ديما تهبط واش ندير؟؟؟؟؟

[♥ترانيم قلم♥]

السلام عليكم ورحمة الله تعالى وبركاته
هذا اول موضوع لي في قسم الحلويات بصفة عامة في منتدى الطبخ
حبت منكم تساعدوني وتوروني كيفاش ندير في المشكلة التاعي
انا كل ما نحضر الجينواز او البسكوي بصفة عامة تهبطلي
قولولي كيفاش نتوما تتصرفو معاها في التحضير
وعند وضعها في الفرن
من فضلكم انا في انتظار ردودكم على احر من الجمر
تحياتي:):):)

[♥ترانيم قلم♥]

................

[نجوى لحلوة]

بالاك يا اختي تديري العجينة جارية بزااااف يعني المقادير مش مضبوطو وبالاك تبقاي تفتحي في الكوشة تاعك

[♥ترانيم قلم♥]

شكرا اختي نجوى
انا مانديرهاش خفيفة
بصح تاع نفتح ونبلع الفرن بطلت منها
بلاك كاين سبب اخر

[♥ترانيم قلم♥]

شكرا اختي نجوى
انا مانديرهاش خفيفة
وتاع نبلع الفرن ونحله هاذي بطلت منها
بصح بالاك كاين سبب اخر

[djaouida dd]

شوفي اختي اولا لازمك توجدي المكونات وتسخني الفرن يعني قبل ما دخليها. لازم يكون الفرن سخون ومبعد تنقصي من درجة الحرارة وخليها طيب ثانيا. كيما قالت الاخت مالزمش تكون العجينة جارية ثالثا ماتفتحيش عليها الفرن لانك لو فتحتي عليها تهبط خليها على الاقل نصف ساعة الاولى ومبعد طلي عليها. عادي كل وحدة والفرن انتاعها ثالثا راها ساهلة ماهلة ماتخفيش زيدي عاوديها راكي تنجحي فيها

[فازيلات]

تانيك لازمك تباطي البيض و السكر غاية شي 5 د حتي يولي ابيض و يزيد حجمو عاد تزيدي الفرينة بلعقل و تخلطي بملغقة ماشي بالباطور باش مايهبتش البيض و غير بالشوية حتي تكملي الفرينة ديالك و لازم يكون الفلرن ساخن جدا سخنيه 15 د قبل ما دخلي البيسكوي و انشاء الله تنجحلك و احتارمي لغبار تاع الفرينة و السكر 120 غ مع 4 بيضات هادي هي الجينواز تاعي تجي فيلم هههههههههههههه

[لمسة حنية]

http://www.djelfa.info/vb/showthread.php?t=1398560

ديري هاذي انا ندير كيفها لازم تبعي الخطوات وبادن الله تنجحلك

[R I A D]

الجينوازتطلع بالبيض
يعني لازم البيض تطلعيه مع السكر مليح مليح حتى يتغير لونه مبعد ضيفي الفرينة
و الفرن مسخن مسبقا و وقت الطياب ما تحليش عليها