المساعد الشخصي الرقمي

مشاهدة النسخة كاملة : الى فرناس وهران وديجي بوبو

نجوى لحلوة
2014-01-13, 15:50
ارجوكم عندي في الغد ان شاء الله مسابقة مفتش رئيسي للضرائب وحسب معلوماتي قالولي رح يسالوك وعلاه خيرتي هذي المهنة مثلا تقدرو تعاونوني في اجابة راقية
نجوى لحلوة
2014-01-13, 17:14
ماكان حتى رد يعني وعلاه
soriaalg
2014-01-13, 17:22
السلام عليكم اختي بالتوفيق ان شاء الله ما تتقلقيش اختي اكيد اما ما شافوش الموضوع او مازال مادخلوش عندهم مشاغل اكيد كي يدخلو رايحين يجاوبوك بالتوفيق ان شاء الله توكلي على الله
نجوى لحلوة
2014-01-13, 17:28
ان شاء الله والف شكر ليك بصح هذا النداء لكل من عندو مثلا اجابة مليحة ماشي غير لديجي بوبو وفرناس
آسياآسيا
2014-01-13, 18:37
اهلا اختي راني لحقتك هنا تاني ، راني جاوبتك في الموضوع الآخر
نجوى لحلوة
2014-01-13, 19:03
شكرا ليك وربي يخليك ان شاء الله
soriaalg
2014-01-13, 19:25
بارك الله فيك اختي اسيا على روح التعاون بارك الله فيك الله يوفقكم جميعا يارب
نجوى لحلوة
2014-01-13, 21:01
شكرا على الردود صح راني نحوس على اجابة وافية بارك الله فيكم
نجوى لحلوة
2014-01-13, 21:32
فرناس اين انت راني نسنا في اجابتك باه نروح نرقد
آسياآسيا
2014-01-14, 12:13
السلام عليكم، صباحكم بالخير، والف صلاة وسلام على خاتم الانبياء سيدنا الحبيب المصطفى محمد صلى الله عليه وسلم تسليما كثيرا.
اختي soriaalg شكرا لك والله يباركلك فيما عندك. والله c'est un plaisir نتعاونوا مع بعض. وهذه من صفات المسلمين عامة والجزائريين خاصة.ربي يخلينا لبعض ويخلينا لبلادنا ويخلي بلادنا طول العمر لينا ويثبتنا على ديننا
soriaalg
2014-01-14, 12:38
اللهم صل وسلم وبارك على سيدنا محمد اللهم امين يارب بارك الله فيك اخية اكيد مادام عندك هذه الاخلاق النبيلة راح تنجحي في حياتك وتوصلي لما تتمنينه ان شاء الله الصبر فقط كوني متيقنة من هذا واختي نجوة كذلك اليوم راهي تفوت ربي ينجحها ويسرلها امرها للاسف مادخلش الاخ فرناس ان شاء الله خير لكن دائما نتمنى الكل يعاونو بعضهم اليوم نحتاجك غدا تحتاجني وهذي هي اتمنى لي عندو جواب يعاونها واجركم على الله
آسياآسيا
2014-01-14, 15:33
السلام عليكم،بارك الله فيك اختيsoriaalg ربي يوفقنا ويعيننا باش نوصلوا كلنا الى ما نبتغيه وبالصبر كيما قلتي اختي وفيما يخص اختنا لحلوة راني نسنا الجديد منها .ان شاء الله خير
نجوى لحلوة
2014-01-14, 17:55
السلام عليكم ورحمة الله وبركاته اليوم رحت فوت المقابلة كانت اللجنة عادية جدا اول سؤال طرحو عليا وكتاه تخرجتي قلتلو 2013 قالي ديبلومك جديد قلتلو نعم قالي ماخدمتيش من قبل قلتلو لا ديبلومي جديد قالي مسجلة في لانام قلتلو نعم بالطبع مبعد قالي ما عندكش خبرة مهنية قلتلو لم احصل على عمل بعد فكيف تكون لي خبرة مبعد قالي علاه ماسجلتيش في الكابا قلتلو مانيش حابة نخدم محامية مبعد قالي كامل المترشحين راهم يقولو بلي البلايص محكومين ديجا وانتي تامني بالشئ هذا قلتلو لا قالي علاه قلتلو مناه قبل ما تكون انت هنا اليوم اديت القسم اما الله تعالى قالي اوكي مبعد قالي اختاري سؤال لانهم مكتوبين ومطبقين في ورق مغلوقين كيما تع البوقالات طاحلي الاول حول الميزانية قلتلو مش من اختصاصي انا قريت علوم قانونية وادارية مبعد قالي اختاري التاني طاحلي الضريبة والتنمية قلتلو اوكي مي حبيت نقولك بلي حنا في هذه الشعبة ما نتعمقوش في دراسة الضريبة قالي فاه قريتيها قلتلو سنة 4 اول سيماستر في المالية العامة قالي هذي ثقافة عامة قلتلو نعم ادري قالي شوفي معايا الضريبة الضريبة يعني الغرامة ورح يكمل يشرح قلتلو عفوا كاين فرق بين الضريبة والغرامة مبعد جاوبتو قالي هاكي تعرفي قلتلو الحمد لله مبعد قالي ماشي ساهلة باه نخيرو 9 مترشحين من بين 1500 قلتلو ان شاء الله نكون انا من بين 9 الناجحين قالي ان شاءء الله بالتوفيق نضت وقلتلو السلام وعليكم
soriaalg
2014-01-14, 18:55
الحمد لله تبان بلي فاتت مليحة ان شاء الله خير
نجوى لحلوة
2014-01-14, 19:07
ان شاء الله
والف شكر ليك يا اختي
imy13
2014-01-14, 19:16
rabi yenajehak w yenajah ga3 mamenine
nechalah
آسياآسيا
2014-01-14, 19:28
السلام عليكم،الف صلاة وسلام على اشرف المرسلين سيدنا محمد صلى الله عليه وسلم تسليما كثيرا.ان شاء الله كل عام وحنا مسلمين وبخير.
اهلا لحلوة، الحمد لله نستعرف بيك كنت واثقة من روحك من خلال اجاباتك.
ربي يوفقك ويرزقك من اوسع ابوابه ومن حيث لا تحتسبين.وكل المؤمنين ان شاء الله تعالى.
نجوى لحلوة
2014-01-14, 20:07
rabi yenajehak w yenajah ga3 mamenine
nechalah
ان شاء الله يا رب
الف شكر لكي
نجوى لحلوة
2014-01-14, 20:13
السلام عليكم،الف صلاة وسلام على اشرف المرسلين سيدنا محمد صلى الله عليه وسلم تسليما كثيرا.ان شاء الله كل عام وحنا مسلمين وبخير.
اهلا لحلوة، الحمد لله نستعرف بيك كنت واثقة من روحك من خلال اجاباتك.
ربي يوفقك ويرزقك من اوسع ابوابه ومن حيث لا تحتسبين.وكل المؤمنين ان شاء الله تعالى.
عليه الصلاة والسلام
لازم تكوني واثقة من روحك يا اختي مش غير في المسابقات وانما في حياتك اليومية بصفة عامة
ان شاء الله ربي يتقبل دعوتك لجميع المومنين الف شكر
Dj BoBo
2014-01-20, 16:19
للاسف دخلت متأخرا للموضوع

اسف اختي نجوى فقد كانت عندي ظروف سببت الغياب

و الحمد لله أخي فرناس قام بالواجب

المهم أي تساؤل نحن في الخدمة إن شاء الله

بالتوفيق إن شاء الله في المسابقة
نجوى لحلوة
2014-01-20, 16:46
للاسف دخلت متأخرا للموضوع

اسف اختي نجوى فقد كانت عندي ظروف سببت الغياب

و الحمد لله أخي فرناس قام بالواجب

المهم أي تساؤل نحن في الخدمة إن شاء الله

بالتوفيق إن شاء الله في المسابقة

الحمد لله على عودتك بالسلامة مشكورين وربي يجازيكم ان شاء الله
chiglife
2014-01-21, 10:52
استغفر الله
نجوى لحلوة
2014-01-21, 11:01
استغفر الله
وبحمده عز وجل