كانت حبيبتي و ضاعت

[مشكلتي]

السلام عليكم بالاك تستغربو ضعف رجل اللي يكتب هادي السطور لكن حاب ننقذ روحي قبل ما نغلط
انا كنت نحب واحدة حب جنوني و هي متربية لابعد حد لدرجة كانت تحبني بجنون و رفضتني الف مرة على اساس علاقة و تقدمت لاهلها وافقت و كانت فرحة عمري
هي كانت معايا حنينة و صابرة و مهما غلطت فيها كانت تسكت لكن كانت كتومة و عاملة حدود بينا و انا عكسها ما نحبش الحدود بزاف او فهمـتـها تجاهـــل غلطت فيها و حاسبتها و ما تردش
الى غاية جاتها واحدة و خبرتـها اني كنت على علاقة مع واحدة تعرفها هي و المشكل اني فعلا كنت معاها وقت اللي انا نجري ورا خطيبتي و رفضتني لكن بعد الخطبة لا
جات خطيبتي واجهتني للاسف ما علاباليش علاه ثـــرت فيــها و تصرفت بعدوانية ( توقعتها عقلانية كالعادة لانها معلروفة رزينة)
قطعت الاتصال معايا صرت نهددها و صرت مرة نحللها و مرة العكس
عكس المرات لي فاتت صارت شبه مجنونة راحتـلها اختي لقـاتها تقول واحدة اخرى وجهها حــالة و غير تبـكي و منــهارة فــعلا
قالـتــلـها هو حكـايتي انا و ظنيــتو يجري ورايا يحبني انا و هو مع الاخرى
في فمها الا حكايــتنا طلـعت كذبة ؟؟؟؟؟؟
عييت نفهمها والو و راحت سالت علينا لي يقلها ياكدلها اني كنت مع الاخرى و الاسوء انها تعرفها مليح

الامر انفصلت عليا و ظنيـتــها مزحــة او رد فعل و راح ترجع .. بعد اشهر تقدمــلها واحد وافقت و تخطبت يا خاوتي لاخر و نهار خطبتها تبكي و تـعاود ؟؟؟؟ يا خاوتي علاه قبلت زعما زكارة فيا و الا لانها عمرها ما حبيــتي
و زعــما انا ظلمتــها ؟؟؟؟
ساعات نحسـها تجرحت و نحب نطلب السماح .. و ساعات نحس روحي تحقرت و لعبت بيا و نحب ندمرها و نحس روحي نــــكرهها و نكـرهها

[عصـــام]

كل ما قلته يعبر عن أفكارك السلبية ، أولا ربما أنت إرتكبت أخطاء كبيرة في خداعك لخطيبتك وهذا حقاً مؤسف مع فتاة ربما كانت بالنسبة لك الزوجة المستقبلية الصالحة على حسب ما تقول أنها كانت معك بمثابة الشريك الحقيقي في الحياة ، وأعتقد أنّك سببت لها جرحا وحزنا عميقاً ، أقول لك حاليا إبتعد عنها وفكر في حياتك وفي التوجه الصحيح المرة القادمة ، ويجب أن تتمنى لها حياة سعيدة مع خطيبها الحالي ولا تفعل أموراً قد تندم عليها في حياتك ، ربما كان مسعاك أن تسامحك وتغفر لك ما إقترفته من أخطاء في حقها ، لكن كان إختيارها الإبتعاد ، فيجب أن تبتعد ،،،والله الموفق .

[bonbon]

الغلطة تاعك موش تاعها و نتا للي لعبت بيها موش هي للي لعبت بيك

في الحقيقة انت ما كنتش تستاهل وحدة كيما هادي

و انت للي ضيعتها بتصرفاتك الطائشة

يداك أوكتا و فوك نفخ

البنت الاخرى التي كنت تتسلى بها (في نفس الوقت للي كنت تجري وراء خطيبتك) نسيت بأن الله يستجيب الدعاء ربما دعاويها للي خرجوا فيك

بصراحة لا ألوم خطيبتك السابقة على تصرفها و لو كنت مكانها لفعلت نفس الشيء


و قولك انك تريد تحطيمها و ما نعرف واش لا تنسى بأن الظلم ظلمات يوم القيامة


ربي يهديك و دع البنت تعيش حياتها

[كلنا راحلون]

السلام عليكم .....هادي حالة علاقات الحب المزعومة قبل الزواج وراني حاسس بيك وقلبك واتمنى ان تشفى من جرح قلبك واعتبرها بمثابة درس هي انخطبت ونتمنى لها سعادة وذرية صالحة واعلم مكتوب ما منو مهروب واتخذ قرار صارم قلت اكرها اكرها فمعناها انك حبيتها حبيتها بزاف للاسف لا نتعلم درس بلرغم نعرفو علاقات الحب قبل الزواج محرمة في شريعتنا للاسف يا اخي راني حاسس بيك الكية تعلم انسان درس.. اتخذ قرار وصارم وعندك خيار من اثنين واحذر احذر احذر من اتخاذ القرار الصارم اما تعيش حياتك من اجل هدف نبيل وجميل تتزوج بزوجة مستقبلية واتمنى لك ذرية صالحة نعم اتمنى ان تنسيك الزوجة في الماضي اما تعيش حياتك بدون هدف تعزف عن الزواج الى غاية 40سنة الى 50سنةوتعيش حياتك مع عالم الاناقة ملابس انيقة نظارات انيقة و سيارة وبعدها مسكن واعرف ان المسيرة طويلة هذه الدنيا وأحوالها وسلام

[حبيبة زوجها]

مهبش من نصيبك

[millywafa]

كما تدين تدان اخي الفاضل انت ضنيت خطيبتك والمسكينة التانية لي علقتها في حبالك لمجرد تفريغ نزواتك راقدين بصح نسيت بلي ربي ميرقدش يمهل ولا يهمل الان سقط عنك القناع و خطسبتك لي خدعتها تخطبت والاخرى اكيد خسرتها وتفرشت قدام لتنين دك انت الوحيد لي خرجت خسرت نصيحتي لك احاول تتجاوز الموضوع و تامن بل المكتوب وصحح في نفسك وانشاله ربي يكون في عونك صفي نيتك وربي موش رح يخليك انشاله

[samara lara]

( ثـــرت فيــها و تصرفت بعدوانية ( توقعتها عقلانية كالعادة لانها معلروفة رزينة)
قطعت الاتصال معايا صرت نهددها و صرت مرة نحللها و مرة العكس)


هددتهاااااااااااا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!! و تصرفت بعدوانية و علاه مفهمتهاش بالعقل و طلبت السماح على خاطرش انت الغالط
يا أخي وعلاه ادا كنت تحبها علاه رحت مع وحدوخرا راااك حرقتلها قلبها المسكينة
وتاني نظن قبلت بالاخر لأنها اصبحت لاتثق بـــــــــك


يا اخي ادا مراكش حاب تفرط فيها روووووح اطلب منها السماح و اقنعها

[yousra14]

لايفيد اللوم الآن انتهت الحكاية الجميلة وفصل القدر بينكما
هي ليست لك وأنت لست لها .
هي الآن لشخص آخر كن قويّا واقبل بالقضاء والقدر وخذ فترة راحة من هذا المشكل ودعها هي تستقر وتنسى كذلك
اقترب أكثر من الله سيعينك على ما أنت فيه ويعوّضك إن شاء الله .
ولا تترك لكلام الناس مكان في حياتك مرّة أخرى
ربّ يفرّج همّك والسلام

[الملتزم لله]

خيرها في غيرها

تهنيت منها احمد ربي كي جات منها مجاتش منك
ان شاء الله يا ربي تلقى بنت لحلال تنسيك فيها
وربي غفور كان غلطت في حقها ان شاء الله يغفرلك و كان هي غلطت معاك كيف كيف ربي يغفرلها و نستنو منك موضوع اخر و السلام بالعافية

[amina-imi]

تقريبا صرالي نفس المشكل و ااظطريت اني نبطل خطوبة بسبب كلام الناس
لكن هي خيانة .. لو احببتها فعلا لما تجرات ان تعرف فتاة غيرها
كي تطفر .. البنت مراح تتقبل حتى عذر

ربي يوفقك و يوفقها في حياتها

[lola22]

اللي يحب انسان صح جامي يخمم يجرحوا حتى ولو كانت كلمة ...........

[nouna l maghbouna]

السلام عليكم بالاك تستغربو ضعف رجل اللي يكتب هادي السطور لكن حاب ننقذ روحي قبل ما نغلط
انا كنت نحب واحدة حب جنوني و هي متربية لابعد حد لدرجة كانت تحبني بجنون و رفضتني الف مرة على اساس علاقة و تقدمت لاهلها وافقت و كانت فرحة عمري
هي كانت معايا حنينة و صابرة و مهما غلطت فيها كانت تسكت لكن كانت كتومة و عاملة حدود بينا و انا عكسها ما نحبش الحدود بزاف او فهمـتـها تجاهـــل غلطت فيها و حاسبتها و ما تردش
الى غاية جاتها واحدة و خبرتـها اني كنت على علاقة مع واحدة تعرفها هي و المشكل اني فعلا كنت معاها وقت اللي انا نجري ورا خطيبتي و رفضتني لكن بعد الخطبة لا
جات خطيبتي واجهتني للاسف ما علاباليش علاه ثـــرت فيــها و تصرفت بعدوانية ( توقعتها عقلانية كالعادة لانها معلروفة رزينة)
قطعت الاتصال معايا صرت نهددها و صرت مرة نحللها و مرة العكس
عكس المرات لي فاتت صارت شبه مجنونة راحتـلها اختي لقـاتها تقول واحدة اخرى وجهها حــالة و غير تبـكي و منــهارة فــعلا
قالـتــلـها هو حكـايتي انا و ظنيــتو يجري ورايا يحبني انا و هو مع الاخرى
في فمها الا حكايــتنا طلـعت كذبة ؟؟؟؟؟؟
عييت نفهمها والو و راحت سالت علينا لي يقلها ياكدلها اني كنت مع الاخرى و الاسوء انها تعرفها مليح

الامر انفصلت عليا و ظنيـتــها مزحــة او رد فعل و راح ترجع .. بعد اشهر تقدمــلها واحد وافقت و تخطبت يا خاوتي لاخر و نهار خطبتها تبكي و تـعاود ؟؟؟؟ يا خاوتي علاه قبلت زعما زكارة فيا و الا لانها عمرها ما حبيــتي
و زعــما انا ظلمتــها ؟؟؟؟
ساعات نحسـها تجرحت و نحب نطلب السماح .. و ساعات نحس روحي تحقرت و لعبت بيا و نحب ندمرها و نحس روحي نــــكرهها و نكـرهها


الله يهديك
روح توب لربي و انسى اللي فات
تخطبت ربي يهنيها و انت الله يرزقك بنت لحلال
علاه تهددها و دمرها?? هاذي جياحة و الرجل مايهدرش هكذا نايخممش هكذا اصلا
كي دمرها و تخليها واش رايح تربح بالعكس رايح تخسر pck نسيت بلي كاين رب مع المظلوم
خلي الطفلة تعيش حياتها انساها و اذا راهي من مكتوبك دور دور و تولي غير ليك

[bellaluna]

عليك أن تقبل بالقدر و كل ما ذكرته هي أسباب من الله سبحانه و تعالى..آصبر و إن شاء الله يعوّضك خير.

[knives66]

تحبها وتخونها وتهددها

واش مريض انت اخطي طفلة وروح شوف حياتك بعيد عليها

كون جيت راجل كون بقيت معها راجل


ديما نهار يكون في بدكم أنسان يحبكم ترحوا ضيعوه من بعد تبقوا تبكوا

[mahdi-19]

ساعات نحسـها تجرحت و نحب نطلب السماح .. و ساعات نحس روحي تحقرت و لعبت بيا و نحب ندمرها و نحس روحي نــــكرهها و نكـرهها[/size]
[/color][/color][/b][/QUOTE]
اتق الله في نفسك أخي الكريم و زين فالك

[manoula 84]

ماهيش من نصيبك انساها خير

[the last star]

الاشخاص الذين يسامحون بكثرة اذا رحلوا لا يعودون

الحكاية انتهت

نقطة اخرى ,لا تنسى الخطيب الجديد لا تزيد الطين بلة بظلمه هو ايضا فلا تحل خطبتك على خطبة اخيك

الله يعوض عليك ولا تعد لمثلها

[basma09]

انا ماعندي مانزيد علي كلام خاوتي
بصح نقدر نقلك حاجة انو انا لوكان جيت في بلاصتها نعمل نفس واش دارت بالظبط و نظن انو كامل لبنات يديرو كيفها لانو انت الغلطان يا اخي الله يهديك

[imane bela]

تحبها وتخونها وتهددها

واش مريض انت اخطي طفلة وروح شوف حياتك بعيد عليها

كون جيت راجل كون بقيت معها راجل


ديما نهار يكون في بدكم أنسان يحبكم ترحوا ضيعوه من بعد تبقوا تبكوا





أنت الوحيد ألي تبردلي قلبي كي نقرا الردود نتاوعك نحس أنا الي راني نكتب
:19:

[nadjet med]

السلام عليكم : المرأة كالزجاج اذا انكسر لا تستطيع اصلاحه اتركها تعيش حياتها وعش انت حياتك انا اعلم ان ذلك صعب لكن الايام ستشفي جروحك وتنسيك فهذه مشيئة الله والمكتوب فآمن بالقدر خيره وشره