مشروع نسائي 100/100

[wissam5]

السلام عليكم حبيت نستفسر من ذوي الخبرة انا عندي هواية الكروشي ونموت على حوايج الاطفال تاع الكروشي قلت ندير مشروع صغير نخدم حوايج كروشي ملابس اطفال اكسسوارات علب حقائب ..... وعندنا محل فارغ ومخدوم مليح كان سلفي من قبل مداير فيه محل للاحذية ودرك راهو فارغ وانا راني قاعدة يعني عندي وقت قلت نحل محل نسائي نحط فيه من جهة حوايج الكروشي اللي نكون وجدتهم قبل بمدة باه ندير كمية معتبرة ومن جهة ندير كوسميتيك غير حوايج النسا ... وش رايكم وهل المشروع يكون ناجح ولا لالا وادا كاش ماعندكم افكار اخرين تقدرو تفيدوني بيهم .

[مواطنة]

ماشاء الله فكرة مليحة و نزيدلك اضافة لوكان ديري درا تاع لي بياس بالكروشي و معاهم لب نابرو و علاقات المفاتيح يعني طقم خيري الالوان الزاهية و ديري بلاكوموند يغمرو العين و الحانوت و يتمشاو مليح بالنسبة لبنات لي راهم يجهزو
لكن كين حاجة لوكان ديري كوسميتيك مايوليش عندك وقت للكروشي و اذا تخصصت في الكروشي تخدمي في الحانوت

[wissam5]

ماشاء الله فكرة مليحة و نزيدلك اضافة لوكان ديري درا تاع لي بياس بالكروشي و معاهم لب نابرو و علاقات المفاتيح يعني طقم خيري الالوان الزاهية و ديري بلاكوموند يغمرو العين و الحانوت و يتمشاو مليح بالنسبة لبنات لي راهم يجهزو
لكن كين حاجة لوكان ديري كوسميتيك مايوليش عندك وقت للكروشي و اذا تخصصت في الكروشي تخدمي في الحانوت

شكرا اختي ربي يحفظك

[wissam5]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟

[exellance]

نعم فكرة رائعة

[exellance]

انصحكي بها

[exellance]

لاكن قلتي انكي طالبة كيف ستوفقين بينهما

[وهج الحياة]

واش راكي تستناي ابداي فكري في التكاليف ،ضعي خطة لمواجهات كل التحديات التي يمكن ان تواجه المشروع ولا تنسي التسويق لمنتجك ،ربي يهنيك ويجعله فاتحة خير للامام

[ابتغي الجنة]

بصح الموقع تاع المحل مليح يعني راح يكونو عندك زبائن ؟

[wissam5]

شكرا اخواتي وهاديك تاع طالبة راحت بكري نسيت مانحيتهاش كملت قرايتي وراني في بيت زوجي . والموقع تاع المحل مليح بزاف

[الاء هبة الرحمان]

فكرة جميلة كبداية ومع الوقت توسعى اكثر بالتوفيق

[amani32]

فكرة مليحة اختي بصح كوسميتيك ما نضنش كان تتوالم مع الكروشي سيي تبيعي صوالح الخياطة ومستلزمات الكروشي هاكا يكون الحانوت تاعك متناسق والله يوفقك

[faivie.blida]

فكرة مليحة اختي بصح كوسميتيك ما نضنش كان تتوالم مع الكروشي سيي تبيعي صوالح الخياطة ومستلزمات الكروشي هاكا يكون الحانوت تاعك متناسق والله يوفقك


فكرة رائعة فمستلزمات الخياطة فيها ربح كثير

[miss-khadij]

حبيبتي الارزاق على النجاح ومادام فكرتي رايي هادي فرصة جربي ما خسرتي اي شي الله يوفقك

[business70]

فكرة جيدة لكن يجب عليك دراسة جدوى للمشروع

[sarra5]

une tres bonne idée mais madirch cosmetique dirih rir croché w bi3i hwayej ta3 l croché w ta3 lekhyata heka temchilek bien

[sorour93]

ماشاء الله حاجة مليحة كما قالو الا خوات متخلطيش الكروشي مع الكوسميتيك ديري الكروشي وادوات الكروشي والخياطة بصح اختي انا وحدة نخدم الكروشي بغيت نسالك رايحة تخدمي وحدك والا يخدمو معاك اخوات لان المحل يتطلب كمية كبيرة والكروشي راه يشد اليد وبالتوفيق ان شاء الله

[kadery2085]

الفكرة جيدة لكن النجاح يتوقف على حجم المبيعات هناك عدة طرق لتظهري محلكي ليصبح معروف افضلها تصوير اعلان فيديو صوتيspot publicitaire audio-visuel وترويجه

[-رودينا-]

السلام عليكم حبيت نستفسر من ذوي الخبرة انا عندي هواية الكروشي ونموت على حوايج الاطفال تاع الكروشي قلت ندير مشروع صغير نخدم حوايج كروشي ملابس اطفال اكسسوارات علب حقائب ..... وعندنا محل فارغ ومخدوم مليح كان سلفي من قبل مداير فيه محل للاحذية ودرك راهو فارغ وانا راني قاعدة يعني عندي وقت قلت نحل محل نسائي نحط فيه من جهة حوايج الكروشي اللي نكون وجدتهم قبل بمدة باه ندير كمية معتبرة ومن جهة ندير كوسميتيك غير حوايج النسا ... وش رايكم وهل المشروع يكون ناجح ولا لالا وادا كاش ماعندكم افكار اخرين تقدرو تفيدوني بيهم .

بتوفيق اختى الا تقصدي كوسميتك اطفال اوكي يوالم
اما الا قصدك كوسميتك للكبار مكاش علاقة بملابس الاطفال
حلي محل لبيع ملابس الاطفال + اعمالك الخاصة