واش طيبو في عيد المولد

[souma kh]

كل واحدة تقوللنا:
1- واش تطيب في عيد المولد .
2- واش تديو للعروسة في هاذ العيد.
3- وإذا كنتو أهل العروسة واش تديرو كي يجوكم أهل العريس.

[oum khadidja]

حنا في قسنطينة نديروا في المولد النبوي الشريف تريدة الطاجين بتالمرق في عشاء المولد و نديروا الطمينة الغرس باه نفطروا في صباح المولد

[أم يونس01]

مكاش منها المولود واعتذر

[خربشة ناعمة]

احنا ناس الوسط اغلبنا يطيبوا للعشاء الرشتة و فالصباح نفطروا بالطمينة..و نزيدوا نديروا البغرير..

[salahpara]

حنا في سكيكدة نديرو الفتات يعني تريدة الطاجين وفالغد نديرو البسيسة للفطور والغرايف

[ام عبودة]

حنا في الصحراء نديرة الكسكس عااء وسهرة الى اخر الليل
وكاين اللي يعمل عشاء مشخشخ والسفة الله الله عليها والاحباب يتزاورو والعروسة تبعث الدراز اللي يكون مكون من المكسرات والحلوى والشكولا وصحن او قصعة سفوف
اعاده اله علينا بالصحة

[♡folla♡]

A3tadhir kima 9alet alokhet mais 7na mana7taflouch ya3ni mandiroch makla psq makanech dalil char3i 3a hadha ali7tifan wainama nakthrou mina alsalat 3ala al7abib almostafa...wal ad3iya

[ام هدولة]

انا ندير شخشوخة الظفر باذن الله

[أمو رامي]

كل واحدة تقوللنا:
1- واش تطيب في عيد المولد .
2- واش تديو للعروسة في هاذ العيد.
3- وإذا كنتو أهل العروسة واش تديرو كي يجوكم أهل العريس.
الاجابة
1-نطيبو شخشوخة الضفر ونديرو قشقشة بالمكسرات والتمر والحلوة وحلوة الترك
نديو للعروسة عشاها من كلش +كوسميتيك وقندورة باهية ولا بيجاما قطيفة

[فراح فرفوشة]

سلام

أنا ندير رشتة انشالله
و غدوة انشالله ندير غريف

مولود مبارك عليكم

[داوود]

نحن بريئون مما تعملون

[قمر 77]

احنا في دار راجلي ما يديرو والو يقولو ماكاش دليل اما في دار بابا في الاغواط نديرو شخشوخة في الليل و الدراز بقع انواع المكسرات و الشيكولا واالتاي الاخضر و نسهرو لاخر الليل و في الصباح نروحو لدار جدي كامل العائلة تجتمع و نتغداو كسكس احمر اما العروسة ندولها الدراز و الشيكولا بكل الانواع و طبعا الروائح و الكتان و كل واحد و طاقتو و اهل العروسة يوجدو القاطو و الدراز ز ايلا قادرين ايديرو العشاء انا مع الاسف ما دارولي ما درتلهم

[نافلة]

احنا كل عام نديرو حاجة من باب التنويع

[souma kh]

احنا في دار راجلي ما يديرو والو يقولو ماكاش دليل اما في دار بابا في الاغواط نديرو شخشوخة في الليل و الدراز بقع انواع المكسرات و الشيكولا واالتاي الاخضر و نسهرو لاخر الليل و في الصباح نروحو لدار جدي كامل العائلة تجتمع و نتغداو كسكس احمر اما العروسة ندولها الدراز و الشيكولا بكل الانواع و طبعا الروائح و الكتان و كل واحد و طاقتو و اهل العروسة يوجدو القاطو و الدراز ز ايلا قادرين ايديرو العشاء انا مع الاسف ما دارولي ما درتلهم

احنا ثاني نديرو حاجة تقليدية شخشوخة ولا تريدة ولا شخشوخة الظفر المهم معجنات

[hanane220]

احنا في سيدي بلعباس نديرو رقاق في عشاء و في الغذ بركوكس و مع قهوة تاع المساء الطمينة

[أم آدم الأوراس]

علاه يا اختي احنا راهي نيتنا الفرحة بمولد نبينا الكريم الشيئ في النية علاه كي يزيد عندنا مولود نديرو عشاء ونفرحو ونحتفلو بيه احنا ما لحقناش بزمان نبينا صلى الله عليه وسلم بصح رانا نعبر بالفرحة نتاعنا لخير البرية بهاذ النور اللي جانا وخرجنا من الضلام بغض النظر على حكايات البدع النية هي كلش

[أم آدم الأوراس]

احنا في باتنة تقريبا نديرو شخشوخة النعمة بصح انا ما نيش قادرة راني نخمم بين الكسكس والتليتلي اللهم ما نسألك رفقة نبينا وحبيبنا محمد صلى الله عليه وسلم

[souma kh]

احنا في دار راجلي ما يديرو والو يقولو ماكاش دليل اما في دار بابا في الاغواط نديرو شخشوخة في الليل و الدراز بقع انواع المكسرات و الشيكولا واالتاي الاخضر و نسهرو لاخر الليل و في الصباح نروحو لدار جدي كامل العائلة تجتمع و نتغداو كسكس احمر اما العروسة ندولها الدراز و الشيكولا بكل الانواع و طبعا الروائح و الكتان و كل واحد و طاقتو و اهل العروسة يوجدو القاطو و الدراز ز ايلا قادرين ايديرو العشاء انا مع الاسف ما دارولي ما درتلهم

احنا ثاني نديرو حاجة تقليدية شخشوخة ولا تريدة ولا شخشوخة الظفر المهم معجنات

[ام عبيدة]

حنا في الحقيقة ما نحتفلوش بالمولود عندي كسائر الايام لان كل العلماء نبهو من هذه البدعة

ويبقي كل واحد ونيته

[asma1977]

أحنا في بسكرة نديرو في العشاء شخشوخة بسكرية أو كاين لي يدير الطعام و في اليل نديرو الحنا لأولاد الصغار تعبيرا عن فرحتنا بمولد النبي محمد صلى الله علية وسلم

[مطيعة]

احنا نديرو بركوكس او الرقاق و الرفيس

[فتيحة الجزائرية]

احنا انديرو البركوكس بالدجاج او الكسكس