تسجيل الدخول

مشاهدة النسخة كاملة : مساعدة من فضلكم

النجمة المتميزة
2013-12-24, 22:49
السلام عليكم
ماما قامت بعنلية استاصال المرارة مند الخميس 19 ديسمبر
و كرهت من البيون هذه الفترة اللي هي 5 أيام معرفتش واش نقدر نمدلها و هل تقدر تشرب القهوة والحليب بليز اللي جازو بهذه المرحلة يجاوبوني و قيساش بداو ياكلو نورمال
soundosse
2013-12-24, 23:00
اولا الحمد الله على سلامتها ، انا عندي عام ملي عملتها بعد 3 ايام رجعت ناكل عادي mais نحيت المقلي و نقصت من كل حاجة فيه gras المهم تكثر من السلاطة الخضراء بالزيت زيتون ربي يشفيها و خاليهالكم
ام سراج وملاك
2013-12-25, 14:51
اهلا اختي الحمد الله كي سلكت امك بخير حاولي انك متخليهاش تهز ثقيل وتمشي بزاف نعرف وحدة من لافامي نتاعي رايحة تعود العملية الجرح تحللها بالنسبة لرجيم تبقى معاه حوالي شهر من الاحسن فوري الخضر مع قطرة زيت زيتون طيبي عادي بصح مطيبيش بالطمام المصبرة طيبي بالطاطم نتاع الحب اذا حبيتي ديري مرقة نتاع خضر حمراء ديريها بطماطم الحب بعدي على العجائن هاذي اذا دارت عملية جراحية عادية اما اذا ستعملتها باليزر هاذيك حالة اخرى عملية نتاعها ساهلة انا امي ربي يرحمها دارتها باليزر نشفى كانت تاكل عادي كي درتها في عيادة خاصة قبل ماتخرج جابولها ماكلة عادية ماشي بيون المهم واش نقلك اتهالاي في امك
سامية حكيم
2013-12-25, 20:47
الحمد لله على سلامتها اختي ديريلها بطاطا مسلوقة في ماء وملحوقطعيها دوائر ومن بعد اشويها في الفرن ورابي الزرودية ديريلها زيت زيتون وقطع تاع دجاج مرحي طيبيه عادي في مرقة بيضاء وارحيه ولا فتيه وربي يشافيها
تاج النور@
2013-12-26, 09:05
علا سلامتها وربي اشافيها
النجمة المتميزة
2013-12-27, 22:14
شكرا على مروركم