80 لغز تفضلوا

[رزق الله رزان]

السلام عليكم جبت لكم 80 لغز رووعة بالاشعار وصعاب كثير مع الحلول منقول للافادة :
اللغز الاول


انشدك وش رجلاً تزوج له مـره
لكنها ماتت علـى السنـه معـه
تنفيذ لامر المملك اللـي صـدره
ماتوا بضغط وضيق من بعد السعه

الحل
المسمار والصاموله

[رزق الله رزان]

اللغز الثاني

انشدك وش ورعاً سكن في بطن ابوه
والابو تقديـره علـى شـان ولـده
لولا ولده كـان الاوادم مـا خـذوه
وان مات عنه الورع مافـاد وحـده

الحل
القلم والحبر

[رزق الله رزان]

اللغز الثالث

انشدك وش رجلاً تعلـى مكانـه
يجلس مجاليسٍ ماغيره جلسهـا
الرجل اصم ابكم مايهرج لسانـه
ويدعس على قمه ماغيره دعسها



الحل
العقال

[رزق الله رزان]

اللغز الرابع

ويش رجلاً كل ماشاف المره يفصخ عباته
ويتسلقى قدمها عجزان يستخدم سلاحـه
والمره لاشافته مـدت مخالبهـا وجاتـه
تضربه ضربه ما يسعد لامساه ولا صباحه

الحل
القنفذ وطائر الرخمه

[رزق الله رزان]

اللغز الخامس

ياويش بنتٍ تقف في جنب ابوها
وتشيل فوق متونها ورع صياح
لاهو ولدها لا ولا هوب اخوهـا
لكن جابه حضها لجـل ترتـاح
ترتاح من رجلاً لاجله اوجدوها
رجلاً ليامنه ركب فوقها صـاح

الحل
المئذنه والمسجد والمكرفون والمؤذن

[رزق الله رزان]

اللغز السادس

ويش بنتٍ توريك الخطا والصواب
ما تجامل كبير ولا تجامل صغيـر
لاتقدم سؤال ولا تخفـي جـواب
وان بغيت الخبر منها تجيها مغير

الحل
المرآة

[رزق الله رزان]

اللغز السابع

انشدك وش ورعاً يحافض على امه
يشري سلامتهـا بغالـي حياتـه
لو مات لجل عيونهـا مـا يهمـه
واحيات تضحيتـه تسبـب وفاتـه

الحل
صدام السياره الامامي

[رزق الله رزان]

اللغز الثامن

انا بانشدك وش سبعاً عظيمات
ولا هن خلـق رب العالمينـي
ولا من صنع عشاق الصناعات
عطونـي حلهـن يافاهمينـي

الحل
السبع المثاني (سورة الفاتحه)

[رزق الله رزان]

اللغز التاسع

اسالك وش مئة رجال جمله كونـوا رجـال
ولا يكمل اذا كان العدد ناقص عـن الميـه
لهم فضلً على بعض البشر في اغلب الاحوال
لا لاهم ضاع حق الناس بيديـن الحراميـه



الحل
سانتيات المتر

[رزق الله رزان]

اللغز العاشر

انشدك وش بنتين في داخل ولد
يمشن بعض احيان ولا هو بدا
ولهن ولد لادرجـاً درج بعـد
وان وقفن وقف ولو طال المدى



الحل
مكرات الشريط

[رزق الله رزان]

اللغز العاشر

انشدك وش بنتين في داخل ولد
يمشن بعض احيان ولا هو بدا
ولهن ولد لادرجـاً درج بعـد
وان وقفن وقف ولو طال المدى



الحل
مكرات الشريط

[رزق الله رزان]

اللغز الحادي عشر

انشدك وش رجلاً بعيد المراميس
في ثانيه يوصلك لابعـد مكانـي
بنته تود العلم خلف الكواليـس
مامونةٍ باسرار قاصـي ودانـي

الحل
التلفون وسماعته

[رزق الله رزان]

اللغز الثاني عشر

انشدك وش رجال بالطيب موصوف
يركب على بنـتٍ تغربـل حياتـه
البنت منها الخير والشر والخـوف
اما الرجل نفعـه بلحظـة وفاتـه



الحل
عود الطيب والجمره

[رزق الله رزان]

اللغز الثالث عشر

انشدك وش بنتٍ فعايلها تـروع الغافليـن
كم من بيوتٍ عامره صارت سبب في هدها
ماجابها الا واحداً ماخـاف رب العالميـن
لو كان يعرف فعلها قـدام تطلـع ردهـا



الحل
اليمين الغموس

[رزق الله رزان]

اللغز الرابع عشر

ياويش بنتٍ تقف في راس رجـال
تشيل منتوجه لمخلـوق ثـا نـي
البنت والرجال مـن عالـم الحـال
رحمه على المخلوق واظمن ضماني



الحل
حلمة الديد

[رزق الله رزان]

اللغز الخامس عشر

ابا انشدك عن ورع في بطن شايب
الورع بنتـه واقفـه بيـن فكيـه
بنتٍ صغيره في عملهـا عجايـب
لولا عملها جدهـا ضـاع مافيـه

الحل
ابرة بلف الكفر

[رزق الله رزان]

اللغز السادس عشر

ابا انشدك وش رجل مسجون في بنت
والبنت يركب فوقهـا رجـل ثانـي
وبنتٍ صغيره فعلهـا مـوت لاهنـت
تقضي على رجلينهـا فـي ثوانـي

الحل
البارود والعبرود والرصاصه والقمعه

[رزق الله رزان]

اللغز السابع عشر

يالربع انا احترت في مخلوق ياكافي
شفته بعيني واعرفه مـا تعرفونـه
واقف مكانه وماشي بيـن وخافـي
واحيان تستعملونه مـا تشوفونـه

الحل
الماء

[رزق الله رزان]

اللغز الثامن عشر

انشدكم وش بنت تحمل في حشاها صبي
صبي لياغاب ولا مـات عنهـا تمـوت
حسب اعتقادي ماعاشت في زمان النبي
واليوم ماتغتني عنهـا بكـل الوقـوت

الحل
الساعه وحجارها

[رزق الله رزان]

للغز التاسع عشر

ابا انشدك وش بنت دايم على الباب
ماجالها مـن زاد تعطيـه ابوهـا
ان زوودت في الزاد للعود ماثـاب
وان نقصت توفيرها جوف اخوهـا

الحل
عوامة الكربريتر

[رزق الله رزان]

اللغز العشرين

انشدك وش رجل بطنه فيه عدة بنات
سبع لادققت صارن ست علماً صحيح
الرجل طيب وهن بطيبهـن فارقـات
وش حلهن علموني باللسان الفصيح

الحل
العلم السعودي وكلمات التوحيد المكتوبه عليه

[رزق الله رزان]

اللغز الحادي والعشرون

انشدك وش ورعاً سكن داخل امه
في بطنها متجـوداً فـي جسدهـا
ان عاش جاب العلم من راس عمه
وامـه تمـوت اذا توفـى ولدهـا

الحل
قلب اللمبه

[رزق الله رزان]

اللغز الثاني والعشرين

ابا انشد اصحابنا وش بنت موجوده
ورجالها فوقها تحفـض توازنهـا
لو لا رياجيلهـا بالشـر موعـوده
سبحان خلاق كل ارجالهـا منهـا

الحل
الارض والجبال

[رزق الله رزان]

اللغز الثالث والعشرين

ياويش بنتٍ ثلاثـه ضمـن تكوينهـا
رجلين والثالثه بنـتٍ علـى الكـلام
وان جت لها مع بناتٍ دينهن دينهـا
قامن على كيف راعيهن وصارن غلام

الحل
البلكه مكونه من الما والاسمنت والبطحاء

[رزق الله رزان]

اللغز الرابع والعشرين

ويش الثنين اللي على القلب غالين
واحيان تكسب من وراهم مضـره
اما يصدونك عن العـدل والديـن
ولا من اصحابك وربعـك تشـره

الحل
المال والبنون

[رزق الله رزان]

اللغز الخامس والعشرين

انشدك وش رجل يتكلم بسبع اللغـات
العلم علمه لكن الصوت ماهوب الـه
رجلٍ لياجاب علم يصير علمـه ثبـات
من طيبه اطيب رجل من يوم جاه انقله

الحل
القرآن الكريم انزل على سبعه احرف واطيب رجل الرسول عليه الصلاة والسلام

[رزق الله رزان]

اللغز السادس والعشرين

انشدك عن رجل فيه الشر والخير
متغتنـي عنـه لـو ودك تغانـا
الله من يوم رحنا لـه مداويـر
والله من يـوم ماجينـاه جانـا

الحل
الماء

[رزق الله رزان]

اللغز السابع والعشرين

انشدك وش رجل إيتزوج ميته
في داخل امه ينسدح ويلفهـا
ماهيب من شكله ولا جنسيته
واللف لاشفه ولا هو شفهـا

الحل
صيخ الشوايه والدجاجه

[رزق الله رزان]

اللغز الثامن والعشرين

انشد اهل المعرفه والعقول البصيره
الرجال الذي دائم بعيـداً نظرهـا
ويش بنتٍ صغيره فوق بنتٍ كبيره
والصغيره تشيل عيالها في ظهرها

الحل
لوحة مسافات البندقيه

[رزق الله رزان]

اللغز التاسع والعشرين

يا ويش بنت توقف بين بنت وصبي
البنت ذيك امها والورع ابن عمهـا
تشرب ماتاكل لكن مافادها مشربي
وان كان ماتت يلوع الحر قلب امها

الحل
طرمبة الماء بين الماكينه والراديتر

[رزق الله رزان]

اللغز الثلاثين

بانشدك وش بنت في مشيها تذبح بنات
بعضهن يذبح بسنه لكـن البعـض لا
يالله اثبتنا على سنـة الهـادي ثبـات
يا عظيم وياكريمٍ على العـرش اعتـلا

الحل
ماكينة الحلاقه

[رزق الله رزان]

اللغز الحادي والثلاثين

انشدك وش شايبٍ ماحداً كشف غيبه
لكن وضعه كما قالوا ماهـو عـادي
جيت اخبر الناس لين الناس تدريبه
من راحله يا جماعة خير ماعـادي

الحل
مثلث برمودا

[رزق الله رزان]

اللغز الثاني والثلاثين

ابا انشدك وش ورع موجود في بنت
بنتٍ تعيش سنين لـو مالهـا روح
يافاهم الالغاز ابا اخبـرك لاهنـت
لولا الولد ماصار للبنـت مصلـوح

الحل
معنى القصيدة

[رزق الله رزان]

اللغز الثالث والثلاثين

ابا انشدك وش بنت في بطنها بنت
والبنت الاولى احسن من اللي وراها
بنات رجـلٍ جابتـه بنـت لاهنـت
راسه يبين وموخره فـي حشاهـا

الحل
التمره والعجمه والعذق او القنوا والنخله

[رزق الله رزان]

اللغز الرابع والثلاثين

بانشدك ياللي فاهمن كل الدعـاوي والعلـوم
يالصاحب اللي كل ماجتـك العـوم تضمهـا
وش بنت في جنب امها ترقد ولا تقضي لزوم
الا تـرد الـورع لايطلـع ليـا جـا فامهـا

الحل
طبة الما جنب مكينة السياره

[رزق الله رزان]

اللغز الخامس والثلاثين

سويت لغز وجيت اشارك به كريميـن السبـال
يا مهونه يـا مصعبـه حلـوه قـدام ارفعـه
وش رجل ما يمشي يمشى وان مشا بين الرجال
يلمس خشوم القوم بذراعه مـا واحـد يمنعـه

الحل
شاكوش بلاتين السياره

[رزق الله رزان]

اللغز السادس والثلاثين

ابا انشدك وش بنت يحملها رجل وقت القتـال
ولا تسـره غيـر لامـن المصايـب صابتـه
واحيان تنفع بعد موت الرجل في بعض الحوال
تجيـب علـم ولا تغيـر علمهـا لاجابـتـه

الحل
لوحة العسكري المعدنيه التي تحمل فصيلة دمه واسمه ووحدته
ولا تستخدم الا في وقت الحرب

[رزق الله رزان]

اللغز السابع والثلاثين

وش ورع يركب مركبه جنب رجال
والورع لـه ورعٍ مكانـه يشـده
تلقى سميه عند ماضيـن الافعـال
اهـل العلـوم الاولـه والاشـده

الحل
الزمام

[رزق الله رزان]

اللغز الثامن والثلاثين

اليوم جيت انشد محبيـن الالغـاز
وش بنت تازن وزن عشره رياجيل
موجودةٍ في رجل والرجل ممتـاز
قولٍ صحيح ولا يجي فيه تظليـل
ماهيب صنع انسان في صنعها فاز
ولا هيب خلق منزل الذكر تنزيـل

الحل
سورة الاخلاص في القرآن تعادل ثلث القرآن والقرآن ثلاثين جزء

[رزق الله رزان]

اللغز التاسع والثلاثين

ابا انشدك وش رجلاً اوجيهه ثنين
والثاني الغا الاول اللي بـه بـدا
اهدافهم وحده على تقـوا وديـن
واللي تبعهم في حياتـه ماغـدا

الحل
مسجد القبلتين في المدينه له منبرين
واحد اتجاه القدس والاخر اتجاه مكه

[رزق الله رزان]

اللغز الاربعين

انشدك وش رجل لامنه طعن فاحدا جنوبه
ما يطيب الا ليامنـه تـزوج لـه بنيـه
ايتزوجها وهو مغصوب والبنت مغصوبه
غاصبتهم بنت لاترحم لاورع ولا صبيـه

الحل
اللستك والرقعه والنار

[رزق الله رزان]

اللغز الحادي والاربعين

انشدك وش بنتٍ تجي بين رجلين
تـرد هـذا لايلامـس لـهـاذا
بنتٍ فصيلتها تبع لاحدا الاثنيـن
جت بين الاثنين اخبروني لمـاذا

الحل
طريقة بيت الشعر بين البيت والعمود

[رزق الله رزان]

اللغز الثاني والاربعين

ياويش رجال اتهموه بقضيـه
قالوا عمل حاجه وهو ماعملها
خطيةٍ ياكبرهـا مـن خطيـه
كلٍ سمع فيهـا وكـلٍ نقلهـا

الحل
ذيب يوسف

[رزق الله رزان]

اللغز الثالث والاربعين

انشدك وش بنتين يحكمهن رجل
والرجل محكومٍ عليه من البشر
الرجل ما يمشي بطي ولا عجل
وله عين وحده مير مافيها بصر

الحل
البرواز والصورة والقزازه

[رزق الله رزان]

اللغز الرابع والاربعين

انشدك وش رجل طيب والعباد يحاربونه
العباد يحاربونه والبشر تشهـد بطيبـه
كل ما شافوه مقبل دون شفه يمنعونـه
\ الله اكبر يازماناً غربله واردا نصيبـه

الحل
الذيب

[رزق الله رزان]

اللغز الخامس والاربعين

وش رجل له راسين مايشرب ولا ياكل طعام
وبنته مخاويته على عسر السنيـن ولينهـا
بنتٍ وبوها مايعرفون الحلال مـن الحـرام
لكن لهم نفعـه لمـن يحتاجهـا يازينهـا

الحل
المنقاش وابرته

[رزق الله رزان]

اللغز السادس والاربعين

انشدك وش رجل يرقد بين بنتين
هذي يجي فوقها وهاذيك فوقـه
واذا انتهى لازمه شالوه بهوين
واحيان يرمون به رمياً يعوقـه

الحل
الكربون والورق

[رزق الله رزان]

اللغز السابع والاربعين

انا بانشدك وش رجال واقف له سنين طوال
بلاه الله ببنتٍ عانقـت لـه لـو مايبغاهـا
مشت وسطه ونامت نومةٍ ما بعدها ترحال
وصار الرجل ما يقبـل ولا يقفـي بلياهـا

الحل
شلفا باب المصمك

[رزق الله رزان]

اللغز الثامن والاربعين

ياللي تعرف السالفه لو تجي نكس
ياللي وليك من عما الراي منقـذك
ابا انشدك وش بنت تاخذك بالعكس
ماتاخذك لكـن بالعكـس تاخـذك

الحل
كاميرا التصوير

[رزق الله رزان]

اللغز التاسع والاربعين

انشدك وش رجلٍ لامنـك خذيتـه
عرضت نفسك للصواديف والموت
اما خذيـت المـوت ولا عطيتـه
ولا يجي في العلم شامت ومشموت

الحل
فنجال الفارس

[رزق الله رزان]

اللغز الخمسين

ابا انشدك وش بنت تركب على بنت
للبنت شكل ولاختهـا شكـل ثانـي
عاشن بداخل رجل لوبـه تمعنـت
ماعاش مـن دونـه ولا مودمانـي
تفاوتن في الحجم والشكـل لاهنـت
وش حلهـن يافاهميـن المعـانـي

الحل
الكبد والمراره والبطن

[رزق الله رزان]

اللغز الواحد والخمسين

انا بانشدك وش بنتٍ ولدها فوقها محمول
ولولا ورعها حسب اعتقادي مالها داعي
ولدها لالقاله شي عنه يعلـم المسئـول
ولا ياكل ولا يشرب ولا يضما ولا جاعي

الحل
طائرة الانذار المبكر الاوكس
ورادارها

[رزق الله رزان]

اللغز الثاني والخمسين



انا بانشدك وش رجلٍ عطاه الله ثناعشر عين
لكنه ما يشوف ابها وهذي حمكـة الوالـي
اباك تجيب حل اللغز ذلحينه ماهـو بعديـن
مادام اني شرحت اللغز لك ياطيـب الفالـي

الحل
عيون حجر موسى عليه وعلى نبينا السلام

[رزق الله رزان]

اللغز الثالث والخمسين

انشدك وش بنتٍ على الارض نامت
من شان رجالٍ على اسمه تسمـى
رجلٍ معه عميان الاريـا تحامـت
لكن ماتـوا وامرهـم ماستتمـى



الحل سكة الفيل

[رزق الله رزان]

اللغز الرابع والخمسين

ياوسيعين المعرفه علموني ويش شايب
شال ورعانه على راسه ويطعمهم طعامه
والعيال الهم بناتٍ عند خلق الله حبايـب
علموني ويش حل اللغز يامال السلامـه



الحل
عذق النخله وعساوته وتمره

[رزق الله رزان]

اللغز الخامس والخمسين

وش بنت في وجهها تبدوء لك الراحه
وعيالهـا قدمهـا للكسـب كسابـه
تقفـي وتقبـل ولا تهتـم مرتاحـه
وتاخذ وتعطي ولا تنطـق ولا جابـه



الحل
اليد واصابعها والراحه هي راحة الكف

[رزق الله رزان]

اللغز الخامس والخمسين

وش بنت في وجهها تبدوء لك الراحه
وعيالهـا قدمهـا للكسـب كسابـه
تقفـي وتقبـل ولا تهتـم مرتاحـه
وتاخذ وتعطي ولا تنطـق ولا جابـه



الحل
اليد واصابعها والراحه هي راحة الكف

[رزق الله رزان]

اللغز السادس والخمسين


انا بانشدك وش رجال مع رجال في رجال
وشايبهم يسمى بنت بعض احيان ياكافي
لهم دوراً كبير ولا جهله الا بشر جهـال
يبين العود ويدس العيال بلبسه الضافـي



الحل
المخ والمخيخ والراس او الجمجمه

[رزق الله رزان]

اللغز السابع والخمسين

انشدك وش عود وعياله ثنين ملازمينه
والعيال وعودهم متواجدين برجل ثاني

عودهم عمره مايرقد والجماعه عارفينه
علموني ويش حله ياطويلين اليمانـي



الحل
البطين الايمن والبطين الايسر والقلب والقفص الصدري

[رزق الله رزان]

اللغز الثامن والخمسين

اسالك ويش رجلٍ بالصداقه مضرب الامثال
لو انه مايسولف معك لكن تعرف اعلومه
صحيبٍ ما يمل بصاحبه لو كان وقته طال
لو انه يشغله في صالحه ليله معا يومـه



الحل
الكتاب

[رزق الله رزان]

اللغز التاسع والخمسين

شفت بنت وفيه بنتٍ من وراها
بينهن رجال يدخل مـا يشافـي
تركب الاولى على ذيك تحماها
وشالهن رجال اظن الشرح كافي

الحل
الاذن والطبله

[رزق الله رزان]

اللغز الستين

الا ياللي كلام المعرفه تتعب على شانـه
تشير وراعي العلم الحقيقي تستمع شوره
انا بانشدك وش رجلٍ ببطنه شال ورعانه
ولا يالد بهم حتى يمـوت وينتهـي دوره


الحل
كم عذق النخله

[رزق الله رزان]

اللغز الحادي والستين

انشدك وش رجلٍ عياله ثلاثه
يشيلهم واحجامهم دون حجمه
لكنهم مـا يارثونـه وراثـه
ولا فيه يومٍ وقفوا عنه هجمه




الحل
مخابي الثوب

[رزق الله رزان]

اللغز الثاني والستين

اشوف لي رجال يشتالـه ثنيـن
ينفـذون الامـر لاجاهـم منـه
وان مات منهم واحداً حضه يشين
مافيه شياً يمكن ايعوضـه عنـه



الحل
جنحان الطير

[رزق الله رزان]

اللغز الثالث والستين


اشوف لي بنت تجمع بين رجلين
بمساعـدة ورعهـا ومعاونينـه

وان جت بتمشي ومعها كل الاثنين
واحد من اصحابها يرفـع يدينـه



الحل
رحا التريله والراس والتيدر ومسمار الشبك
ومعاونينه هم ليات الهيدروليك

[رزق الله رزان]

اللغز الرابع والستين

ياويش ورعٍ يمسك امه من يمين ومن يسار
وان فك جانب من جوانبها ولو لحظه تطيح
امه لها دوراً كبيـر بليـل ولا فـي نهـار
من يستطيع يحل لغزي يذكر الحل الصحيح



الحل

صنقل الساعه

[رزق الله رزان]

اللغز الخامس والستين

انا بانشدكم وش عدة رجال يقابلون رجال
عددهم مستوي مافيه لاناقص ولا زايـد
بجمعتهم يحل اشكال واحياناً يحط اشكال
عسى حله عليكم يالنشاما ما يجي كايـد



الحل
سنون المفتاح وسنون الكيلون

[رزق الله رزان]

اللغز السادس والستين

انشدك وش ورعٍ كبيراً راسه
والسن واحد والظهر متلوي
ينقذك من بنتٍ تجي نداسـه
ما ينقذك منها الدفاع الجوي
الحل
المشبك
والبنت الشوكه

[رزق الله رزان]

اللغز السابع والستين

بانشدك ويش بنتٍ عينها مستديره
نايمه بين بنت وبنت نوماً مثالي
هي تستر وهن ما يعرفاً الستيره
دائماً عاريات بشمس ولا ظلالـي

الحل
جلبة اسطوانة الغاز

[رزق الله رزان]

اللغز الثامن والستين

ويش ست اميه مع الفين والف من البنات
لاتكامـل عدهـن شكلـن وحـده مــره
احسبوهن وان حصل في الحساب مغالطات
قولو ان اهروج طامي ماجا فيهـا ثمـره



الحل
ثواني الساعه

[رزق الله رزان]

اللغز التاسع والستين

انشدك وش بنتٍ تدلـك للصـواب
لو كان ماتهرج بـراس السانهـا
ماهيب لاتنشد ولا تعطـي جـواب
لكنهـا تعمـل بامـر عمانـهـا
وان كان ما طعت امرها فكيت باب
للمشكله وامسيـت فـي ميدانهـا



الحل
اشارة المرور

[رزق الله رزان]

اللغز السبعين

ابا انشدكم وش بنت صارت سبب بنت
جتهـا بليـل وهيمنـت وذبحتـهـا
والمجرمه ماتت من اسنيـن لاهنـت
لكـن بـاقـي باقـيـه مشكلتـهـا



الحل
القنبله الذريه ومدينة هيروا شيما

[رزق الله رزان]

اللغز الحادي والسبعين

انشدك وش رجل وقفت فوق راسه مره
مره جمع عمها الازواج فـي جوفهـا
ما جتله امخيره جت صوبه امسيـره
ياطيبها مـن مـره ياكبـر معروفهـا



الحل
سفينة نوح
وجبل الجودي

[رزق الله رزان]

اللغز الثاني والسبعين

ياصاحبي كانك تبى جملة لغوزن شيقـه
بانشدك وش رجال ماله لاشبيه ولا مثيل
دايم وهو يركض ويدخل في مداخل ضيقه
غيره مايدخلها ولو حاول عليها مستحيل



الحل
الدم

[رزق الله رزان]

اللغز الثالث والسبعين

تجمعوا مجموعةٍ كونوا بنـت
بنتٍ تصيح اذا لمسها ولدهـا
تبسطك ياعشاقها كان حزنـت
ياطيبها عندك لاجت في وعدها

الحل
الربابه

[رزق الله رزان]

اللغز الرابع والسبعين

انشدك وش بنت تاخذ زادها من بطن ابوها
زاد ما تاكل منه تعطيـه للـي يطلبونـه
ورعها في جنبها ينقل طلب من عاملوهـا
ما يزين بدونها وهيه ما تقض النوب دونه



الحل
طرمبة محطة البنزين وليها

[رزق الله رزان]

اللغز الخامس والسبعين

ويش رجالٍ عزيز وحاربـوه اخوانـه
نزلوه بوسط بيـراً مبعـده قاعتهـا
واخرجه ربي من البير ورفع له شانه
وارتفع ما حاسب اخوانه على غلطتها

الحل
يوسف عليه وعلى نبينا السلام

[رزق الله رزان]

اللغز السادس والسبعين

ويش بنتٍ ركبوها فوق رجـالاً مثالـي
رجل يدخل في محلاتٍ على غيره صعيبه
رجل يعطيك الاجابه بعد تحديد السؤالي
وهي دليله في المحلات البعيده والقريبه



الحل
لمبة المنظار الطبي

[رزق الله رزان]

اللغز السابع والسبعين

ويش رجلٍ كل ماجالك تمشى مع نظامـه
لين ياخذ منك علمك ثم يروح بما عطيتـه
بعده اما عشت في بسط وفرح ولا ندامـه
هو مايخطي مير ما تزرع مع ايامك جنيته




الحل
الامتحان (الاختبار)

[رزق الله رزان]

اللغز الثامن والسبعين

ويش بنتٍ ما تداني واحداً يلمس ولدها
لالمسته لمس فوق الخد هلت بالعباير
والولد يفقد حياته لو دقيقـه يفتقدهـا
وامه اذا مات ماتت يا نظيفين السراير


الحل
العين وصبيها

[رزق الله رزان]

اللغز التاسع والسبعين

يا ويش بنتٍ واقفه وسط رجال
تشيل ورعٍ دايم الـدوم عـاري
وان عودت للصدق والحق ينقال
مامثلها في مدنها والصحـاري



الحل
الكعبه المشرفه
والحجر الاسود

[رزق الله رزان]

اللغز الثمانين

يا ويش بنتٍ ما تغـادر بلدهـا
لكن بنات البنت في شتى الاقطار
متفرقات وعهدهن من عهدهـا
ويلمهن مع امهن رمز وشعـار

الحل
وزارة الخارجيه وسفاراتها وقنصلياتها
منقول