واخيرا تم الإعلان مباشرة عن الزيادة في الأجور

[aspirn]

أعلن وزير العمل والضمان الإجتماعي أمس 24/12/2013 عن الزيادة في أجور موظفي عقود المساعدة على الإدماج ويكون الحد الأدنى 18000 على الأقل و احتساب سنوات العمل في التقاعد حيث صرح به في قناة النهار الف مبروك أقول ان أول السباق هو خطوة وهاته هي خطوتنا الأةلى إن شاء الله

[amineezel]

متى ستطبق هذه الزيادة

["راجية الجنة"]

هل يشمل حساب سنوات التقاعد عقود ادماج الاجتماعي لحاملي الشهادات ؟

[mourad ali]

كي صار هاك لازم الواحد يتزوج

[housam28]

اول الغيث قطــــــــــــــــــــــــــــــــــــــــــــــــ ـــرة

[جزائري85]

يا ويد مالكم هادي حملة باه تفوطو على العهدة 4
و انتوما زعمة امنتو بلي كاينة منها
معليش زيدو امنو

[manina16]

الــمــصــدر؟

[جزائري85]

و انتوما امنتو بلي كاينة منها
ياو هادي حملة انتخابية باه تفوطو على العهدة 4
فيقو ياو راكم جامعيين

[lalib40]

هههههههههههههههههههههه

[الحجيلية]

ان شاء الله تكون كاينة منها ويطبقوها قبل الانتخابات

[وردة حياتي]

تستاااااااااااااهلو اللي راكم فيه كذبو عليكم و زادو و عاودو و انتوما مازال راقدين اوووووووووووووووووه مازال راقدين الله يرحمك يا وردة

[amine eco]

خويا اين مصدر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[جلفاوي32]

ههههه حملة الانتخابية بدات

[sidali1988]

وجماعة داس معاكم ولالالا ..نظن يروحو ضحية سياسية ههههه ليسانس يخلص 9000دج تقول لانام في الجزائر ولاداس في المروك

[mabir]

هههههههههههههه لاداس بنت البطة السودة

[maram.espoir]

للأسف شباب جامعي متعلم لكن ,,,,,,,,, نية (خفت ان اقول كلمة تجرح)
و سأجيب احد المتدخلين الذي سأل : متى التطبيق؟؟؟ سأقول له بعد الانتخابات يا بني و الفاهم يفهم

[الفقيرة إلى ربها]

الزيادة سوف تشمل الذين سيستفيدون من الصيغة الجديدة في 2014 اي عقد التشغيل الاولي الذي سيحل محل ادماج حسب تصريح الوزير على قناة النهار منذ يومين و الحد الادنى سيكون 18 الف دج

[noura24]

بدات الحملة الانتخابية

[fadilasor]

ربي يهديكم

[aspirn]

متى ستطبق هذه الزيادة
لم يصرح بذلك إلا أنه سيكون في جانفي 2014 أكيد لأن تسمية العقد سوف تتغير

[aspirn]

كاينة منها يعني officiel
%100 اذا شخصيتوا ماشي كيما شخصية فقاقير

[كمال84]

الزيادة سوف تشمل الذين سيستفيدون من الصيغة الجديدة في 2014 اي عقد التشغيل الاولي الذي سيحل محل ادماج حسب تصريح الوزير على قناة النهار منذ يومين و الحد الادنى سيكون 18 الف دج




هل الزيادة ستخص فقط اصحاب العقود الجديدة 2014 و الاخرين لن يستفيدو ............. ام ان الكل معني

[aspirn]

الزيادة سوف تشمل الذين سيستفيدون من الصيغة الجديدة في 2014 اي عقد التشغيل الاولي الذي سيحل محل ادماج حسب تصريح الوزير على قناة النهار منذ يومين و الحد الادنى سيكون 18 الف دج

صيغة العقد سوف تغير للجميع مع العلم أن التوظيف في القطاع العام مازال متوقفا

[aspirn]

هل الزيادة ستخص فقط اصحاب العقود الجديدة 2014 و الاخرين لن يستفيدو ............. ام ان الكل معني

صيغة العقد ستغير للجميع والزيادة للجميع ان شاء الله

[amine eco]

هههههههههههههه لاداس بنت البطة السودة

:1::1::1::1::1::1:

[جيلالي 21]

حملة انتخابية لاسكات حاملي الشاهدات قبل الموعد الرئاسي

[ياسر ياسين]

للأسف منيش مصدق

[aminedu45]

مشكييييتش .... خرطي مرطي

[كمال84]

تَفاءَلُوا بِالخيْرِ تَجدُوه ................

[ورود ياسمين]

سمعناها ألف مرة و مكان والووووووووووو

[farouk titoum]

حملة انتخابية لكسب ود الالاف من عقود ماقبل التشغيل.....................نريد الملومس في الجريدة الرسمية.......و الزيادة ان كانت صحيحة هي



ذر الرماد في عيوننا لكي لا نطالب بمطلبنا الأساسي وهو .................الادماج......................

[farouk titoum]

حتى ولو كانت زيادة ستشمل جميع عقود ماقبل التشغيل ب الصيغة القديمة او الجديدة.....اقول ان كان هناك ملموس


.................................................. ........see and wait.............................................. ...............

[lamia_23]

السلام عليكم
ربي يجيب الخير برك
ان شاء الله متكونش هدرة برك كيما العادة

[karim2006]

مستحيـــلة !!!!!!

[amine eco]

كذب الا في حالة دخل رصيد في حسابكم البريدي 18000 دج

[كلمات معبرة]

يعني زادولكم 3000 درتوا عرس
هذا وين فهمت علاه الحكومة ماحبتش تشوف لحاملي الشهادات طموحات محدودة
برك قولولي 3000 واش رح ادير
من قبل كنت ادير دين نص المنحة دوك تولي ماديرش ادين مي تعيش مذلول هذا مكان واش رح يصرى

[soumiya maria]

والله ربي يجيب الخير

[eric26]

لاشيء ملموس مجرد سراب سرعان مايتلاشى

[joker13]

yzidou hetta 3 million ila 7abo lessentiel ana ma nvotéch w jamé votét w jamé nvoté

[omelhabib]

اللهم اغنني بفضلك اللهم بارك لنا في منحتنا

[mamado05]

ايييييييييييه ربي يجييب الخير ان شاااء الله

[mohamia]

يعطوكم واش يعطوكم مدة 03 سنوات و ترجعون الى البطالة الامر المهم هو التثبيت في المنصب و لو بنصف الاجر و لكن ربي يجيب ليفهم

[soriaalg]

السلام عليكم ورحمة الله تعالى وبركاته
في الحقيقة هذي الجرعة الاولى من المنوم يبقى شهر على الانتخابات يزيدو جرعة اخرى لي هي الترسيم وهي هكذا تمشي كي تفوت الانتخابات عليهم بردا وسلاما يخرج الوزير من جديد ويقولك العدد كبير الميزانية لا تسمح ......... ثم يختفي هذا الموضوع تماما ويعدها تجي مناسبة اخرى يزيد يعاودو الكاسيت من جديد ونشوف مواضسع هنا في القسم الوزير قال وفلان رايح يدير ووووووو ثم ننام من جديد ويعدها تجي مناسبة اخرى ونشوفو المسلسل التركي نفسو يعني على شكل اجزاء هي في الحقيقة المناسبات كثيرة وين يقولو هذا الكلام عيد الاستقلال اول نوفمبر ......وحنا نسمعو ونصدقو للاسف عندنا ذاكرة ذبابة والله يا اخوتي كيما قال احد الاخوة كي تدخل للكونت تاعك ذاك وين تصدقها اما الباقي هف في هف

[karim2006]

كــلامك صحيح أختي 100/100

[nezlad]

حملة انتخابية لكسب ود الالاف من عقود ماقبل التشغيل.....................نريد الملومس في الجريدة الرسمية.......و الزيادة ان كانت صحيحة هي



ذر الرماد في عيوننا لكي لا نطالب بمطلبنا الأساسي وهو .................الادماج......................

عندك الحق خويا راني معاك في هذي الهدرة:19::19::19::19::19:

[amine eco]

نظريا و تطبيقيا الادماج غير ممكن ان كنتم عقلاء

[aspirn]

شيء واحد يخليني متفائل أتدرون ماهو
أولا - تجميد التوظيف لدى القطاع العام بصيغة عقود الإدماج
ثانيا- خريجي الجامعات سيطالبون حتما بمناصب عمل مما سيولد ضغطا على الدولة حيث أن المتخرج من الجامعة يكون حلمه التوظيف ولو بصيغة غقود البطالة هاته التي نحن كرهناها

[aspirn]

يضحكوا ناس الحكومة كل مرة يبدلوا غير الاسم ادماج اولولية التشغيل و اللله بلاد ميكي ما يهمناش الاسم حابين شي ملموس و فوري سريع كرهنا المماطلة بركات اخرجوا برا للشارع احتجوا و قاطعوا الانتخابات
merci.....................merci

[عين الحجل]

ان شاء الله اكون كاين منها المفيد وكت اطبقوها

[Laghnej Rekia]

الرزق على ربي

[aspirn]

الرزق على ربي
للصبر حدود

[yacine-08]

انا افوط

انت تفوط

نحن نفوط

[aspirn]

انا افوط

انت تفوط

نحن نفوط

فوطي وحدك خويا أنا لو يصبح راتبي 10000000000000 لن أصوة
أنا مقاطع إذا أنا موجود

[ياسين4684]

ان عقدي ينتهي في فيفري 2014 هل استطيع التجديد في ظل هده التغيرات التي تحدت عنها بن مرادي بتغيير اسم عقود الادماج المهني

[aspirn]

ان عقدي ينتهي في فيفري 2014 هل استطيع التجديد في ظل هده التغيرات التي تحدت عنها بن مرادي بتغيير اسم عقود الادماج المهني
طبعا تستطيع التغيير يكون في التسمية فقط أما الآليات فتبقى هي

[فتحي48]

السلام عليكم : انا عامل في عقود ما قبل التشغيل ولدي منحة دائمة باعتباري اصبت في حادث عمل اثناء الخدمة الوطنية
السؤال : طلبوا مني كشف الراتب السنوي فهل هذا يؤثر على العقد اي يعلموا بلي راني نخلص من جهة اخرى فما العمل

[ouvrage]

http://www.youtube.com/watch?v=odtv53ygHJA

[mohamed mahi]

ماعليش يزيدونا برك وخلي يديرو الحملة الانتخابية نتاعهم والله ما نفوطي عليهم ليوم الدين

[أحمد زابانة]

علاه حتى 18000 ؟؟؟ السقاطة دايرة كرعها
على الأقل 20000 دج كحد أدنى .
من الأخير يا نكلو كامل يا واحد ما ياكل نحرقوها و يتهنا الفرطاس من حكان الراس .

[dahel]

يا إخوتي إلى متى نقتات من فتات خبزهم ,أحرام علينا أن نعيش بأجر شريف يحفظ ماء وجوهنا]

[توريس22]

علاه حتى 18000 ؟؟؟ السقاطة دايرة كرعها
على الأقل 20000 دج كحد أدنى .
من الأخير يا نكلو كامل يا واحد ما ياكل نحرقوها و يتهنا الفرطاس من حكان الراس .
هههههههههههههههههههههههههههههههه

[ام ملاك.]

ووقتاش رايح يبدا التطبيق ؟؟؟
ولا مجرد كلام خاطرش سمعناها بزاف هاد الهدرة والصح ربي يجيب

[زينو الاغواطي]

يا خاوتي هذا مجرد كلام لانو وزير التشغيل في حصة القناة الاولى بثت سابقا انو الدولة رايحة تبدل كلمة الادماج الى عقد التشغيل الاولي لشباب والبقاء على نفس الرواتب ماديروش امال كبيرة لانو ماكانش منها زيادة في الاجور

[ايمان نور الجزائر]

العملماء عندهم فئران تجارب
والدولة نتاعنا عندها عمال عقود التهميش
يا رب برحمتك ارزقنا عاجلا منصب العمل الذي يحفظ كرامتنااا

[aspirn]

يا خاوتي هذا مجرد كلام لانو وزير التشغيل في حصة القناة الاولى بثت سابقا انو الدولة رايحة تبدل كلمة الادماج الى عقد التشغيل الاولي لشباب والبقاء على نفس الرواتب ماديروش امال كبيرة لانو ماكانش منها زيادة في الاجور
فألي سيكون خيرا لنا وولك أخي فالصبر صبراجميلا

[aspirn]

العملماء عندهم فئران تجارب
والدولة نتاعنا عندها عمال عقود التهميش
يا رب برحمتك ارزقنا عاجلا منصب العمل الذي يحفظ كرامتنااا


كرامتنا محفوظة محفوظة أختي ونقول الحمد لله على كل حال

[demi3233]

السلام عليكم وحمة الله تعالى وبركاته

على بالي بلي راكم حابين الزيادة . مي لكان تدي 18000 وبعد 6 سنين تطير برا . ما محل الزيادة من الاعراب في هذه الحالة
احنا نحوسو على الادماج ماش الزيادة وربي يهدينا كامل ان شاء الله تعالى

والسلام عليكم

[أناييس الربيع]

مانسحقوش عقود الذل
نطالبو بحقنا بمنصب مالي دائم

[sidali1988]

كي راكم تحوسو على الادماج والمتخرجين الجدد كيفاه يخدمو ولا انتم انانيين غير انتم تخدمو.... ان شاء الله مايكونش ادماج لاني لست انانيا

[أحمد زابانة]

كي راكم تحوسو على الادماج والمتخرجين الجدد كيفاه يخدمو ولا انتم انانيين غير انتم تخدمو.... ان شاء الله مايكونش ادماج لاني لست انانيا
يا أخي لي خرجو جدد يستناو كيما استناو القدم .
الله غالب عدنا نفكرو بالعوج يعني في بالك الأنانية يخدم القديم و ما يخدمش الجديد . و الا العكس ؟؟؟ و الله غير مليحة هدي ههههه