5 شهر تكفي ؟ نزل الموضوع بسرعة بارك الله فيك

[مشكلتي]

يالخاوة السنة عندي باك وراني حاس روحي والوا خطراك مزلت مبديتش وصراحة راني باغي نتفوق بمعدل مليح بزاااف بعد ماشفت لقرايا هي لراه تسلكني بصح مانظنش يكفي الوقت مزالوا 5 شهر برك اعطوني رايكم واش ندير ؟

[* الحلم سكر *]

اخي المشكل ماشي في الوقت المشكل في الارادة و اكيد تعرف المراجعة بالنوعية و كيف راك تراجع ماشي قداه وقت
التفكير السلبي راح يضيعلك و قت اكثر و راح توصل مرحلة تقول كانو في يدي 5 شهور ضيعتهم و يبانولك كانو يكفو
امالا قول بسم الله و توكل عليه سبحانه و تعالى خذ بالاسباب و اسأله التوفيق
و ان شاء تنجح و نفرحو كامل معاك
موفق

[alaae]

si tu veux tu peux
5 اشهر تكفيك و بالبزاف حط راسك في قرايتك و صلي و دعي ربي يسهلك

[ولد حمد الباتني]

والله مازال الحاااال العام الجديد مازال مادخلناهش
ومازالولك 6 أشهر و10 أيام تقريبا
تقدري توصلي ووتتفوقي بإذن الله فقد
أبداي من غدوة وحذاري من التسوييييف

[amina-31]

5mois fiha lkhir w lbaraka roh révisé wen3al chitan

[faty05]

تكفي مع تنظيم للوقت و المداومة عليه
ربي ينجحك ان شاء الله

[الملآذ]

اخي انا مثلك عندي باك واستطيع ان اجاوبك مازال الوقت يلا روح اقرى ما تضيع ولا فرصة اسال الله ان نكون من الناجحين

[ملاك الامل]

5 اشهر تكفيك وتفضل لكن ما تزيدش تضيع الوقت وربي يعاونك

[ابنة الاسلام]

khouya takfik w techit
ana hmd ditou avec mention
ki tkoun te9ra imaginez teddih avec une bonne note et la reaction de tes parents
ba9ilek une semaine dir programme mli7 sba7 mtiére scientifique 3chia adabia wrakez 3la lli 3andhoum coefficient kbir w mathmalch les autres
na9as lkharjat
ba3d l3outla b9a dir des résumes 7el des exos f math science phisique
en philo fait tjr ma9alat
w 7fed men douuuuurk matgoulch nensa wela
c ça l'essentiel ekhdaaaaaaaam telgaaaaaa

bn courage ......allah yewaf9koum kamel

[sudo]

تكفي تكفي توكل على ربي و اكثر من الدعاء و ترتبكش :19:

ربي يوفقك

[أم الحسين 24]

تكفيك و تزيد ,,, المهم تعقد العزم من الان , بالتوفيق

[رحيل ج]

ربي يكون معاك ونقلك الارادة تهون الصعاب شد الهمة وكون قدها

[zineb_saib]

شوف اخي نظم وقتك متلقى حتى صعوبة وابدا من اليوم
ومن رأي دير برنامج عارف روحك رح تلتزم بيه
مثلا كل يوم في الأسبوع خصصلو مادة معينة مثلا كل سبت تقرا رياضيات وادب
وكل احد تقرا فيزياء و شريعة .....وهكدا...
مجرد مثال
وكثر من حل التمارين بالنسبة لمواد الفهامة ومن المراجعة لمواد الحفظ دون تهاون وشوف الاختبارات تاع الاعوام السابقة وحاول تكون مطلع عليهم
انا هكدا كنت ندير عام الباك واديتو بفضل ربي بسهولة تامة ولله الحمد وبمعدل مليح
ربي ينجحك

[yousra14]

لا يأس مع الحياة توكل على الله واجتهد وربّ ينجحك

[احمدdz]

ربي يسهلك الامور
بالتوفيق

[قطر الندى13]

تكفي مع تنظيم للوقت

[صالح القسنطيني]

اللغة العربية و الفرنسية و الانجليزية و التأريخ و الجغرافيا و سائر المواد التي تعتمد على الحفظ يمكنك أن تستدرك فيها و 5 اشهر كافية


و أما المواد العلمية الرياضيات و الفيزياء و العلوم فإذا كنت غير فاهم لها فأخاف أن يكون الوقت فاتك

فالرياضيات و الفيزياء كالعقد جميع وحداته مرتبطة بعضها ببعض

[جودي ابوت]

5 شهر مزال الحال اخي حتى لو كنت علمي مزال باذن الله خصوصا تبان عندك عزيمة تاع دراسة توكل على ربي وابدى اقرى باذن الله النجاح هو حليفك

[احمدdz]

توكل على ربي
بالتوفيق

[كاميلا]

5 اشهر بزيادة ثاني شرط انك تقرا ليل مع نهار انا كون نقولك في قداش باش قريت للباك وشعبة ادبية يعني الحفظ بزاف بديت في مارس افريل ماي بصح ليل مع نهار ودرت جدول وقسمت الوقت وكنت نحفظ بالقرآن نحط سورة البقرة ونحفظ
عادي جدا ابدا من اليوم ودير جدول وراك ناجح باذن الله

[تراتيـل صبــح]

إذا قلنا لك 5 أشهر لا تكفي فستصدق وتضعف ولن تفعل شيئا
أما إن قلنا لك 5 أشهر تكفي فستتحمس وتبدأ بالعمل
أنت تبحث عن من يشجعك فقط
لذلك أقول لك ابدأ من اللحظة ولا تتهاون
واجعل النجاح هدفا أمامك
حدد المعدل الذي تريد الحصول
ولا تفكر بالعوائق:
ماذا لو الوقت لم يكفِ ؟
ماذا لو لم أحصل على المعدل؟
ماذا لو لم أنجح؟
فكر فقط بأنك قادر وستفعل ان شاء الله
واترك كل تلك الأفكار السلبية وراءك فستعيقك عن الوصول لهدفك.
موفق ان شاء الله.