادنا يا رب

[**افنان**]

http://www.djelfa.info/vb/showthread.php?p=1056151739#post1056151739السلام عليكم ورحمة الله
اختي بما ان ابنك عندوا الشهادة علا ش مطرحتيش مشكلتك في همزة وصل والله رايحة تلقاي المساعدة المواضيع وكل الذي تريدين
فقط زوري همزة وصل وربي يفق ابنك ولاتنسينا بالدعاء وهاهو الرابط لك ولكل ام ابنها في التعليم الا بتدائي

[abou.fatima]

توكلي على الله

[ichrak03]

http://www.djelfa.info/vb/showthread.php?p=1056151739#post1056151739السلام عليكم ورحمة الله
اختي بما ان ابنك عندوا الشهادة علا ش مطرحتيش مشكلتك في همزة وصل والله رايحة تلقاي المساعدة المواضيع وكل الذي تريدين
فقط زوري همزة وصل وربي يفق ابنك ولاتنسينا بالدعاء وهاهو الرابط لك ولكل ام ابنها في التعليم الا بتدائي

:dj_17:

ربي يعطيك ما تتمناي اخت افنان ويزيدها في ميزان حسناتك ان شاء الله:)

[**افنان**]

:dj_17:

ربي يعطيك ما تتمناي اخت افنان ويزيدها في ميزان حسناتك ان شاء الله:)
بارك الله فيك اخي اشراق على الدعاء وربي يفرحك بوليدك رانا الكل عندنا اولاد ونسال الله تعالى يفرحنا بنجاحهم هذا العام ربي ينجح ولادي و اولادك واولاد المسلمين

[djazia87holi]

ان شاء الله ينجح مع الارادة والصبر والتشجيع من الام

[ichrak03]

الحمد لله حابا اليوم نهنيكم ونشكركم

ابني راه حط راسو لقرايتو بفصل الله وتحصل على معدل 6.65 وان شاء الله تدعولو يتحصل على 8 معدل فالسيزيام يا رب

[crystale49]

غدا الامتحان ان شاء الله بالتوفيق لكل التلاميذ و لي عندها مشكل مع ولادها فيما يخص الدراسة فتحاول معاهم غير بالشويه و تحاول قدر الامكان انها تغريهم هكذا يجيبو معدلات مليحة مثلا تقلو نديك تحوس في المكان الفلاني او نشريلك حاجة الي هو راه يحوس عليها او اشياء مثل هادي لانو الوقت صعيب و انقلبت الموازين و التعليم حتى هو تغير من ..... الى .....
بالتوفيق للجميع في كل امتحاناتهم

[**افنان**]

لاتنسي طمنيناعلى ابنك ان شاء الله يكون خدم مليح اليوم يالتوفيق له وللجميع

[ichrak03]

لاتنسي طمنيناعلى ابنك ان شاء الله يكون خدم مليح اليوم يالتوفيق له وللجميع

:dj_17::dj_17::dj_اختي افنان وكل من راه محير معايا والله حابا نطمنكم معايا

حسب ما قالي الاجوبة نتاعو فيها الصحيح وفيها الخاطئ لكن حسبت معدل النقاط نتاعو بالتقريب ان شاء الله يكون من الناجحين باستحقاق ما يسحقش المعدل السنوي والله اعلم

لكن اوعدكم يوم النتائج ان شاء الله ما ننساكمش ونعطيلكم النتائج الاكيدة

الكل مشكورين وربي يخليلنل ولادنا ويصلحهم وينجحهم ان شاء الله:19:

[amel 47]

يا اختي الله يعاونك على الدراري انا من رأيي انك ديريلو الدعم حتى ماتتعبيش انت في قرايتو وهو يستفاذ

[ichrak03]

لاتنسي طمنيناعلى ابنك ان شاء الله يكون خدم مليح اليوم يالتوفيق له وللجميع

:dj_17::dj_17::dj_17:

انا راني فرحانة وحبيت نفرحكم معايا كيما قلقتكم معايا من قبل

وعدتكم باش نقوللكم على نتيجة وليدي

نجح نجح نجح نعم نجح بمعدل 7.50 اخذ في الرياضيات 9.5 :19:و اللغة 7 :)والفرنسية هي اللي هرداتو 4

ومع هذا الحمد لله ونشكرك انت وكل من تعاطف معايا واسمحولى للمرة الثانية:mh31:

[pomaria_aindefla]

كل شيء مبروك سيدتي عقبال للدكتوراه إن شاء الله

[**افنان**]

:dj_17::dj_17::dj_17:

انا راني فرحانة وحبيت نفرحكم معايا كيما قلقتكم معايا من قبل

وعدتكم باش نقوللكم على نتيجة وليدي

نجح نجح نجح نعم نجح بمعدل 7.50 اخذ في الرياضيات 9.5 :19:و اللغة 7 :)والفرنسية هي اللي هرداتو 4

ومع هذا الحمد لله ونشكرك انت وكل من تعاطف معايا واسمحولى للمرة الثانية:mh31:

الف الف الف مبروك اشراق لابنك والله فرحتلك اختي
الحمد لله والعاقبة لما ينجح في الباك ان شاء الله كي اليوم

[ichrak03]

شكراااااااااااا

في حياتكم ان شاء الله ولعقوبة لولادكم