متزوجة حديثا اطلب المساعدة

[rimred]

انا متزوجة من 4 اشهر من زوج احبه و احبني كثيرا و ما يقدرش يعيش بعيد علي
هو عاش في ظروف اسرية ماش مليحة خلاص الاب مهمل و ما الى ذلك عانى الامرين لقى عندي الحنان و لكن عصبي كيما يتغشش ما يعسش روحو و ماهوش من النوع الي يفضفض بزاف كيما يقلق يحب يسكت و يبقى وحدو و انا العكس نقول بالاك كيما نكون معاه و تتصاعد الامور الى ما لا يحمد عقباه و انا الان ما نتحدثش معاه و هو بالمثل لكن هو الاول اللي ما يحدثنيش و لانو يغيضني الحال عليه نكون المبادرة لكن هاذ المرة ما نيش حابة نتكلم معاه واش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حابة نشاوركم نبقى هكذا معاه ما نتكلمش حتى يجي هو يكلمني والا كيفاه شاورو عليا
:sdf: :sdf: :sdf: :sdf: :sdf: :sdf:

[tas nim]

انا من رايي روحي و اهدري معاه .نتي قلتي عاش في ظروف اسرية ماش مليحة بلاك هي لي راهي ماثرة عليه. حاولي تفهميه وفي نفس الوقت حاولي تنحيلو هذي العادة........مجرد راي

[* الحلم سكر *]

و عليكم السلام
يا اختي تبـقاو تستناو في بعضاكم و الله اعلم شكون يبادر و ويكتاه
الافضل روحي احكي معاه و نحيلو العادة هادي و انتي تاني
يعني حكاية ما نهدرش معاك و شكون يهدر مع الاخر نحيوها من جذورها ما يحكيش معاك العبيها ما فهمتيش العفسة و احكي عادي وحدو راح ينحيها و ربي يهنيك
ملاحظة برك حتى سؤالك : مر بظروف و غاضني و و و و كانك حابة تقولي شجعوني نحكي معاه :D:d :1:
حبيبتي ما تخليش الكبرياء بطريقة سلبية يطغى على حياتكم راح يفسدها و لو بينكم حب
ربي يهنيكم يا رب و يرزقكم الذرية الصالحة

[rimred]

مشكورة اختي لهذا الراي لكن انا قصدي حابة نحيلو هذا العاة باه م يوالفنيش و بالمناسبة هو ما حكاليش واش عاش بالاك يحشم و لا ما نعرف راني بالعقل معاه ما نحرجوش عرفت عن طريق قريبة ليه فقط
شورو عليا

[rimred]

انا اخوه يعرفو قالي ما تهدريضش معاه خليه حتى يولي وحدو وزوجة اخوه تعرفو مليح قاتلي خليه و الا يوافك و يعفس فوقك طول حياتك الراجل قالولي يطول و الا يقصر راح يولي يهدر معاك

[* الحلم سكر *]

حاجة اخرى اختي بالنسبة لظروفه حاولي ما تخليش علاقتك معاه تتحول شـفـقـة ؟
و حتى هو اذا حس قادر حتى يصبح عدواني حتى يثبت انو ماهوش ضعيف
ظروفو خذيها بعين الاعتبار و انسايها
هو ما حكاش لانو اكيد 1- جزايري ماراحش يبين ضعفو لازم يبان قوي .. عقلية ..
و 2- اللي مجروح من حاجة صعيبة بزاف يحكي عليها حتى بينو بين روحه
و ربي معاك

[rimred]

حاجة اخرى اختي بالنسبة لظروفه حاولي ما تخليش علاقتك معاه تتحول شـفـقـة ؟
و حتى هو اذا حس قادر حتى يصبح عدواني حتى يثبت انو ماهوش ضعيف
ظروفو خذيها بعين الاعتبار و انسايها
هو ما حكاش لانو اكيد 1- جزايري ماراحش يبين ضعفو لازم يبان قوي .. عقلية ..
و 2- اللي مجروح من حاجة صعيبة بزاف يحكي عليها حتى بينو بين روحه
و ربي معاك
اختي و الله الحمد لله مانيش نبينلو خلاص بيني بين روحي برك ما نحبش نخليه يحس ابدا ديما نحب نقويه

[مريم الصابرة]

السلام عليكم
يا أختي ربي يهديك راكي عرفت عقلية زوجك إنو لما يتقلق يسكت خليه وحدو يجيك وعلاه تزيدي تقلقيه ضرك ختي هذي اروع الأيام بيناتكم علاش تفسديها وقلت إنو لقى عندك الحنان هل الحنان بخليك إنت ثاني تكملي عليه وتنايفيه ربي يهديك
روحي اهدري مع راجلك وبركايك من الفشوش ربي يهديكم

[* الحلم سكر *]

انا اخوه يعرفو قالي ما تهدريضش معاه خليه حتى يولي وحدو وزوجة اخوه تعرفو مليح قاتلي خليه و الا يوافك و يعفس فوقك طول حياتك الراجل قالولي يطول و الا يقصر راح يولي يهدر معاك

أحكي معاه بصراحة و قلو العادة هادي تصلح بين 2 صحاب اليوم يحكيو غدوا لا قلي احنا 2 اخترنا حياة كاملة نعيشوها مع بعض و ما كلاه نزيدو على رواحنا بعادات ما عندها حتى معنى
مع اني اكيد مع انو كي يغلط هو يخليه يعتذر و لو بطريقة غير مباشرة يعني صح ما تخليهش هو يغلط و انتي تعتذري يوالفك صح لكن بحكمة ماشي بحدة
;)حاولي تعرفيه أكثر من خـــوه و زوجــة خـــوه ;)
موفقة

[rimred]

و الله الغلطة تاعي نبقى نقولو نهدر معاك ما علاباليش واش يصرالي هو غير صبور بطبعو

[rimred]

امين اختي مالا انا قلت خلي يهدا ساع هاذ الايامات و من بعد نشوفو يخي قالي ما تهدريش معايا

[naamane3]

قال رسول الله صلى الله عليه و سلم :ألا أخبركم برجالكم من أهل الجنة
النبي في الجنة , و الصديق في الجنة , و الشهيد في الجنة ,
و المولود في الجنة , و الرجل يزور أخاه في ناحية المصر
لا يزوره إلا لله عز وجل , و نساؤكم من أهل الجنة
الودود الولود العؤود على زوجها التي إذا غضب جاءت
حتى تضع يدها في يد زوجها , و تقول : لا أذوق غمضا حتى ترضى.
السلسلة الصحيحة.

[naamane3]

أتت(أسماء) النبي( صلى الله عليه وسلم) وهو بين أصحابه فقالت: بأبي وأمي أنت يا رسول الله. أنا وافدة النساء إليك إن الله عز وجل بعثك إلى الرجال والنساء كافة فآمنا بك. وإنا معشر النساء محصورات مقصورات قواعد بيوتكم ومقضى شهواتكم وحاملات أولادكم وإنكم معشر الرجال فضلتم علينا بالجمع والجماعات وعيادة المرضى وشهود الجنائز والحج بعد الحج وأفضل من ذلك الجهاد في سبيل الله عز وجل وإن الرجل إذا خرج حاجا أو معتمرا أو مجاهدا حفظنا لكم أموالكم وغزلنا أثوابكم وربينا لكم أولادكم. أفما نشارككم في هذا الأجر والخير فالتفت النبي (صلى الله عليه وسلم) إلى أصحابه بوجهه كله ثم قال: هل سمعتم مقالة امرأة قط أحسن من مساءلتها في أمر دينها من هذه فقالوا : يا رسول الله ما ظننا أن امرأة تهتدي إلى مثل هذ. فالتفت النبي (صلى الله عليه وسلم) إليها فقال: " افهمي أيتها المرأة وأعلمي من خلفك من النساء أن حسن تبعل المرأة لزوجها وطلبها مرضاته واتباعها موافقته يعدل ذلك كله ". فانصرفت المرأة وهي تهلل.

[فانيسا]

يا اختي كلما يمر الوقت تزيد تكبر الفجوة بينكم اهدري معاه وان شاء الله مع الوقت تقدري توالفي طباع وتبدليه شوية راهي قضية وقت برك ربي يدوم المحبة

[hodahodahoda]

اصبري على زوجك اصبري على زوجك اصبري على زوجك

[ايمان نور الجزائر]

الامر بيدك وحدك...نتي لي تغيريه وتخليه يرجع يحكي ويفضفض
مادام انو مرتاحلك ما يهمش شكون لي يبداااااا
لكن خليك نتي لي تبداي لانو بطبع المراة تعرف تعبر افضل وتقدر توصل لابعد الحدود

[rimred]

الحمد لله تكلمت مع زوجي و عرفت كيفاه نخفف شوية من حدة التوتر لي بيناتنا و هذا كامل بفضل الله و بفضل نصائحكم مشكورين و رايحة نبقى نسايسو مليح لانو زوجي حبيبي تاج راسي شكرا

[غربة أهل السنّة]

السّلام عليكم و رحمة الله و بركاته
لا تساعدي الشّيطان على فتح فجوة بينكِ و بين زوجِك
حاولي التّخفيف عنه بارك الله فيك
فهذا شريك حياتك و رضاه من رضا الله تعالى

[أمة الله 12]

يا أختي طبيعة ماشي مليحة تاع تقاطعو بعضاكم فترة طويلة,

المليح ما تناقشيشو و هو متغشش, فقط خليه حتي يهدى و اعرفي كيفاه تهدري معاه

الكبرياء بين الأزواج مكانش, الصلح خير , ابدي انتي بالصلح و احتسبي اجرك عند الله

4 أشهر زواج راكم مازلتو ف الأول و مازالكم تتعرفو على بعضاكم

والفيه كي تقلقو حاجة يهدر, ما يخليش في قلبو, و اكدبلو أنك راح تسمعيلو وتحاولي تفهميه


ربي يدوم المحبة و العشرة مابيناتكم

[rimred]

و الله يعطيكم الصحة كامل و الحمد لله تصالحنا و بديت انا حكيت معاه بفضل الله و نصائحكم و كون سمعت هدرات اخرى رانا في المحال بصح نعمة العقل و ادعيولنا و رب يهدي القلوب كامل

[maiar]

اختي ما تخليش كل سبب تافه تبعدي عليه و يغيضك الحال و ما تهدريش معاه نهار بعيد الشر يجي سبب باين و كبير يكون ديجا والف بيك ما تهدريش و يقول اي مالفة و ترجعو نورمال اتغاضاي على اي حاجة تافهة من جهة باه ما يوالف و انت تسمطيها و ثانيا تقولي لقاى عندي الحنان و هل الحنان يكون بهذه الطريقة بالعكس بالحلاوة اجبديه ليك كي يكون هذه طبعتو عصبي خليه يهدر يدير واش يدير و كي تبرد اعصابو احكميه بطريقة ذكية عاتبيه بظرافة لانو كي تعانديه هو يزيد يغلي و قادر توصلو لمواصل لا ينفع الندم فيها بعيد الشر فهمتيني حاولي انت لي تحكمي روحك خليه وحدو كي يتكالما اهدري معاه بلعقل و حتى و انك غايضتك اعمليها لوجه ربي الرسول صلى الله عليه و سلم قال ( لا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلَاثِ لَيَالٍ ، يَلْتَقِيَانِ فَيُعْرِضُ هَذَا وَيُعْرِضُ هَذَا ،
وَخَيْرُهُمَا الَّذِي يَبْدَأُ بِالسَّلامِ )

راكي في بداية الزواج كل ما يعدي عليك وقت تتعلمي اكثر و اكثر كيفاه تتعاملي مع زوجك

[حواء 19]

اللي راهو عمدك راهو عندي واش نقلك ننصحك بالصبر و ربي يفرج عليك اختي

[رحمة من المولى]

الله يهنيكم ان شاء الله

[rimred]

الله يهنيكم ان شاء الله
amine ya rab
اللي راهو عمدك راهو عندي واش نقلك ننصحك بالصبر و ربي يفرج عليك اختي

wallah rabbi yahdina ltrik lkhir nchlh

[khawlita.dz]

انا متزوجة من 4 اشهر من زوج احبه و احبني كثيرا و ما يقدرش يعيش بعيد علي
هو عاش في ظروف اسرية ماش مليحة خلاص الاب مهمل و ما الى ذلك عانى الامرين لقى عندي الحنان و لكن عصبي كيما يتغشش ما يعسش روحو و ماهوش من النوع الي يفضفض بزاف كيما يقلق يحب يسكت و يبقى وحدو و انا العكس نقول بالاك كيما نكون معاه و تتصاعد الامور الى ما لا يحمد عقباه و انا الان ما نتحدثش معاه و هو بالمثل لكن هو الاول اللي ما يحدثنيش و لانو يغيضني الحال عليه نكون المبادرة لكن هاذ المرة ما نيش حابة نتكلم معاه واش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حابة نشاوركم نبقى هكذا معاه ما نتكلمش حتى يجي هو يكلمني والا كيفاه شاورو عليا
:sdf: :sdf: :sdf: :sdf: :sdf: :sdf:
يا اختى نظن انه عليكم وضع حدود بينكم
ستعيشين حياتك بكاملها مع زوجك فعليك ان تضعى له ولك خطوطا حمراء لا يتجاوزها اى منكما مهما كان الحال والموقف ا وكل يقدر مشاعر الطرف الاخر
قد يفقد احد منكما اعصابه لكن عليه بالاعتدار
فلا تعوديه الاعتدار بدلا عنه حتى لا يتعود ويعطى لنفسه الحق ب اكثر من دلك
بما انه عصبى فحاولى ان لا تجادليه لما ينفجر غضبا افضل حل هو الانسحاب
لكن ليس ان تمرريها وكانه لم يحدث شىء
بل عليك ان توضحى له بعد ان يهدا بان هدا السلوك غير مقبول معك ولا تقبلين بان يسىء اليك تحت اى ظرف وتعلميه احترامك
الهجران اخر الحلول فهل حاولت يوما ان تصلحيه ان توضحى له بانه يضايقك ان ترسمى له ماهو مسموح وماهو غير مقبول لديك و كدلك بالنسبة اليه
كاو خطوة حاولى التكلم معه واوضحى له ما يدور بعقلك و ما يضايقك منه
بالتوفيق

[ahlem-86]

اذا رحتي وهدرتي معاه ماراكيش رايحا تقللي من قيمتك هو حلالك احتسبي الأجر ومرضاة الله وطاعة الزوج ماعليش يبغيك ويغير عليك ويزعف منك وما يروحش عليك واش حبيتي وانت خيري

[jiji_"]

اختي شوفي احكمي وردة و نحيلها البتلات و احسبي نهدر معاه منهدرش معاه نهدر معاه منهدرش معاه حتى تكملي الوردة :1::1::1:
انت و وزوجك نورمالمون مابيناتكمش اهدري معاه باركاي مالحسابات و راكي عايشة حياة جديدة انت حليها ماشي تنكديها
و راجلك من النوع الي يسكت كي يتقلق يبانلي يصبر من النوع الي يصبر خليه على راحتو كي يكون مقلق
اختي ربي يهنيكم ان شاء الله سلالالالالالالالالالام

[oceanica]

ya khetii matanessayeech el chii li bnatekouum en+ raki tegolii houb binatenna alors c pas grave idda rouheti netii hedaretii me3aah en+ idda malekich fikk el khiir wiin rahh yalekkaah ahaderi me33aah w khellaass et haweli tjr teba3dii 3liik ki yekoun mekallak rabi yesahallek nechallaaah

[hodahodahoda]

يا اختي هل احسن زوج يغضب يسكت و ما يتكلم معاك ام زوج يشبعك شتم

زوجك فيه صفة جميلة جدا
خليه على طبيعتو

[أميرة مملكة السعادة]

السلام عليكم
يا أختي روحي و احكي معاه
حتى و ان كنتي مظلومة عليكي بالمبادرة لتكوني أنتي أحسنس منه فيدرك خطأه
لكن أقنعيهي بأهمية الحوار بينكما و الفضفضة بينكماا مهمة حتى يعرف الىخرر ماا أصاب زوجه
و من كلامكي ارى رانكي تريدين التحدث اليه لكن تتخفين وراء ستار الكبرياء و تقولي مانعيطش هاد المرة خلي هو لي يعيط انا دااايما نعيط ههههههههه هذه الجملة المعتادة لا يا أختي بادري أنتي فهو في الأخير زوجكي و عليكم ارضاؤه و لا تخسري زواجكي بسبب تافه لا قدر الله


سلام

[rimred]

wallah alhamdoulillah hkina an wzawji tfahmna balli tkoun haja lazem nahdro koulch rabi yhanina kaml

[أيمن عبد الله]

السلام عليكم

شيء جميل ان تعرف الزوجة ربما شيئا من حياة زوجها (قبل الزواج)
حتى تستطيع فهمه والتعمل معه وحالة زوجة والظروف الصعبة التي عاشها تحتاج لامرأة حكيمة والحمكة أن لا تتكلمي في وقت هو يحتاج فيه إلى الصمت والتفكير والحكمة كذلك ان لا تصمتي في وقت هو محتاج فيه إلى من يكلمه ويخفف عنه

واعلمي ان الايام كفيلة بالتفاهم الكبير بينكما وستزول العقبات وعندما يجد زوجة صالحة تبحث عم يرضي زوجها سيجد الحنان والراحة والهدوء
+ولعلمك اختي ان السنوات الخمس الاولى من الزواج هي اصعب السنوات

فعليك بالتروي والحكمة واتقربي من الله في دعاءك وسجودك وسيكن زوجك بافضل حال ان شاء الله تعالى

نتمنى لكما السعادة والهناء

[أمير 2010]

مشكور و بارك الله فيك