عندي سؤال جاوبوني بصراحة

[almazalina22]

:dj_17::dj_17::dj_17::dj_17::dj_17:
السلام عليكم
بما انو راكم هنا كامل تقريبا نساء حبيت ندير صبر اراء من عندكم وكل وحدة تقولي بصراحة واش دير وعلاه
السؤال
كي نكونو وحدنا في الدار يعني بلا ازواجنا او اخوانا يعني ما يكونش راجل في الدار مانطيبووووووووووووووووووووووش حتى ولو كانو كاين اطفال هههههههه يعني نحقرو رواحنا
ونعقبوها فرماج بيض ....الخ
نسحق كل وحدة ورايها :1::1::1::1:

[أم إناس]

سؤال وجيه
المازة والله عندك الحق كي كون الزوج في الدار نطيبو لوكان ماطيبيش يابنتي ينسا كل الايامات لي فاتو ويتفكر نهار لي ماطيبتيش. يالحنانه يدرلك محاضرة ياعيني على محاضرة الزوج وانت هههههههههههههههه

[om mita]

لا لا حنونة انا والله منضر روحي غير نستيكي الحالة
الا اذا كنت عيانة
اما كي نعود قادرة نشمر نقلي ونشوي زكارة فيه
علا خاطر معندو وين يروح غير لعند يماه
هههههههههههه

[ام هدولة]

والله وانا مثلك تماااما زوجي يتغدا معايا غير نهاية الاسبوع واش نقولك ندير غدا على كارو وباقي الايام غير نفوت برك

[ريماس وصهيب]

لاننا عينا من الطياب وكرهنا خلاص.كي تلقاى الفرصة تريحي شويااا.

[scorpionoir]

مساء الورود
هههههههههه كاين بزاف كيما راكي تقولي صح
انا لوكان ندير هكا نموتو بالشر ههههه بحكم خدمة زوجي يطول شوي. وعليه انا نطيب يوميا عادي بالعكس كي تبقى من الغدا للعشا ونسخنها يقولولي علاه ما بدلتيلناش ؟وزيد بناتي سخفاااااااااااااااااات كل يوم على واش .الحق مانفرطش في رواحنا .
نادرا ما ندير حاجة كيما راكي تقولي بيض وفرماج

[lamia zina]

عندك الحق حتى انا لما يكون زوجي غايب ما نطيبش و انا واش لقيت ناكل و لو حبة بيض و هو يقولي صافي كون ماشي انا كاين تموتي بشر هههههههههههه

[إلهام07]

شوفي أنا عانس وزيد ماعنديش أخ ذكر بصح نقولك واش تبانلي :

المجتمع الشرقي يربي الطفلة من الصغر أنو الذكر هو الاهم يعني المهم ياكل هو مثلا لو كان ديري بربوشة باللحم ياخي الراجل تحطيلو أحسن وأكبر قطعة ليه هو والأولاد تعطيهم الفتات وانت ممكن ماطيرلكش خلاص :D:D:D:D


وزيد الراجل كي يكون في الدار طبعا ينقرز على الغداء علاه مادرتيش هذي وديريلي هذي .....بصح أنت كي تكوني وحدك في حقك تسمحي نورمال المهم تريحي من الطياب كي مايكونش
والاولاد شوية فريت ولا فرماج وكاشير وهوما متغديين أصلا هذاك واش يحبو

انا هكذا تبانلي :rolleyes::rolleyes::rolleyes::rolleyes::rolleyes:

[فاطمةع]

حنونتي كي يكون الزوج معاك لازم طيبي ماكلة هايلة ومنوعة لان على حساب هو وش يحب ياكل ولا هو يقلك واش طيبيلو
يعني يدلع على الماكلة كثر من الاولاد الولد صغير واش يشوفك تاكلي ياكل
والمراة راهي هي لي طيب وطيب واش يعجبها ويجي في بالها
اما الرجل الحصلة ثم هو كيما يقولو طفل كبير

[بنت لبحر]

هههههههههههههههههههه كاينة

انا و ماما كي ميكونش بابا او خوتاتي الدكورة في الدار منطيبوش نفوتوها بلي كان هههههههههههههه نديرو الراحة لعمارنا شوية على خاطر كي يكون في الدار و منطيبوش ولي على قلبي ههههههههههه بابا مسكين ربي يطولنا في عمرو ميهدرش مي خاوتي بسلامتهم منحكيلكش خير هههههههههههههههههه

[امل جديد]

انا في رأي عيب يجي الراجل وماكانش ماكلة طايبة في الدار. بصح حتى كي مايكونش معايا نطيب اللي جاات في بالي المهم تكون سريعة التحضير .

[lady31]

أنا اختي نكون عاعاعاية وباغيا غير نريح بصح كي نجوع أنا واولادي نطيب الاكل الخفيف و الغير صحي اًُوي ي ي مراهش هنا باش ينقرش هاهاهاها الفريت السكالوب سندوتش .....بصح مين يكون هو المرميطة و السلاطة وووو يعني البروتوكول بالعكس راه قتلنا الكرفي يسموني نريح ح ح

[أم محمد تاج]

أووووووووووووو قستيني في الصميم حنونتي المازة الطازة ههههههههههههههههههه
شوفي ياختي بالعربي كرهت من الكوزينة واااااااااع كي مايكونش زوجي نموت بالفرحة تهنيت من التخمام وتكسار الراس ههههههههههههه ندير أي حاجة بصح لولاد مساكن يريكلاميو ونغلبهم مازالو صغار وكي يكبارو عمبالي يغلبوني مالا نبروفيتي ضرك وخلالالاص هههههههههههههههههههههههههه

[ام الهضاب]

نفس الشيء انا ثاني كي نكون وحدي من الفرحة بزاف انتاع ما نطيبش و خاصة الى كانت الكوزينة نظيفة و متحوفة هذيك الفرحة تكوپيلي لاپيتي و ندير اوملات أو كاش كاسكروط ههههه ولكن زوجي ما يغيبش بزاف إلا اذا كان معروووض لعرس فقط

[tiramisu]

أنا تاني كي ميكونش راجلي نفرط ف كرشي ناكل اي حاجة

[Oum yousra]

مساء الخير أختي المازا انا رأيي كيما قاتلك الهام توربينات من الصغر الراجل هو الأهم يسمى كي يأكل هو إحنا الله لا كلينا لاشتا خبز و فرماج و نوضو و ثاني أختي المرأة هي الي عليها كلش الطبيخ الغسيل الميناج الأولاد الحديد و يغيب الراجل تلقى المرأ مسكينة فرصة باه تريح تفرط حتى في روحها و لأولاد مدام صغار كيما قالت ام تاج نقدرو نكلحوهم حتان كي يكبارو تولي تبعيهم بالسيف عليك و تسمحي في الراجل ههههههها

[almazalina22]

شوفي أنا عانس وزيد ماعنديش أخ ذكر بصح نقولك واش تبانلي :

المجتمع الشرقي يربي الطفلة من الصغر أنو الذكر هو الاهم يعني المهم ياكل هو مثلا لو كان ديري بربوشة باللحم ياخي الراجل تحطيلو أحسن وأكبر قطعة ليه هو والأولاد تعطيهم الفتات وانت ممكن ماطيرلكش خلاص :D:D:D:D


وزيد الراجل كي يكون في الدار طبعا ينقرز على الغداء علاه مادرتيش هذي وديريلي هذي .....بصح أنت كي تكوني وحدك في حقك تسمحي نورمال المهم تريحي من الطياب كي مايكونش
والاولاد شوية فريت ولا فرماج وكاشير وهوما متغديين أصلا هذاك واش يحبو

انا هكذا تبانلي :rolleyes::rolleyes::rolleyes::rolleyes::rolleyes:

:dj_17: حبيبتي الهام ما نزيدش نسمعك قولتي عانس انا عندي راكي عشت مراحل عمرك ماشي كيما انا تزوجت عمري 18تقول خفت نبور كنت البطاطا ما نعرفش نقليها وحصلنا الذراري في رسانا ورفدنا الهم بكري درك راني 34سنة حاسة روحي كبرت بدا هم المرض تمنيت لوكان كملت قرايتي وخدمت ومن بعد الزواج جا ي جاي هذا وين فكرك نضج وكي تخيري تعرفي ماشي كيما وحدة صغيرة اااااه لو يعود الزمن وفي الاخير كلش بالمكتوب مانيش نقولك هكذا علي انا تزوجت لالالا عندي اختي كيفك تقولنا الخدمة والطونوبيل عاشية خير من تكسار الراس كي تشوفنا نشكو:D:D:D
ونورمالمو هذا وين تخمي في الزواج احنا برك عندنا لازم البنت غير تسمان شوية يزوجوها :mad::mad::mad:هههههههههه دمتي وفية للمنتدى وشكرا على مرورك العطر

شكرااااااااااااا حبيباتي على مروركن

[لميس حواء]

أنا بالعكس أختي إخوتي لا يعجبهم العجب و لا الصيام برجب مثل ما يقولو على هاذي كي يغيبو نطيب واش نحب أنا و أمي و أبي (أذواقنا تتشابه) لكن أخوتي ممنوع الثوم ممنوع الحار ممنوع كسبر و كرافس و معدنوس ممنوع الأعشاب (أنا نموت على بركوس بالأعشاب ) ممنوع معظم الخضروات ممنوع .......................................... و عندي أخ ما يحبش اللحم و حتى المرق نتاعو و أنا نكره نطيب حسب كل واحد على هذي نطيب المتفق عليه فقط

[ام نينة 07]

:dj_17: الله يعطيك الصحة اختي موضوع في الصميم كلنا بنفس العقلية المراة الجزائرية دائما تحقر نفسها :1:

[lyzzabel]

اقرب طريق إلى قلب الزوج معدته :):)
و مين ما يكونش الزوج راهي فرصة للتفنيين ههههه:d:d
بصح أنا في حوانة يكون ولا ما يكونش انطيييييب خخخخخخ:d:d:d

[Amouna.DZ]

شوفي أنا عانس وزيد ماعنديش أخ ذكر بصح نقولك واش تبانلي :

المجتمع الشرقي يربي الطفلة من الصغر أنو الذكر هو الاهم يعني المهم ياكل هو مثلا لو كان ديري بربوشة باللحم ياخي الراجل تحطيلو أحسن وأكبر قطعة ليه هو والأولاد تعطيهم الفتات وانت ممكن ماطيرلكش خلاص :D:D:D:D


وزيد الراجل كي يكون في الدار طبعا ينقرز على الغداء علاه مادرتيش هذي وديريلي هذي .....بصح أنت كي تكوني وحدك في حقك تسمحي نورمال المهم تريحي من الطياب كي مايكونش
والاولاد شوية فريت ولا فرماج وكاشير وهوما متغديين أصلا هذاك واش يحبو

انا هكذا تبانلي :rolleyes::rolleyes::rolleyes::rolleyes::rolleyes:

كلامك كامل صح و صح نشفالها من كنت صغيرة لما تعرضنا ماني وكامل خلاتي لما يلحق وقت تسقيا نشوف البلي حطة وسهوم لكبار و شابين تكون كامل لرجال وذكورا لي قدي فالسن ويقولولك صح فرجال حنا النسا نسقدو :mad::mad::mad: والله غير تغيضني

[zahra30]

يعطييك الصحة المازة نسمع بالشيئ هذا بصح اللي عندو لولاد لازم يطبخ ما نحبش نسقدهم في الماكلة الا اذا كنت مريضة ولا ما كانش لحوايج وهكذاك لازم نعوضهم كي توالي يشفوني

[ام محمد و ملاك]

انا و الله كرهت من الماكلة و الطياب اللي نديرها في لغدا ما تتكلش في العشا و الصابحة ما تتكلش و الله حرام ما لقيت واش ندير ساعات الماكلة بجاجها و لحمها و تترمي و ما نعرفش العباد وين راني مزوجة باه نبعثلهم

[ام اريام]

موضوع شيق اختي الكريمة .ونزيد حاجة على واش قالو الاخوات اذا الراجل ما يحبش يوكل حاجة مانزيدوش قع نطيبوها حتى واذا حنا نحبوها وما نوكلوهاش حتى نروحو لاهلنا.هكا لقيناهم يديروا انا نديروا هذا هو مجتمعنا .الله يجعل الخير.

[هبة الرحمان انشراح]

لالا انا على العكس تماما كي يكون راجلي ماشي في الدار اندير ثورة في الكوزينة كل الوصفات اللي في خاطري انجربها باش انبعد كل الانتقادات اللاذعة لكن الحق كلهم الحمد لله ناجحين بفضل الله اولا ثم مقدمات الوصفات الله يحفظهم

[أم ياسين الزهراء]

ياه يالحبيبة رجعتيني ل20 سنة الوراء كان كيغيب سي السيد مانطيبش نكلخ لولادي ودوقى بوه علي غلبوني لازم نطيب حاضر ولا غايب بصح كينبقى غير انا والبنات مانطيبش بيض فريت او بيتزا نقلك الصح الذكر اللي ياكل احنا البنات مدين غير الشيعة

وزيد فكرتيني في روحي كيقلتي زوجتي صغيرة كيما انا وولدت صغيرو ومرضت صغيرة والحمد لله

[almazalina22]

شكراااااااا حبيباتي على ارائكم الصريحة على هذي المراة دائما محقورة وسامحة في حقها
هبة الرحمان شكرا على تدخلك بصح لنت جربي باش ما يزعفش سي السيد كيما تعجبلوش الماكلة ولالا
فجربيها كي يكون ماكاش
وانا لاحظتها في حاجة اخرى الاولاد يكونوا ناجحين والمنزل منظم يقولو دار فلان وكي يديرو الاولاد المشاكل ولا ما يجيبوش نتائج مليحة يقولو ولاد فلانة يعني السيء للمراة والمليح للراجل وااااااااع رغم انو الاسلام عزز المراة بصح ليمن نهدرو ؟؟؟؟؟؟؟

[فايزة1207]

انا علمتني اخت زوجي حاجة
كي يجيب الراجل حاجة خاصة كي يسخف عليها حطيلو كمية مليحة منها باه يعاود يزيد يجيب حوايج اخرين
نرجع للموضوع بالفعل دايما نقيمو الراجل ممكن ياكل ثلث واش اتكلي انت والاولاد

[touta2010]

انا وحدة من هدا الناس ههههههه صاحب السمو يعمل وميجيش للغذا
املا انا منطيبش في النهار نشري ولا نقلي حاجة عالسريع ونموت على غذا مفيهش ماعن يعني المطبخ يبقى نضيف بصح للعشا نبقى نطيب ونوع يا عييييين السبع جاي ههههههه
وفي الويك اند ندير الغذا ايضا الان صاحب السمو موجود

[ام سراج وملاك]

اول مرة نشوف سؤال كيما هكذا كي شفتو ضحكت تفكرت اختي صح معظم النسا كيما هكذا عندي اختي بنتها صغيرة نتاع حليب برك ولخرين صغار مازالو ميقراوش وراجلها يخدم ميجيش غير لعشية كي نسقسيها نقلها واش درتي لغدا تقلي درت دويدة بلحليب ولا فريت لعشية منقلكش لعشا على كارو خطراه مسيو يتعشا انا من جيهتي منكذبش راجلي طول يجي وقت لغدا سعات وين تكون عندو طريق بعيدا مدايرتو هو وبني سراج الدين كيفكيف بنتي مازالت بيبي ندرلهم لحاجة لي يحبوها مع انو راجلي ميتشرطش كي يقلي بني ديريلي بيتزا ضك لاشة تعبانة والله غير نوض ونديرها منخليهالوش في قلبو بالنسبة لياكي تكون عندو طريق نطيب وناكل انا ووليدي لاه هو خير مني هههههههههه

[zineb_saib]

أووووووووووووو قستيني في الصميم حنونتي المازة الطازة ههههههههههههههههههه
شوفي ياختي بالعربي كرهت من الكوزينة واااااااااع كي مايكونش زوجي نموت بالفرحة تهنيت من التخمام وتكسار الراس ههههههههههههه ندير أي حاجة بصح لولاد مساكن يريكلاميو ونغلبهم مازالو صغار وكي يكبارو عمبالي يغلبوني مالا نبروفيتي ضرك وخلالالاص هههههههههههههههههههههههههه

:1: :1: :1: جواب صحيييييح :d :d

[solis]

في الحقيقة كرهنا من الطياب كل يوم، مانصيبو مايكونوش فالدار. وإذا درت ندير حاجة اللي نحبها أنا ومايكلوهاش هوما

[قمر 77]

سلام اختي الروتين يقتل انا راجلي يخدم على كرشو اللي تقوليلو جيبها ايجيبها يعني ما نقدرش ما نطيبش لكن كي يخطر الكوزينة نقيها و نغلقها ندي كونجي منها فرصة ندير ريجيم و الولاد بسلامة الكونجيلاتور هوما اصلا ايهمهم غير القاطو مادلين و لا موسكوتشو و خلاص انا اقترح ان نطالب بعطلة رسمية للمراة من اعمال البيت حتى تبقى دائما معطاءة ما رايكن بهذا الاقتراح?

[dida88]

عندك لحق اخت قمر 77نطالب بعطلة رسمية ههههه كل واحدة تلقى روحها في دار باباها

[<نَجْمَاتْ>]

انانوافق كل الاخوات على واش قالوا ونزيد حاجة كي يكون سي السيد كل صحن لواش راح مخصص وكي يعود هو معانا اييييييه هذيك السفرة كيفاش تتزين المهم هكذا تربينا

[الأمنيات]

شوفي اختي انا كنت نديرها من بعد تفكرت قلت واش راني نطيب غير على جاله والله ما نحقر روحي هههههههههههههه
درك نطيب راه موجود ولا لا راني نطيب وممكن نطيب ليا كثر ونزين ههههههههههههههه
خاصة منين نكون صايمه واش نقول لك نزينها طابله مليح

[أم فاطيمة]

ما عرفتيش علاه كرهنا من الكوزينة واش ندير غدا واش ندير عشا علابيها غير تلقي فرصة تضربيها بطالو
ولولاد تحقريهم حبة بيض تفوت وراهم

[kikimnarim2]

ماشا هذي برك الضربه كاملة كي نطيبلو ماكلة انا ما نحبهاش بزاف وناكل معاه ونقول بنينة برك باش راجلي ياكل هههههه
سلام مني الي كل اخوات القسم

[nokia111]

انا هد ليامات والله مارني نطيب لا لروحي لا ليه والله غير البارد مع الخدمة نلحق روطار

[السيدة كرمين]

كيفاه جاتك الفكرة هاذي هههههههههه
تعرفي انا نديرها اغلب الأوقات كيمايكونش زوجي معانا
نحط حاجة بايتة او من الكونجيلاتور او بيض خااااااااااااااصة البيض
ياختي ولادي قريب ينبتو الريش تعرفي علاه
خاطر احنا كي نطيبو نحبو لي يقيم ماكلتنا خاصة كي يبدا
يشكر ويعاود يطلعلك المورال تحبي الطياب على جالو

ربي يخليهم لينا

[awladi]

كي مايكونش الزوج ناكل برك نحب نرتاح شوية

[tasnime_ess]

انا ماعنديش مشكل مع راجلي مسكين ياكل واش تحطيلو ماهوش متطلب صح يحب انواع معينة من الاكل ما يكلش كلش ويحب الماكلة تكون بنينة والباقي واش تحطيلو من الحوايج اللي يحبهم ياكل صابح تاع الغدا ماعندوش مشكل هدا المشكل كنا نعانيو فيه كي كنت في دار بابا كانو خاوتي يشرطو بزاف ولازم نطيبو