مساعدة

[هالة قليفط]

اريد من فضلكم طريقة صنع المسمن و يكون مورق في اسرع وقت

[ام ملاك.]

حبيبتي شوفي في قسم المعجنات والاطباق الرئيسية راه كاين موضوع مثبت

[جهينة بورنان]

وين راكي عايشة حبيبتي
شكون اللي ما تعرفش تطيب المسمن
هذا يعني راكي ماكيش حرة

[didou89]

السلام عليكم
شوفي اختي ديري سميد يكون رطب وشوية ملح. ولمي العجين بماء وخلي العجين طري متيبسيهش وديريه في ساشي مشمخ. وخليه مدة معينة ثم دلكيه شوية.
وقرصيه في سنيوا وغطيه
ومن جهة ذوبي مرقرين ابتوريق
حلي العجين وديري مرقرين التوريق وطويها. حتى تتحصلي على شكل مربع وطيبيه في الطاجين وكي تقلبيه ذرذري شوية مرقرين التوريق وكملي الطياب
راح يجيك خفيف ومورق من الداخل.
جربيه ختي ورجعيلي الخبر على ضمانتي
انا دايما نديرو هكذا

[هالة قليفط]

شكرا للاخوات لساعدوني و بارك الله فيكم ^_^

[nor hayati]

النشاالله ينجحلك حبيبتي

[الام المثالية]

حظ موفق عزيزتي لا عليك من كلام الناس الدنيا مدرسة ونحن نبقى نتعلم لاخر يوم في حياتنا

[نجمة ساطعة]

وين راكي عايشة حبيبتي
شكون اللي ما تعرفش تطيب المسمن
هذا يعني راكي ماكيش حرة


هذه ليست طريقة مساعدة اختي و من قال لك ان الحرة هي التي تعرف طريقة لمسمن

[om mita]

انا سلفتي جامي سمعت بيه مش متعرفش ديروا
يعني انتي راكي حرة تاع الصح وراكي تبحثي
لازم تتعلمي من الدنيا كثر من يعلموك الناس
بلغي الادارة بوجود مشاركة سيئة رايحين يعاقبوها عبر المثلث الاحمر الصغير
روحي لرد تاع المشاركة تاعها واضغطي عليه
راحا الادارة تعاقبها
عندكي تباصي كاش وحدة ولا انا ههههههههههههههه

[ام اسلمى]

:dj_17:السلام عليكم اناعضوة جديدة في المنتدى واتمنى منكن التفاعل معي اما انت اختي انا نوريك احسن طريقة تعلمتها لصنع المسمن او المركب المقادير:عبرةفرينة+2عبرات دقيق الكيفية:تخلطيهم مع بعض وتلميهم بالماء وتحاولي تخلي العجينة ناشفة وحطيها في بسينة ورشيها بالماء وغطيها بنايلون وخليها ترتاح على الاقل اربع ساعات في مكان دافئ ومنبعدها حطيها في قصعة او عجانة وحاولي دلكيها على النشاف حتى ترطاب العجينة وبعدها ملحيها وصيري تزوديها ماء حتى تطرى مليح والباقي تعرفيه

[ام اسلمى]

بارك الله فيكي

[ام اسلمى]

اختي من فضلك انا جديدة على المنتدى وحابة نضيف مشاركات لوصفاتي المتواضعة وماعرفتش ممكن توريني كيفاه وشكرا