مشكلتي

[مشكلتي]

السلام عليكم أولا اود ان اشكر كل من قام بإنشاء هذا القسم وثانيا عندي مشكلة عقدتني:

أنا فتاة عمري 15 سنة عندي ختي عمرها 13 سنة دايمن تقلي عبارات شوي غريبة تقلي : دوك تشوفي واش نديرلك في الليل و مرة تقلي : هيا نقعدو نايضين على 2 تاع الليل ودوك تشوفي لجنون كيما انا وتقلي كي نرقد نسمع هدرة ونشوف عبد توالك هيا مترقديش دوك تشوفيه. وليت نخاف نقعد معاها وحدي وعادت تدرق على ماما كي تقلها نوضي تصلي و كي تسمع الاآذان تسطر على روحها في الشومبرة ودير لغنا باه ماتسمعوش وتقلي دوك نجيبلك الموس وندبحك . واش ندير معاها عدت نخاف نقلها لالا و عادت تحب الظلام بزاف . ربي يعيشكم اعطيوني الحل ، وللعلم ماقلت والو لماما غير لبنت خالتي وهي قاتلي بالاك بعيد الشر مسكونة . نتمنى نلقى الحل عندكم وتقولولي واش بيها ونتمنى من المشرفين عدم حذف الموضوع.

[mira mira02]

اخبري والديكي و عليكما بالرقية ممكن كيما قالت لكي بنت خالتك

[yousra14]

يا حنونة وعلاه تقولي لبنت خالتك وما تقوليش لماماك ؟
أيّهما أقرب أمّك أم ابنة خالتك ؟
إذا كانت قصّتك حقيقيّة أطلبي من ماماك أن تعرضها على طبيبة نفسانيّة
أو رقية شرعيّة .
ومتخبي والووووووووووووو على ماماك مفهوم بنتي سلااااااااام

[yako02]

الرقية اختي الرقية بالقران و عليك اخبار والديكي و لكن لا تتصرفو معها بعنف فربما ينعكس الامر الى ما لا يحمد عقباه
التروي اختي حتى و اذا محبيتوش جيبولها راقي مثلا ارقيو الماء الذي تشربه و انت شوفي كيفاش تجبديلهل لسانها و سقسيها واش راها تشوف و في الحديث معاها بالمزح قوليلها خاصاتك رقية و شوفي ردة الفعل نتاعها او ديري قران و شوفي واش دير
ربي يصلح الحال اختي

[ابوبكر17.00]

السلام عليكم
أهلا و سهلا
ساهلة ماهلة
سِؤالي : ماهو دور الوالدين ؟؟؟؟؟؟؟؟
أليس حماية أولادهم ........
لا تترددي في إخبار الوالدين ... والظاهر من خلال حديثك يلزمها رقية شرعية
أمّا أنت فلا تخافي أخيّتي فالشيطان يسعى لتخويفنا و ترهيبنا
كل شيئ سيتحسن بإذن الله ثمّ بإخبارك والديك
لاتتردّدي
سلام

[حضنية28]

عليكم بالرقية الشرعية

[نجوى لحلوة]

يجب عليك اخبار والديك بصح مش قدامها وخليهم هوما يتصرفو مثلا يحطولها القران ويشوفو ردة فعلها اذا ما حملتوش اكيد لازملها رقية شرعية
وللاشارة اذا هي كانت صح مسكونة الجنون راهي تشوفهم في كل وقت ماشي حتى لل2 تع الليل

[khawlita.dz]

السلام عليكم أولا اود ان اشكر كل من قام بإنشاء هذا القسم وثانيا عندي مشكلة عقدتني:

أنا فتاة عمري 15 سنة عندي ختي عمرها 13 سنة دايمن تقلي عبارات شوي غريبة تقلي : دوك تشوفي واش نديرلك في الليل و مرة تقلي : هيا نقعدو نايضين على 2 تاع الليل ودوك تشوفي لجنون كيما انا وتقلي كي نرقد نسمع هدرة ونشوف عبد توالك هيا مترقديش دوك تشوفيه. وليت نخاف نقعد معاها وحدي وعادت تدرق على ماما كي تقلها نوضي تصلي و كي تسمع الاآذان تسطر على روحها في الشومبرة ودير لغنا باه ماتسمعوش وتقلي دوك نجيبلك الموس وندبحك . واش ندير معاها عدت نخاف نقلها لالا و عادت تحب الظلام بزاف . ربي يعيشكم اعطيوني الحل ، وللعلم ماقلت والو لماما غير لبنت خالتي وهي قاتلي بالاك بعيد الشر مسكونة . نتمنى نلقى الحل عندكم وتقولولي واش بيها ونتمنى من المشرفين عدم حذف الموضوع.

اختى على ما اظن متاثرة بالافلام الخيالية
اخبرى اهلك و خصوصا امك لتراقبها
فلربما بها مرض نفسى او ربما مخيلتها الطفولية واسعة او ربما تتاثر بالافلام الخيالية وافلام الرعب والجن
يجب اخبار الوالد والوالدة حتى يساعدوها
بالتوفبق

[احمدdz]

احسن حل الرقية الشرعية وان شاء الله فيه خير

[kamel76]

أخبري والديك فورا و دون تمهل ، بدون أن تخبري أختك

[الرأي الاخر]

احذروا الرقاة لان اكثرهم شواذ خادعو النساء وقد شاهدناهم . من اراد ان يرقي فليرقي افراد عائلته دون اللجوء الى الغرباء

[انغام المنى]

قولي لماماك بزربة قبل ما تتطور الحالة

[موجة هآدئة]

يااختي خليتي قريبتك ولي هي امك وقلتي لبنت خالتك

من المفروض تقولي لماماك باش تلقاولها حل ونظن بلي يليقلها رقية


خبري والديك وربي يكون معاكم وانشاء الله ماعليها والو باذن الله

[eBusiness]

يا بنتي الله يسامحك يجب أن تخبري أمك بكل صغيرة وكبيرة في حياتك هي الوحيدة التي تحب لك الخير وتسعى إلى نجاحكن، أخبري أمك في الحال والله الموفق

[b.mayssouna]

السلام عليكم
انا انصحك باخبار شخص اخر ينضجك سنا والاكيد هما الوالدين... في اقرب وقت لانو رايح يكون التصرف الصح عندهم
ربي يشفيها ويهدينا اجمعين

[بنت لبحر]

لازم تقولي لماماك هي تعرف واش دير

[عبد الرحيم]

حسب ما تقولين فإن أختك بها مس من الجن وهي بحاجة إلى رقية
أخبري والديك قبل أن يتفاقم الأمر.