ارجوكم ساعدوا صديقتي [الأرشيف] - منتديات الجلفة لكل الجزائريين و العرب

مشاهدة النسخة كاملة : ارجوكم ساعدوا صديقتي

MIMI 2010

2013-12-31, 18:41

صديقتي حابة دير العرس في مارس هي و اخوها مع بعض و كاين ناس قالو لصاحبتي اذا دارت العرس مع اخوها راهي رايحة ما تجيبش اولاد اهل هذا صحيح اذا عملت بنت العرس مع اخوها في نفس الوقت غادي ما تجيبش اولاد ام هي صدفة فكثيرات اعرفهن تزوجن مع اخوتهم في نفس الوقت و ما جابوش اولاد:sdf::sdf:

مراد سابقا2

2013-12-31, 19:05

ههههههههههههههههه

لا حول ولا قوة غلا بالله

Lorena Carmen

2013-12-31, 19:10

هذه مجرد خرافات

Lorena Carmen

2013-12-31, 19:12

نحن مسلمون لا نؤمن بهكذا أشياء

naamane3

2013-12-31, 19:40

اللي تتزوج مع خوها ماتجيبش ولاد
واللي يخدم في عاشوراء يولي يرجف يرتعد
واللي يموت تبقى الروح تاعو فالمطرح اللي مات فيه
واللي يسكر قبل رمضان باربعين يوما يسمى فاطر رمضان
هذه كلها خزعبلات ما أنزل الله بها من سلطان
بارك الله لك ولزوجك وجمع بينكما في خير
وبارك الله لأخيك ولزوجته وجمع بينهما في خير

مواطنة

2013-12-31, 19:41

ماكاينة لا في القران الكريم و لا في السنة هذي مع الاسف خزعبلات مخلفات الجهل و البعد عن المنطق و الدين فقط
الله يسهل لصديقتك و خوها و قوليلها ماتسمعيش لهذا الكلام الفارغلانو كل شي باذن الله تعالى

hodahodahoda

2013-12-31, 20:43

لا اساس لهذا الكلام في ديننا
الغيب يعلمه الله
توكلي على الله

imanewafa

2013-12-31, 22:20

[هاته مجرد خرافات فاخت زوجي و اخوه تزوجا في نفس اليوم وقد رزق كل منهما باولاد و الحمد لله

sarl02

2014-01-01, 01:46

متصرفة ادارية الله ابارك راكي تهدري في هدرة تاع واحد ما قرا ما شاف ..اليوم دخلنا 2014 بصح انت رجعتينا قرن للوراء بهذا المشكل العويص الي راه امحبسلك راسك انت وصحبتك.

ايمان نور الجزائر

2014-01-01, 10:31

ههه اول مرة نسمع هاذ الهدرة
ربي يهدينا خرافات يا ختي....لا اساس لها من الصحة
جارتي واخوهاااا تزوجو في نفس النهار ودوك عندو هو توأم وهي عندها ولد
وبنت عمتي تزوجت هي واخوهااااا اخوهاااا عندو بنت وهيا البارح ولدت بنت

جويرية الإيمان

2014-01-01, 10:35

لا حول و لا قوة إلا بالله

هذا خرافات ناس بكري سببها الجهل .

نعم إنه جهل القرون الماضية ما زال يطل علينا

و المشكل الاكبر انه مازال هناك من هو متؤكد من صحتها

أمي ملي كانت تنسج كانت إذا مات أحد لا تدخل المنسج

و إذا جاء يوم عاشوراء لا تدخل المنسج

و إذا مات أحد(غريب عنا و ليس من العائلة ) تمنعنا من الضحك و من مشاهد التلفزة و تقول (مش مليح)

كل هذا و كما قال الاخ نعمان , سببه الجهل

قولي لصديقتك لو كتب الله عليها العقم فلن تنجب مهما فعلت

و إن أراد لها الذرية فهو الرزاق الكريم
"" لِّلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَن يَشَاءُ إِنَاثًا وَيَهَبُ لِمَن يَشَاءُ الذُّكُورَ
أَوْ يُزَوِّجُهُمْ ذُكْرَانًا وَإِنَاثًا ۖ وَيَجْعَلُ مَن يَشَاءُ عَقِيمًا ۚ إِنَّهُ عَلِيمٌ قَدِيرٌ ""

سعاذ

2014-01-01, 19:07

السلام عليكم
هذي راهي غير خرفات
وحاجا لي كتبها رب تصرى تصرى
و على عموم عندي ولد عمي تزوج هو و اختوا في نفس اليوم
و ذوك و حمد الله في زوج عندهم لولاد هو بنت و هي ولد ما شاء الله عليهم
المهم ربي يهنيها و يهني خوها يا رب
دمتم في رعاية الله و حفظه

كلنا راحلون

2014-01-03, 01:03

ههههههههههه خرافات المرحومة جدتي وقصص الغولة

○•ميسون•○

2014-01-03, 15:49

مجرد خرافات فقط

tuba21

2014-01-04, 17:16

يا اختي هاتة مجرد تراهات و خرافات لا اساس لها من الصحة !!

والله نتعجب لما نشوف ناس يتكلمو ويؤمنو بهكدا امور !!!!!!

بنت غليزان

2014-01-04, 17:54

ههههههههههههه ضحكتيني مازال كاين ناس يخمو كيما هاك ياخي جهلا هنا

فخورة بحجابي

2014-01-05, 14:24

هذا تطير ولكن من الاحسن انها ماديرش عرسها مع اخوها حنا عندنا نقولو كل واحد وفرحو حتى وان كانت الحالة المادية متعسرة تدير حاجة خفيفة تشفى عليها

manelmsilia

2014-01-05, 15:13

فانيسا

2014-01-05, 16:23

انا جامي سمعت بيها لكن كاين ناس ايخافو العين

bent bladi

2014-01-05, 16:28

يا لطيف واش هاد الخرافات الاولاد حاجة بيد ربي سبحانه
بنت عمتي دارت عرس مع خوها عادي و راهي دوكا بالحمل في الشهر الثاني

محمد جديدي التبسي

2014-01-05, 16:38

صديق تزوج مع أخته في نفس العام فرزقت هي بتوأم ذكر وهو رزق ببنت في عامهم الأول
ارتقوا وتعلموا دينكم يرحم والديكم

tatadamizour

2014-01-05, 16:41

قولي لصديقتك تكون مهنية عمتي ارملة و دارت عرس واحد دخلت و خرجت عروسة و اليوم الحمد الله بين زوج عندهم دراري

mira mira02

2014-01-08, 10:52

ربي يهديك ياالمتصرفة
تقول ماقريتي ما شفتي
والله تقول جداتي ربي يرحمها راهي تهدر

bellaluna

2014-01-10, 18:28

الذرّية رزق من الله يهبها لمن يشاء سواء تزوجت وحدها أو مع قبيلة كاملة..