زوجي والفايس بوك

[مشكلتي]

السلام عليكم
البارح كان زوجي قاعد على الميكرو وبعد حطيتلو العشا راح يتعشى وخلى الفايس بوك تاعو محلول كي حليت الرسائل لقيتو كان يهدر لول بارح مع وحدة
لحد الان مازال مادرت حتى ردة فعل
انا معولة نهبط عليه السما
وراح يجوني فاميلتي ضياف قلت كي يروحو نفراها مانيش حابة ندير معاه مشكل وبعد نرجع نهدر معاه قدام الضياف وبعدنرجع للموقف تاعي
مع العلم انه عندها اسبوع ملي قالي وين تكثر عليا الدراهم لازمني مرا اخرى
قالها بتمسخير
هل انه الزوج يهدر في الفايس لاتعتبر خيانة ولا كيفها كيف الواقع وقولولي واش ندير

[yousra14]

لسنا هنا للفتوى ولكن أقول لك ربّما كان يتحث معها مجرّد حديث عابر وأنت راح تخربي بيتك من أجل انسانة تافهة .
عمرك ولا تفضحي زوجك أمام أهله لأنهم سيرفعون التحدي لتطليقك و أنت الخاسر الأول والاخير لذلك أختي ننصحك لوجه الله حافظي على بيتك وزوجك واعرفي تتفاهمي معاه بهدوء ووضع النقاط على الحورف ومبقاش يعاودهاويوعدك على ذلك .
راكي تعرفي مليح حال المراة المطلقة في مجتمعنا فلا تتركي الغضب يعمي
عينيك عن امور اهم في الحياة ورب معاك وطمنينا

[mira mira02]

ربي معاك اختي

[فارس وجواد]

أختي لا تتسرعي في موضوع مثل هذا.
أول مشكل هذا الموقع وقع فيه الكثير و الكثير و ما اثار انتباهي انني عندما ادخل احيانا الى قاعات الانترنت و اجد رجالا متزوجين و ربما عندهم ابناء منشغلين في هذا الموقع أضحك في نفسي و اتعجب لحالهم.
أختي ما أردت قوله هذا ليس سببا ل( انا معولة نهبط عليه السما ).
و من يدر انه كان يحدث فتاة فعلا قد يكون شاب بهوية فتاة.(احتمال وارد)

[محمد جديدي التبسي]

أنت أدرى منا بأخلاق زوجك وطرق التأثير عليه لا تصارحيه بما رأيتِ
انصحيه بأن يترك هذا الموقع وضعي في الجهاز دروس ومحاضرات أو مقالات تبين خطر هذا الأمر وحرمة الحديث مع الأجنبيات لعل زوجك يطلع عليها وأكثري من الدعاء له بالهداية

[ابوبكر17.00]

السلام عليكم :
نسأل الله له الهداية
ربي يكون في عونك و لكن تأنّي...

[حضنية28]

يا اختي تاني وحاولي تحلي المشكل بهدوء

[نجوى لحلوة]

السلام عليكم
البارح كان زوجي قاعد على الميكرو وبعد حطيتلو العشا راح يتعشى وخلى الفايس بوك تاعو محلول كي حليت الرسائل لقيتو كان يهدر لول بارح مع وحدة
لحد الان مازال مادرت حتى ردة فعل
انا معولة نهبط عليه السما
وراح يجوني فاميلتي ضياف قلت كي يروحو نفراها مانيش حابة ندير معاه مشكل وبعد نرجع نهدر معاه قدام الضياف وبعدنرجع للموقف تاعي
مع العلم انه عندها اسبوع ملي قالي وين تكثر عليا الدراهم لازمني مرا اخرى
قالها بتمسخير
هل انه الزوج يهدر في الفايس لاتعتبر خيانة ولا كيفها كيف الواقع وقولولي واش ندير
شوفي حبيبتي هذي خيانة لانو راهو يهدر مع وحدة اخرى والخيانة بمجرد تفكير في وحدة برك خيانة فمابالك يهدر معاها بصح حتى نحن عندنا نفس المشكل مع ابي يخون امي بزاف الغلطة لي ماديريهاش وتندمي عليها انك كيما قلتي نهبط عليه السما مناه ديجا او قالك كثرو عليا الدراهم يعني يرميك ويجيب وحدة نورمال بالتجريب ابكي واشكي لربي في صلاتك حنا ماما دارت قيام الليل مرة وحدة تقلبت بيه الطوموبيل راحت خسارة وهو تكسر من يديه في زوج وضرك سبيعن مرض فيه وما رايح وهو يفر ماما ماكانتش متهورة مالا كوني كيفها
علابالي الخيانة مرة وواحد ما يحملها
ربي يفك حوالك

[رحمة من المولى]

الله يهديه و يدوم المحبة بيناتكم

[LILA LAMIS]

السلام عليكم
ما اريدك ان تعرفيه اولا هو اسالي نفسك ماهية زوجك ؟ بمعنى هل هو يهتم بك هل يقوم بكافة واجباته اتجاهك كامراة وزوجة او انه اهملك في هذه الفترة و بدات طباعه ومعاملته لك تتغير؟ لان بعض العلاقات تتحول للقاءات و خيانة حقيقية وليس فقط الكترونية

لان بعض الرجال المتزوجين يتعرفون على فتيات و يربطون علاقات معهم عبر الفايس فقط من اجل اللهو التجديد المرح بدافع الفضول و الاكتشاف و ليس لانه يكرهك او يبيع اسرته .....و مشكلته فقط هي التوعية ....احرصي على
1- مواجهته بالامر مع الدليل و لكن مع اختيار الوقت الملائم اي يكون فيه هادىء.
2- لا تستعملي اسلوب التهديد اي ساترك البيت ووووو
3- قولي له انها خيانه و اهانه لك و لكرامته ايضا لانه يفعل شيئا قبيح كهذا
4- عليه بدوره ان يوافقك الراي فكيف لك ان تاتمني على رجل كهذا يربي لك اولادك
5- قولي له لو انت فعلت هذا ما سيكون رد فعله

المهم عليك بالحوار الجاد و نتيجته تكون كان يعدك وعد رجل ان لا يفعل مثل هذا الشيء ابدا و ذكريه بقوله تعالى""" الخبيثون للخبيثات""""
6- ادعي له دائما بالهداية دائما دائما
سلام

[ibissam]

رجال الغدارين غير يزد عليهم 2 دور يخمو في الزواج ميخموش علي عدات معاهم الحلو والمر ربي يهديهم
اختي هل لديك كود لي يدخل بيه فيس بوك
اذا كان لا طلبيه منو قليلو فيس بوك يكون مشترك هكدا تكون دايمن مرقب الوضع ومتخليش يقعد بزاف فيه ديمن جلسي قدموا حاولي تلهيه ملزمش يولفهم لخطر لا ولفهم ميقدرش يستغنا علي بنات فيس بوك

[bonbon]

سبحان الله

لماذا كل ما يقوم به الزوج مباح؟ و يجب مسايرته؟ و يجب على الزوجة أن تصبر و أن لا تخرب بيتها و يجب و يجب و يجب .........

لماذا لا يفكر هو في تلك المسكينة التي وجدت لتربي ابناءه و تلبي حاجاته و تطهو و تغسل و تمسح و و و

ثم يأتي و يكافئها بالخيانة؟

هي انسان وليست آلة.... فرفقا بالقوارير

[pharma-93]

اااممم سامحيني على ردي ولكن نعم هي خيانة ولك لا تتسرعي ي تصرفك لازم تكوني رزينة وما تواجهيهش بالعياط واجهيه بالعقل وبشوية هكا باش يانبو ضميرو ولازم تعرفي علاه راه يهدر مع نسا من غيرك بلاك تكوني انت مقصرا في حقو وربي يهديه

[نهال13]

والله يا أختي أنا وانتي في نفس المشكل عندي 6اشهر ملي راني نعاني المرة الاولئ قالي صديق لي راه يهدر بيه والمرة الثانية قالي نفس الشيء والثالثة والرابعة حتى أنو عادو يتصلو بيه في الهاتف النقال والله أنا من كثرة المشاكل كرهت وقلت لكان من الاول طبقت عليه السماء لكان موصلتش لهاذ الحالة ليراني فيها وليت من ديرش فيه كنفيونص ونشك في اي حاجة او معانا ربي وحسبي الله ونعم الوكيل

[djazia87holi]

السلام ةعليكم اختي انت في موقف لاتحسدين عليه عليك بالتفكير بدل المرة الف لنك تخيرين خراب البيت في كفة بكلمة انا معولة نهبط عليه السما صدقيني غير تهبطيها على راسك كلشي بالعقلانية والذكاء يمشي وربي كبير الخيانة اي امراة ما تحملها لكن بيتك اولا وزوجك ثانيا صدقيني الخيانة كاينة كاينة عند الرجال مادامو ابليس في الارض لكن حلك الوحيد انك تختارين بين اثنين اولا انت ادرى بزوجك حاولي انك تهدري مع زوجك بعقلانية وفي نفس الوقت انو جرحك واذا عرفتيه ما يرد عليك الحل الثاني وهو افضل الحلول صلي صلاة الستخارة وقومي الليل وادعي اللهالواحد الاحد الذي بيده مفاتيح الكون والذي لن يخذلك ابدا وكوني صبورة اختي لا تخربي بيتك من اشياء لن اقول عليها تافهة لكنت ليست بالصعبة وربي يفك ضيقك انشااااااااااااء الله

[bibicha]

ربي معاك اختي

[سنوم 33]

أولا مادامك قريتي واش حكو أكيد تعرفي طبيعة الحوار لي دار بيناتهم
ممكن يكون كلام عادي لكن مع ذلك لا يجب السماح بذلك
انت ماتقوليلو والو
كاش نهار في حديث عادي قوليلو راني مانحبش يكون عندك دي زامي بنات في الفيس بوك ونتمنى مايكونش عندك وانا عندي فيك ثقة والحاجة لي منحبهاش وتقيسني علابالي ماديرهاش
وبعد مدة شوفي وادخلي للفيس بوك تاعو
وعلى أساس تلقيه حاكي معاها ولا الا أحكمي لكن بلا ماتخربي دارك
واذا كان عندك حتى انت فيس بوك ديري دي فوتو يحكو على الامور هذي وأكيد هو راح يطلع عليهم ويوصلو الميساج بلا ماتهدري ويبقى ديما خايف واش راح تكون ردة فعلك خير ماديري ردة فعل وماتقضي والو

[حمودية]

متخليش هذه المراة تدمر بيتك ......سهليها تسهال كيما يقولوا........كوني ذكية ومتسرعيش
جيبيهالوا بضحكة ........فتحي باب النقاش معاه
او انشائي انت كذلك صفحة في الفيس بوك و ذيريه صديق بهذه الطريقة تتعرفي على اصدقاوء ومن بعد صاحبي هذه المراة على الفيس بوك وقوليلها تخطيلك راجلك
موش تروحيلوا مباشرة ودمري دارك لعل هذه المراة بعيدة من اسبانيا و لاجنوب افريقيا
بصراحة انا راجلي كي حل في فيس بوك ارسلتوا طلب صداقة فورا باش نراقبوا

[مريم الصابرة]

السلام عليكم اختي
ربي يهديك تهبطي عليه السما ووجك معول يدخلوه دراهم يتزوج عليك راكي عارفة علاه يتزوج عليك على عقليتك هذي إسمحيلي علاه تروحو للمشاكل ديركت والعنف أحكميه وأحكي معاه شفتيه يهدر مع وحدة سقسيه عليها ممكن صديقة ممكن محتاجة منو مساعدة ممكن أي امر علاه راح بالك لهذي الفايس بوك فيه بزاف امور فعلا كاين رجال يخبو على البنات إنهم متزوجني منن مدة حكيت مع شاب فالفايس بوك لكن والله ماشرة خبرني إنو متزوج وتعرفت بزوجتو وحكيت معاها راهي اعز صديقة ليا يعني اختي مش كامل ولاد حرام وزوجك إنت تعرفيه وما تخربيش دارك شوفي راجلك إنت اللي تكوني معاه لكن بالنقاش شوفي واش خاصو حتى راح للفاس بوك حاسبي روحك قبل من بعد ناقشه والسما عندبالك أرواح وهبطيها راهي تتفر غير فيك يكثرو المشاكل يروح يتزوج هناك يقولك عجبك الحال أقعدي ما عجبكش طريق السلامة لالا ختي رزني روحك وخمي وعارفة واعرة لكن احك معاه بالشوي وشوفي واش كاين ممكن هو اصلا يوريلك ليزامي اللي عندو فالفايس بوك لكن بالنقاش مش بالعياط موفقة

[الاء ام الحسين]

السلام ةعليكم اختي انت في موقف لاتحسدين عليه عليك بالتفكير بدل المرة الف لنك تخيرين خراب البيت في كفة بكلمة انا معولة نهبط عليه السما صدقيني غير تهبطيها على راسك كلشي بالعقلانية والذكاء يمشي وربي كبير الخيانة اي امراة ما تحملها لكن بيتك اولا وزوجك ثانيا صدقيني الخيانة كاينة كاينة عند الرجال مادامو ابليس في الارض لكن حلك الوحيد انك تختارين بين اثنين اولا انت ادرى بزوجك حاولي انك تهدري مع زوجك بعقلانية وفي نفس الوقت انو جرحك واذا عرفتيه ما يرد عليك الحل الثاني وهو افضل الحلول صلي صلاة الستخارة وقومي الليل وادعي اللهالواحد الاحد الذي بيده مفاتيح الكون والذي لن يخذلك ابدا وكوني صبورة اختي لا تخربي بيتك من اشياء لن اقول عليها تافهة لكنت ليست بالصعبة وربي يفك ضيقك انشااااااااااااء الله
أالسلام عليكم
أختي لما هذا التعميم ............؟ هناك الاوفياء في كل مكان و من يخشون الله في السر و العلن
أما صاحبة المشكل فأقول لها إفتحي الموضوع مع زوجك على أنه يخص صديقتك و اسمعي رأيه
وكذلك قولي له رايك لوكنت مكانها
أصلح الله زوجك

[أندلس]

صحيح الأمر ليس سهلا أبدا
و لكن لماذا التجسس ؟ لو لم تتجسسي عليه لما كنت الان تعانين و تتألمين و تحسبين ....
الآن تجسست و حدث ما حدث و برأيي تكلمي معه بهدوء و اسأليه هل لك صديقات في الفايس بوك فإن كان لك صديقات سأفتح أنا فايس بوك و أكلم الرجال أيضا و دعيه يفكر مع نفسه فربما راجع نفسه و ربما خشي أن تكتشفيه
أسلوب المواجهة لا ينجح دائما و غالبا ينتهي بتعنت الطرفين
بالنسبة للزواج من أخرى إذا أصبح غنيا كل الرجال يتمنون ذلك أو على الأقل يفكرون في الأمر و لكن لا تنتهي الأمور كما يشتهون غالبا