ساعدوني رجاءا

[مشكلتي]

السلام عليكم إخوتي في الله :
أود أن أطرح مشكلتي التي تكمن في أن زميلا لي في العمل يضايقني باستمرار ، ولما تمت خطبتي من ابن خالتي أصبح يهددني بالإختطاف أو الإغتصاب او أن أقبل ان اكون عشيقته بعد الزواج وكل هذا على حد قوله لأنني تكبرت عليه .
علاقاتي مع وملاء العمل محدودة جدا ولا تتعدى إطار العمل لا أدري متى أعجب بي هذا الشخص منذ أن سمع أنني ارتبطت بعقد شرعي مع ابن خالتي وهو يضايقني والبارحة هددني وقال لي انه احق بي لانه احبني منذ اول وهلة راني فيها .
اليوم بقيت في المنزل خوفا من هذا الانسان ولا ادري ما اعمل .
بالله عليكم دلوني ما الحل؟

[يونس معبدي]

وعليكم السلام ورحمة الله

وهل الحب والزواج بالقوة
كيف تفكر هاته المخلوقات ..لا ادري
..
خبري عليه احد اخوتك او خطيبك خليه يحكي معاه بالتي هي احسن
واذا استمر في مضايقتك خليهم يعلموه الأدب

[محمد جديدي التبسي]

موقف صعب فعلا
ابحثي عن عمل آخر أو توقفي عنه أحسن ربي يعينك فعلا مخلوقات غريبة ربي يهدي

[مراد سابقا2]

قولي لأخوك ولا أبوك

يربيوه

ومتخافيش

حذار وحذار من الخوف في مثل هذه الحالات فهؤلاء يمكنهم اهاب لبعيد أن لم يتم توقيفهم

[rafahe2012]

سلام

ختي هادي مكانش منها طووول كيفاه يعني تحبيه بسيف

والله رانا نسمعو حوايج تقول رانا في زمن الجاهلية


شوفي نتي اول حاجة اهدري معاه قوليلو متزيدش تعاود هادي لهدرة سينو نعرف وش ندير معاك

وشوفي ردة فعلو لا هاج وزاد استفزك روحي مباشرة قولي لخطيبك باه يهدر معاه ويعلمو الادب

لانو هادو لعباد ما ينفع معاهم الا القوة

وربي يعاونك ما تخافي ما والو وش راح يديرلك ياك نتي ما غلطت ما والو

[yousra14]

وعلاه تهزّي في الهم وحدك شاركي أهلك في الموضوع وان شاء الله راح تلقاي حل

[اسعى لرضى الله]

الحل هو خبري عائلتك لانو هو ماذابيه تريحي ساكتى وكل ما سكتي راح يتمادى ومن بعد كشما يقدر ربي تطفر فيك انتي


مالا قولي لعائلتك احسن

[لينوش.]

لم افهم كيف تجرئ هذا العبد كوني حازمة معاه وماتعطيهش قاع فرصة يهدر معاك اعذريني أنا كنت موظفة ونعرف اذا معطيتيهش الوجه ما يدناش أبدا أنا كنت مخطوبة والله مايرفعوش راسهم فيا وكانو كاينين نسا متزوجات يدو ويجيبو معاهم في الهدرة والله يتدخلو حتى في أمورهم الشخصية حتى اذا ما كنتيش مداصراتو بلاك شاقك ضعيفة والا خوافة حاب يستغل ضعفك لا يا اختي كوني حازمة وقوليلو اذا ما بعدتش كاين شكون يشبعك ضرب والله هذا النوع يخاف من خيالو ومتقوليش لخطيبك راح يسيئ الضن فبك خبري خاوتك والا معندكش اي واحد تشتكيلو راح يعاونك أكيد واذا تمادى ديري بيه شكوى لرئيسه في العمل هذا راه تحرش ويقدر حتى يحاوزو

[حضنية28]

يا اختي هذا امر خطير جداااااااااااااا لازم تخبري اهلك ولا خطيبك
كيف يتجرأ هذا الشخص

[كلنا راحلون]

السلام عليكم سجلي كلامو فلهاتف وقدمي شكوة

[ibissam]

انصحك ان تغير العمل او تخبر اهلك انو هذا انسان لا يستحي وتخي ان يصر ملا تحمد عقباه ربي يسترك ان شاء الله

[safiro]

هههههههه تقوشي رانا عايشين في غابة خبري خطيبك يتصرف و ادا ماعملو والو غير افسخي

[التوليب الجميلة]

منين جاتو الجرأة باش يهددك معندك علاش تحافي روحي اهدري مع داركم يتفاهمو معاه و يوريولو التهديد كيفاه علاخاطر الناس دوكا ولات متحشمش و واحد كيما هادا متسكتيلوش .

[الفاتحة]

حبيت نفهم برك كيفاه قدر يحكي معاك بهاذ الجرأة وزيد علاش أنت ساكتة بهدلي بيه في مكان العمل وبخصي بيه للجميع لعله يحشم على روحو يا أختي هذا الأمر لا يسكت عليه من المفروض أهلك يتدخلو في الأمر ولكان أهلك ما يقدروش روحي اشكي به وفي انتظار هذه الاجراءات الضرورية ابتعدي تماما عنه وعن الحديث معه أو حتى التواجد في نفس مكان وجوده وإذا شفتي أن الموضوع غير قابل للحل فعليك أن تتوقفي عن العمل فورا حفاضا على حياتك وكرامتك وشرفك

[عطر الجوري]

سبحان الله والله ديك النهار شفت اميسيون في قناة مغربية هاكا العساس يحب البنت الي تخدم وخطبها ورفضت واتخطبت الاخر كي سمع قتلها واغتصبها ميتة ودفنها انا الي محيرني كيفاش قدر يهدر معاك هاكا كامل خدمنا مع ناس مايخافوش ربي والله كنت نعمل عند واحد يشرب الخمر ومطلق ولكن عمري ولا قالي كلمة خاطية والبيرو نتاعي مايدخلش بلا اذن لانو شافني نغلق ونصلي فيه وخدمت مع شباب و قرينا معاهم ابدا لم يتجراء ولا واحد يقوللنا نص كلمة هادا كيفاش الله اعلم الله يهدي ما خلق
انا رايي حبسيت بابات الخدمة والله قادر يعمل اي شي ممكن يتعاطى مهلوسات او شي ربي يستر عليك وعلى بنات المسلمين

[قطر الندى13]

وربي يعاونك

[lili1988]

اللهم نسألك العافية
سبحان الله الواحد يحير كي يسمع حوايج كيف هادوانتي متخافيش كيما يقولو الظالم يقوي روحو بخوف الفريسة تاعوواجهيه و خبري عيلتك ردي بالك تستسلمي ليه

[doba]

ختي هادي مكانش منها طووول كيفاه يعني تحبيه بسيف

والله رانا نسمعو حوايج تقول رانا في زمن الجاهلية

[بيلسان الجنان]

السلام عليكم

اختي بلغي اهلك قبل ان يصل الامر الى ما لا يحمد عقباه
انت لم تفعلي اي شيئ تخافين منه

وان تمادى اكثر هناك قانون لمثل هؤلاء المهوسيين
بالله عليه اين كرامته

حماك الله

[naamane3]

اللهم اكفينيه بماشئت وكيف شئت
انك على ما تشاء قدير
ادعي بهذا الدعاء كلما رايتيه
وباذن الله سيكفيكه الله

[selin cobbra]

اختي احكي لخطيبك عليه وفهميه مليح لحكاية وهو يوريلو
والا قولي لخزك وهو يربيه
وربي يعينك على هذا المهبول

[فارس وجواد]

و هل نحن في غابة حتى يختطفك.
مسكين ربما الصدمة اثرت على اقواله و افعاله.
لا تخافي فمع الوقت سيتحسن حاله.

[khawlita.dz]

السلام عليكم إخوتي في الله :
أود أن أطرح مشكلتي التي تكمن في أن زميلا لي في العمل يضايقني باستمرار ، ولما تمت خطبتي من ابن خالتي أصبح يهددني بالإختطاف أو الإغتصاب او أن أقبل ان اكون عشيقته بعد الزواج وكل هذا على حد قوله لأنني تكبرت عليه .
علاقاتي مع وملاء العمل محدودة جدا ولا تتعدى إطار العمل لا أدري متى أعجب بي هذا الشخص منذ أن سمع أنني ارتبطت بعقد شرعي مع ابن خالتي وهو يضايقني والبارحة هددني وقال لي انه احق بي لانه احبني منذ اول وهلة راني فيها .
اليوم بقيت في المنزل خوفا من هذا الانسان ولا ادري ما اعمل .
بالله عليكم دلوني ما الحل؟

ولله فى خلقه شؤن
هل يظن انه يعيش بفيلم هندى ان بالغابة
هل هو مختل عقليا واستغرب من اين له بكل هاته الجراة حتى بات يهددك
ارى ان تخبرى اخوتك ليتفاهمو معه ولا يظن انه ليس لك احد
فلعل لما سكتت عن التهديد استقوى ةظن انك تخافينه وربما ترضخين
ادهبى لعملك و اخبرى اخوتك او اقاربك ليادبوه