والله موضوع مفهمتوش ومفهمتش اشكون لعندو الحق

[aminasamder]

والله موضوع مفهمتوش ومفهمتش اشكون لعندو الحق
المهم عندي زميلة في العمل وهي انسانة طيبة ولاتية بروحها عندها سيارة درتها من الله غالب لانو مكان العمل بعيد عنها ومكانش المواصلات خدمت 2عامين برك ودرتها حرمت روحها من بزاف اشياء باش درتها المهم
الى الان الامر عادي غير الغير عادي انها ترفض ركوب الاخرين معها اي الزميلات باش اروحوا معها فهي ترفض ذلك
سالتها مرة لماذا لا ترغبي في ركوب الزميلات معك
فاجبتني قائلة لهم ازواجهم وهم ملزمون يعني مسؤولون عليهن ولست ملزمت بهن ولنا نفس الاجر فليشتروا ايضا السيارات ولا داروهم لازواجهم يتكسلو اعليهم واناانروح في انساهم ربي اسهل عليهم وزيد انا منتحمل مسؤولية حتى واحد
فاجبتها ديري الخير ونسيه
اجابتني واش من خير واحد اذا منهزوش اصبح عدوا له راكي اتشوفي فيهم ميهدروش معيا نعلبوها هاذ الصحبية شيي وانا حرة فيه ونزيد انقلك حاجة ولاه ميعجبني الحال كيمنهزهوش بصح كينشوف يتكلمون على الديار لدروهم كتساهمي مثلا والذهب لمعبي يديهم اضرني قلبي انا درتها شفني بابا اضل اجبني ويردني علبيها درتها بشان انهنيه وهما بتكسلو اعليا
هذا هو الموضوع ارجو منكم اعطائي رايكم هل زميلتي لها الحق ام لا
انا ساعات انقول عندها الحق وساعات لالا

[لينا22]

لديها كل الحق في هذه الوقت الي دير فيه الخير يولي عدو، آمالا مين هاك ديري الخير في واحد براني ولا في المحتاجين

[تراتيـل صبــح]

سيارتها وهي حرة
ويمكن لانها حرمت نفسها من أمور أخرى وهم يستمتعون بما يشاءوون فكرت بهذه الطريقة
وأيضاً لا احد يستطيع ارغامها على توصيلهم
ليس المهم من لديه الحق
المهم كل واحد حر فيما يملك
ولو كنت مكانكم ما تذللت لأحد من أجل ايصالي
هذا هو المهم.

[مريم سلمى الجزائرية]

السلام عليكم و رحمته تعالى و بركاته:
أختي الكريمة أدعوك و نفسي بالابتعاد عن كل ما من شأنه صرف نظرك عن ما يهمك في دنياك لتستعدي به لآخرتك.
إعلمي أن الإختلاف رحمة من الله، و أن كل منا مسؤول عما قدمته يداه .
صديقتك لها نظرتها الخاصة و لك نظرتك الخاصة قدمت النصح كما ترينه مناسبا و لم تتقبل فهي حرة و أنت بتقديمك النصيحة انتهى دورك و لا يبقى سوى أن تعامليها بحسن وادعي الله بالهداية لنا أجمعين.
ملاحظة:بعض الكلام غير مفهوم أختي.

[رابحي نـائل]

حبذا لو تعيدي صياغة الموضوع باللغة العربية
او بكلام واضح أكثر
انتي قدمتي لها النصيحة
هي في الاخير حرة ، قد أعطيها قليلا من الحق
لكن اعطيها كثيرا من الخطأ
إذا كان زملاء أو عائلة وحدة في مؤسسة يحملون الاحقاد لبعضهم البعض
وينتقمون لأتفه الاسباب
فهذا أكيد مآله الضرر للموظفين والمؤسسة
هذه المعالمة وشيئ من الواقع تضر بصاحبها فقط

[زرقـآء اليمآمـة]

السلام عليكم
انا لا اقبل زميلاتي يركبن سيارتي كل يوم
مرة 2 3 مش كل يووووووووووووم
او لاجلهن نبدل الطريق ونقولهم نسكن منّا راني رحلت خخخ............
هكذا نرتاح من البخل تاعهم والله المستعان

[sara160349]

ي اختي حقها و هي حرة هي حرمت روحها و تعبت باش جابتها يغيضها الحال كي تولي تخدم شوفور علي الغاشي لي غاضو الحال يروح يدير كيفها يتقشف و يشري طاكسي امالا هوما تاني عندهم ازواجهم خليهم يتقاسموهم معاها كاش واحدة تديها لزوجها حتي هذاك تاني خير الستيرة

[ايمان نور الجزائر]

سيارتها وهي حرة فيهاا
راهي ضحات بشحال باش تكسبهاااا

[أَحمــد]

عندما تعمل المرأة

[bibicha]

حقها مادارتش الطونوبيل باش تخدم طاكسي على الناس و زيد باينة حرمة روحها باش دارتها و راهي قالتلك شفها باباها لي ديما يدي و يجيب فيها زميلتك عندها الف حق و كول واحد ربي يسهل عليه كي تحطو معاها دراهم الطونوبيل حاسبوها علاش ماتديش معاها الناس

[hodahodahoda]

الموضوع فيه وجهان
الاول
اذا صاحبتك ركبت معاها زميلة او اثنين ماشي عيب تزيد المحبة و الاخوة في العمل و تعمل الخير ربي يحفظلها سيارتها
و منها يوانسوها في الذهاب و الاياب و البخيل من جهنم
رغم من حقها تركب او ما تركبش
لكن ماحقش عليها

الثاني
الزملاء المفروض ما يخاصموهاش لانها ما ركبتهمش
هذا حقها
على الاقل تبقى علاقة السلام عليكم و عليكم السلام


لكن رايي زميلتك غالطة تماما

[imanewafa]

هي حرة في سيارتها

[mounia 85]

انا راني معاها ...هي حرة

[زرقـآء اليمآمـة]

عندما تعمل المرأة
جملة غير تامة ينقصها الخبر !!!!!

[aminasamder]

عندما تعمل المرأة

ساكمل الجملة لانها ناقصة وغير مفهومة
عندما تعمل المراة فانها تصبح مستقلة وليست ثقيلة على غيرها ولاخادمة عند زوجات الاخوة ولاهما على زوجها ولا حيرة على اهلها
شكرا لكل من شارك في الموضوع وقدم لي القليل من الوقت ارجو ان تكون ردود اخرى

[مسلمة بالفطرة]

انا معها وضدها في نفس الوقت تقديم يد العون للآخرين حاجة مليحة وممكن هي تحتاجهم في يوم من الأيام لكن في حدود يعني توصلهم في طريقها ماشي تبدل طريقها كل مرة على جال واحدة منهم

[مناد بوفلجة]

عندها الحق مئة بالمائة

و حتى التبريرات التي قدمتها لك ، هي تبريرات مقنعة و منطقية جداا

و أكيد هي ليست مسؤولة على زوجات الأخرين و هي ضحت بالكثير

و حتى أنها كانت صريحة جدا و هذه خصلة إيجابية

[liyna_24]

ي اختي حقها و هي حرة هي حرمت روحها و تعبت باش جابتها يغيضها الحال كي تولي تخدم شوفور علي الغاشي لي غاضو الحال يروح يدير كيفها يتقشف و يشري طاكسي امالا هوما تاني عندهم ازواجهم خليهم يتقاسموهم معاها كاش واحدة تديها لزوجها حتي هذاك تاني خير الستيرة


عندك الحق اختي
رزقها و يحوسو يشاركوها فيه يخي عباد ؟

[ahlem-86]

عندها الف حق اسمحيلي اختي ولكن من كلامها يتبين انها حرمت روحها من ابسط الاشياء وعرقت عليها يعني تميزرت باه شراتها هي حرة

[baddori]

عندما تعمل المرأة

100/100,,,,,,,,,

[R I A D]

هي حرة في تصرفاتها
و لما لا تسمح لهن بالركوب معها عندها الحق
هي ضحات ووفرت لكي تشتري سيارة و الناس تلومها و تريدها ان تقلهم في طريقها
سلكولها ليسونس و اركبو و لا تعطلت السيارة ساهمو في تصليحها هكا تفوت شوية الحالة
لكن كي ما قالها واحد: ما يطير منهم والو ويحبو يركبوا لالالا

[○•ميسون•○]

سيارتها و هي حرة فيها

[madoucha]

فكرتيني في وحدة خدمت معايا كانت لديها سيارة وكانت احيانا تقل معها بعض الزميلات حتى بداو يبروفيتيو فيها حتى خرجتها طايطاي وقالت لهم انها لن تقل اي منهن هكذا وحدة ما تزعف لان الزميلات كثر و السيارة لن تكفيهم
يا اختي عندها الحق سيارتها ماهيش طرونسبور

[bellaluna]

هي الله يعينها و يعلم بحالها كيفاه شراتها السيارة و كم حرمت نفسها بعد تجي النساء تحاسبها..سبحان الله، لنا مثل شعبي : "ماري و لا تكون حسود" بمعنى حاول أن تنافس و لا تكن حسودا..