خطبة

[مشكلتي]

السلام عليكم ورحمة الله وبركاته

تعرفت على فتاة في الانترنيت، وتكلمت معها في الهاتف وقلت لها انني بعد بضعت اشهر ان شاء الله ساتي لخطبتها وعليها انتظاري على ان تقطع الاتصال بيننا لحين موعد الخطبة، فوافقت

سؤالي هو: هل اخبر والدتي الآن على نيتي خطب تلك الفتاة ام انتظر حتي شهر قبل الخطبة علما انه مازال لي ان شاء الله حوالي 10 اشهر قبل الذهاب ان شاء الله لخطبتها
وكيف اقول لي امي انني تعرفت عليها؟؟

بارك الله فيكم

[يونس معبدي]

وعليكم السلام ورحمة الله

وقلت لها انني بعد بضعت اشهر ان شاء الله ساتي لخطبتها وعليها انتظاري
علما انه مازال لي ان شاء الله حوالي 10 اشهر قبل الذهاب ان شاء الله لخطبتها

كيف ستنتظرك ؟
هل سترفض كل من سيتقدم لها مدة عشرة اشهر
المدة طويلة اخي
اذا كنت فعلا ناويها للزواج روح اخطبها اليوم قبل غدوة

[imy21]

10 اشهر يا أخي بزاف اذا صح راك رايدها مت الأفضل تروح تخطبها اليوم قبل غدوة
و عادي تصارح امك و هي في الأخير امك رايحة تحبلك الخير و تفرح لفرحك

[أسومة المتفائلة]

احكي مع الوالدة اليوم قبل غدوة بلاك متتقبلش الفكرة
و10 شهور بزااف

ربي يجيب لي فيه الخير

[aymen01]

تقول ضامن تقعد حي منا ل 10 شهر

تحب اختك تهدر مع راجل و يقلها استناي منا لعام نجي نخطب هذا اذا جا

[سوسو92]

ماكاش حاجة كيما الصراحة صارح امك وروح اخطب خير البر عااااااجله وربي يتمم ليك بالخير

[محمد جديدي التبسي]

راك دير في الحسابات تقول راهي رياضيات 10 أشهر ما أدراك أنه سيتغير وضعك خلال هذه الفترة!
روح اخطب الآن وماراحش تخسر غير خاتم وزوج حبات حلوى لاكثرت 5 ملاين سهلها برك

[عصـــام]

أعرف مجال خوفك أين يكمن ، لكن اقول لك أخي عندك بعض الحلول ، عليك أن تذهب مع والديك لبيت أهلك وتضع " الكلمة " وهي بمعنى بداية مشروع الخطوبة لهذه الفتاة ، ومن ثم بعد 6 أشهر عاود زيارتها للخطوبة ( خاتم 3 ملايين - وحلويات ....1.5 مليون ) . في فترة الخطوبة ستقرر هل تتزوج بها أو تفسخ الخطوبة ، القرار يبقى عندك في فترة الخطوبة على حسب أفكار وأخلاق البنت . الله الموفق .

[قـطر الندى]

خويا اذا علابالك بيلي راح تقبل ويوافقوا والديها روح اخطبها درك احسن من غدوا ماعلابالكش واش مخبي غدوا
ويماك انت اكثر واحد يعرفها اذا راح توافق ولا لا واكيد مش راح ترفض وليدها يتجوز

[houda-21]

توكل على الله وقل لأمك عن هذه الفتاة، وفترة 10 أشهر هي فترة طويلة وقد لا تقبل أمك بعد هذه المدة فتكون الفتاة قد انتظرت وانتظرت دون فائدة وفي الأخير تتأزم الفتاة نفسيا إذا تعلقت بك وبأمل الزواج بك.

[optimism]

السلام عليكم
هذا التشجيع كل من الاعضاء ماتروحش
خسارة عليك

[حبيبة زوجها]

خير البر عاجله ...ادا راك قادر خبر امك واخطب البنت

[mahdi-19]

السلام عليكم
أخي توكل على و اخطبها و خير البر عاجله
بالنسبة لامك اخبرها بالحقيقة و جميع التفاصيل بما ان نيتك صافية
و ربي يسهلك انشاء الله

[amine eco]

شهرين و روح اخطبها قبل ما يطير حمام هههههه.....و منبعد ربي يفرج

قل امك عرفتها في انترنت واش فيها نورمال ......

[amine eco]

شهرين و روح اخطبها قبل ما يطير حمام هههههه.....و منبعد ربي يفرج

قل امك عرفتها في انترنت واش فيها نورمال ......

[safia 35]

الصراحة أولا ثم اذا قبلت أمك بالفكرة ثم توكل على الله وبالتوفيق

[مريم العدراء]

تخطب وحدا تعرفت عليها في الانترنت وهدرت معاها في التلفون وين راك عارفها كي دايرا مشي قصدي الشكل راني نهدر على اخلاقها واهلها وتربببببيتها برغم من انها راهي باينة وحدا تهدر مع واحد في الانترنت وفي التلفون خويا هذا زواج مشي لعب

[مواطنة]

الحقيقة هي ان التعرف من خلال النت عن قصد او دون قصد له اثار كبيرة لانو الانسان يستطيع ان يخفي الكثيير من وراء العالم الافتراضي من حيث الشكل و من حيث المضمون و لكيلا يقع الفرد في ما لا يحمد عقباه و جب التحري على البنت قرب مقر سكنها او دراستها او مكان عملها من جهة يحاول يعرف عموما و من بعد تكونلو فرصة حتى اذا ما شكرها الناس اكيد انو الانسان اذا سال على بنت طبعا بنية التقدم للخطبة يكون ذلك سبب مقنع للاهل قبل ان يعرفها اليهم و ان وجد ان البنت لاباس بيها و بعائلتها و انه احتمال كبير ان تقبل العائلة بها في ذلك الوقت يتوجه الشاب ليتكلم عن اافتاة دون ذكر النت لاي كان لان ذلك سيجلب له بصمة و للفتاة ايضا لاننا نعلم ان النساء قليلا ما يكتمن الاسرار و حفاظا على الفتاة

[mounaminou]

nta sakssi 3liha lyoum kbal ghedwa mli7 mli7 .... w t akkad men tarbyatha mli7 w mbe3d khemmam bah t3ajjal b khotoba ....w mamak akid hdar m3aha w fehhamha w akid tetfahham 3adi