اريد ان اخطب و لكن

[مشكلتي]

السلام عليكم و رحمة الله و بركاته
بارك الله فيكم على هدا المنتدى الدي ساعدني كثيرا
اود ان اطرح مشكلتي المعقدة
انا شاب عمري 26 سنة اعمل في اطار لانام-عقد لمدة 3سنوات-قابل للترسيم بعد مرور 3 سنوات-مرت منها سنتان-
الراتب يفوق 3 ملايين بقليل
لم اجتز الخدعة الوطنية و لا اعلم ادا كنت عاصي ام لا
املك بيت صغير عبارة عن بيت و مطبخ صغير-استوديو- في انتظار سكن عدل –تمت الموافقة و الحمد لله واملك الشطر الاول-
انوي مصارحة اهلي برغبتي في الخطبة بعد رمضان اي في شهر اوت ولكني خائف بعض الشئ من المصاريف
اود ان اسال
ما هي المصاريف الخاصة بالخطوبة فقط
كم هي مصاريف الزواج بالتفصيل يعني العرس والدهب و التجهيزات المنزلية و ما الى دلك
هل الخدعة الوطنية حاجز بالنسبة للزواج
و السؤال المهم هل يوجد هناك فتاة تقبل بهدا الوضع حسب تجاربكم
ارجوكم يا ناس ساعدوني و انصحوني بمادا ابدا

[djillali07]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

[sara160349]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

غاضك الحال علي الخدعة الوطنية انا نشوفها حاجة تضحك الجنرالات و الوزراء تبعث اولادها للخارج تحوس و اولادنا يديو يديروهم كلاب و البلاد توكل فيها الناس لي لفوق نهبوها ما خلاو ما بقاو وانت غاضك الحال قتلتني حسيتك صح الجزائر تاعك واحنا ما عللابالناش هذه بلادنا وكامل نعبرو كيما نحبو ديمقراطية الله غالب لمزية ربي ماقالش الخدمة لازمة سينون تصرا للزواج كيما الخدمة الناس كامل حابسة

[الواثق]

يا اخي انت رجل ولما هذه اللهجة التي تجعلك ضعيف الموقف ...........انت ماشاء الله سكن ورزقك الله الصحة والعافية ونيتك في العمل والكد والبحث عن الرزق الحلال ..............قاعد تقول شكون لي تقبل بيا ؟؟؟.............لاتصعب الامور ابحث عن من تناسبك وتقدم وكن رجلا وان رفضك الجميع ..................اما قضية خايف من التكاليف او لا ادري ............انت دير اللي عليك واللي يكلفك فوق طاقتك اخطيه وخير واختار فالنساء كثر وعندما تجد ذات الخلق والدين فتأكد انك لن ترد الا اذا كان عندك مشكل في دينك او اخلاقك .........................على بالي الكثير تهمه الماديات لكن اذا كان الواحد ماعندوش واش يديرلهم يقعد يتفرج امام هذه الفتن ؟؟؟......................
انت على حسابك لو تقبل بيك وحدة تحسها دارت فيك مزية ؟؟؟؟...............ستعاني ان كنت تحمل هذا المنطلق
والله المستعان

[خولة لبابة]

يا أخي أنت الحمد لله تملك بيت و عمل....الله بارك...فلا تقلل من نفسك...و انا متأكدة أنك ستجد الزوجة المناسبة ان بحثت جيدا.....كن رجلا بأتم معنى الكلمة....فالرجل في نظر المرأة من يتسم بالأخلاق الفاضلة و الشخص المتدين و الغيور على عائلته.....صحيح هناك من النساء من تبحث عن الماديات.....الله يهديهن....لكن أنت توكل على الله.....و باذن الله ستجد ما يناسبك......اكثر فقط بالدعاء ليرزقك الله الزوجة الصالحة.....ففي أيامنا هذا......صعيب تجد فتاة في كل هذه الصفات.....لكن ابحث و ستجد ان شاء الله.........رزقكم الله الزوجة الصالحة.....

[محمد جديدي التبسي]

توكل على الله وما تهابش ربي يوفقك

[تشرين11]

ماتغلطوش الراجل الخدمة الوطنية عائق كبير امام الزواج
اندروه اتزوج وبعدها جاه الامر باه يروح للخدمة الوطنية الزوج وين يحطها
لازم يبحث عن المراة الي تقبل بهذا الامر يمكن ليلة العرس يدوه اما عن اتكاليف مش مهمة يلق الي تقبل بلمهر القليس وتسمح في الشكليات

[lola22]

صباح الخير جميعا
يا خويا اتوكل على ربي واخطب ...... دير شوي ثقة في روحك راك خدام والحمد لله وعند بيت صغير يسترك انت والمدام _ان شاء الله _ حتان يفرج ربي ويمدولك لدار .....
يا خويا ناس راهي تخطب وتتزوج وما عندهم والو ...
ربي يهنيك ويكملك يا رب ...

[جويرية الإيمان]

أولا

أنا لي نشكرك لأنك فضفضت بواش كاين في قلبك لينا .

ثانيا :

إذا كنت ناوي الزواج أبدا خبي الدراهم من الآن .

و إذا كتب ربي و لقيت العروس ما تكلفش روحك في العرس يعني عشوات وغداوات و تعرض صحابك نهار و تعرض الناس نهار و و و و و ...

لالا . دير كلش نهار واحد راهم أصبحو يديرو هاكهذا با ينقصو المصاريف و لا تنسى أن التبذير حرام .

الحاجة لي لازماتك هي المهر دير حسابك من 8 ملاين حتى 10 ملاين و إذا طلبو اقل الله يبارك .

الخدمة العسكرية روح عديها و خلاص إذا ما قدرتش تدّي العفو.

أنا شايفة جارنا متزوج و عندو طفل و خدام و راح عدى الخدمة الوطنية و رجع لخدمتو و مرتو في دار باباه و هوما أصلا ساكنين ثم .

ربي يسرلك أمورك و لا تنسى الدعاء بدا .

[djillali07]

غاضك الحال علي الخدعة الوطنية انا نشوفها حاجة تضحك الجنرالات و الوزراء تبعث اولادها للخارج تحوس و اولادنا يديو يديروهم كلاب و البلاد توكل فيها الناس لي لفوق نهبوها ما خلاو ما بقاو وانت غاضك الحال قتلتني حسيتك صح الجزائر تاعك واحنا ما عللابالناش هذه بلادنا وكامل نعبرو كيما نحبو ديمقراطية الله غالب لمزية ربي ماقالش الخدمة لازمة سينون تصرا للزواج كيما الخدمة الناس كامل حابسة

سيادتك اصلا لا تعنيك الخدمة الوطنية ، وهي وطنية رغم انف الحاقدين

[sali-sali]

السلام عليكم
مدام تفكر في الزواج فصارح اهلك ليخطبوا لك البنت المناسبة
وان كنت على خلق طيبة و انت الان تعمل وقادر على تحمل المسؤولية فهدا امر يشجع كذلك على الزواج
بالنسبة للتكاليف تختلف من منطقة لاخرى

و هناك الكثير من الايات و الاحاديث التي تحث عن الزواج بامكانك الاطلاع عليها لتفكر في الزواج والخطبة اكثر

قال الله تعإلى: وَأَنكِحُوا الأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ [النور:32].

و ربي يسرلك امورك

[knives66]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

اذا كان خدمة الوطنية هدف منها اعطاء الخبرة العسكرة للمواطن راح نعقبها كل عام

بصح ولا هدف منها تحطيم حياة المواطن البسيط و تعطيله على مستقبل

انت يا جنرال ولادك يعقبوا الخدمة الوطنية لا لا ؟؟

ولا خدمة الوطنية مخصص غير مواطن البسيط

و جامعي به ما يتوظفش

ليخدم وطنوا موش بالخدمة الوطنية يخدموا بقلبوا طول حيتوا

تحبوا وطنكم غير بلكلام وبفعل 000000

************************************************** *****

يا اخي توكل على الله شوفلك وحدة زوالية فحل لتقبل يك
وتفاهم انت وياه وخلاص

[joinyong]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

نعم صدق خدعة عسكرية وليست حتى وطنية اما الواجب الوطني يكون برفع المعاناة عن ابناءه و النهوض بالاقتصاد لان الجزائر الآن لا يطلق عليها حتى اسم دولة وانما مافيا تحت غطاء علم دولة ومن يجتاز الخدعة فهو مظلوم اما بالنسبة لسؤالك اخي عليك بصلاة الاستخارة ثم التوكل على الله انا في مثل حالتك بل اشد لان ليس لدي عمل مستقر وانما اعمل عند الشعب بسبب الخدعة ولدي منزل غير كامل لكني بصدد الخطبة و الله المستعان

[قمر الماس]

توكل على ربي و اخطب...بالنسبة للمصاريف تختلف من مكان الى اخر ومن عائلة الى اخرى...كلش مبني على التفاهم اخي الكريم... نمدلك مثال كي خطبنا لخالي شرطو عليه حاجة ذهب و الصوف و العشاء تع العرس و الخدمة...و كي خطبنا لولد خالتي شرطو السكن وحدها و 10 ملاين تع الصوف و الفاليزا و الشرط و العشاء و شرطو عليه حاجة الذهب.....بالنسبة للخدمة الوطنية لازم تعلمها بالامر هي و اهلها و شخصيا مانظنش كان يرفضو لهذا السبب....و كلش مبرووووك ربي يسهل

[صالح القسنطيني]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

عن اي خدمة تتكلم هي خدمة عسكرية و ليست خدمة وطنية

و كذب كذبا كبيرا من زعم انها خدمة وطنية

و هل خفي عليك من يؤديها و من لا يؤديها

الخدمة العسكرية اكبر حشوة للشاب الجزائري

[samy lyonnais]

و ان كان مازلت صغير شوية ...لكن اتكل على الله و اتقدم و ربي يسهل ما دام متوفر البيت و عمل مستقر فذاك كل شيئ
الباقي بروتوكولات

[عبد الله 22]

لزم تشوف أولا حل لمشكلة الخدمة العسكرية لانها عائق امامك و18 شهر ليس من السهل أن تكون زوجتك في بدايات أيام الزوج وانت بعيد

[mounaminou]

ماتخافش تلقا اللي تقبل بيك انت برك اشرحلها الضروف تاعك من النهار الاول و لاكان قبلت رببي يتمملك

[bonbon]

ربي يكملك اخي

لكن استعد من الآن لحرب مصاريف الزواج ههههههه


ربي يقدرك

[white-heart]

الله ييسر امورك يا رب

[مايسترو عمران]

عندما تحترم نفسك و تسمي الخدمة الوطنية باسمها ولا تتطاول على وطنك بعدها فكر في الزواج

علاش انت رحت تأدي الخدعة الوطنية و انت فرحان !!!
اللهم لا تؤاخذنا بما قال السفهاء منا

[حبيبة زوجها]

توكل على ربي وطالما ناوي الحلال ربي مافيه غير الخير