سؤال حول مصادرة السلع من الجمارك [الأرشيف] - منتديات الجلفة لكل الجزائريين و العرب

مشاهدة النسخة كاملة : سؤال حول مصادرة السلع من الجمارك

hanioussama

2014-01-09, 20:45

السلام عليكم ورحمة الله تعالى وبركاته
اشتريت بعض السلع الموجه لاعادة بيعها طبعا وليس للاستعمال الشخصي يعني اكثر من 10 سلع تلقيت استدعاء للجمارك بمقر dhl دخلت لمفتش الجمارك سألني عن سبب الشراء صارجته مباشرة اني اريد اعادة بيعها '' درت النية بالاك يهديه ربي يديرلنا تاكس ويخليها تعقب'' سألني هل املك سجل تجاري ام لا انا لا املك طبعا مباشرة قالي سلعة تاعك تروح سيزي يعني تم مصادرتها لحد الان عادي السؤال للاخوة انو المفتش لم يعطني اي ورقة تثبت ان السلعة تم مصادرتها هل هذا عادي؟ وعندما طلبت منه ان يعيد الي اوراق اثبات ملكيتي للسلع رفض وقالي اني رحمتك كي صادرتهم قادر نديهم للشاف ولا منعرف قالي يديرلك غرامة مالية 3 اضعاف قيمتها وتسلكها دركا وماتديش السلعة وكون ماتسلكهاش نتبعوك قضائيا طبعا انا تقبلت الامر الواقع وخرجت مباشرة ارجو منكم الاجابة

biskrius

2014-01-09, 21:21

أهلا أخي
سامحني على هذي الكلمة و لكن نقولهالك الديواني راه " لعب عليك "
هذا السارق ولد الــ,,,, كان من المفروض يعطيك ورقة نتاع السيزي و لكن كي شافك ماتعرفش و حس بيك ما تفهمش القوانين راه سرقك ،،، تأكد كل التأكيد أنه لا بستطيع أن يمسسك بأي شيء ,
من الآخر نعطيك الحل :
روح يوم الأحد لوكيل الجمهورية و أرفع بيه دعوة قضائية ، أو يمكنك التوجه للدرك الوطني و قولهم أنك أشتريك أشياء و أنك تجهل القانون التجاري و أن تعرضت للمساومة من طرف هذا الجمركي الفاسد " ولد الـ,,,,," و أنه هددك ،،،، و الله العظيم أكررها لك و أؤكد لك كل التأكيد أنه سوف يعاقب أشد عقاب أما أنت فأغلب الأظن سوف تطالب بإرجاع السلعة و حتى إن حجزت فسوف تذهب للدولة و لا هذا الكلب ,,,,
بالتوفيق و الله المستعان

halal2010

2014-01-09, 22:33

هههههههه

انا نقلك السيد عندو الحق في بعض ماقاله لك

لأنك في هذه الحالة أنت تعتبر تاجر وانت جنيت على نفسك بقول انك تنوي اعادة بيعها

كان يمكنه أن يعطيك بعض السلع ولا يصادرها كلها 4 من أصل 10 سلع مثلا

أما الباقي فيوثقها على أنه تم مصادرتها وتعطى لك ورقة تؤكد ذلـــك

ولكن المصادرة لاتعني الحق في تملك السلعة بل يجب اعادتها من أين جاءت وختمها

حتى تتصل انت بالبائع وتؤكد له رجوع سلعته وتحصل أنت على أموالك ايضا

كلمة ســـــيزي موجود في القاموس الجزائر فقط ’ السلعة من المفروض تعود من أين جاءت

الأخطاء التي ارتكبتها كثيرة جدا منها :

عدم استعدادك للقاء ، كان يجب عليك ان تتكلم بثقة في هدا المجال ن وبطريقة الشخص الواثق من نفسه .

أنك اققرت بأنك تريد اعادة بيع ما وصلك بمعى آخر أن تتاجر فيها وهنا انت دخلت في التجارة ولهذه الأخيرة شروط وضوابط .

أنك اشتريت كل السلع بنفس الاسم وهو اسمك على ما أعتقد ، كان يجب عليك تغيير اسمك باسمك أخيك تارة واسم صديقك تارى أخرى .

أنا لن أقول أن الحمركي لص بل أقول أن القطاع مدينة لصوص فيها السارق وفيه المسروق

لو سألت عن كيفية تكوين الجمركي قبل ولوجه هدا الميدان لوجدته جاهلا بهذه الأمور لذا اللوم يقع على الأنعام الهرمة

always1

2014-01-09, 23:00

هههه
لا تقل ابدا اعيد البيع
المهم انت اعمل مثلما ثال لك البسكري
ارفع قضية به

hanioussama

2014-01-09, 23:38

والله يااخي الكريم نيتي صافية لانو كان باين الشك الكبير ماهوش رايح يخليني ندي السلعة بلاما يكون عندي سجل تجاري هذي حاجة الحاجة الثانية العاملة في dhl قالتلي يقدر يمدهملك عادي لشتا ماعندكش سجل تجاري ادخل اهدر معاه وشوف انا مانيش ضدو كي مامدليش عندو كل الحق يحجزهم لاني انا اقررت بأني راح نعاود نبيعهم عمدا
انا لي حيرني انو مامدليش ورقة تثبت بلي تمت مصادرة السلعة وكي وليت ليه بش نسترجع الاوراق وقتلو راح نخدم روجيستر مدلي باش كي نخدمو نعاود نهزهم قالي في حالة نرجعلك الورقة نديك عند الشاف ويديرلك غرامة ثلاثة اضعاف والسلعة جامي راح تديها وكون ماتسلكش تروح للعدالة والمشكل كان معاه عامل dhl يدعم فيه

biskrius

2014-01-10, 12:06

samixp02

2014-01-10, 14:16

صدقني لو قدمت لهم رشوة فسيعطيك سلعك

hanioussama

2014-01-10, 16:16

biskrius
بارك الله فيك خويا والبارح تأكدت 100% بلي القطاع تاع الجمارك corrupted تاع الصح
samixp02
نعم اخي بالرشوة دخل عادي نعرف واحد شخصيا يخدم في securité militaire يضال طالع هابط للمطار يدخل في سلعة للناس بصح يدي من عندهم رشوة مرة بفمو قالي ندخل لواحد 20 ايفون وكاشما يمدلي واحد ولا زوج يعني من اللخر جيبلهم واحد يخدم شوي لفوق دخل وش تحب ناس راهي تدخل في الزطلة ومواد ممنوعة عادي وهنا تشري تيليفون يقولك ممنوع سبحان الله حتى البائع لي شريت من عندو الغى الارسال للجزائر نهائيا وعندما سألته لماذا قالي تكلفة الشحن للجزائر تكلف اكثر من اي بلد اخر وميش هو لول بزاف هنا في الجلفة لي يشريو سلع من بعد تدخل تشوفها تلقا بلي البائع الغى الارسال للجزائر

Mahboub_222

2014-01-11, 14:34

اخي اخطأت....لما قلت انك تريد بيعهم ...كن اكيد صديقي الديوانة ميعرفوش واش هي التجارة الالكترونية..كنت تقلهم هدية برك ...و لما هددك كنت تقوله ندخل عند الشاف الكبير و الله ميدرلك اي شيئ و مفيهاش اي غرامة للسلع اللي تكون على شكل هدية..و ريت قتله نردهم لمولهم ..الان كنت تقوله اندير درك طرد من الدياشال للمولاهم و نخلص درك ..كان يفقد الثقة في نفسه و يولي ..يحرنن...صديقي روك اشتكي عليه...لدى وكيل الجمهورية لا تخاف ابدا...و الله انا كيفك ..نخسر 20مليون على محامي باه نمرمدهم كامل..بهم و مش خسارة ابدا

reda0026

2014-01-13, 01:15

ﻻوم يحجز ويعطيك وصل وﻻ فانه سارق ومرتشى بيه بالشاف انتاعه .قل اعمل غرامة والله ما يعمل شي لو ما اعطاك وصل راح يديهم له .الوصل هدا يتحاسب بيه هو والسلع باش ما يديه حتى واحد وبﻻ وصل راح يديه ليه

خالد الجبلي

2014-01-13, 06:20

الغلطة انتاعك اخي الكريم
كيفاش تقول له نتجر بيهم ؟

خالد الجبلي

2014-01-13, 06:21

اذا عندك عرف و اكتاف اجري على روحك ممكن هذا الجمركي يخاف لانه عالج الغلطة انتاعك بجريمة قانونية و يباصي و يروح فيها

hanioussama

2014-01-14, 17:56

بارك الله فيكم على المرور واثراء الموضوع الحمد لله استفدت الكثير والله نشكركم بزاف وربي يجازيكم بالنسبة للكتاف ماعنديش معريفة مره غير لي قلتلكم يطلب رشوة ومستحيل نقولو بصح كاين ربي والجمركي يصبر عليا راح نطيحو في البياج والله مانسمح في حقي وكاينة حاجة ماقلتهاش انو كان كاين جمركي اخر في المكتب لي قدامو شاف السلعة عجباتو وقالنا المرة الجاية تحبو تجيبو عيطولي وعطانا رقم الهاتف وش يحوس هذا دارها على وجه ربي ؟؟ باينا وش يحوس بصح ربي يهدي ماخلق وليام بيناتنا

تسهيل

2014-01-14, 18:40

بلادي هي الجزاير وعليها راني حاااير

Mahboub_222

2014-01-14, 19:37

يريدون ارجعانا 50 سنة للوراء ....حكومة العجايز ...