لماذايصرف هكذا

[سماح04]

السلام عليكم
اريد نصيحة من فضلكم مشكلتي من فترة تقدم لي شاب لخطبتي وهو من فترة طويلة حاطط عينو عليا هو شافني عند زيارتي لخالتي وكان ديما يهدر عليا لبنت خالتي ويقلها راني حابب نخطب بنت خالتك قيليلها اذا تقبل نجيب ماليا مي بنت خالتي ماقاتليش وخبات عليا المهم فات عام على هد القصه مره تلاقيت بيه انا بنت خالتي وهدر معاها عليا وانا فهمتو فما هي قالتلي انو حابب يخطبك وقداه من مره يهدر لي عليك مي ننسى باه نقلك انا قبلت بيه . هدر عليا في دارنا وبدينا نحكيومع بعضانا عجبنا بعضانا مي كان ساعات يثقل روحو عليا شويا يحبني انا لي ديما نتفكرو ولازم انا لينعيطلو كان حاطني اني نتكبر عليه مي هذه هي عقليتي فاتت مدة شهر واحنا مع بعضانا ومره صر ا بيناتنا مشكل صغير وتافه عيطلي وقالي خلاص منزيدش نعيطلك وكوبا عليا قتلو انا عمري ما نحتم روحي على شخص لان كرامتي فوق كل اعتبار من هذاك النهار تفارقنا وكل واحد راح في طريق عمري ماسييت اني نعيطلو او حتى اني نعرف اخبارو صافي محيتو من حياتي ومرت تقريبا ثلاث شهور على فراقنا بدا يعيطلي ديما برقم واحد على اساس انو شخص واحد و كنت منردش عليه ومره رديت عرفت صوتو مي درت روحي معرفتوش وقتلو واش تسحق عندي قالي هذا رقم تاع فلانه سمالي اسم واحد رجعت عليه وقتلوا راك غالط وقتلو ماتزيدش تعيط في هاد لرقم مي مازال يعيطلي
حابه نعرف علاه راه يتصرف هكذا رغم انو يعرف اني قادره نعرف صوتو وتصرفو هذا عل واه يدل
سلام

[* الحلم سكر *]

و عليكم السلام و رحمة الله و بركاته
يدل على انو - اما يــجــرب فيــك:sdf: -- أو مــازالك في بـــالو:confused: --
أو ** فـــــــــــــــارغ شــــــــــــــغــل و يلــهي في روحــــه:mad:
بــكل الحلات ما تشغـليـش مخك بيــه
كي يحـــضر الــحديــث يحـــضر جـــوابــه
(انا رايي مرة اخرى ما تهـزيش على اي رقم غريب و حاى كي عرفتي صوته لوكان راكي ما لعبـتيـها ما عرفتيــشو ما والو قال يا فلان واش تسحق عندي و . و ما تطلعي ما تهبطي )
مليحة الراجل يكون عندو شخصية و يفهم روحه و يحدد واش حاب واش ماشو حاب هذا لي تقدري تعتمدي عليه و تقولي راجل

ربي يوفقك للخير
ربي معاك

[محمد جديدي التبسي]

لأنه إنسان تافه
المشكلة الحقيقة راهي مشكلتك إنت علاه تحكي معاه من أصلو وبأي صفة هو راه يحكي مع بنت خالتك عليك
ما تعرفيش باللي هذا الشي حرام؟!
اللي يحب يخطبك يجيك لباب الدار ويحكي مع ولي أمرك
هذه الأشياء والعلاقات والتلفونات مع الشباب لكثرتها وانتشارها حسبتوها حلال وعادي واحد يحكي مع بنات الناس ويتعرف عليهم ويخطب اللي تعجبو ويمشي مع اللي تعجبو؟!!
بدلي رقمك أختي ولا تدخلي في علاقة مع شاب حتى يأتي لأهلك وتعرفوه مليح

[سماح04]

شكرا اخي هو خطبني من اهلي وكي حكى مع بنت خالتي لاني انا من منطقه وهو من منطقه

[sali-sali]

السلام عليكم

و اين اهلك في الموضوع
خطبة معناها يكمل الباااااقي ... يعني العقد و حتى يحدد موعد الزواج
اما هدي تاع يثقل روحه .. و تحكي معاه و بنت خالك .... لا تسمى خطبة هكدا

حددي طبيعة العلاقة بينكما .. و اعرف اين طريق انت تسيرين فيه الان

وفقك الله

[محمد جديدي التبسي]

شكرا اخي هو خطبني من اهلي وكي حكى مع بنت خالتي لاني انا من منطقه وهو من منطقه
الآن غيري رقمك وحتى اللي يخطبك ما تحكيش معاه في الهاتف حتى ديرو العقد

[lili1988]

متعمريش راسك بالحكاية هاذي

[○•ميسون•○]

ما تزيديش تهزي عليه كي يعيطلك

ولا هزي عليه و خلي البورطابل في بلاصة و اخرجي منها و شوفي امورك و خليه يهدر وحدو ذرك يفهم روحو و ما يزيدش يعيطلك

[جمال الدين الأفغاني]

نفس القصة تتكرر في كل مرة

ان يخطب رسمي شيء جميل جدا ومطلوب لكن بمجرد

ان الامور لم تسير كما ينبغي وافترقتما فهنا كل واحد في طريقو

فعلاقتكما الان حرام حرام حرام ومادام انتي قررتي الانفصال نهائيا عنه

وعدم التواصل معه فهذا شيء جميل ويالمقابل هو لم يكن على قدر المسؤولية

وقدر فعل الرجال فمادام افترقتما المفروض يرى لنفسه طريقه بعيدا عنك

لكن اني يتصل بك بعد ذلك ولمجرد الاتصال فهنا للاسف يمكننا ان نحكم عليه انه

لا يملك شخصية قوية ولا كرامة ليحافظ بها على نفسه لذلك عليك انت ان تقومي

بتغيير الرقم مادام الرقم عنده اكيد سيحاول الاتصال بك في كل مرة لذلك غيريه

لترتاحي من اتصالاته للابد وربي يعوضك بخير منه وهو ايضا ربي يهديه ويعوضو

والله المستعان

[bonbon]

اختي واحد تركك لشيء تافه و في أول منعطف كما ذكرتي هل هذا معناه انه فعلا حاب يكمل معاك حياته؟

غيري رقمك أو ضعي هذا الرقم الذي يتصل به في قائمة الارقام المحظورة في هاتفك

اذا أحس بأنه أخطأ في حقك و حاب يرجع دار والديك نظن يعرف طريقها

أما ان يتصل برقم آخر و ينتحل شخصية شخص آخر اسمحيلي الجياحة هادي راحت بكري

ما نظنش واحد عقله كبير يدير التصرفات هادي

لاكان تقدري غيري رقمك و قصي عليك التفاهات للي راه يدير فيها

و ربي يكتبلك للي فيه الخير

[أميرة مملكة السعادة]

السلام عليكم
سأبدي رأيي بكل شفافية
أختي أولا اذا كان مشكل صغير و تافه كما عبرتي عنه يفرقكما بهذه الطريقة فالى أين ستؤول الأمور بينكما بعدما تكثر المسؤوليات و تكثر الضغوط؟
لهذا عليكي بتصفية حساباتكي و أقولها و أكررها دااائما لصديقاتي و سأقولها لكي عليكي أن تفكري بعقلكي لا بقلبكي
و لهذا ابتعدي عنه مادام يفكر هكذا و مادامت العلاقة بينكما ليست بوطيدة أحسن من أن تتعقد الأمور و تصبحين في مالسؤال لأجد الجواب
أما عن تصرفه هذا فهو يدل على ضعف شخصيته فلو كان ذو شخصية قوية لواجهكي و قال سنجلس على طاولة مستديرة و نطرح الاشكالية و نجد لها حلا يرضي كلانا حتى و ان عاد بهذه الفكرة بعد مدة طويلة يمكن تقبلها لأنها ليست بالسيئة بينما تصرفه هذا لا هو امتحان و لا شيئ هو فقط يستفسر ربما خطبك شخص آخر أو ماذا
و ربما لم يجد شيئا يلهي به نفسه فأراد تضييع بعض الوقت في ازعاجكي
و لهذا أختي الفاضلة عليكي بعدم الرد عليه و ضعي رقمه في القائمة السوداء في هاتفكي و تخلصي منه نهائيا


سلام

[lynoor]

بخطبو طفلة ومن بعد يجربها بواح الاساليب كان يديرهم مع بنات اخرين .........انا عياوني هاذ الحكايات ..............كاين اللي يظن بللي كي يخطب طفلة راه ضامنها رح تبقى معاه مهما دار و تمسخر هذا الشي كامل عالى خاطر كاين اللي يشوف الطفلة اذا فسخت الخطوبة .اداها الواد .........
ربي يبقي الستر ويا اختي انتي كنتي واضحة معاه حب يروح خليه يروح

[nouna l maghbouna]

بكل اختصار خليك منو

[بنت لبحر]

اختي متعمريش راسك بيه والي مكتبو ربي مرحبا بيه