المساعد الشخصي الرقمي

مشاهدة النسخة كاملة : اريد مساعدتكم لتحضير قصعة سلفتي.. فهل من مجيبة

ام طيري الجنة
2014-01-09, 20:17
السلام عليكن اخواتي الفضليات
في الحقيقة رانا نوجدو للقصعة نتاع سلفتي ( زوجة اخ زوجي ) اللي راها على وشك الولادة وغدا باذن الله التقي انا و سلايفاتي الاخريات باش نديرو القاطو لذا راني باغية تساعدوني بوصفات مليحة و ساهلة و تجي بزاف و بريزونتابل و ووووو.......ههه
تكون مجربة بليييييييييييييييييييييييييييز
و كذلك مادابيا اذا كاين عفايس جديدة او وصفات جديدة نتاع الطمينة او اي شيء متعلق بوليمة ازديان مولود جديد
انتظر مساهماتكن فلا تبخلن علي من فضلكن
/زهرة عصفور الجنة/
2014-01-09, 20:38
ربي يدوم الخاوة بيناتكم
ghada91
2014-01-09, 20:46
نتي باينة سلفة هايلة

و تحبي تبيني شطارتك

الله يبارك

الله يدوم الهنا بيناتكم

بالنسبة للقصة حنونة انا حضرت قصعة

في ولاية تيارت

و الجديد اللي شفتو هو التقديم الهايل تبارك الله

كلش على الماعين لازم يكونو شابين

***على حسب المقدرة طبعا**

الحاجة اللي عجبتني هي انهم دارو لكل وحدة 2 طباسا صغار جوتابل

طبسي حطو فيه الحلويات الموداغن.. يعني المعاصرة..ماعقلتش عليهم المهم بنان

و طبسي حطو فيه الحلويات التقليدية..مقرظ.قريوش..بحلاوة

و الاتاي و القعوة مممممم روووووووووعة
ام طيري الجنة
2014-01-09, 20:50
ربي يدوم الخاوة بيناتكم

امين يا رب بارك الله فيك اختي احنا فعلا كي الخواتات و الحمد لله
moslihe29
2014-01-09, 20:58
ربى يدوم المحبة بيناتكم الطمينة اختى تقدرى تقطعيها بطابع المعمول وتزينيها بحبة دراجى من النوع الصغير اما القصعة فمعروف عنا فى الغرب ما دمتى من وهران البركوكس والرقاق بالدجاج والتعمير اما الحلويات اقترح عليك حلويات ام امانى او فايزة 44 وكلشى مبروك
ام طيري الجنة
2014-01-09, 20:58
نتي باينة سلفة هايلة

و تحبي تبيني شطارتك

الله يبارك

الله يدوم الهنا بيناتكم

بالنسبة للقصة حنونة انا حضرت قصعة

في ولاية تيارت

و الجديد اللي شفتو هو التقديم الهايل تبارك الله

كلش على الماعين لازم يكونو شابين

***على حسب المقدرة طبعا**

الحاجة اللي عجبتني هي انهم دارو لكل وحدة 2 طباسا صغار جوتابل

طبسي حطو فيه الحلويات الموداغن.. يعني المعاصرة..ماعقلتش عليهم المهم بنان

و طبسي حطو فيه الحلويات التقليدية..مقرظ.قريوش..بحلاوة

و الاتاي و القعوة مممممم روووووووووعة
شكرا اختي في الحقيقة ما نيش باغية نوري شطارتي هههه بل احنا كلنا نتعاونو ونبغيو دايما نديرو الاحسن و نكرمو ضيافنا و نشرفو عجوزتنا العزيزة
الف شكر اختي على الافكار و المساعدة بارك الله فيك
اذا تفكرتي اي شيء جديد ويلا عندك غوسات شابة قوليلي تحياتي لك
ام طيري الجنة
2014-01-09, 21:17
ربى يدوم المحبة بيناتكم الطمينة اختى تقدرى تقطعيها بطابع المعمول وتزينيها بحبة دراجى من النوع الصغير اما القصعة فمعروف عنا فى الغرب ما دمتى من وهران البركوكس والرقاق بالدجاج والتعمير اما الحلويات اقترح عليك حلويات ام امانى او فايزة 44 وكلشى مبروك

الله يسلمك اختي امين
بالنسبة للبركوكس هذا اكيد في الغرب لا نستغني عنه
انا بغيت فقط طرق تقديم جديدة او اضافات جديد
شكرا على الافكار الخاصة بالطمينة و على الةصفات اللي تصحتيني بيها لكن هل هناك وصفات معينة و مجربة تفيدوني بيها اعل ان المنتدى معمر بالوصفات اللذيذة و القاطويات الانيقة ههه لكن تتلف مين نحبو نخيرو
أم إناس
2014-01-09, 22:24
ام طيري الجنة حنونة الله يبارك فيكم ويحفظكم ويخليكم داءما عاءلة متماسك واللهم بارك
كين قاطو تاع الملفوف تاع ام اماني ومخدوم بالنواة كوكو بصح يجئ هايل زوجي مايحبش نواة كوكو كي درتو قالي وشي فيه بنيييييينا وشكلو جميل وراني ديرا تو تتطبيق واش نقلك ربي يسلكه على خير ومبروك عليكم وماتنسينيش في الطمينه. هذيك حبي امممممممم
وحني ماعدنا حت عفسه تزيدي منا تخرجي منا طول لدارك وإذا جاوك نهار ركي عندك الزهر والكادو لا تشوفيه. اذا درولك في الاول انساي الثاني. ههههه
حنونة ربي يفرحكم
ام طيري الجنة
2014-01-09, 23:14
ام طيري الجنة حنونة الله يبارك فيكم ويحفظكم ويخليكم داءما عاءلة متماسك واللهم بارك
كين قاطو تاع الملفوف تاع ام اماني ومخدوم بالنواة كوكو بصح يجئ هايل زوجي مايحبش نواة كوكو كي درتو قالي وشي فيه بنيييييينا وشكلو جميل وراني ديرا تو تتطبيق واش نقلك ربي يسلكه على خير ومبروك عليكم وماتنسينيش في الطمينه. هذيك حبي امممممممم
وحني ماعدنا حت عفسه تزيدي منا تخرجي منا طول لدارك وإذا جاوك نهار ركي عندك الزهر والكادو لا تشوفيه. اذا درولك في الاول انساي الثاني. ههههه
حنونة ربي يفرحكم

اوه مرورك يسعدني حبيبتي
ااامين يا ربي شكرا جزيلا
فعلا شفت دروك قاطو الملفوف وعجبني بزاف بلاك راح يكون في لا ليست نتاع القاطو
ما تخميش حقك نتاع لبطمينة و القاطو وحتى البركوكس محفوظ سون بروبلام هههههه
و اللي ما جابلك كادو غي هناك من الكادو نورمال هذيك عقلية قاورية هههههه
ارواحي اختي و نفّسوك على الصح تتقلشي
ربي يخليك عزيزتي
دائمة الحمد
2014-01-09, 23:21
ام طيري الجنة احنا في الشرق عاداتنا مختلفة شوية علكم في الغرب
فقط نحنا العفسة الجديدة في الطمينة نحنا نقولو زرير
عادو يحطوها في دي كوب فرديين كيما لينحطو فيهم سلاد فروي وكل كوب نزينوه بالدراجي والمكسرات
ام طيري الجنة
2014-01-09, 23:33
ام طيري الجنة احنا في الشرق عاداتنا مختلفة شوية علكم في الغرب
فقط نحنا العفسة الجديدة في الطمينة نحنا نقولو زرير
عادو يحطوها في دي كوب فرديين كيما لينحطو فيهم سلاد فروي وكل كوب نزينوه بالدراجي والمكسرات

بارك الله فيك اختي دائمة الحمد على الفكرة الانتيغيسونت (ههههه)
( و راني نتبع اخبارك من بعيد و فرحت لفرحك الله يعطيك صحيحتك ويدومها عليك و شكرا جزيلا على الاشهار اللي درتيه
لمشروبي ان شاء الله يكون افادك صحيا ايضا)
تحياتي لك اختي الحبيبة
almazalina22
2014-01-10, 10:14
ام طيري الجنة العقوبة ليك ربي يفرحك ويسلك سلفتك على خير وتفرحو
حبيبتي كاين موضوع الوهرانية علي النفاس وقصعة الحج يعني نورمالمو كيفكف احنا نديروها للعروسة وللحاج وكل واحد وعاداتو وكاين موضوع ام اماني نتاع نفاس اختها ممكن تدي افكار خاصة الغير مكلفة كيما الجلجلانية والملفوف
اما بالنسبة للطمينة الجديد انهم راهم يلونوها على حسب المولود ويطبعوها او في بلا ويقطعوها وتزين بالمكسرات او الدراجي
احنا نحطو المعارك وقاطوات ساك كيما الصابلي والملفوف والشراك العريان وحلويات معسلة كيما المقروط والقريوش والبقلاوة في صنيات كبار ونحطو طباسا جوتابل وساشيات الصغر وطبعا سرابت الكاغط هذو كامل فوق الطابلة وقاطوات 3او4 حسب الامكان في لبوات كيما مقروط اللوز والمخبز مزين باشكال البيبي بوسات وبيبرو راهم يتباعو المول هادو وفاكهة باللوز ونسربوهم في الاخير قبل ما يروحو الناس بلا ما ننسى القهوة ومع الاخير التاي وطبعا في الاول راني نسيت المشروبات مع حاجة ساك كيما ليمونشو او بتي فور وكاين بيبرونات يتباعو نعمروهم ب3 او4 دراجي ونسربوهم
واع عييت ويتربى في عزكم
ام طيري الجنة
2014-01-10, 14:19
ام طيري الجنة العقوبة ليك ربي يفرحك ويسلك سلفتك على خير وتفرحو
حبيبتي كاين موضوع الوهرانية علي النفاس وقصعة الحج يعني نورمالمو كيفكف احنا نديروها للعروسة وللحاج وكل واحد وعاداتو وكاين موضوع ام اماني نتاع نفاس اختها ممكن تدي افكار خاصة الغير مكلفة كيما الجلجلانية والملفوف
اما بالنسبة للطمينة الجديد انهم راهم يلونوها على حسب المولود ويطبعوها او في بلا ويقطعوها وتزين بالمكسرات او الدراجي
احنا نحطو المعارك وقاطوات ساك كيما الصابلي والملفوف والشراك العريان وحلويات معسلة كيما المقروط والقريوش والبقلاوة في صنيات كبار ونحطو طباسا جوتابل وساشيات الصغر وطبعا سرابت الكاغط هذو كامل فوق الطابلة وقاطوات 3او4 حسب الامكان في لبوات كيما مقروط اللوز والمخبز مزين باشكال البيبي بوسات وبيبرو راهم يتباعو المول هادو وفاكهة باللوز ونسربوهم في الاخير قبل ما يروحو الناس بلا ما ننسى القهوة ومع الاخير التاي وطبعا في الاول راني نسيت المشروبات مع حاجة ساك كيما ليمونشو او بتي فور وكاين بيبرونات يتباعو نعمروهم ب3 او4 دراجي ونسربوهم
واع عييت ويتربى في عزكم

بارك الله فيك على الافكار الرائعة و سمحيلي عيييتك و ان شاء الله في ميزان حسناتك