تسجيل الدخول

مشاهدة النسخة كاملة : ديول نتاع السميد

ام سراج وملاك
2014-01-11, 15:27
السلام عليكم اخواتي علابالي بلي اكثر الناس يعرفو يصنعو الديول ليوم جبتلكم طريقتي في صنع الديول انا نحب ديول نتاع السميد احسن من الفرينة لانو ديول نتاع السميد كي تقليهم في الزيت ميشدوش الزيت بزاف كيما نتاع الفرينة او ليتباعو برة كما انهم من ناحية يجيو بنان بزاف
اول خطوة هي تحضري سميد حوالي زوج كيسان سميد تزيديلهم نصف كاس فرينة مغرف سكر عادي ملح العجين يكون مثل نتاع المسمن مع اضافة الماء للحصول على عجين سائل انا درت كمية كبيرة باش نقسمها ونخبيها في مجمد الثلاجة باش نستعملها وقت لنحب اول حاجة لازم تكون عندك مقلة نتاع تيفال انا عندي وحدة نستعملها في ديول و لكراب فقط
نخليكم مع الصور
http://http://www.up.djelfa.info/uploads/138944903003421.jpg
هاذي صورة العجين اسمحولي نسيت مصورتش الخطوات الاولى
http://www.up.djelfa.info/uploads/138944914460751.jpg
http://www.up.djelfa.info/uploads/138944921662441.jpg
بالنسبة لهاذي الصورة مصلحتليش نصور وفي نفس الوقت نخدم هنا لازم تسعملي يدك باش تمشي العجين
http://http://www.up.djelfa.info/uploads/138945035600841.jpg[
http://www.up.djelfa.info/uploads/138945101340051.jpg
انشاء الله تكونو فهمتوني لمفهمتش انا في الخدمة
مفهمتش المشكل وين من صباح وانا نحمل في الصور مخرجوش بلاكش هاذي المرة يصلحو معايا
oum khadidja
2014-01-11, 20:41
يعطيك الصحة اختي كيفاش حطيتي العجينة في المقلاة امسحتيها و لافرغتيها
ام محمد78
2014-01-12, 11:29
يعطيك الصحة
فايزة1207
2014-01-12, 12:45
انا ثاني مايعجبونيش نتاع الفرينة نجرب هاي شكرا لك
مافهمتش كي قلتي

نا درت كمية كبيرة باش نقسمها ونخبيها في مجمد الثلاجة باش نستعملها وقت لنحب

قصدك تخبي العجينة ولا تخبي الديول؟
besbes
2014-01-12, 17:03
بارك الله فيك منفضلك نوع السميدمتوسط اورطب ادا ممكن التوضيح اكثر
ام سراج وملاك
2014-01-12, 18:47
يعطيك الصحة اختي كيفاش حطيتي العجينة في المقلاة امسحتيها و لافرغتيها
شكرا لك اختي العجين تمسحيها بيدك على المقلة نتاع نيفال المقلة تكون فوق طابونة الكانون نتاعها محلول اكل على نار هادئة ماشي قاوية وتكون طاوة نتاع ماء امامك تغطسي يدك وتهزي الخليط وديريه فوق المقلة وتزربي تمشي لعجين متخافيش من النار خطراه الطابونة ناقصة بزاف
ام سراج وملاك
2014-01-12, 19:28
يعطيك الصحة اختي كيفاش حطيتي العجينة في المقلاة امسحتيها و لافرغتيها
شكرا لك اختي العجينة حطيتها بيديك لازم تكون معاك طاوة نتاع ماء والمقلة تحطيها فوق الطابونة الكوانن محلولين اكل على نار هادئة تغطسي يدك في الماء وتهزي كمية العجين وتمشيها بيدك فوق المقلة متخافيش من النار النار تكون ناقصة بزاف
ام سراج وملاك
2014-01-12, 21:34
السلام عليكم اخواتي نشكر جميع لي دخل الموضوع نتاعي وشكرني بالنسبة للاخت لحابةو تعرف كيفاه تمشي لعجين اول حاجة تكون معاك طاوة نتاع ماء تغطسي يدك وتهزي لعجين وتحطيها فوق المقلة وتمشي بيدك وطيبيها فوق الطابونة الكوانن اكل محلولين على نار هاذئة متخافيش من النار خطراه الطابونة ناقصة بزاف متتحرقيش اما بالنسبة للاخت لحابة تعرف نوعية السميد السميد يكون عادي المهم ماشي خشين متوسط او ارطب من الاحسن يكون ارطب انا دقيق لستعملتو دقيق الكرمي اما الاخت لسقسات واش نخبي انا نخبي الديول لي طابو نقسمعهم على12 حبة او اكثر ونديرهم في صاشي منطبقهمش نخليهم على شكل دوائر باش ميفزدوش اما العجين اذا درتي بزاف تقدري ديريه في باطة مقفولة تحطيه في الثلاجة من تحت يعني ماشي المجمد وغدا تكملي الخدمة نتاعك انشاء الله تكونو فهمتوني لمفهمتش انا في
الخدمة
nounoudjs
2014-01-13, 08:26
جزاك الله خيرا
ام سراج وملاك
2014-01-14, 19:36
شكرا لك اختي
maria mirou
2014-01-14, 19:57
شكرااااااا اختي
marina2013
2014-01-15, 11:05
جزاك الله خير ان شاع الله نجرب هده الوصفة
إلهام07
2014-01-15, 11:44
ماشاء الله خردولك هايلين يعطيك الصحة :19::19::19::19: باينة محترفة فيهم :19::19::19::19:
ام سراج وملاك
2014-01-16, 21:21
ماشاء الله خردولك هايلين يعطيك الصحة :19::19::19::19: باينة محترفة فيهم :19::19::19::19:
شكرا لك اختي الهام راكي فرحتيني بزاف كي دخلتي للموضوع نتاعي وكتبتيلي علابالي بلي كي تجربيهم نتي ديريهم خير مني حبيت نصقصيك سؤال ربي يعيشك حبيت ندخل للموضوع واش طيبتي ليوم يقولولي الجنس لازم انثى وانا عندي خطأفي الجنس نتاعي عيت باش نصلحو اذا تعرفي قوليلي واش ندير باش نغيرو مفهمتش منين صدر هاذا الخطأ انا في انتظار الجواب وشكرا
ام سراج وملاك
2014-02-12, 11:18
اخواتي لطلبو مني الصور هاذي هي الصور نتمنى انكم تكونو فهمتوني
Lona.Anna
2014-02-12, 16:32
يعطيك الصحة
oummarwa
2014-02-12, 17:47
yaatik saha ana tani ndirah yji yhabeel
فايزة1207
2014-02-12, 19:17
ربي يحفظك على الصور
بالنسبة للجنس راسلي الادارة ولا حاولي مع مشرفي الطبخ
ليلى القسنطينية
2014-02-15, 17:37
شكرا لك اختي على الطريقة و بارك الله فيك
انا نعملها و كي نجي نحيها تتكسرلي ما تجيش طرية
من فضلكم لي تعرف السبب تنصحني
ام سراج وملاك
2014-02-15, 18:26
شكرا لك اختي على الطريقة و بارك الله فيك
انا نعملها و كي نجي نحيها تتكسرلي ما تجيش طرية
من فضلكم لي تعرف السبب تنصحني

اختي كي تدلكي لعجين نتاعك ادلكيه كيما المسمن نفس الطريقة وزيدي الماء بشوي وادلكي حتان يولي العجين نتاعك جاري نوعا ماء كيما الصورة لي راني حاطتها كي طيبيه طيبيه في الطابونة نقصي لكوانن في ثلاثة نار قليلة بزاف حطي المقلة نتاعك واغطسي يدك في الماء ومشي لعجين نتاعك اذا مصلحتش لولة متخافيش انا تقريبا متصلحليش الاولى مبعد عاودي دري وحدة جديدة خليها فوق المقلة كي تشوفي لحواشي تنحاو نحيها انشاء الله متتكسرلكش وديول نتاعك طابو من فوق نحيهم حطيهم فوق طرشونة وكملي الباقي فوق بعضاهم باش ميلصقوش يعني الجهة تحتانية ماشي كيما الفوقانية الجهة تحتانية رطبة بزاف حطيها من تحت وكي طيبي وحدة اخرى حطيها فوقها كيما تنحيها انشاء الله تفهميني اذا مفهمتيش انا في الخدمة ومن الاحسن مقلة نتاع تيفال نتاعك تكون جديدة خليها غير لديول ولكراب متفزديهاش انا ساعات كي ندير ديول ونكمل نمسحها بكتانة ناشفة باش متفزدش
ليلى القسنطينية
2014-02-16, 09:09
يعطيك الصحة يا اختي على ردك الكافي والوافي
راح نجرب حتى نتعلمهم
و ربي يجازيك بكل خير باذن الله
ام سراج وملاك
2014-02-18, 14:26
يعطيك الصحة يا اختي على ردك الكافي والوافي
راح نجرب حتى نتعلمهم
و ربي يجازيك بكل خير باذن الله

بلامزية اختي انشاء الله يصلحولك كي تجربيهم وريهملي انا في انتظارك