قولولي كيف اساعد زوجي

[imane mina]

لقد فكرت كتيرا كيف اساعد زوجي باي عمل اخر لجلب الرزق الحلال لكن لااعرف اي عمل مناسب وفيه الفايدة فمتلا خممت نخدم خبز الدار ونبيع واش رايكم وادا عندكم راي اخر قولولي جزاكم الله خيرا

[لينا05]

تعلمي البساطات واخدمي للناس

[sara160349]

كاين الخياطة و الله مدخولها يقوم الدار و يفضل فعلا انا نعرف خياطات متمكنات شاريين ديار و سيارات لازواجهم و اولادهم و الله عايشين فالمستوي لكن شوية فيها تعب نهار كامل مطابسة مع الماشينة و ربي يفتح عليك و علي زوجك و يرزقكم كاين بزاف حرف القاطو درك مطلوب بزاف و الكروشي و السموك و الله كاين بزاف حوايج روحي لقسم الاشغال اليدوية ادي شوية افكار و قسم الحلويات

[imane mina]

بارك الله فيكم شكرا على ردودكم

[melissa lola]

الله يكون في عونك الاخت ربي يسهلك انا نشوف بلي خدمة الخبز و الحلويات و المحاجب احسن تكاليفها بسيطة ومردودها جيد خاصة في فترة الاعراس ربي يقدرك

[الحلم الجميل]

ربي يعاونك و يعطيك و يرزقك على حساب نيتك
اقولك على اشياء تعملها جارتنا
كل يوم كيفاه مرات طيب الخبز و تعطيه لولدها صغير يبيعه غير قدام الدار و لا انت تكون ناس تعرفك تجي طبطب عليك
ومرات دير تاني المحاجب و مرات الكعك
و مرات طيب المايز و تعمره في صاشيات صغار
و الا ما نجمتيش تقدري تخدمي حاجات تاع خياطة تخص لبنات الصغار
و لا خدمي كروشي تاع الصدورا يقولوا ساهل و تاني ما يتعبكش و لا خدمي الحلويات
ربي يرزقك و يوفقك..الا تفكرت حاجة غادي نقولك

[imane mina]

شكرا جزيلا على ردودكم الخياطة صح مليحة بصح انا منعرفلهاش وان شاء الله نحاول

[sara160349]

اختي ممكن تقولينا واشمن ولاية حتي نعرفو الحاجة لي تساعدك كيما احنا هنا سطيف و ضواحيها ماعندناش خبز الدار يتباع برا و المحاجب بصح كيما لبساطات و القاطو و الخياطة مدايرة حالة تدخل الذهب

[samira135]

الخياطة لازم تكون وحدة متمكنة و مبدعة باش يكون عندها زبائن وانتِ قلتِ انك ماتعرفيش ننصحك تعلمي وفي هذي الفترة اخدمي حاجة بسيطة وتعرفيها مثل المطلوع ، إفتلي الطعام (الكسكسي) ، الحلويات كاين في قسم الطبخ انواع روعة و ساهلة

بارك الله فيــــــك و الله يكثر من امثالك .... ربي يرزقك خيتو

[أَحمــد]

تفضلي بطرح موضوعك بهذا القسم:

قسم المشاريع الخاصة

http://www.djelfa.info/vb/forumdisplay.php?f=467

وفقك الله

[ابو اكرام فتحون]

السلام عليكم ورحمة الله وبركاته

عَنْ عَبْدِ اللَّهِ بْنِ مَسْعُودٍ رَضِيَ الله عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَا قَالَ عَبْدٌ قَطُّ إِذَا أَصَابَهُ هَمٌّ وَحَزَنٌ اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي،
إِلَّا أَذْهَبَ اللَّهُ عَزَّ وَجَلَّ هَمَّهُ وَأَبْدَلَهُ مَكَانَ حُزْنِهِ فَرَحًا"،
قَالُوا: يَا رَسُولَ اللَّهِ يَنْبَغِي لَنَا أَنْ نَتَعَلَّمَ هَؤُلَاءِ الْكَلِمَاتِ؟
قَالَ:"أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ".



أخرجه أحمد (1/452 ، رقم 4318)، وابن أبى شيبة (6/40 ، رقم 29318)، والطبراني (10/169 ، رقم 10352)، والحاكم (1/690 ، رقم 1877) وقال: صحيح على شرط مسلم.
وصححه الألباني في "السلسلة الصحيحة"(1 / 337).

[ايمان نور الجزائر]

انصحك ان تاخذي تكوينا في صنع الحلويات وفي نفس الوقت اخدمي خبز الدار
وكي تتكوني تقدري تخدميهم في زوج
++
الخياطة حاجة ماشي ساهلة راها تاخذ وقت لتعلمهااا ++لازم يكون عندك ميول وموهبة فيهاااااا

[saim_n]

wine tessekni !!!
pe etr kayene ness y3awnook


recette tiramisu (http://www.recetted.com/search/label/recette%20tiramisu)

[فانيسا]

ربي ايوفقك اختي اخدمي الحاجة لي تعرفيها خبز الدار المطلوع الكسكس الشخشوخة بزاف نساء راهم يخدمو مافيهاش عيب و ربي يفتح عليك ابواب الرزق الحلال

[hayarifka]

ختي انشالله يرزقك ربي من اوسع ابوابه عجبتني فكرتك تاع خبز الدار انطلقي فيها بدون تردد وحاولي انك تتقني الوصفة بسعر معقول واذا خدمتك نضيفة راح يكثر عليك الطلب وتعودي ماتلحقيش واحسن نصيحة نقدمهالك هي انك تتخصصي في حاجة وحدة ومتكتريش عليك

[imane mina]

بارك الله فيكم على ارائكم وشكرا جزيلا انا ان شاء الله قررت اني ابدا بخبز الدار وحتى زوجي قالي نعاوؤنك فيه وياااارب يسهلنا باه نبداو هده الايام ادعولنا يارب تفرج في وجوهنا واللي سالو انا من اي ولاية انا من سكيكدة والخبز شوي يمشي عندنا

[أيمن عبد الله]

بارك الله فيكم على ارائكم وشكرا جزيلا انا ان شاء الله قررت اني ابدا بخبز الدار وحتى زوجي قالي نعاوؤنك فيه وياااارب يسهلنا باه نبداو هده الايام ادعولنا يارب تفرج في وجوهنا واللي سالو انا من اي ولاية انا من سكيكدة والخبز شوي يمشي عندنا
بالتوفيق خطوة خطوة تصلي ان شاء الله
*عليك بالصبر فالامر يحتاج للصبر
و ان يفرج الله همكم ويزيل غمكم
ويرزقكم الحلال الطيب

الحلال ثم الحلال وكثرة الاستغفار تفتح الابواب