بطاقة الشفاء توضيح [الأرشيف] - منتديات الجلفة لكل الجزائريين و العرب

مشاهدة النسخة كاملة : بطاقة الشفاء توضيح

lololala

2014-01-09, 19:20

سلام عليكم ارجو افادتي ببعض المعلومات اخوتي انا موظفة في مدرسة ابتدائية عن طريق لداس وحبيت نصنع بطاقة الشفاء رحت للصندوق كازورا باه نستفسر كيفاش نصنع بطاقة قاتلي عمري امبيري ديك البيضاء الكبيرة في لداس لانه ليس لديك رقم الضمان وبعدها احضريها مع بعض الوثائق هل هدا هو الاصل لانو حسيت انها تليكيدي فيا توضيح من فضلكم

amine eco

2014-01-09, 19:56

نعم هدا هو الاصل .............

رياض81

2014-01-09, 19:58

نعم هو كذلك

lololala

2014-01-09, 21:51

يعني لازم نروح لداس وهما يعمرولي لورقة الضمان ؟؟

amine eco

2014-01-09, 21:58

نعم هي من مفروض ورقة ديك تاع ضمان الاجتماعي يعطوهالك تعمريها لكن نورمال جيبها من لاداس وعمريها فيها الاسم و اللفب و رقم الضمان الخ وتدفعيها مع تلك الوثائق

lololala

2014-01-12, 12:16

ولكن معنديش رقم الضمان ؟؟؟؟؟؟؟؟؟

أحمد زابانة

2014-01-12, 12:24

دوموندي رقم الضمان من الكازوراك لكان عندك
و اذا كان ما عندكش نورمالمون هذا الملف لي قالولك عليه تكملو و تدفعو في الكازوراك باه يديرولك نيميرو تاع الضمان الخاص بك ، و الله أعلم
بالتوفيق ان شاء الله

rivald25

2014-01-12, 12:45

ماكيش موظفة راكي ما قبل التوظيف + الضمان شرط لاكتساب صفة الموظف

منى منى 2014

2014-01-12, 18:32

حتى و ان كنت تعملي مع لاداس عندك رقم ضمان اجتماعي و عندك الحق في بطاقة الشفاء روحي الضمان الاجتماعي يمدولك الرقم نتاعك لانك بمجرد ما تتوظفي يكون عندك رقم ضمان اجتماعي
بالتوفيق

mohamedmallem

2014-01-12, 21:44

*الاخت ادهبي la CNAS و ادي معاك la CNI بطاقة التعريف باش يشوفو ادا عندك رقم الضمان الاجتماعي .
بعدها لصنع بطاقة الشفاء يجب * بطاقة التعريف + 02 صور دات خلفية بيضاء + بطاقة نوع الدم.
وادا عندك رخصة السياقة الملف هو *رخصة السياقة + 02 صور دات خلفية بيضاء

لكن اول شيء يجب ان يكون لديك رقم الضمان الاجتماعي .