اريد رايكم. راني حاصلة

[مشكلتي]

عندي مشكلة حبيت ناخذ رايكم فيها تعيشو خواتاتي جاوبوني بصراحة:

أنا أصغر واحدة في خواتاتي، معناها المدللة تاع الدار، كنت جد متفوقة في دراستي، ماما ما تخليني نخدم والو تقولي

اقراي برك وفعلا يومي كله رايح غير فالقراية والحمد لله أكملت دراستي منذ عامين وأنا أعمل الآن.

لكن مشكلتي هي اني ما نعرفش نطيب. هي في الحقيقة مشي ما نعرف والو لأني غير كيما بديت ندخل للمطبخ وراسي

خفيف معناها كي نحب نتعلم الحاجة نتعلمها بصح الله غالب ماما هي اللي دللتني علجال القراية .

المهم: تقدم لخطبتي الكثير وفي كل مرة ارفض علجال هذه السبة، لكن كثرو الخطابة وكي وليت ما نقبلش ولاو يقولو

راهي تستنا في واحد وانا جامي عرفت في حياتي راجل. حاليا يخطب فيا انسان لا باس بيه وما نيش حابة نضيعو من

يدي.

قولولي ربي يجازيكم اذا نقبل ونحاول نتعلم في فترة الخطوبة ؟ ولا هذه المدة ما تكفيش باش نتعلم؟ والله غير راني

مرعوووبة من المسؤولية؟ والله غير مرات نقول لوكان غير ما قريتش وتعلمت خدمت الدار
.
المهم اعطوني رايكم بصراحة تعيشو راني في حالة.

[maria mirou]

اختي فكرتيني في روحي كي كنت صغيرة كانت ماما متخلينيش نخد م تقلي اقراي برك وكي كملت قرايتي وبديت نخدم تقدم لي زوجي باش يخطبني احسيت بنفس الاحساس تاعك وصارحتو بلي اني منعرفش بزاف حوايج وتقبل هو الوضع وتعلمت حوايج في فترة الخطوبة وحوايج بعد الزواج و ساعات كي نطيب حوايج يقلي زوجي ماكانش منها متعرفيش
الان عندي 15 سنة زواج و3 اولاد و نضحك على روحي كي نتفكر هذيك المرحلة

[yousra14]

السلام عليكم
صحيح الزواج مسؤولية كبيرة ولكن ليس من ناحية الطبخ فقط .
بل في أمور كثيرة منها حسن معاشرة الزوج وأهله وحسن تربية الأبناء مستقبلا ...
الطبخ أحد المسؤوليات في أيّ وقت قادرة تتعلّميه ركّزي جيّدا مع والدتك أو مع حماتك وهي تطبخ واسألي ولا تتكبري عن السؤال والكل مهما تعلّمنا بعد الزواج ازددنا تعلّما لأننا وُضعنا أمام الأمر الواقع ..
والحمد لله كل الوسائل متوفّرة منها القنوات التلفزيونية والكتب المتنوّعة وبكلّ اللغات وإنّي جدّ متأكّدة أنّك ستونين طباخة مااااهرة في المستقبل وأكلك راح يعجب زوجك وأولادك .
المهم اقبلي بهذا الخاطب وتوكّلي على الله ورب يقدّملك إلي فيها الخير لك والسلام عليكم

[نور الناجحة]

شوفي طاطا انا في عمري 14 سنة نورمال نطيب قااااع لحوايج
وانا طباخة ماهرة وانا ديما نطيب في الويكاند ولا في لفاكونس
وكي تكون معندديش قراية ياسر نطيب ثانيك انا نموت على الطياب
انا ننصحك اتعلمي
خاصة الاطباق الصعيبة الشوي و التقليدية نتاع بلدتكم وكذلك الي يحبهم الي راح يخطبك باه ترضيه وتكوني شاطرة
تقبلي نصيحتي طاطا
ربي يوفقك ويصلحلك ويهنيك ويخليك ويحفضك

[sarl02]

شوفي طاطا انا في عمري 14 سنة نورمال نطيب قااااع لحوايج
وانا طباخة ماهرة وانا ديما نطيب في الويكاند ولا في لفاكونس
وكي تكون معندديش قراية ياسر نطيب ثانيك انا نموت على الطياب
انا ننصحك اتعلمي
خاصة الاطباق الصعيبة الشوي و التقليدية نتاع بلدتكم وكذلك الي يحبهم الي راح يخطبك باه ترضيه وتكوني شاطرة
تقبلي نصيحتي طاطا
ربي يوفقك ويصلحلك ويهنيك ويخليك ويحفضك

الله ابارك انت طاطاها ماشي هي طاطاك.

[مواطنة]

لوكان تحطي راسك شهر تتعلمي كل الاساسيات و زيدي دخلي مركز

[جويرية الإيمان]

نقلك حاجة ممكن تفرحك

الطبخ لا تتعلمه النساء بل هو طبع فيها

نعم طبع مثل الغضب مثل الطيبة مثل جميع الطباع

يعني ما تخافيش أبدا من دخول المطبخ كل ما عليك معرفته هو أساسيات الطبخ

و فترة الخطبة أكثر من كافية للتعلم و زيد إشري كتب الطبخ راه فيها كلش .

كاين رجال يحب طعم الأكل و منهم زوجي و لقد حصل موقف طريف من زوجي بمثابة اختبار

لقدراتي في الطبخ :

بعد عودتنا من شهر العسل ذهبت لبيت أبي و بعدها أتى ليأخذني فسألته أمي عن أدوات المطبخ و ووو

فأجبت أنا مازحة سنكتفي بقلي البطاطة و خلاص

و هنا جمد زوجي (حرفيا) و جدمت الإبتسامة في فمه و قد لا حظت ذلك فكان واضحا جدا عليه

و لما سافرنا لبيتنا رأى من طبخي ما لم يكن يتوقع و أصبحت دائما أذكره بتلك اللحظة التي جمد فيها و صرنا نضحك عليها .

شوفي يا أختي الطبخ (نَفَس) كيما يقولو المصريين و احنا نقولو الطبخ (إيدين)

كاينة لي طيب باللحم و الدجاج و أطباق في الفرن و لكن ما تعودش فيها بنّة

و كاين لي طيب شكشوكة فقط و تجي روعة في البنة .

أساسيات الطبخ ساهلة (ابتدأ الدرس إنتباه هههه )

يقطع البصل رقيق و يقلى في شوي زيت حتى يذبل و بعدها نضيف الثوم
و الثوم يحترق بسرعة أكثر من البصل و ممكن نضيفو في وسط المرق

التوابل : كاين توابل تضاف للمرقة الحمرة و كاين لي تضاف للمرقة البيضة

و من الأحسن الواحد ما يكثرش من التوابل .
توابل المرقة الحمرة : كزبر مرحي +بسباس مرحي+قرفة+فلفل أسود
و كاين توابل أخرى مثل : الكروية+حبة الطيبة+جوزة الطيب+كمون......
توابل المرقة البيضة:
زعفران +كمون إذا درتي الحمص +فلفل أسود +كروية +شوي كزبر

هاذي الأساسيات

أما الوصفات فأمك ربي يطول في عمرها و يحفظها أكيد رايحة تقوم بالواجب

و ثاني زيارة إلى قسم الطبخ و لن تخرجي منه أبدا ههههههه

إن شاء الله نكون افدتك و لو بالقليل .

[السيدة كرمين]

السلام عليكم
صحيح الزواج مسؤولية كبيرة ولكن ليس من ناحية الطبخ فقط .
بل في أمور كثيرة منها حسن معاشرة الزوج وأهله وحسن تربية الأبناء مستقبلا ...
الطبخ أحد المسؤوليات في أيّ وقت قادرة تتعلّميه ركّزي جيّدا مع والدتك أو مع حماتك وهي تطبخ واسألي ولا تتكبري عن السؤال والكل مهما تعلّمنا بعد الزواج ازددنا تعلّما لأننا وُضعنا أمام الأمر الواقع ..
والحمد لله كل الوسائل متوفّرة منها القنوات التلفزيونية والكتب المتنوّعة وبكلّ اللغات وإنّي جدّ متأكّدة أنّك ستونين طباخة مااااهرة في المستقبل وأكلك راح يعجب زوجك وأولادك .
المهم اقبلي بهذا الخاطب وتوكّلي على الله ورب يقدّملك إلي فيها الخير لك والسلام عليكم


أقدر أنك تفهمين جيدا معنى الزواج فهو مسؤولية كما ذكرت الأخت يسرى فكلامها شافي ووافي وما تعتقدينه مشكلة ليس بالقدر الذي صورتيه لأنها محلولة كما قالت بفضل الكتب و النت وهنا في هذا المنتدى كاين أخوات ما شاء الله و ربي يحفظ الوالدة إسأليها وصدقي أنه مهما بلغت الواحدة منا من مهارة إلا أننا كل يوم نتعلم شئ

كلامك درر يا يسرى بوركتي

ربي يسعدكما

[السيدة كرمين]

نقلك حاجة ممكن تفرحك

الطبخ لا تتعلمه النساء بل هو طبع فيها

نعم طبع مثل الغضب مثل الطيبة مثل جميع الطباع

يعني ما تخافيش أبدا من دخول المطبخ كل ما عليك معرفته هو أساسيات الطبخ

و فترة الخطبة أكثر من كافية للتعلم و زيد إشري كتب الطبخ راه فيها كلش .

كاين رجال يحب طعم الأكل و منهم زوجي و لقد حصل موقف طريف من زوجي بمثابة اختبار

لقدراتي في الطبخ :

بعد عودتنا من شهر العسل ذهبت لبيت أبي و بعدها أتى ليأخذني فسألته أمي عن أدوات المطبخ و ووو

فأجبت أنا مازحة سنكتفي بقلي البطاطة و خلاص

و هنا جمد زوجي (حرفيا) و جدمت الإبتسامة في فمه و قد لا حظت ذلك فكان واضحا جدا عليه

و لما سافرنا لبيتنا رأى من طبخي ما لم يكن يتوقع و أصبحت دائما أذكره بتلك اللحظة التي جمد فيها و صرنا نضحك عليها .

شوفي يا أختي الطبخ (نَفَس) كيما يقولو المصريين و احنا نقولو الطبخ (إيدين)

كاينة لي طيب باللحم و الدجاج و أطباق في الفرن و لكن ما تعودش فيها بنّة

و كاين لي طيب شكشوكة فقط و تجي روعة في البنة .

أساسيات الطبخ ساهلة (ابتدأ الدرس إنتباه هههه )

يقطع البصل رقيق و يقلى في شوي زيت حتى يذبل و بعدها نضيف الثوم
و الثوم يحترق بسرعة أكثر من البصل و ممكن نضيفو في وسط المرق

التوابل : كاين توابل تضاف للمرقة الحمرة و كاين لي تضاف للمرقة البيضة

و من الأحسن الواحد ما يكثرش من التوابل .
توابل المرقة الحمرة : كزبر مرحي +بسباس مرحي+قرفة+فلفل أسود
و كاين توابل أخرى مثل : الكروية+حبة الطيبة+جوزة الطيب+كمون......
توابل المرقة البيضة:
زعفران +كمون إذا درتي الحمص +فلفل أسود +كروية +شوي كزبر

هاذي الأساسيات

أما الوصفات فأمك ربي يطول في عمرها و يحفظها أكيد رايحة تقوم بالواجب

و ثاني زيارة إلى قسم الطبخ و لن تخرجي منه أبدا ههههههه

إن شاء الله نكون افدتك و لو بالقليل .


أطلب من المشرفين نقل الرد لقسم الطبخ:1:
طبعا أمزح:D
وشي هذا ختي جويرية وين كنتي مخبية لازم نجي نعمل عندك دورة متغليهاش علينا برك:1::sdf::19:;)
يعطيك الصحة على الرد ربي يحفظ زوجك وعائلتك

[السيدة كرمين]

شوفي طاطا انا في عمري 14 سنة نورمال نطيب قااااع لحوايج
وانا طباخة ماهرة وانا ديما نطيب في الويكاند ولا في لفاكونس
وكي تكون معندديش قراية ياسر نطيب ثانيك انا نموت على الطياب
انا ننصحك اتعلمي
خاصة الاطباق الصعيبة الشوي و التقليدية نتاع بلدتكم وكذلك الي يحبهم الي راح يخطبك باه ترضيه وتكوني شاطرة
تقبلي نصيحتي طاطا
ربي يوفقك ويصلحلك ويهنيك ويخليك ويحفضك

ردك رائع و الأروع منه توقيعك
:19::19::19:

[محمد جديدي التبسي]

الطبخ ليس علوم دقيقة والرجل يحب أن تكون زوجته ماهرة في الطبخ لكن الأهم من ذلك أن تكون له مطيعة
ربي يوفقك حاولي تجعلي نيتك في تعلم الطبخ إرضاء لزوجك وطاعة له لتؤجري على نيتك

[*رتاج الكعبة*]

اختي مدة مابين الخطوبة والزواج كافية جدا باش تتعلمي الاطباق الرئيسية والحمد لله كل شي راه كاين هنا في قسم الطبخ حتى البطاطا يعلموك كيفاش تقليها ..المهم تكون عندك ارادة باش تتعلمي وكلشي راه ساهل
ماعليك غير الاستخارة والتوكل على الله..
بالتوفيق

[imene12]

مسؤولية الزواج لا تكمن فقط في الطبخ أختي الفاضلة.... و إنما في أمور أخرى كثيرة بالإضافة لأمور البيت... هذه الأخيرة تستطيعين التعود عليها من الآن... تعملي من والدتك و ابحثي في النت فالمنتدى مثلا فيه من الوصفات الرائعة و المجربة .. توكلي على الله و راح تتعلمي في فترة الخطوية و بعد الزواج إن شاء الله.. و كل يوم الإنسان يتعلم الجديد.

[جويرية الإيمان]

شكرا لك السيدة كارمن على ردك على موضوعي و ربي يحفظك و يبارك فيك

إذا ما شفتيش موضوعي نتاع عرضتي لدار شيخي ماعندك ما شفتي من طبخي هههههه

[نجوى لحلوة]

ماكانش لي خلق معلم بصح حنونة باه تتعلمي لازم انتي بعد تكوني حابة تتعلمي واسهل حاجة هي الطياب يا بنتي بصح المهم لازم تتعلمي الاساسيات

[naamane3]

(راسي خفيف معناها كي نحب نتعلم الحاجة نتعلمها)
اقد عرفت حلك لوحدك اقبلي بالزوج وتعلمي امور بيتك

[السيدة كرمين]

شكرا لك السيدة كارمن على ردك على موضوعي و ربي يحفظك و يبارك فيك

إذا ما شفتيش موضوعي نتاع عرضتي لدار شيخي ماعندك ما شفتي من طبخي هههههه

شفتي اعراض الزهايمر :confused::rolleyes::sdf::1:
تعرفي الطفلة هاذي لازم نعملولها موضوع صحيح
وما تخرج من المنتدى غير كل صبع بصنعة
وربي يعينها ويعينا :19:

[سمية محمد عطية]

السلام عليكم
احيي فيك روح المسؤولية ومادام هدا الشيء راكي تملكيه الامر راه بسيط جدا الطبخ ساهل ماهل المهم تتعلمي الاطباق الاساسية مثل الشوربة انتاع لفريك وطريقة عمل الكسكس الخ تنسايش تتعلمي خطوات التحضير لعزومة او الضياف واشهر فيها كفاية المهم نيتك الصافية بلا ما نطول الاخوات راهم وفاو

[sara160349]

و الله ضحكتيني فكرتيني في روحي انا تاني الصغيرة تاع خواتاتي المهم ما نعرف غير البطاطا المقلية و بيري بصح قلت لزوجي و هو قلي مع الوقت تتعلمي نشفي اول عشاء درتو هو الروز:confused::confused: و التيليفونات تتخابط عيطت لناسي كامل و صحاباتي المهم كل خطوة بالتيليفون:sdf::sdf: و الله مسخرة المهم مع منتديات الجلفة و فتافيت الحمد لله ولييت شاطرة:19::19::19: و القاطوات اشكال الوان المهم الي كنتي وحدك نقدري تتعلمي و واحد ما يعلق عليك لكن مع العايلة لازم جي مليحة من المرة الاولة :cool:

[khawlita.dz]

ليست بالعلم الدقيق يا اختى
لا يوجد شىء لا تستطعين تعلمه
ابدئى بالاطلاع هنا وهناك والتطبيق و سترين انك ستنجحين بمدة وجيزة
ليست ابدا بالمشكلة
بالتوفيق

[بهجة الدنيا]

ana ngoulak t"almi fi marhalat alkhotouba w matfartich hadel al ragel madirich galta lidaertha ana w tani awiyak trouhi tsaksi ahl raglak 3la haja mata3arfihach rahom yachadouhalak ga" hyatak attention

[hodahodahoda]

يا اختي لماذا تربطي الخطوبة بالطياب
يمكنك ان تتعلمي و لو بالدراهم
لا تفوتي الفرصة حاصة اذا جاك شاب في المستوى

[rosa allia]

فترة الخطوبة تكفيك باش تتعلمي

[" أبو عبود"]

هذه ليست مشكلة. تزوجيه على شرط ان يسكن بين مطعمين هههههههه. اعذر اردت ان ابدأ بالمزاح. اختي الفاضلة انا رجل وتعلمت الطبخ في غضون 6 اشهر واستطيع ان اطبخ اي شهي عدا المطلوع لم اجربه اما الباقي كله تعلمته ودون كتب واعد طعاما قد لا تعده الكثير من النساء. توكلي على الله ولا تقلقي الامر بسيط جدا.