كيفاه نعيش معاها

[مشكلتي]

السلام عليكم
هي بالعادة يسموها -أخت- لكن انا نقول عليها اكثر شخص نكرهو ... راح تقولو يا لطيف
احنا 3 اخوات بنات هادي اختي طبعها حاد و ارملة و عايشة معنا في بيت العائلة كلامها مسموم كانت تجرح و نفوت و نقول نكسب الاجر تغب و ما نتحاكوش و نشريلها الهدايا و نطلب السماح و هي الغالطة
انا فرحانة بخطبتي و هي تخرج و تخليني وحدي و اقسم بالله اضطريت احيانا نستقبل اهل خطيبي بلا ما نروح للحفافة ما نصيبش وقت هي ما تعاوني حتى في حاجة
انا نوجد محتاجة و هي تمد للبراني و انا نشوف و الله ما تحس بيا و القطرة اللي افاضت الكاس ظلمني خطيبي و تعرضت لصدمة منو و بطلت و الكل يعلم اني انهرت نفسيا و بعد ما رجعت رجعت هي تـعايرني بهادي الحكاية و هي علابالها الظلم اللي تعرضتلو
كلامها سم حفر داخلي احساس جيهتها اكثر من الكره
المهم انا ما نكلمهاش و الكل طلب انو نصفو القلوب انا تمنيت انـها تـموت و لا نكـلـمها نــكرهــا جرحــها ما زال يحفر في قلبي
المشكل وين نروح و كيـفاه نعيش معاها أنا المــكان اللي تكون فيه نخــرج منو و ما نقـعـدش وين تـكون هيا لكن تعـبت صرت نخمم نتززوج اي واحد و خلاص و نقبل باول واحد مهما يكون المهم نخرج من الدار لكن مازال المكتوب ماجاش و مانيش قادرة نتحمل
قولولي ردود من ناس اتظلمت و تفهم معنى الجرح
و سلامي للجميع و جزاكم ربي كل خير

[خربشة ناعمة]

و عليكم السلام و رحمة الله و بركاته
اختي انعلي الشيطان و تعوذي منه ماتخليش الحقد و الغل و الكره يعمولك قلبك
مهما عملت لك و ظلماتك تبقى اختك دمك و لحمك
حاولي تعملي معها جلسة صلح بحضور افراد الاسرة و بحضور الوالدين
و صفوا قلوبكم
و ادعيلها بالهداية و لازم تتعلموا تتعايشوا مع بعض لانكم في بيت واحد..
و الحديث هذا لاشرف الخلق صلى الله عليه و سلم يعتبر درس كبير لو نتبعوه و نطبقوه راح تنعدم الخلافات و المقاطعات في المجتمع
(صل من قطعك و اعط من حرمك و اعفو عمن ظلمك)


الله يرزقك بالزوج الصالح

[djazia87holi]

والله يا اختي واش نقلك كبري بالك راها ديما اخت الحساس لي تحسي فيه راه عدوانية وليس كره وانشاء الله يزول صلي وادعي ربي والزواج باي كان ليس الحل من الهروب من المشكلة بل تمهلي وكلشي بالمكتوب حاولي تهدري مع شخص يكون من الاهل مقرب لاختك وتحترمو ويفهمها بانو الشيء هدا ييولد البغيضة وانشاء الله يروح وبلاك اصل المشكلة عندما اصبحت ارملة عادت عندها شويا غيرة الغيرة هادي وصدقيني راها المشاكل هدي يوما ما وانت متزوجة تتفكريها وتغيضك ايام من عمرك راحت في معادات اقرب الناس اليك ةانشاء الله يصير خير وصدقيني نصحتك اختي من قلب شافنوعا ما من نفس المعاناة

[naamane3]

بسيطة انت اهدري معاها رضاية لرب العالمين
وديري فيها الخير و لا تنتضري منها ان ترده لك
واذا ردته لك لا تقبليه واذا كلمتك بقبيح
طبقي عليها حكمة السكوت على الاحمق جوابه
ثم برهني للجميع انك احسن منها وعيشي حياتك
كأنها غير موجودة
واكثري من الاستغفار يجعل الله لك مخرجا

[الملآذ]

واش نقلك ربي يحببكم لبعض .......بصح عندك تتزوجي بسرعة علجال اختك الزواج فيه تخمام .يمكن تندمي.

[bonbon]

اختي حاسة بيك صح لان عندي حالة مشابهة



وكلي ربي و خلاص

[رحمة من المولى]

الله يفرج عليييييييييييييييييييييييييك ياااااااااااااااااااااا رب

[sara160349]

ربي يكون معاك اختي انا كانت جارتنا كبيرة فالعمر و ما تزوجتش و اختها صديقتي فعلا كيما راكي تقولي حتي احنا الجيران علابالنا بيها تمنكر و جامي تسمعها كلمة مليحة غير الغيرة و كلام يسم البدن و هي استاذة و ختها تقري فالجامعة و الله ما تعطيها فرنك و لو تشوفها ميتة و كي زادت اتخطبت خلات مره هي اصلا هذه الكبر خلاتها شغل تتعقد و كون تسمع هدرة فيها كلمة هو كون تخلي انا نظن اختك لانها ارملة شوية مشاعرها مجروحة و ما تحبش تشوف الناس سعيدة و الله اعلم

[ابتغي الجنة]

علابالك بلي المراة كي تكبر وماتتزوجش يولي طبعها حاد وحساسة فمابالك باختك الي ترملت واكيد ماهيش كبيرة بزاف ف السن حاسة بلي الدنيا غدرت بيها وداتلها راجلها ماتعرفش تعبر بالالم لي راهي تحس بيه العدوانية هي ملجأها الوحيد والكلام الجارح يشفي غليلها للاسف رغم انها اختك بصح ديري في بالك اختك راهي في ازمة حاولي تخرجيها منها شوفي معامن تتفاهم مع العايلة كاش واحدة بنت خالتك ولا بنت عمك ابعتيهالها تخرجها من الازمة الي راهي فيها تخرجها تحوس بيها ولا تديها تتعلم كاش صنعا ولا حلقات مسجد المهم حاولو تغيرولها حياتها وربي يفتح عليك وعليها

[yousra14]

السلام عليكم
يا أختي في الأوّل وفي الآخر أحببت أم كرهت هي أختك وتبقى أختك .
وربّما كونها أرملة هو سبب عنفها وربّما هناك أمور أخرى حاولي أنّك تتقرّبي منها وتكسبيها لصفّك ففي الاتّحاد قوّة وحاولي تساعديها تخرج من أزمتها وحاولى أن لا تبادليها الإساءة بإساءة أخرى بل فوتيهالها مراعة لظروفها
أختي بيضي قلبك لأنّ القلب الأسود لا يضرّ إلاّ صاحبه وربّ أمر بصلة الأرحام يعني لامفرّ لك من الصلح ولو بشكل بسيط لأنّي بصراحة أجد أسبابك تافهة ختى تكرهيها كل ذلك الكره لذلك هي تعاملك بتلك الطريقة .
ربّ يصلح الأحوال بينكما فأنتما أختان دما ودينا وانسانية ............

[عثمان13]

السلام عليكم.. فاقد الشيء لا يعطيه ...لكن حاولي أنت تكوني أحسن وأفضل في هذه القضية.. الله سبحانه وتعالى ينظر إلى القلوب لا إلى الصور... أما من يرميك بالحجارة فجمعيها وبني بها بيتا ... الله يفرحك بوحد الزوج صالح.

[doudoussa]

khouk khouk la ygharak sahbak anti takrhi af3alha w akwalha bassah moustahil takrhiha hiya bad
at sa3fiha wathamli 3andak ajr 3and rabi

[أندلس]

يا أختي لا أقول لك أختك غير مخطئة و لكن أنت قلت أنك تعرضت لجرح و ألم لما انفصلت عن خطيبك فما بالك بها و قد انفصلت عن زوجها للأبد و أنت عندك فرص أخرى و هي فرصها قليلة لإعادة الزواج
بدل هذه الغيرة العمياء بينكما حاولا التقرب من بعضكما أكثر فقطع صلة الرحم محرمة بل إن المسلم لا يحل له أن يهجر أخاه المسلم فوق ثلاث فكيف و هي أختك ؟
الله يهديك و يهديها

[مواطنة]

اختي اذا حبيتي تعيشي بطريقة عادية سامحي و لا تحملي حقدا على احد فوحده الشعور بالكره و النفور لايجلب الا التعاسة فما بالك باختك صحيح انها يمكن كلامها قاس لكن انت ارجعي اهدري معاها و ديري شروطك انها تحترمك و توزن كلامها و نهار تشوفيها تهدر في كلام ما يعجبش اخرجي من البيت لي تكون هي فيه و روحي اشغلي نفسك و ما تستعمليش الزواج لحل مشكل فتقعين في مشكل اكبر منه اذا جاء واحد مرتب مليح واذا لالا لاه عليك هي دارت حياتها و رغم انها صارت ارملة و انت لا تجعلي قبولك تحت ظرف سلبي لها طرف فيه.
اما عن مساعدتها لك حاولي تقنعي نفسك بلس هي مش ملزومة. بيك لا تعاونك لا بشغل و لا بمال انت هكذا اتكلي على ربي سبحانو و على نفسك
المشاكل هذو يصراو في كل دار تخيلي عندنا وحدة نعرفوها ماشي مزوجة و كبيرة في العمر تحرش باباها ضد بناتو المتزوجات وتنقلو واش قالو فيه و ووووو
المهم لحق هذا الاب لدرجة كل مرة يقطع وحدة و بناتو يرجعو وهو يصدهم و لا احكي لك الموقف كم هو صعب بعد ذلك تيقنت الاخوات ان هذه وسيلة لابعادهن عن البيت وتصير هذه الاخت المالكة يعني و كانهن لا يملكن الحق في الحضور و حق في الورث لان الاخوات عندهم حق ورث غير موثق في ذلك البيت
يا اختي انا نقولك انت لا تعلمين دوافع اختك وراء ذلك لكن كوني شاطرة و قافزة عليها وما تخليهاش تمررلك حياتك اهدري معاها فوق فوق في وجه الله و خلاص و هكذا ما تندميش انت ديري لي عليك و خليها هي الله يهديها

[saim_n]

rabi yfarej




recette tiramisu (http://www.recetted.com/search/label/recette%20tiramisu)

[نورالهدى بيولوجيست]

ربي يصفي القلووووووووووووووب

و الصبر هو الحل باذن الله

[mounaminou]

لاحول ولا قوة الا بالله.....علابالك كون تموتي و نتي محاشما فيها تدخلي للنار و يحاسبك ربي
هدي ختك مام تتقابضو ارجعو لبعضاكم و مام لا غاضتك حاجة منها بقاي اهدري معاها و ماتقطعيهاش و اصبري حتا يجيك مكتوبك فلربما كي تبعدي عليها تحنو كتر على بعضاكم

انتي راكي تهدري بحرقة و غضب على ختك اللي من المفروض تكوني فاهمتيها و تكوني قريبة ليها ...يعني علاه خليتو الامور توصل للدرجة هدي

حابة نقولك بعض الامور اللي تولد شعور بالمرارة عند اختك......فلربما انتي تعاملتي بنيتك مي ماراعيتيش مشاعرها و ربما بالغتي في الهدرة على الزواج قدامها و هي تشوف بعينيها و حاطة ف بالها بللي فاتها الحال و نقصت الحظوظ تاعها.......رمبا كي تخطبتي قيستسها بالكلام و اكيد هي الخت الكبري فمن الطبيعي تمد رايها ف امور قادرة تقلقك ..كي تخطبت اختي ولاة حساسة و اي راي نقولوهولها مايعجبهاش ربما نتي ف لحظة غضب تزايتي معاها ف الهدرة

كي تتخطبي ماتبقايش تشكري ف خطيبك قدامها ....باه تتفاداي الغيرة ...نضن انك كنتي طايرة من الفرحة في الوقت اللي كانت هي تتالم ...
حتا كي تزوجي ماتشكريش ف الزوج تاعك و جربي ديما تبدلي الهدرة ف الامور هدي ....

[hodahodahoda]

اصبري عليها

[ailemak]

hata ana 3andi le meme probleme, w rani hassa bik khti, rahoum ygoulou samhi, mais bezaaaaaaaaaaaaaaaaf, wech tsamhi wech tkhali, ana des fois ndir rohi bahloula manefhamch mais hiya zedet w w w w
khali taba9 mastour, w c pa la peine nefethou ljourouh
rabbi fi 3ounek hanounti, pske koun nahki mokhek yahbes

[قطر الندى13]

الله يهديك و يهديها

[mira mira02]

ربي يهديها