سنة 2 علوم تجارية واقتصاديية وتسيير

[أسومة المتفائلة]

البسملة1


ان شاء الله تكون عطلة ممتعة لكل الطلبة :D:D:D

واش بديتو تحظرووو لكنترول ولا مازااااال :30::30:

كي حالتى مقدرتش نبدااا :mh93:


راهى خلاصت السمانة الاولى ولي كونترول مور العطلة


خلونا نراجعو مع بعض فى هاد الصفحة



كل واحد يفهم موديل ولا عندو استفسار يحطو هنا ونتعاونو مع بعضنا كامل:19::19::19::19:


ان شاء الله نلقى دعم

الخاتمة1

[hocine 23]

salut
HAJA MLIHA DERTIHA OKTIH SALMA W INCHALAH NET3AWNOU W NKOUNOU KHAWA W NJBOU MOYEN MLIHA KEML NABDA ANA 3ANDI PROB F IHTIMALET MANI FAHEM FIHA WALOU RANI GHIR DAKEL B LA TAILE F L MODULE HADA INCHALAH T3AWNOUNI B LES COURS W LI YKOSKOUM W NA9DER 3LIH RANI HNA

[أسومة المتفائلة]

سلام
احنا مكنقراوش الاحتمالات ؟؟؟
نقراو الاحصاء نقراو فيه توزيع برنولى و التوزيع الطبيعي وتوزيع كي مربع وتوزيع ستودنت.......
هادوما لي تقراو ولا لالا ؟؟؟

[ألجا زايري]

نعم ، و أغلب الطلبة ما يفهموهمش

+ نشفالك من العام اللي فات و أتني تشكي ههههه

[أسومة المتفائلة]

ايه راني على العام نشكي ههههه
تخلطت عليا مع رياضيات المؤسسة
السمبلكش شكون فاهمها يفهمني

[hocine 23]

الاسلام عليكم اختي حنا نقراو احتمالات ماشي احصاء الاحصاء قريناه في سنة 1 و في الصح راهي فرع من الاحصاء
في ما يخص السمبلاكس فاهموا مليح لانوت الاسناذة تاعنا حاكمتنا محاضرة و تطبيق مي اصبري نوصل لرياضيات او نفهمك لاني مداير برنامح تاع مراجعة هاد السمانة انشاء الله توصلك
من فضلك وين تقراي لي يقرا في دالي براهيم يفولي عندي بعض الاسئلة
السلام عليكم

[أسومة المتفائلة]

اوك خيي
معليش تحطنا البرنامج تاعك
انا ملقيتش منين نبدااا؟؟؟

انا نقرى فى جيجل

[أسومة المتفائلة]

اوك خيي
معليش تحطنا البرنامج تاعك
انا ملقيتش منين نبدااا؟؟؟

انا نقرى فى جيجل

[asma-aid]

معاكم اسماء حاجة مليحة اختي
انا قهروني ب lexposè
عييت بزاااف
السمبلكس ساهل البروبلام فالستات والمااااكرو
راني حابة l exama تع العام اللي جاز
اللي عندو يعاوني

[noha_ali31]

الاحصاء نقراو فيه احتمالات دات الحدين والتباين والتوقع ونظرية المعاينة انا ثاني جايني صعيب وكان كل واحد فينا يحط تمارين لي حالوهم مع الاستاد ونتناقشو في الحل نفهمو شوية وبالنسبة لكل المواد ادا كنت واجدين ,,,,,,,,,,,بالتوفيق

[*الحواس*]

ربي معاكم ,

كنت باغي نعاونكم , بصح الله غالب , راني نسيت شا قريت العام لي فات و راني مع التقرير .......... و بالنسبة للأخت لي راهي تسقسي على الماكرو , الماكرو ساهل و ماشي صعيب , شوية تركيز و لازم من الأول تكوني صحيحة فالانون لي طبقيه , على خاطر إذا كانت البداية غالطة التمرين كله يكون خطأ .

بالتوفيق :19:

[asma-aid]

يعطيك الصحة خويا المهم ويلا حابين نقراو كيف كيف راني هنا

[أسومة المتفائلة]

انا عندي مشكل فى المنتدى مكنقدرش ندخل غير ساعات
والمشاركات ميبانوش عندي ؟؟؟
لهيك مكندخلش

[asma-aid]

نفس المشكل عندي اختي والسيت ثقيل تان

[*الحواس*]

يعطيك الصحة خويا المهم ويلا حابين نقراو كيف كيف راني هنا

أنا هاذ العام نكمل راني سنة ثالثة , و كنت باغي نعاونكم بصح كل شيئ راح من الراس ....

بالتوفيق :19:

[asma-aid]

الله يبارك انشاء الله ربي يكملك الماستر انشاءالله
راني حابة هدا السؤال/


طريقة التكاليف الحقيقية
طريقة التكاليف المتغيرة
المطلوب/

-ماهو مضمون ومزايا كل طريقة.
-ماهو سبب تغير سعر التكلفة والنتيجة الاجمالية بالنسبة لكل طريقة.

[أسومة المتفائلة]

أنا هاذ العام نكمل راني سنة ثالثة , و كنت باغي نعاونكم بصح كل شيئ راح من الراس ....

بالتوفيق :19:


ربي يوفقك خويي ضابط

:mh92::mh92:

معندكش دروس تاع 2 ولا بولكوب :rolleyes:

[*الحواس*]

الدروس كامل مديتهم + الإمتحانات و الأعمال الموجهة ............ الله غالب .

ربي يوفقكم

[Nadjiboo]

السلام عليكم
أنا سنة ثانية علوم تسيير في تيارت .. ومانقراوش الإحصاء .. وبخصوص الإحتمالات قريناها فالسنة الأولى في الإحصاء ..
+
إذا ممكن تعطوني ملخص كامل لمقياس تسيير مؤسسة .. راسلوني جزاكم الله خيرا .. ^^

[hocine 23]

السلام عليكم كيما وعدتك سلمى و باقي الاعضاء هادا وين كملت الرياضيات
او راني عند وعدي (كامت الشاوي ميدورش فيها مهما صرا)
اليوم نشرح جدول السمبلاكس :
اولا لازم تعرف الصيغ ل عندنا في النموذج الرياضي والي
 الصيغة القياسية او النموذجية :
شروطها هي:
- كل المتغيرات موجبة او معدومة
- كل القيود عبارة عن مساواة
- Bi لي هو الطرف الايمن لقيود
- دالة الهدف تعظيم : z Max او تدنية Min : W
 الصيغة القانونية او النظامية:
- كل المتغيرات موجبة او معدومة
- كل القيود عبارة عن متراجحات (متباينات) لها اشارة دالة الهدف ( max ≤ et min ≥)
- Biغير محدد الاشارة
الان لحل نموذج رياضي لدينا طريقتين ندرسهم
- طريقة الحل البياني مشي دقيق لهذا يتجنبوها شوي
- طريق جدول السمبلاكس دقيق تحب التركيز في الحساب :
شرط السمبلاكس الوحيد هو التحويل لصيغة القياسية، لتحويل لدينا 6 تحويلات نحتاج 2 برك
• التحويلة 1: لما يكون متغير غير محدد الاشارة نستعملها كتالي :
Max : Z= 6x1 + 9x2
4x1 + 6x2 ≤ 30
14x1 + 23x2 ≤ 54
غير محدد الاشارةX1 ≥ 0 et x2 :
بعد التحويل :
Max : Z= 6x1 + 9 (x2+ - x2-)
4x1 + 6(x2+ - x2-) ≤ 30
14x1 + 23(x2+ - x2-) ≤ 54
X1, (x2+ - x2-) ≥ 0
التحويلة 2 نشوفها في المثال :
Max : Z= 6x1 + 9x2
4x1 + 6x2 + 2x3 ≤ 30
14x1 + 23x2 +8 x3 ≤ 54
X1, x2, x3 ≥ 0
التحويل :

Max : Z= 6x1 + 9x2 +x3 +0s1+0s2
4x1 + 6x2 +2x3+s1+0s2 = 30
14x1 + 23x2+8x3+0s1+s2 = 54
X1, x2, x3, s1, s2≥0
لتحويل من متراجحة الى مساواة نضيق s في كل القيود لكن بمعامل 1 في القيد الاول لs1 و نضيف s بمعامل 0 كلي مزدناهش
و في دالة الهدف دائما بمعامل 0
الجدول الاول لسمبلكس:
S2 S1 X3 X2 X1 متغيرات النموذج
bi/ai bi 0 0 1 9 6 متغيرات دالة الهدف معاملات المتغيرات القاعدية
30/6=5 30 0 1 2 6 4 S1 0
54/23=2.35 54 1 0 8 23 14 S1 0
0 0 0 0 0 0 Zj
0 0 1 9 6 Cj-Zj


في حالة التعظيم يجب ان يكون السطر الاخيرcj-zj سالب
بما انه موجب نختار اكبر قيمة موجب و سمى عمود الدوران
نقسم قيم bi على عمود الدوران bi/ai و نختار اصغر قيمة و يسمى سطر الدوران
تلاقي سطر و عمود الدوران هو le pivot
نرسم جدول 2 لسمبلكس:
S2 S1 X3 X2 X1 متغيرات النموذج
bi 0 0 1 9 6 متغيرات دالة الهدف معاملات المتغيرات القاعدية
15.91 -0.26 0 -0.087 0 -0.35 S1 0
54/23 1 0 8 1 14 X2 9
684/23 9 0 72 9 126 Zj
0-9=-9 0 1-72=-71 9-9=0 6-126=-120 Cj-Zj

خاوتي باه نكملوا الجدول الثاني
نهزو le pivot=23 و نحطو في بلاستوا 1 و باقي العمود تاع pivot نكملوه ب 0
السطر لي بالاحمر سطر le pivotنقسموه عليه كامل يعني على 23
او باقي الجدول نحسبوه بالقانون هادا:
القيمة الجديدة
= القيمة القديمة – (القيمة المقابل في سطر الدوران* القيمة المقابل في عمود الدوران )
le pivot
او دركا نكملو نحسبوا zj et cj –zj
في المثال هادا لقينا كل القيم سالبة يعني لقينا الحلول باقي التعليق حسب معطيات التمرين
ويلا ملقيناهمش نكملوا الجدول 3 و 4 و 5..................
ربي يوفقنا انشاء الله .خاوتي ادعيولنا بالنجاح و بالشفاء لوالدة ربي يحفضلنا يمتنا اولي ماتت ربي يرحمها
لي تخوصوا حاجا يتاصل بيا في الفايسبوك من فضلكم نطلب منك بالدعاء برك او راني مستعد نعاون خاوتي و خواتاتي هادا الفايسبوك تاعي
كان معامكم خوكم zinou
السلام عليكم
https://www.********.com/gous.zineeddine
خاوتي لي حاب يبعالي نبعتلو وارد في الفايس لي ما فمش ربي يسهل ان شاء الله

[soumia_16]

a3toonii les cours :'(

[العائدةالى الله]

السلام عليكم ورحمة الله وبركاته كيف حالكم اخواني
انا مافاهما والوو لكن عندي دروس ماعرفتش كيف نزلها للمنتدى عيييت معاها
اما عن اقتصاد المؤسسة نقراو فيه
-تعريف المؤسسة
-الهياكل التنظيمية
-اهداف المؤسسة الاقتصادية
-مراحل تطور المؤسسة
-انواع التنظيم بقيادة اينتون مايو
-الهياكل التنظيمية
-تصنيف المؤسسات
-االمؤسسة والبيئة
-المؤسسة والسوق
-موارد المؤسسة
-وظائف المؤسسة
والاقتصاد النقدي و رؤوس الاموال عندنا
*النظم النقدية :
1-النظام النقدي المعدني
2-النظام النقدي الالتزامي (القانوني)
3-النظام النقدي التكنولوجي
*النظريات النقدية
1- الكلاسيكية
2-الكينزية
3-الحديثة
*قيمة النقود
1-التضخم
2-الانكماش
3-السياسة النقدية
*النقود في النظام الاسلامي
*الاسواق المالية
1-مالية
2-نقدية
*عقود الاختيار
*عقود المستقبليات
*سوق اليورودولار
*السوق المالي الاسلامي

[العائدةالى الله]

وفي الاحصاء نقراو
*متغير عشوائي مستمر.ومتقطع
*احتمال الشرطي
*قوانين احتمالية
*تقع الرياضي
*احتمالات + مجموعات
وهاذو قااااع مش فاهمتهم وماعنديش الدروس
واللي بداو الامتحانات لوسمحتو حطولنا المواضسيع لي دارولكم

[wafaa bel]

السلام عليكم
ممكن افادتي حول التخصصات الموجودة فالسنة الثالثة

جزاكم الله خيرااااااا

[العائدةالى الله]

السلام عليكم ورحمة الله وبركاته
اختي وفاءاحنا بجامعة الاغواط نتخصص من السنة الثانية علوم تسيير وعلوم اقتصادية وعلوم تجارية وفيهم
ادارة اعمال
- ميزانية
-بنوك
-محاسبة
ادارة مالية
-تسويق
-تجارة دولية

[soumialoulou]

انا نقرى في الشلف سنة ثانية علوم تجارية مانيش فاهمة كامل هدو الصوالح اللي راكم تحكو عليهم ماقراوش كامل هكذا حنا

[maachousat]

غريبة أمر لديكم ؟ معظم مواد تدرس لنا بالغرنسية مثل إحصاء وغيرها وانتم عربي و دراسة مختلفة إجمالا عن ماهو منشور هنا ؟

[العائدةالى الله]

اخوتي المقاييس تتغير بالسداسي الثاني ؟؟؟

[أسومة المتفائلة]

ايه اختى المقاييس تتبدل مي ماشي كامل

[pink foufa]

merciiiiiiiiiiiiiiiiiiiii