الوقت يفوت و انا في بلاصتي [الأرشيف] - منتديات الجلفة لكل الجزائريين و العرب

مشاهدة النسخة كاملة : الوقت يفوت و انا في بلاصتي

mounaminou

2014-01-09, 23:18

السلام عليكم .

عندي احساس ب تانيب الضمير ....حاسة بللي راني غالطة ف حق روحي و بللي كنت قادرة نوصل لوضع احسن من للي عايشة فيه .... الامكانيات و الضروف متوفرة عندي و كل فتاة تحلم تكون في البيئة تاعي هككاك و ماني مدايرة فيها والو ..يومياتي نعديها مقابلة ف الميكرو و نكونيكتي ....يعني عايشة هككاك رغم انو الف حاجة راهي تسنا فيا ...

..راني مدمرة و قلقانة و حاسة بللي كون نكمل هككا رايحة نفشل على الصعيد الشخصي رغم اني جامعية مالقيتش خدمة .....درت برنامج لحفظ القرأن و ماحضتوش ....قريت الغة الانجليزية و مع عدم الممارسة نسيت كلش ......
...الاحلام تاعي ماتبدلوش من 4 سنين و مازال ماحققت والو منهم .....:confused: c'é grav .....اللي غايضني هو انني وليت نتفنن في تضيع الوقت ....بكري كنت نسمع الاغاني بالساعات و دركا تبت منها و دورتها على الانترنت ......رغم اني واعية وعلابالي بللي مارايحاش تديني لبعيد هككاك و مازلت

...مانكدبش عليكم خفت على روحي :mad::rolleyes:.....مانقدرش نيماجيني روحي متزوجة و انا مكملة بهدا المنوال نكونيكتي كل يوم و وقتي ضايع هككاك ..... زعما راني هنا بيناتكم باه نتعلم و نستفاد و باه نفيد علا الاقل بنصيحة نابعة من قلبي .....مي الواقع مختلف تماما و الافادة الحقيقية علابالي وينها .....نهار نحبس الانترنت لتما يطل عليا الربج و لتم صح نتولله بالشيء المفيد بمعنى الكلمة ......

المشكل تاعي انو الوضع هدا عايشتو من شحال نعام .....الفراغ اللي ديما نشكي منو نضن انا اللي ديرتو بيدي ....مي ماقدرتش نخرج منو...حاسة لروحي طحت و ماقدرتش نوض و نهز روحي ....

و اسمحولي ماعلاباليش واش هو السِِؤال تاعي ...just حبيت نفرغ قلبي ..........سلام

سراب06

2014-01-09, 23:46

درتي الغضب كلّه على الكونيكسيون ماتكونكتيش وخلاص المشكل

naamane3

2014-01-10, 15:29

ساهلة خلاص
ادخلي مجال فعل الخير
صدقات اعانات تكافل اجتماعي
مساعدة المعوقين حل مشاكل المقربين
ابواب الخير كثيرة ووالله لن تندمي ابدا

الواثق

2014-01-10, 15:40

ابحثي عن الرفقة الصالحة ................

mari mita

2014-01-10, 16:11

استفيدي من الانترنات بكاش طبخ ولخياطة ولحفافة اشغلي بيها روحك

lili1988

2014-01-10, 16:16

حاولي تعمري وقتك بحوايج مفيدة راكي قلتي بلي كنتي في مدرسة قرآنية و علاه حبستي تقدري ترجعي فركتي على صحبة صالحة ديري حوايج ترضي ربي و تزيد في ثيقتك بنفسك
ربي يوفقك

pharma-93

2014-01-10, 17:58

يا اختي عذا الفراغ راه يديلك هكا وكامل يجوزو على هاذ المرحلة بصح انت حاولي تعمريه بحاجة مفيدة مادامك تجوزي وقتك كامل فالانترنيت حاوي تستفاي منها شوفي وصفات الطبخ وطبقيهم المنتدى راه معمر بيهم انا تعلمت غير منو ديري رياضة باش تنشطي فيقي لروحك يا اختي والله هذا التفنيين راح يضيعك

bellaluna

2014-01-10, 18:14

إن جاء من يخطبك فتزوجي و سيتغير نمط حياتك.

خولة لبابة

2014-01-11, 17:32

حاولي التقرب الى الله أكثر.......

سليلة ذات النطاقين

2014-01-11, 17:36

افضل نصيحة هي التقرب من الله وعن تجربة ابداي درك ما تقوليش امبعد ولا تحاولي تخططي فقط ابدئي بالفعل وربي يوفقك ان شاء الله

bonbon

2014-01-11, 19:43

الفراغ شيطان اختي

انا ايضا كنت مريت بفترة كيما هكا و ضيعت وقتي في اشياء تافهة و اولها النت

الحمدلله تغيرت حياتي و قمت بتحقيق بعض من احلامي

أول شيء عليكي فعله انك تلقاي بديل للنت

أي شيء مفيد المهم حاجة تبعدك عن الميكروووو

و اكيد التقرب الى الله سيفتح لكي ابواب كثيرة

فقط قومي بالخطوة الأولى

و ربي يوفقك

lynoor

2014-01-12, 13:14

فترة وتمر انا ايضا جربتها ...........

اميرة باحتشامي

2014-01-18, 19:40

اكثري من الطاعات والعبادات

تولي ما تلقايش وقت خلاص حتى للراحة

محمد جديدي التبسي

2014-01-18, 20:56

أنا مثلك إلى حد ما منذ تخرجي هذي أربع سنوات لم أحقق شيئا يذكر
ربي يهدينا ويصلح حالنا

(( هبة الرحمن ))

2014-01-18, 21:21

اظن للعائلة دخل كبير في ذلك ...تحتاجين الى من يوجهك
الحمد لله لم احس يوما بفراغ عندي مخطط نمشي عليه ....حتى المنتدى قبلا كنت احمل مواضيع تخص عملي وانصرف وعندما بدات اشارك ..اشارك بفائدة واستفدت كثيرا من اخوتي واصبح لي صداقات مع بنات فاضلات اتواصل معهن خارج المنتدى منهن المتزوجات ينصحنني كثيرا خاصة في امور الزواج..حتى الزملاء الاساتذة يفيدوني.
اما قبلا ....الحمد لله والدي رحمه الله كان يوجهني ...بعد تحصلي على البكالوريا في سن مبكرة نوعا ما نصحني بالدخول الى معهد تكوين الاساتذة في نفس المدينة التي اقطن بها دخلت وتخرجت ..بدات العمل قبل سن العشرين ....كان يساعدني في كل شيء حتى اخوتي ...بعد اعوام نصحني بمواصلة دراستي بالجامعة لتحسين المستوى وكذا الاستفادة من وقتي ...فعلت ذلك لان التخصص الذي اخترته موجود كذلك بولايتي وقرب مسكني حتى لا اجد صعوبة في التوفيق بين العمل والدراسة...الحمد لله تحصلت على شهادة الليسانس ولم ارسب يوما رغم عملي .....كل ذلك بفضل ربي وبفضل توجيه والدي ...والان لايوجد لدي اي فراغ ..كما انني لا اجعل النت يلهيني عن صلاتي وابرمج الاذان في الكمبيوتر بخمس دقائق قبل موعده.
لماذا لا تملئي فراغك بحفظ القران ...

ام الاء وسدن

2014-01-18, 23:27

السلام عليكم .

عندي احساس ب تانيب الضمير ....حاسة بللي راني غالطة ف حق روحي و بللي كنت قادرة نوصل لوضع احسن من للي عايشة فيه .... الامكانيات و الضروف متوفرة عندي و كل فتاة تحلم تكون في البيئة تاعي هككاك و ماني مدايرة فيها والو ..يومياتي نعديها مقابلة ف الميكرو و نكونيكتي ....يعني عايشة هككاك رغم انو الف حاجة راهي تسنا فيا ...

..راني مدمرة و قلقانة و حاسة بللي كون نكمل هككا رايحة نفشل على الصعيد الشخصي رغم اني جامعية مالقيتش خدمة .....درت برنامج لحفظ القرأن و ماحضتوش ....قريت الغة الانجليزية و مع عدم الممارسة نسيت كلش ......
...الاحلام تاعي ماتبدلوش من 4 سنين و مازال ماحققت والو منهم .....:confused: C'é grav .....اللي غايضني هو انني وليت نتفنن في تضيع الوقت ....بكري كنت نسمع الاغاني بالساعات و دركا تبت منها و دورتها على الانترنت ......رغم اني واعية وعلابالي بللي مارايحاش تديني لبعيد هككاك و مازلت

...مانكدبش عليكم خفت على روحي :mad::rolleyes:.....مانقدرش نيماجيني روحي متزوجة و انا مكملة بهدا المنوال نكونيكتي كل يوم و وقتي ضايع هككاك ..... زعما راني هنا بيناتكم باه نتعلم و نستفاد و باه نفيد علا الاقل بنصيحة نابعة من قلبي .....مي الواقع مختلف تماما و الافادة الحقيقية علابالي وينها .....نهار نحبس الانترنت لتما يطل عليا الربج و لتم صح نتولله بالشيء المفيد بمعنى الكلمة ......

المشكل تاعي انو الوضع هدا عايشتو من شحال نعام .....الفراغ اللي ديما نشكي منو نضن انا اللي ديرتو بيدي ....مي ماقدرتش نخرج منو...حاسة لروحي طحت و ماقدرتش نوض و نهز روحي ....

و اسمحولي ماعلاباليش واش هو السِِؤال تاعي ...just حبيت نفرغ قلبي ..........سلام

هادا جيلكم كامل هاكا ......خمي في رب يكي يسالك ........شبابك فيما اضعته

pomaria_aindefla

2014-01-18, 23:44

إتجهي للوظيف العمومي و أطلبي شهادة معادلة إدارية لشهادتك إن لم تمنح لك في ولايتك راسلي المديرية العامة للوظيف العمومي بالعاصمة قرات أنك مصممة هل أنت حاملة لشهادة تقني سامي من معهد وطني إدا كان دلك شهادتك تمكنك من التدريس كأستادة التكوين المهني خياطة أو تصميم هو تخصص مطلوب في عدة ولايات خاصة في الجنوب

وجدان تقوى الله

2014-01-19, 15:25

ربي يكون معاك وكما يقول في معني حديث الرسول نعمتان مغبون فيها كثير من البناس الصحة والفراغ حاولي تستغلي وقتك كامل راني حطيت موضوع عن الوقت في المنتدى حوسي عليه ومتاكدة راهو رايح يساعدك

mounaminou

2014-01-19, 16:19

pomaria_aindefla

2014-01-19, 21:45

مهندسة دولة في أي إختصاص إدا كان إحتصاصك نادرا ما يطلب في العمل سجيلي في التكوين المهني كتقني سامي ديري التصميم و الخياطة أو تسيير الموارد البشرية للعمل كملحق رئيسي للأدارة أو الطبخ لأن التقني سامي تستطعين العمل كتقني سامي في الإدارة أو كأستادة التكوين المهني