مشكلة عقدتني من فضلكم اجيبوني

[مشكلتي]

السلام عليكم انا فتاة عندي 25 سنة عندي مشكلة عقدتني بزاف هو اني ما نهدرش بزاف مثلا كي نكون في جماعة طبيعة ما نكترش الهدرة غير مع الى نعرفهم مليح وما نضحكش ما نتمسخرش... كاين الى يقول عليا تتكبر وانا ماش خلاص نتكبر هكا ما نكترش بزاف الهدرة وكاين الى يقول صامطة ما تهدرش والى يقولي تباني مشنفة وانا والله نحشم ما نحبش نهدر.نتمسخر...غير مع الى نعرفهم مليح واش رايكم تعقدت جاوبوني تعيشوا

[جويرية الإيمان]

ماراكيش معقدة

و متعقديش روحك بهذي الحوايج

يكفي ابتسامة حتى لأناس لا تعرفينهم (أقصد في الجلسة الواحدة و النساء طبعا)

[sarl02]

انت طبيعية جدا كملي على هذا المنوال.

[فارس وجواد]

السلام عليكم و رحمة الله و بركاته :
صراحة أختي خلعتيني ظننت أنك معقدة فعلا و لديك مشكلة معقدة و لكن عندما قرأت موضوعك وجدت أنك أكثر من طبيعية فلماذ هذا الحكم القاسي على نفسك فانت من تريدين تعقيد نفسك بالانقياد وراء أحكام عقلك و أحكام الناس عليك .
لنرجع الى موضوع الصمت لو بحثنا عن كل ماقيل عن الصمت لما وجدنا ربما شخصا واحدا ذم الصمت أو قال أن من صمت فهو معقد بل بالعكس الصمت في وقتنا الحالي افضل بكثير من الكلام الذي لا فائدة منه الا هتك اعراض الناس و الغيبة و النميمة التي لن تظهر نتائجها الا اذا وضع الشخص في قبره وحيدا .
ليس الهدف من كلامي أنك على حق و تمتنعي عن الكلام نهائيا .
انت شخصت حالتك بنفسك فانت ربما تعانين من الخجل الزائد جعلك تضعين نفسك في قوقعة فالواجب منك هو التخلص من عقدة النقص لديك و زيادة ثقتك بنفسك و توسيع مجالات الصداقة و لكن في حدود الشرع و ما أمر به.
و دعك من ما قيل عنك فالناس لن ترض عنك حتى يقال عن فلانة رحمها الله.

[hodahodahoda]

انا ارى انك في قمة الاخلاق
لا مشكل لديك اقبلي نفسك كما انت سيقبلك الاخرون

[naamane3]

ماراكيش معقدة

و متعقديش روحك بهذي الحوايج

يكفي ابتسامة حتى لأناس لا تعرفينهم (أقصد في الجلسة الواحدة و النساء طبعا)
بارك الله فيك
كلام صواب ما عندي ما نزيد

[رحمة 20]

حاجة عادية ماشي شرط الناس ترضى عليك لمهم نتي ترضاي على روحك

[ايمان 07]

بالعكس ما كي معقدة ما والو انت انسانة عادية جدا وانا تاني في وقت من الاوقات كنت كيفك والانسان مع الدنيا هاذي يتغير تدريجيا كوني على طبيعتك ولي ما عجبتيهش الناقص خير من الزايد
نتمنى تكوني فهمتيني

[rokaa]

ياختي كي تخالطي الناس طيبين ترجعي كيفهم لكن اصحاب سؤ لا
او مثلآ هنا في منتدى بقاي تشاركي معاهم في كل موضوع وتعطي رأيك

[kamel76]

ليت كل البنات مثلك بل ليت كل الناس مثلك .

[ranou gigi]

راكي مليحة خلاه خليك هك و مادخلكش الناس واش اقولوا المهم انت راضية بروحك

[lachiche]

نورمال اختي مام انا تاني فيا هذي الطبيعة و منهدرش خلاص مع ناس لي منعرفهمش
و ادا عندك مشاكل في النطق زوري ارثوفوني ولا طبيب نفسي

[عبد الله 22]

السلام عليكم والله لاركي في رحمة كثرة الكلام يجب لخسارة والصمت نعمة وكما يقال سنندم على الكلمات التي قولنها أكثر من التي أمسكنا عن قولها

[khawlita.dz]

ليست بالمشكلة يا اختى هى فقط طبيعتك
ولكل انسان طبيعته
احبى داتك كما هى و اصلحى ما لا يناسبك لاجلك وليس لاجل اى شخص اخر
فى الدنيا هناك الصاخبة والهادئة هناك المجنونة والعاقلة هناك الخفيفة والثقيلة ....الخ
وكل واحدة مميزة كما هى

بالتوفيق

[knives66]

مممممممممم والله مشكل وهو صح كون جيت اانا نفهمك بناقص على خطركش نقراء ردت فعلك على حساب فهمي

على هذا حولي تجبري نفسك على نقاش و تمسخير وضحك

هي صح كل واحد وشخصيتوا لكن انت حولي تجبري نفسك

مثلا تكوني في جماعة وهما يحكوا على اي موضوع يلزم تقولي ولش في بالك على هذك الموضوع وهكذا

[شموسة الجزائر]

هذا شيء عادي كل واحد وطبيعتو

وانا عندي نفس العقلية لوكان شفتيني كي دخلت للخدمة في العام الاول كنت اقضي 3ساعات وانا ساكتة والجماعة كامل تقصر مع العلم انو نكونو بنات فقط نتبسم فقط حتى وصل وقت بداو يحيرو وعلاش ساكتة

مي مع الوقت رجعت نهدر عادي ممكن انك كيما انا حتى تعرفي العقلية مليح باش تهدري وهذا شيء في صالحك ولا يضر بك


اذن انت غير معقدة وتقبلي نفسك كما هي

موفقة اخية

[hanane 26]

أختي أنت مثلي تماما، لكن أنا بالعكس ما نحسش روحي معقدة، لأنني أتذكر دائما أن الرسول صلى الله عليه وسلم كان كثير

الصمت طويل الفكر.

وديري في بالك اختي انو اللي يهدر بزاف يغلط بزاف فخير الكلام ما قل ودل.

انت حبيبتي مؤدبة ولست معقدة.

تحياتي الخالصة لك.

[مياسم الصمت]

السلام عليكم ورحمة الله وبركاته

وين المشكل في هذا اختي

انا عن نفسي لا اتكلم مع اي كان ولا ادخل في النقاشات التي لا تعجبني
ولا اخالط من لا يتوافق مع شخصيتي

وكاين اللي يقول علي متكبرة
وسامطة

لكن تبقى هذي شخصيتي
علاه نتعقد منها

واذا كان الحال ماشي عاجبك
حاولي تبدلي تدريجيا من بعض السلوكات اكيد رايحة تتغيري نوعا ما

سلام

[yousra14]

السلام عليكم و رحمة الله و بركاته :
صراحة أختي خلعتيني ظننت أنك معقدة فعلا و لديك مشكلة معقدة و لكن عندما قرأت موضوعك وجدت أنك أكثر من طبيعية فلماذ هذا الحكم القاسي على نفسك فانت من تريدين تعقيد نفسك بالانقياد وراء أحكام عقلك و أحكام الناس عليك .
لنرجع الى موضوع الصمت لو بحثنا عن كل ماقيل عن الصمت لما وجدنا ربما شخصا واحدا ذم الصمت أو قال أن من صمت فهو معقد بل بالعكس الصمت في وقتنا الحالي افضل بكثير من الكلام الذي لا فائدة منه الا هتك اعراض الناس و الغيبة و النميمة التي لن تظهر نتائجها الا اذا وضع الشخص في قبره وحيدا .
ليس الهدف من كلامي أنك على حق و تمتنعي عن الكلام نهائيا .
انت شخصت حالتك بنفسك فانت ربما تعانين من الخجل الزائد جعلك تضعين نفسك في قوقعة فالواجب منك هو التخلص من عقدة النقص لديك و زيادة ثقتك بنفسك و توسيع مجالات الصداقة و لكن في حدود الشرع و ما أمر به.
و دعك من ما قيل عنك فالناس لن ترض عنك حتى يقال عن فلانة رحمها الله.



رد مميّز وكاف.بارك الله فيك

[رُواء]

إِذَا تَمَّ الْعَقْلُ نَقَصَ الْكَلاَمُ

[الفاتحة]

انت بلغة العاقلين راكي رزينة وبلغة التافهين راكي متكبرة وسامطةومشنفة وووووو ، نصيحة لك متعمريش راسك بيهم إذا جاتك كلمة وحبيتي تهدري اهدري وإذا محبتيش حد مادخلو فيك هذه حرية شخصية وديري اللي يريحك موش اللي ريحهم هم’’’’ سللااااااام

[حبيبة زوجها]

عادي اختي راني كيما انت يعني منحكيش غير مع لي نعرفه مليح لخرين منكثرش الهدرة بزااف وساعات منحكيش كامل
وهتسمعي هادي سامطة ومتحبش تحكي بصح عادي راكي عارفة روحك كيفاه دايرة
وحتى لو كنت هدارة بزااف هيعلقو عليك هيعلقو يعني ابقاي على طبيعتك ومتحاوليش تغيري روحك

[حمودية]

يوجد الكثير مثلك وانا منهم السبب حسب رأيي اننا نشاءنا في بيئة غير اجتماعية

[ابوبكر17.00]

السلام عليكم
من وجهة نظري الموضوع عادي
"من كثر كلامه كثر سقطه ومن كثر سقطه كثرت ذنوبه"
"خير الكلام ما قلّ و دلّ"
و حاولي إثراء مكتبتك اللغوية بالمطالعة و القراءة
وحتى الكتابة ( التعبير الكتابي)
موفّقة ..
سلام