مجنون و الا حاب يهبلني فهموني

[مشكلتي]

السلام عليكم
باختصار انا مخطوبة و دايرة عقد شرعي -فاتحة - خطيبي مليح معايا في امور كثيرة لكن متقلب لدرجة غير معقولة
و المشكل انو يدير تصرفات فعلا راح تجـنـني
هو في الامن الوطني و مرة كنا نحكيـو و بعد مشكل بسيط اتصل بي و قالي يا فلانة راح ننتحر و هاي ليك و اقسم بالله أطلق الرصاصة هادي من شهر او اكثر كدت أصاب بالجنون لا رقدت لا شفت نوم غير نبكي و نتصل و هاتفو مغلق بعد يومين اتصل و رفض نحكيــو في اللي صرا بصراحة خفا عليه و غلقت الموضوع
البارح كنت زعفانة منو اتصل نهار كامل ما بغيـتش نرد بعثلي مسج
يا فلانة فلان مــات و ماهــوش مسامحك لا دنـيا لا أخرة ؟؟؟؟؟
راح ننفجر من هكذا تصرفات للعلم هو عمره 28 سنة يعني ماهوش صغير
واش ندير و هو واش بيه و الله حتى لوكان نحب نفهم تصرفاته يرجع عادي و يغلق الموضوع و كأنو شخص اخر لي دار هاذوك التصرفات واش ندير الله يخليكم فهموني

[يونس معبدي]

وعليكم السلام ورحمة الله
لا ادري ان كنا نستطيع ان نُطلق على خطيبك
المقولة التي تقول :
* ومن الحب ما قتل *
..
فعلاً تصرفات غريبة ثم ان المشكل ليس في السن
المشكل في العقلية
لان هناك من هو اقل منه سناً لكن نجد له عقلية
متزنة وبالعامية انسان رزين

ربي يصلح الأمور

[ايمان2009]

اختي ربي يصلح بيناتكم انا شايفة باللي حاب يبينلك كون تخطيه يموت هذا ماكان انت لازم تكوني بجنبه وتبينيلو باللي راك معاه و ربي يوفقكم وكي تتزوجو ان شاء الله يتبدل كلش

[naamane3]

اخبريه بانك تحبيه وتخافين عليه
ثم اخبريه ان هذه التصرتفات يمكن تتسبب لك بعض الامراض المزمنة
مثل ارتفاع ضغط الدم او السكري لذا يجب ان يتركها
والله المستعان

[khadouj_1985]

السلام عليكم اختي هذا يبان يهبل فيك برك ساعفيه و روحي معاه غي بالعقل و ما كان علاه تشاحنيه انت كوني هادئة ورزينة و ربي يسهل

[amina-imi]

هههههههههه و الله صحكتيني

هدا كون عينه يدير حاجة في روحه .. مايقولك ماوالو .. عارفك تتقلقي و تخاف عليه يلعبها يتمهبل

لو انا نخليه براحتو .. حتى يرضا غير لروحو

[جمال الدين الأفغاني]

ربي يهدي ما خلق لعله الضغط بسبب العمل والتزامات الزواج وتكاليفه

الله اعلم بحاله ولكن انت المفروض انك استخرتي فاذا استخرتي فبها ونعمة

اصبري عليه وربي يوفق بيناتكم ويهنيكم مع بعضاكم

واذا لم تستخيري فعلك بها وادعي الله ان يسهل علكما ما يصلح لكما

وربي يجيب الخير لجميع الشباب المسملين

[bonbon]

سلام اختي

ربي يصبرك عليه

الواضح انه لم ينضج بعد لان مثل هذه الحركات لا يفعلها الا المراهقين

انتي ما تقلقيش روحك لانه يريد فقط لفت الانتباه و اخافتكي لا اكثر

اذا تكرر التصرف لا تنفعلي و لا تخافي و ما تجبديلوش الموضوع اطلاقا اذا عاود اتصل بيك

وحدو راح يعرف بأن هذه التصرفات لن تؤثر فيك و ما عندها حتى معنى بالنسبة ليك و ما تقلقكش و بالتالي لن يعيدها

اما اذا يقيتي تتقلقي كل ما يديرها اكيد راح يبقى يعاود فيها

لذلك طنشيه في هذه المسألة راح يحس روحو تافه

[مواطنة]

اختي استخيري الله و اكثري الاستغفار و ضروري تزيدو تسقسو عليه مليح دون ما يعرف في العمل و في المكان لي يسكن فيه حتى تقطعي الشك باليقين و لان هذا زواج غدوا اذا بقى هكذا كيفاش يكون تصرفك و شكون يفيدك مشي المهم تفوتي الامر هكذا لازمك تعرضيه لداركم و اهلك في الدار و تتكلمو بالمناسبة على هذا المشكل و اذا كاش ما بيه يداوي عادي المهم حطي النقاط على الحروف بطريقة هادئة
اختي نصيحتي ليك خممي مليح و استفسري منو و عاودو سقسو مليح يمكن عندو نوبات عصبية من بعد يولي نورمال لكن لازمك تعرفي من بعد تقرري

[mira mira02]

راهو يقلق فيك برك

[mira mira02]

ربي يخليكم لبعضاكم

[ahlem-86]

أختي لم أستغرب من مشكلتك لأني خطيبي أيضا في الأمن الوطني ونفس التصرفات وعرسي قريب ومازالو بنفس التصرفات نقتل روحي وكذا وكذا.............................................. .................................................. .......

[sarl02]

للاسف كثرت ظاهرة الاضطرابات النفسية والانتحارات في صفوف اعوان الامن خاصة ..وهذا نتيجة للضغوط التي يعيشونها ربي معاكم.

[safiro]

كل واحد و كيف6اش يعبر عن مشاعرو المهم كي يحبك وهدا هو الصح

نشالله مع الزواج تتبدل لعقلية هادي

[محمد جديدي التبسي]

وانت وقتاش تفهمي العقلية وتتأقلمي معاه
قوليلو راك سمطتها وعفايسك عرفتهم جيب حاجة جديدة

والله عجب في رجال ربي يهدي

[نجلاء السلفية]

السّلام عليكم و رحمة الله و بركاته
اللهم اهدنا

[○•ميسون•○]

هو كان يحب يعرف مقدار تعلقك به فقط

و حاب يشوف ردة فعلك من الهدرة لي قالهالك

[samara lara]

ههههههههههههههههههههههههه ضحكتيني هههههه


قوليلو هي ليك الطريق و قوليلو كرهت من تصرفاتك كبر عقلــــــــك يا البيبي

[knives66]

ههههههههههههههه

يعجبني هذا مجنون هههههههههه

هذي رومانسية ولا خلي راه حاب يشوف اذا تحبيه ولا لا حاب يشوك تبكي عليه

حابك تقوليلوا لا ما تموتش راني نحححححححححححححححححبك

[جلفاوي32]

امراض النفسية تؤدي الى التهلكة

[lola22]

يا اختي خليه على روحو كي يقلك راح ننتحر قلوا ربي يغفرلك برك
وكي يبعتلك ميساج يقلك فلان مات رجعي عليه وقلو ربي يرحموا
هك يفهم روحو وما يزيدش اديرلك عالعفايس باسكو راني انشوف راهو تمادى بزااف سيرتو كي شافك تتقلق عليه بزاف
امالا ديري كما قتلك... ربي يهنييييييييييييكم .

[melissa lola]

السلام اختي و الله المشكلة انتاعك ماشي ساهلة شفت بزاف ردود ضحكو من المشكلة لكن الامر ليس بالهين شوفي شحال من شرطي او شرطية راهم ينتحرو صح ظروف العمل و الضغوطات كامل عندنا ضغوطات هنا تظهر اهمية الاختبارات النفسية قبل التوظيف في الشرطة او الجيش ماشي اي واحد يقدر يحمل سلاح انصحك اختي بالتريث وسقسي مليح اليوم يحوس يقتل روحو غدوة تكوني عندو بالاك يقتلك انتي و الحب ماهوش مبرر واش يحتمك ترتبطي بواحد ماشي قادر يتحكم في ردود افعاله نصيحة من اخت الحياة الزوجية فيها ضغوطات اكثر ومشاكل اكثر ناس رزينة وماتغلبتش عليها مابالك بواحد يقولك نقتل روحي عند اول مشكلة وخمي كي يولو عندك اطفال بالتوفيق

[khawlita.dz]

والله نظن هو انسان غير متوازن نفسيا او يتبهلل
لا اعتقد انها ابدا تصرفات مقبولة لمن يتوقع منه ان يتحمل مسؤولية بيت واولاد
ارجو ان تتمهلى فى زفافك و تختبرى شخصه وعقله قبل ان تزفى اليه
اظن عليك الكلام معه ومع اهله
فان كان غير متوازن نفسيا فليرى طبيب جدير بعلم النفس
وان كان يتبهلل فالاولى ان توقفيه و تفهميه بانه عليه ان يكون مسؤوول باقواله وافعاله
بالتوفيق

[ولد حمد الباتني]

مريض نفسي ننصحك بطلي عليه
بزاف ناس مراض ويحبو يتمسكنو ويقلك اني مريض ومانعرف واش ووو اني كذا وكذا مانعرف علاه يتمسكنو ولا مانعرف
المهم مريض وراح يتعبك

[الماسة النادرة]

لازم تقولي لداركم على هذا الرجل الغير طبيعي واش كلمة زوج ينتحر خليه يندب سعدو

[خربشة ناعمة]

شوفي يا اختي بعض الردود اعطاوا رايهم بعقلانية يعني نصحوك مليح فيما يخص اعادة النظر في العقلية والعلاقة و التصرفات...
اما بالنسبة لي انا ماعندوا حتى عذر لدرجة يسمعك في التليفون اطلاق عيار ناري من المسدس انتاعوا على اساس انوا انتحر من بعد يغلق الهاتف و مستحيل يكون اختبار في الحب .كاين بزاف طرق معروفة لاختبار المحبة بيناتكم ..انا بالنسبة لي هاذا تصرف من انسان عندوا مركب النقص في نفسوا و شخصيته مهزوزة و ماعندوش الثقة في نفسوا و لو كان جا يخاف من الله سبحانه و تعالى مايهدرش على الانتحار و يستعمل معاك اسلوب الترويع..هاذا معناه يحس بمتعة لما يلعب لك على اعصابك..كيفاش يوم اخر تاتمنيه على نفسك و على اولادك..
قبل ما تطيح الفاس فالراس ..حطي العاطفة جانبا و عاودي النظر في العقلية انتاعوا و اخلاقوا و طريقة تفكيروا..و لما تفتحي الموضوع و تساليه على تصرفاته لازم تصري على المناقشة معاه ..ماشي لما يقولك مانحكيش الموضوع تسكتي..
و ادعي ربي اذا كان فالزواج هادا خير لك يكملوا و ادا العكس يبعدوا عليك..

[حبيبة زوجها]

ربي يكون معاك فهميه بلي هاد الحاجات تقلقك وتخوفك بزااف