انصحووووني كلكم خاصة الشباب

[مشكلتي]

السلام عليكم ورحمة الله تعالى وبركاته
رايحة نحكي معاكم بالدارجة الله غالب باش يوصلكم المعنى شوفوا يا خاوتي انا شابة ف بداية عشرينات كملت قرايتي وحمد لله عندي حاجة مانيش عارفة لا نكمل فيها ولا لالا شوروا عليا تعرفت على واحد ف الانترنت بعد مدة طورت علاقة للهاتف انا عرفت عليه كلش بصح هوا فقط اسمي وصوتي منكذبش عليكم غلطت ولانها كانت اول مرة وضعفت فيها لاحساسي بفراغ عاطفي وكان ضغف ايمان مني لكن هذا ل صرى انا مكنتش متجاوبة معاه خلاص كان مجرد كلام عادي بعدها ولى يقلي نحبك ومنا انا قطعت عليه وسكرت لفايس نتاعي وقتلو متزيدش تعيطلي خلاص راني نخاف ربي وحابة نتوب من غلطة بعد شهرين عاود تصل وقالي والله نحبك وناويك للحلال فقط اصبريلي مزال مرانيش مكون نفسي نا راني شاد فيك باسكو نتي راكي بنت فاميلية وتصونيلي عرضي ,,مع لعلم هو قريب من سني ومزال راه يفوت ف لارمي ومعندو والو حابني نصبر عليه بصح انا قتلو منقدرش باسكو مش حابة نحكي ف تيليفون وندير علاقة بدون رابط رسمي وضرك معرفتش اسكو راه صح ولا يكذب برك وش رايكم وش ندير نقطع معاه ولا لالا نزيدلكم حاجة انا مرة دومونديت منو كود تاع لفيس بوك مدولي

جزاكم الله خيرا ودعولي

[فارس الجزائري]

السلام عليكم
خيرا إن شاء الله
الراجل ليحوس عليك يجي لدار أماليك
الحل بسيط قولي لو:
راني في دار أمالية كي تكون قادر إتقدم ... إذا كان ربي كاتبني ليك راك تلقاني نستنى فيك وإذا كان ربي ما هوش كاتبني ليك راك تلقاني رحت عليك، وربي يوفقك ويوفقني ويهديني ويهديك.
ـــــــــــــــ
ربي يرزقك إن شاء الله بوليد لحلال الي خاف عليك
بالتوفيق إن شاء الله

[طريق الهدى]

واااااااااااااااااااااالو يا وخيتي مايغركش ابداااااااااااااااااااااا

اقطعي صلتك به و خلي الفيس للامور الممتعة الهامة او للدراسة لكن الدردشة فلا اوصيكي بها ابداااااااااا

غيري رقم تيليفونك و اهتمي بامور تنفعك و انسايه اتكلي على ربي

و باذن الله تنسايه و استغفري ربي يغفرلك

امااااااااانة وخيتي ماتستنايهش علاقة النت خرطي في خرطي

و لأنك صغيرة ممكن يأثر عليك بكلامو

خليك قوية و بنت اصل و اقطعي اطكريق على الشيطان

ربي يسترك وخيتي اسلكي طريق ربي تنجيك

[wadie14]

السلام عليكم اولا
اذا كان الشخص فعلا يحبك ويريدك زوجة فليتقدم لخطبتك.ولكن انت تقولين بانه مزال في لارمي وبعد ما يكمل هل برايك سيعمل مباشرة ام ينتظر سنين
احسن حل انك اديري صلاة استخارة وربي يقدم يلي فيه الخير.

[عصـــام]

والله نصيحة لك من أخ ، والله يا أختي أقول لك بقلب يخشى الله ، وكما أخاف على أختي أخاف عليك ،،وكإنسان تعلمت الكثير في حياتي والحمد لله ، إقطعي علاقتك مع هذا الشخص في حالة لم يتقدم للبيت لخطبتك ومن ثمّ تقع الأمور الأساسية الأخرى ،،،فإذا أهمل هذا الجانب قاطعيه وإهتمي بحياتك وإنتظري فرجك في تكلمة نصف دينك ، فإذا كنت ذات دين وخلق وعلى قدر من المسؤولية ، فستتزوجين إن شاء الله .

[mira mira02]

اخطيك كم النت
انا ضد زواج هن طريق النت كلو كدب في كدب

[ツღعـصُـ♥ـوِݦۑツღ]

نٍوٍصٍيٍكٍ إذأ تٌقٍدٍمٍ لٍخٍطبتك اهلا وسهلا إقبلي بيه و اذا جاك واحد و خطبك إقبلي بيه والله ، إنت أغلقي عليه تلفون و كلش لا تتصلي بيه ،نهائياااااا وربي يوفقك

ديري في بالك راكي غلطتي في الماضي لهذا حذااااااااااااري

[○•ميسون•○]

غير احطيك منو و ما تضيعيش عمرك في الباطل

[*بسمة أمل*]

علاه القصص هذه دايما الشاب يكون في حالة مادية ضعيفة ولازم يحكم خدمة ويشري الدار وأمو مريضة. وخوه راح لفرنسا وابوه ما زال ما وصلش للدار ولما يخلص فاتورة الكهرباء يروح يخطبها ....ويجيب مع الطلفة سنوات وهو يصبر فيها؟؟؟؟؟؟؟؟(في حالة انتظار الى ...)
وعلاه الشاب الي يروح يخطب البنت من عند والديها بعد فترة فقط يكمل كلش (ويعيش الزوجان في هناء وسعادة ).

[غربة أهل السنّة]

السلام عليكم ورحمة الله تعالى وبركاته
رايحة نحكي معاكم بالدارجة الله غالب باش يوصلكم المعنى شوفوا يا خاوتي انا شابة ف بداية عشرينات كملت قرايتي وحمد لله عندي حاجة مانيش عارفة لا نكمل فيها ولا لالا شوروا عليا تعرفت على واحد ف الانترنت بعد مدة طورت علاقة للهاتف انا عرفت عليه كلش بصح هوا فقط اسمي وصوتي منكذبش عليكم غلطت ولانها كانت اول مرة وضعفت فيها لاحساسي بفراغ عاطفي وكان ضغف ايمان مني لكن هذا ل صرى انا مكنتش متجاوبة معاه خلاص كان مجرد كلام عادي بعدها ولى يقلي نحبك ومنا انا قطعت عليه وسكرت لفايس نتاعي وقتلو متزيدش تعيطلي خلاص راني نخاف ربي وحابة نتوب من غلطة بعد شهرين عاود تصل وقالي والله نحبك وناويك للحلال فقط اصبريلي مزال مرانيش مكون نفسي نا راني شاد فيك باسكو نتي راكي بنت فاميلية وتصونيلي عرضي ,,مع لعلم هو قريب من سني ومزال راه يفوت ف لارمي ومعندو والو حابني نصبر عليه بصح انا قتلو منقدرش باسكو مش حابة نحكي ف تيليفون وندير علاقة بدون رابط رسمي وضرك معرفتش اسكو راه صح ولا يكذب برك وش رايكم وش ندير نقطع معاه ولا لالا نزيدلكم حاجة انا مرة دومونديت منو كود تاع لفيس بوك مدولي

جزاكم الله خيرا ودعولي


و عليكم السّلام و رحمة الله و بركاته
أنصحك يا أختي أن لا تبني حياتك على الحرام,, أنتِ طلبتِ النّصيحة و أنا اقول لكِ إقطعي علاقتك به و غيّري رقم هاتفك
و كونه أعطاك الرقم السّري لحسابه على شبكة الفيس بوك ليس مبرّرا لان تثقي فيه و ماذا لو كان فعلها عمدا حتّى تثقي به!!
-والله- يا أختي هذه قصص تتكرر يوميّا و تنتهي بمآسي و إنعدام الإحترام
عندمّا حرّم الله تعالى الصداقة بين الرّجل و المراة و باعد بينهما كان ذلك لحكمة منه
و أظن أنك شعرتِ بالذّنب لأن ما فعلته لمدة شهرين خطأ -أسال الله تعالى ان يتوب عليكِ- و إلّا لما ندمتِ
إشغلي نفسك بما ينفعك في دينك و دنياك فنحن ضيوف في هذه الدنيا و ما على الضيف إلّا الرّحيل.

[LILA LAMIS]

ارى انك في غيبوبة و تلزمك صفعة قوية من يد اخيك او والدك الذان وضعا فيك ثقتهما.....
كما ارى انك ضعيفة الشخصية و جريئة على اغضاب الله سبحانه..
فعليك يا اختي ان تفيقي من غيبوبتك بالمحافظة على صلاتك فهي تنهى عن الفحشاء و المنكر و تدعي الله ان يبعد عن هذا الشبه رجل...لانه لو كان رجلا لواجه اباك و طلبك منه ولا يستغل ابنته من ورائه...


اتقووووووووووووووو الله.

[كلنا راحلون]

السلام عليكم سامحيني على كلامي في بالي مازلتي نية او انت صغيرة في السن .قولي له تعال واخطبني وشوفي رد وبدون وضع اعذار راه يفوت في وقتو وانت ما احسستي واحذري من الولف راجل ينسى بحلول لا تكلف كثيرا لكن انت مرأة تقاسي كثير

[knives66]

سلام عليكم

شوفي اختي مدام نوي لحلال موش مشكل قاع شباب يعنوا مشكل تاع تحظير لزواج

انت اذا راه عاجبك وقابة قوللوا اذا راك حابني وجد روحك وارواح وانا راني في دار اذا تقدمتلي ok

واذا جاء غيرك وجبني اقبل بالمكتوب

ما تربطيش روحك بيه هذا مكان

اذا تقدملك غيروا وعجبك ربي يسهلكم

مكانش منها هذي استنايني حتي نوجد روحي وقت ما يستني حتي واحد

فهمتي وما تدري ممكن ينوب عليه ربي بخدمة و يتقدملك


مهم انت اكدلوا على ما نرطبش روحي بيك


وسلام عليكم

[أسومة المتفائلة]

كاين الدار وكاين الباب مرحبا بيك
الا حابك راح يجي يخطبك
اما تاع نوجد روحي ,,,,, لالا

[djazia87holi]

السلام عليكم ورحمة الله تعالى وبركاته
رايحة نحكي معاكم بالدارجة الله غالب باش يوصلكم المعنى شوفوا يا خاوتي انا شابة ف بداية عشرينات كملت قرايتي وحمد لله عندي حاجة مانيش عارفة لا نكمل فيها ولا لالا شوروا عليا تعرفت على واحد ف الانترنت بعد مدة طورت علاقة للهاتف انا عرفت عليه كلش بصح هوا فقط اسمي وصوتي منكذبش عليكم غلطت ولانها كانت اول مرة وضعفت فيها لاحساسي بفراغ عاطفي وكان ضغف ايمان مني لكن هذا ل صرى انا مكنتش متجاوبة معاه خلاص كان مجرد كلام عادي بعدها ولى يقلي نحبك ومنا انا قطعت عليه وسكرت لفايس نتاعي وقتلو متزيدش تعيطلي خلاص راني نخاف ربي وحابة نتوب من غلطة بعد شهرين عاود تصل وقالي والله نحبك وناويك للحلال فقط اصبريلي مزال مرانيش مكون نفسي نا راني شاد فيك باسكو نتي راكي بنت فاميلية وتصونيلي عرضي ,,مع لعلم هو قريب من سني ومزال راه يفوت ف لارمي ومعندو والو حابني نصبر عليه بصح انا قتلو منقدرش باسكو مش حابة نحكي ف تيليفون وندير علاقة بدون رابط رسمي وضرك معرفتش اسكو راه صح ولا يكذب برك وش رايكم وش ندير نقطع معاه ولا لالا نزيدلكم حاجة انا مرة دومونديت منو كود تاع لفيس بوك مدولي

جزاكم الله خيرا ودعولي


اذاكان ناوي نتاع الصح يتكلم عليك برك ومن بعد كي يترفه راكم تزوجو الحل بسيط

[billel84]

نصيحة من اخ لاخته انا سمعت الشيخ يقول نصيحة للشابات هناك فرق كبير بين الصديق والزوج اولا لازم يجي للدار بوالديه ثانيا لازم بحث كبير على اصلو ليس كل صديق جيد هو زوج جيد صديقني كل مارايتيه هو مسرحية وقد يكون صادق في امور لكن ليس هكذا تبنى اساس البيوت اختي في الله البيوت تبنى بالدين

[Abdellah M]

ربي يرزقك إن شاء الله بوليد لحلال الي خاف عليك
بالتوفيق إن شاء الله

[أم تغاريد]

أخيتي اللّبيبة ما عند الله لا يُنال بمعصيته
اقطعي الاتصال به وسيعوّضك الله ما لا تحتسبين إن شاء الله
إنّما هو قرار لخظة تشترين به سعادة الدّنيا والآخرة

[حياتي نبع امل]

راه يجوز بيك الوقت باه ينحي الديقوتاج تاع لارمي

[lynoor]

انت وقعت في فخ الولف ......انت قوليلو ارواح تخطب و شوفي ردة فعلو
ربي يهدينا ويثبتنا اجمعين

[نوال لطيفة]

صباح الخير اختي والله غير انا لجربة الحب سنة في صح راح وجلاني بلا عقلة بدون سبب خليك لي حبك يجيك لداركم وبلاكي من عسكري

[amine9mm]

علاه القصص هذه دايما الشاب يكون في حالة مادية ضعيفة ولازم يحكم خدمة ويشري الدار وأمو مريضة. وخوه راح لفرنسا وابوه ما زال ما وصلش للدار ولما يخلص فاتورة الكهرباء يروح يخطبها ....ويجيب مع الطلفة سنوات وهو يصبر فيها؟؟؟؟؟؟؟؟(في حالة انتظار الى ...)
وعلاه الشاب الي يروح يخطب البنت من عند والديها بعد فترة فقط يكمل كلش (ويعيش الزوجان في هناء وسعادة ).

للاسف انت فتاة ولا تعرفين الهم الذي نمر به نحن الشباب الفتنة في الخارج من فتيات متبرجات من منا لا يريد الحلال ولكن عندما تتخرج وتتعب تجد وظيفتك قد اخذتها شابة في العشرينات من العمر ناهيك عن الخدمة الوطنية التي جعلتنا نحن الشباب ندوم في دوامة من الميزيرية لماذا نحن الشباب مستهدفون جميعنا نريد الحلال اختاه ولكن هناك اشخاص في الاعلى لا يريدون منا سوى الحرام والدوس علينا اذا عندما تكونين شابا ستفهمين جيدا ما نعانيه يوميا من حقرة

[عبد الرحيم]

(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَى مِنْكُمْ مِنْ أَحَدٍ أَبَدًا وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ عَلِيمٌ).

ما أنت فيه وذلك الشاب هي خطوات شيطان والشيطان يأمر بالفحشاء والمنكر: (وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا).

والآية الأولى جائت في سورة النور وسورة النور فيها ايات التستر و العفاف و الحجاب وغض االبصر و فرضية الحدود حد الزنا وحد القذف.
والتشريعات التي في السورة تحافظ على العفة وتمنع الخيانة والانحراف فهي سورة تعطي الاداب الداخلية للاسرة التي بها تحصل الصيانه للجميع.
وسُميت ‏سورة ‏النور ‏لما ‏فيها ‏من ‏إشعاعات ‏النور ‏الرباني ‏بتشريع ‏الأحكام ‏والآداب ‏والفضائل ‏الإنسانية ‏التي ‏هي ‏قبس ‏من ‏نور ‏الله ‏على ‏عباده ‏وفيض ‏من ‏فيوضات ‏رحمته ‏وجوده.

سورة النور تبدأ: {سُورَةٌ أَنزلْنَاهَا وَفَرَضْنَاهَا وَأَنزلْنَا فِيهَا آيَاتٍ بَيِّنَاتٍ لَعَلَّكُمْ تَذَكَّرُونَ).
يقول ابن كثير: "يَقُولُ تَعَالَى: هَذِهِ {سُورَةٌ أَنزلْنَاهَا} فِيهِ تَنْبِيهٌ عَلَى (1) الِاعْتِنَاءِ بِهَا وَلَا يَنْفِي مَا عَدَاهَا.
{وَفَرَّضْنَاهَا} قَالَ مُجَاهِدٌ وَقَتَادَةُ: أيْ بَيَّنَّا الْحَلَالَ وَالْحَرَامَ وَالْأَمْرَ وَالنَّهْيَ، وَالْحُدُودَ.
وَقَالَ الْبُخَارِيُّ: وَمَنْ قَرَأَ "فَرَضْناها" يَقُولُ: فَرَضْنا عَلَيْكُمْ وَعَلَى مَنْ بَعْدَكُمْ.
{وَأَنزلْنَا فِيهَا آيَاتٍ بَيِّنَاتٍ} أَيْ: مفسَّرات واضحَات، {لَعَلَّكُمْ تَذَكَّرُونَ} ." اه.

[youyou19]

koulesh b mektoub wla kan 3aynou fik ydir mostahil f jalek