و الله ما فهمتها .. حبيبتي كانت وضاعت ..2

[مشكلتي]

السلام عليكم و رحمة الله و بركاته
و التقيتها بعد كتبت موضوع كانت حبيبتي و ضاعت (http://www.djelfa.info/vb/showthread.php?t=1507551)
لقيت روحي حاقد عليها و نقلها راح تخلصي واش درتي و مارحش تتهناي و انا راح نخطب فلانة و راح و راح لقيت رد فعلها عمري لا توقعتو
قاتلي : انا بطلت من اللي خطبني و درتها لاني حسيتك حقرتني و لعبت بيا
قلتلها انتي قلبك حجرة علاه ما عيطتيليش و الا تفكرتني هادي عوام و قلبك ما يحسش
ضحكت باستهزاء قاتلي عيطت و عطاتني الدليل و كنت انت غالق هاتفك و قاتلي عندك 2 ارقام واحد اخرين دايرهم من نهار كنت معايا (2 بيس خلاف) قاتلي علابالي واش كنت داير كامل و ساكتة و فعلا ماعلاباليش بيها فايقة ؟؟؟
قاتلي نعرف اخبارك اكثر منك قاتلي نهار خطبتها للاخر تبكي و تعاود و ما نساتنيش
قاتلي كنت فاهماتك في كذا و كذا و كذا
قاتلي كنت فاهمة لي راك حاطني مانيش مهتمة و استنيت نكون زوجتك و نبرهنلك
قاتلي كنت فاهماتك لي راك شاك في حبي ليك و حاولت نعالج الموضوع بلا ما نهدرلك؟؟ .. و قاتلي غرت منك و انت مع داركم و صحابك و تمنيت نكون معاك في كل دقيقة و تعبت ؟؟؟؟
قاتلي كنت تجرح فيا و نقول ماعليش ماهوش فاهمني و خلي و عاونتك تجرحني ؟؟؟
قاتلي نهار تعاملت معايا بعنف و بلا سبة رحت سألت عليك و حبيت نعالج الموضوع بطريقة غير مباشرة لكني لقيت السبب انك كنت مع واحدة اخرى و تصدمت ؟؟؟
قاتلي لوكان جيت صافي تقلي راهي غلطة و انتي الصح مي انت تعاملت معايا بتهديد و عنف و اكدتلي لي راك تحبها هي ماشي انا ؟؟؟
قاتلي انت حكايتي انا و جرحتني و قاتلي تحولت الى فتاة عنيفة بسبتك حتى مع الناس الكل ؟؟؟؟؟

هي قالت الكثير الكثير و انا حسيت روحي نكرهها و نحبها و نكرهها علاه سمحت في علاقتنا بكل سهولة و باعتني

كلامها فيه الكثير و ما فهتهاش لليوم كيفاه تخمم ؟؟؟
سالتها اذا مازالها تحبني رفضت الاجابة ؟؟؟؟؟
حسيت واحد مجروح فينا و الا في زوج و الله ظنيت قلبي معملر لقيتها قلبها معمر و اكثر و الله نفس حقدي ليها حسيتها حاقدة و الا حب من نوع اخر ؟؟؟؟؟؟؟؟


هل الحب انواع ؟؟؟؟؟؟؟؟؟؟؟
و هل يوجد فتاة تحب بهاذي الطريقة ؟؟؟ بصمت ؟؟؟؟؟؟؟؟ بهذا الاسلوب ؟
ام انها لم حب ؟؟؟؟؟؟؟

شكون فيكم يفهم تصرفات فتاة كهاذي ؟؟؟؟؟؟؟؟

[manelmsilia]

يا أخي أنا قرأت القصة وفهمت ان الطفلة ماغلطتش أنت لي جرحتها صعب ان نكتشف كذبة من لي نحبوهم والأصعب أن تكون الكذبة تخص الاحاسيس والعلاقة بين حبيبين، اهي لم تفكر كثيرا بعقلها وتسرعت بقطع علاقتكما لذا حاول ان ترجع المياه الى مجاريها حتى لا تخسرا بعضكما ، كلنا نحبوا الخير وهذا واش نتمناولك ان شاء الله

[mounaminou]

يا اخي المرأة تحب مي ماش معناتها تجازيها و تقابل الحب تاعها بالخيانة و تتوقع تبقا مليحا معاك ....لالا ....اي امرأة قادرة من موقف واحد منك و من هدرة جرحتها فيها تبدل رايها فيك و تفسخ الخطوبة ....لانها علابالها اللي مايكونش مليح معاها في الخطوبة مايكونش معاها مليح و راجل بمعنى الكلمة بعد الزواج

انا نضن هي لحد الان ماغلطتش فيك و من حقها تتخطبت لواحد بخلاف ....نضن كنت تتوقع منها تبقا بلا زواج من الجاست اللي ديرتو ....يا اخي هديك في الاحلام مي مادامها رزينة و عاقلة باينة ماش رايحة تنتقم من روحها و تبقا مخلصة للحب تاعك بعد ماتفارقتو ....و خاصة كي وليت نتا هو سبب الفراق ماش هي ...يعني انتا اللي ديرت المشكل و كنت حاط في بالك بللي مايش رايحة تفيقلك

نتمنا تتعلم من الدرس هدا و ماتعرف تحافظ عليها المرة هدي ............سلام

[lachiche]

اسمع نقولك الطلفة إدا حقدت على واحد يعني خلاص متزيدش اتشوف معاه
يا اخي روح اطلب السماح و قولها معليش انا غلطت و سامحني و نوعدك بلي راح نسعدك واعرف كيفاه تحشيلها المهم انت رجعها ليك
و متخليهاش تروح من يدك خطراكش راح تتعذب من بعد و الله العظيم الفراق ماشي ساهل
الطفلة ديما عاملها بحنانة و اشكرها و قيمها صدقني راح تولي تحبك كثر و كثر
يا اخي جنس حواء بالطبعة حنين و ما بالك تعاملها بخشونة و اكثر شيء تخاه منه المرأة هي امرأة معاها
المهم ان شاء الله ربي يجيب الخير و متنساش تدعي ربي سبحانه و ابلاك تفرط في وحدة صبرت عليك لهذه الدرجة
بالتوفيق

[khawlita.dz]

من يفهم تصرفك وانت وعقليتك
تخطاء فى حقها خطاءا بهدا الحجم و تخونها
وتطلب منها ببساطة ان تنسى وتسامح
لا وتحاول بكل الطرق بان تركبها الخطا وانت متيقن انك انت المخطىء
ليس من حقك ان تحقد عليها بل هى اللتى من حقها وحدها ان تغضب وتحقد وتكره
امن كل عقلك تسال
لا وتهدد وتلوح
لنرى ان كان معك الحق
اقلب الموازين لبرهة ولنفرض انها هى اللتى خانتك مع اخر لا وفى نفس فترة خطبيتكما هل ستسامحها ببساطة هكدا
وهل ستثق بها ما بقى من عمرك
وهل ستقبل اصلا ان ترتبط بها
وهل يحق لها ان تحاسبك بعد ان تفعل شيئا مماثلا
وهل يحق لها ان تحقد وتهدد فى هاته الحالة
متاكدة ستجد الاجابة
بالتوفيق

[knives66]

يا اخي نعطيك حل بسيط وسهل اخطيها الله يعيشك وخلي طفلة تعيش حياتها

كون جيت راجل كون من اول احترمت حبها ليك مهما كان حلال ولا حرام

ولانك بدون قلب رحت تجري وراء وحدة اخري وما خممتش في مشاعرها

وضورك حبيت ترجعلها وهذيك لكنت معها واش يصرلها

يعني انت دمرت زوج بنات موش وحدة

وراك تهدر وتحوس على حل اخطيها وخليها تعيش حيتها

[عصـــام]

رُبّما تَعتقدْ أنّ هُنالگ شَخص مُناسب لگ فِي حيَاتگ ،
ولگنْ في النّهايہَ يختارُ الله لگ الشّخصْ الأنسَبْ .

[الفاتحة]

شوف خويا اخطيها وخليها تعيش حياتها ، بزاااف اللي درتيه فيها وهي انسانة تستحق الأفضل أما انت فتعلم من هذا الدرس ولا تتلاعب بمشاعر انسان آخر وصدقني إذا لم تتب بصدق فإن الله سيسلط عليك أشر العباد انتقاما منك، حاول أن لا تبحث في اوراق الماضي اقلب الصفحة ودرب قلبك ان يتعلق بالخالق لا المخلوق، ربي يهديك ويهدينا جميعا

[ابوبكر17.00]

كان الله في عونكما

[Napia]

rahi thabeke ya majnouuuune

[رحمة من المولى]

اغتنم الفرصة اللي تكلمت معاك و خرجت واش في قلبها و صحح الغلطة
نتمنالكم حياة سعيدة

[bonbon]

و مازلت تحقد عليها و كأنها هي المذنبة !!!!!!!!!!!!!!!!!!!!!!!!!!!!!

و الآن هي اصبحت حرة مجددا فماذا تنتظر؟


ام انك تنتظر ان تنخطب مرة اخرى و تولي تقول حبيبتي و زادت ضاعت !!!!!!!!!!!!

لا ادري اخي احسست في المرة الاولى لهفتك عليها و بانك خسرتها و تريد استرجاعها مهما كان الثمن

لكن الآن و بعدما اصبحت حرة تتكلم ببرودة؟؟؟؟؟

هل كانت لهفتك الاولى لهفة شخص لا يحس بقيمة الشيء الا اذا فقده؟؟؟ و عندما يصبح متاحا مجددا تولي حليمة لعادتها القديمة

اذا كنت جادا فعلا في نواياك اتجاهها فاخطبها مجددا و الا فدع البنت و لا تجرحها مرتين

+ نسيت نقولك

تصرفاتها طبيعية جداااااااااا وهي تصرفات فتاة وثقت في شخص فخانها

و صبرت عليك بزاااااااااااااااف

[نادية روز]

والله ياخي عندها الحق انها خلاتك انت خنتها وخدعتها و هيمسكينة الي حباتك اكثر منك والمراة تصبر على كلشي الا الخيانة يعني انت خطبهاوتخون فيها هذا يجعلها تفكر مليون مرة بصح صبرت عليك وعلى اساس انك ترجع ليها وتطلب السماح
نصيحة انك تخليها ترتاح هي مجروحة اكثر منك
وانت شوف حياتك من جديد وايك انك تجرح اي فتاة عقوبتها ميش ساهلة في البداية تكون عادي بالنسبة ليك لكن النهاية صعبة ودور غير عليك ياما شباب لعبو وهما الي خلصو هذي واش راني نشوف
ربي يسهلك

[samara lara]

يا اخي خلاص تجرح وحدة و تزيد تكرها هادا واش خصك دير روحك بلاصتها لوكان هي دارت واش درت نتا راح تسامحها و زيد واش راح تحس نتا




صعييب بزااااف جرحتها ان شاء الله تسامحك

و انت داير روحك انت المسكين اللي غبنوه


خليها في حالها

[Cervantes]

لقيت روحي حاقد عليها و نقلها راح تخلصي واش درتي و مارحش تتهناي و انا راح نخطب فلانة و راح و راح

الله يبعد بنات الفاميليا على أشباه الرجال ...آمين

[دروب التابعين]

الحل تاعك
الحبس المؤبد
لاخاطر راك تمشي عكس التيار ونخلوك تتعذب ومنزوجوكش
كثرو عليك الشيرات وتلعب بيهم على كيفك
تجيب الشيرات ويلعبو بيهم كيما لعبت ببنات الخلق
لي عندو النيف مايديرش وش درت وراك تريكلامي كيشغل محقور
والله غير غزات فيك

[سهام1]

نعم يا اخي يوجد حب من هاد النوع تحب في صمت

[مريم الصابرة]

السلام عليكم خويا اولا قريت موضوعك الاول
وهي ما غلطتش معاك نهائيا من الأول إنت اللي خنت وإنت اللي جرحتها وإنت اللي درت رايك وهي مخبية في قلبها اكيد اللي دارت كل هذا طفلة تحبك تحملت في قلبها وسكتت وتراقب فيك من بعيد تخطبت لأنو خلاص حبت دير حد للعلاقة هذي و تحرقلك قلبك الحب خلاها تخمم هاك كيما إنت خممت دمرها فهمني علاه دمرها امركم غريب يعني وحدة إنت خنتها كان وفية ليك خاطبها وحكامة دارهم وإنت داير رايك وفاقت بيك واش حبيتها دير تقبل وترضى لو إنت فرضا دارتها واش دير راهي تخطبت بالحلال وفكرت دمرها لو خناتك كيما خنتها واش دير
شوف اخي الواضح تحبو بعضاكم للزوج لكن تبقاو هاكا هذا مسلسل ما راحش يخلاص إنت حاقد وهي حاقدة قال كلمة وحدة ترجعي ونخطبك روح خطبها وما طولوش فالخطبة تزوجو ديركت قال لالا صايي ربي يعوض عليك ويعوض عليها
وهي لما رجعت للراجل وحبست معاه وتعرف كل اخبارك راه واضح تحبك ما نعرف راك فاهمها ما نعرف دير روحك ما تفهمش الأمر واضح جدا خلاص روح أهدر معاها وشوف كلمتها الأخيرة وعاود تقدملها الواضح من حبك الكبير ليها راك غير تخلط دور في بلاصتك تسقسينا حنا كان تحبك او لا سقسي روحك اما تقول هي الغالطة لالا خويا الخيانة جات منك إنت فقط تخيل لو إنت كشفت عليها الأمور اللي كشفتها هي عليك موفقون وأرواح وهنينا وقلنا تخطبنا

[sali-sali]

السلام عليكم
علاش راكم تجبدوا في الي فات

ادا مزالك تحبها طلب السماح و روح اخطبها ... ادااا هيا سامحاتك

ماحبتش خلااااص اخطيها .. بدون مشاكل

[fyfy_top216]

يعيشك هي علبلك راهي تحبك مستحيل تنساك بهاد السهولة وي كاين حب بهدي طريقة كاين وين لواحد يفوت يفوت ومبعد خلاص
يعيشك متسمحش فيها ومتكرهاش نتا قلها خليلي غير شوية وقت راح نتبدل الحل هو الوقت اخي والله مكان غير هدي لحاجة لي داويكم في زوج راح تتوحشو بعضاكم
بعتلها ختك ولا كتبلها رسالة وقلها اخر مرة وقلها منسمحش فيك ومنقدرش نعيش بلا بيك