المساعد الشخصي الرقمي

مشاهدة النسخة كاملة : واش حضرتو للمولد النبوي الشريف

layan soso
2014-01-11, 23:19
السلام عليكم
كيما راكم عارفين الميلود راهو قرب حبيت نسقسيكم واش راكم رايحين توجدو فيه باش نستفيد من أفكاركم
ام انليز
2014-01-12, 00:10
أنا راني مزلت مدرة والو وراجلي قالي احتفال بيه بدعة كيما رآهم يقولوا
راني قعت بين وبين ندير ولا منديرش المهم راني كشما ندير نحطهولكم
تشوفوه
layan soso
2014-01-12, 12:25
يا أختي الكريمة الأحتفال بالمولد ماهو بدعة ما والو راها مناسبة لازم كل الأمة الاسلامية تحتفل بيها و تعلمها للأجيال القادمة
وشكرا ليك حبيبتي على المرور
ام اريام
2014-01-12, 13:06
السلام عليكم ورحمة الله وبركاته ;الاحتفال بمولد سيد الخلق صلى الله عليه وسلم أقل شيء نفعله ;ففيه نكثر بالصلاة والتسليم عليه,و نشرح للأولاد من هو محمد صلى الله عليه وسلم و يتلم شمل العائلة للتحدث عن سيرته الطيبة العفيفة,ويسوى الأكل و الحلوى .
رايحين يجعلو كل شيئ بدعة الله المستعان.
samirano.
2014-01-12, 17:17
البدعة راها في المفرقعات و الألعاب النارية اللي ماعندها حتى علاقة بالمولد أنا ندير رشتة و الحنة لبنات
رانيا لوك
2014-01-12, 17:26
انا ندير شخشوخة
والبخور هذا ماكان
lamia zina
2014-01-12, 17:27
انا ما وجدت والو ....................
mama halouma
2014-01-12, 19:44
صحيح أختي قريت في النت عن أحد الأئمة بلي الاحتفال بدعة لكن نحاولو نكونو وسطيين نديرو للعايلة عشاء وعني شخشوخة ونعمل مسابقة للأولاد عن حياة الرسول نتعرفو بيها على سيد الخلق ونقراو شوية قرآن وربي يتقبل منا ان شاء الله
dalidadali30
2014-01-12, 23:22
انا راني نوجد فالرشتا و الطمينة مع لمشوشة بلعسل
ابراهيم حميدي
2014-01-12, 23:45
بسم الله الرحمن الرحيم

محمد رسول الله صلى الله عليه وسلم
مدحه الله في السماء

ومدحه الملوك والزعماء

ومدحه أصحابه الكرام

فكيف لا نحتفل بنبينا ونفرح لكن بما يرضي الله
فالتبذير من عمل الشيطان
راجية الجنة.
2014-01-13, 14:16
]السلام عليكم ورحمة الله احبتي في الله المولد موشن نتاع احتفالات علينا نعي ان اليوم الذي ولد فيه النبي صلى الله عليه وسلم هو نفس اليوم الذي توفي فيه انا لدي فكرة لما لا نقوم بطهي طعام او مسمن او اي شيء ونوزعه على الفقراء او المساجد و نكثر في الصلاه على نبينا الكرام هدا كاقتراح والله اعلم
ربي يحفظكن ويبارك فيكن حبيباتي[/center]