مساعدة في اعداد اطباق بترفاس

[سعاذ]

السلام عليكم
ارجو المساعدة في اعداد اطباق بترفاس
لو سمحتم و سوف اكون شاكرة
دمتم في رعاية الله و حفظه

[amina-31]

حنا نفوروه ولا نغلوه ومن بعد نذبله في شوية زبدة ملح وحرور كحل
ولا نديره مع الجلبان يجي بنين ولا ديريه مع بركوكس تاني ولاتفكرت كنش حاجة نقولك
انا يعجبني مغلي في ماء والملح وصايي
ان شاء الله نكون فدتك شوية

[aya la belle]

صحيح كيما قالت الاخت مع الجلبانة يجى روعة او ديريه بالمرقة البيضاء او حمراء عادى كيما مرقة تع البطاطا ديرى الترفاس وانا نغسلو مليح ونقشرو ونخبيه فى الكونجلاتور لوقت الحاجة اتمنى انى افدتك اختى

[سعاذ]

السلام عليكم
بارك الله فيكم
وجزاكم الله كل خير

[هدى20]

طيبيه في الماء والملح بعد كاتكوني نظفتيه مليح
بعدها تقدري ديريه في مرقة الطعام الحمراء او في البركوكس او في الجلبانة
وفي طاجين الزيتون في بلاصة الفطر
او ديريه جواز وحدو مدبل في زبدة مع بصل وطماطم وثوم وفي الاخير رشة معندوس وقارص ويجي روعة
لكن حبيت نسولك راه واجد درك واش من منطقة

[سعاذ]

ااسلام عليكم
بارك الله فيك
حبيت نسقسي هو يطيب ليهله و لا كيما بطاطا خطر اول مرة ريحا نطيبوا
هو كاين في سطيف

[amina-31]

kima batata maytawelch fi tyab

[amina-31]

hraaaaaaaam 3lik mzya majitch netwaham ghayertini bzzzzzzzzzzzzzf

[سعاذ]

الله غالب وحدة في شرق وحدة في الغرب
لوكان بعثتلك شويا

[islam02]

تحكمي الترفاس تنظفيه وتقشريه ثم تقطعيه وتقليه في شوية سمن اوزيت كي يتقلى زيديلو سنات ثوم وحبة طماطم مرحية وتخليه اعلى نار هادية لماتتقلى الطماطم مرقي قيس نصف كاس ماء وزيدي امعاه كمشة زيتون امغلي .في نفس الوقت اتكوني حضرت الارز الي راح اتسقيه بهذيك لاصوص تاع التررفاس والزيتون.

[amina-31]

allah ghaleb
taklih bessaha nchallah

[جلالي بلخير]

تحكمي الترفاس تنظفيه وتقشريه وتعمليه دولمة يجي بنين بزاف بصحتك

[الأمنيات]

http://www.djelfa.info/vb/showthread.php?t=1226581&highlight=%C7%E1%CA%D1%DD%C7%D3